مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



موضوع مغلق
صفحة 1 من 3 1 2 3 الأخيرةالأخيرة
النتائج 1 إلى 10 من 24
Like Tree0Likes

الموضوع: رحلتي الي الخبر والدمام مصوره

  1. #1
    مسافر متميز الصورة الرمزية فهد2006
    تاريخ التسجيل
    Jul 2005
    المشاركات
    236

    افتراضي رحلتي الي الخبر والدمام مصوره

    السلام عليكم ورحمة الله وبركاتة
    اقدم لكم تقرير سفرتي الي الخبر والدمام
    بدايت رحلتي الساعه5.30مساء
    وهذي الصوره وانا علي طريق الملك فهد بن عبدالعزيز

    وصلت الخبر اساعه10.30مساء وسكن في رنج هاوس صراحه الفندق مستواه ممتاز
    الشقه واسعه ونظيفه خذيت غرفه وصاله 150ريال سعر بنسبه لي مناسب
    الخدمه ممتازه
    والاستقبال ممتاز
    ولابغيت شي دقيقه عندك
    بختصار ان رحت الخبر مره ثانيه راح اسكن في رنج هاوس:24: :24: :24:
    وهذي صورة المطبخ

    وهذي صورة الغرفه

    ثاني يوم طلعت مع حرمي المصون الي مجمع الراشد مجمع حلو وبعدين رحت الي مجمع الظهران مول تجولنا فيه وما اسعفنا الوقت انا نكمله كله وطلعنا من المجمع اساعه 10وخوكم تعب من الفراره في السواق ومن الدوجه في السواق انا جعت وقول حق المدام منتي جوعانه وتقول مافيه سوق فاتح:112: بصراحه طلعو الحريم اهم شي السوق عندهم حتي من الاكل
    ورحنا مطعم شتوره صراحه مطعم رووعه بس نسيت لا اصور من الجووووع
    وثاني يوم رحنا مجمع فوأد مجمع هادي مومثل الراشد زحمه
    مبعدها رحنا مجمع الشاطئ مول وشفت اطول رجل في العالم انا ماوقفت عنده لو واقفت عنده اصير عنده طفل عمره سنتين:109:
    مبعدها رحت الامرينا مول مجمع ممتاز ويستاهل الزياره
    وبعده رحت مطعم المواسم الاربعه مطعم ممتاز وخدمته ممتازه و اخليكم مع الصور
    قبل الاكل :109: ناطرين الطلب

    وهذي البرياني لحم

    وهذي الازانيا

    وهذي رحلتي لمدة 4 ايام بختصار وسامحوني علي القصور واي سؤال انا في خدمتكم




  2. #2
    مسافر خبير الصورة الرمزية سلطان الشرقية
    تاريخ التسجيل
    Mar 2004
    المشاركات
    7,061

    افتراضي

    هلا والله ومرحبا فيك اخوي فهد 2006
    الحمدلله عالسلامه يالغالي
    انشاءالله اهم شي انبسطتو , والله حلو جدولكم وروحاتكم خاصه المجمعات التجاريه غطيتو كثير منها

    مارحتو الواجهة البحريه؟ او مركز سايتك؟ او القرية الشعبيه , وقرية الدولفين؟ او رحله بحريه في اليخت؟

    بالنسبة للمطاعم زين رحت مطعم المواسم الاربعه لآنه حلو حيل, وانا اذكر صارلي موقف اول مافتح المطعم , كنت رايح وجوعان ودخلت اشوف قائمة الطعام , واحصل حاطين الاسعار على اليمين ورقم الطلب على اليسار, يعني عكس المطاعم الثانيه , واشوف الاسعار كل مالها تزيد , يعني صحن متبل بـ 15 ريال, ومشاوي مشكل بـ 50 ريال :109: انصدمت , قلت للجرسون شنو هالاسعار؟ قال هذه ارقام الطلبات ماهي الاسعار :109:


    انشاءالله فهد الاحمد اليوم راجع بالسلامه للكويت :110:


    شنو أكثر شي عجبك , وشنو التغيرات الي لاحظتها بالخبر والدمام عن أخر زياره

    وبالنسبه للصور مافيه صور أكثر :106: , متشوقين والله للصور

    انشاءالله الزياره القادمه بتلاحظ تغيرات أكثر في الخبر وبتحصل العديد من المشاريع تم أفتتاحها لآن السنه الجايه 2007 بتفتح مشاريع سياحيه كبيره في الخبر من فنادق ومجمعات تجاريه وجزر سياحيه , ومنتجعات ومطاعم ومقاهي , وأبراج , وكلها بتعطي اظافه سياحيه للخبر , وتزورها وتزور الاماكن الي مازرتها في الزياره الحاليه

    واحمد ربك انك في الخبر وقت يوم انقطع الكهرب في الكويت :109: والا كان صرت مشوي الحين :109:




    تحياتي لك: سلطان الشرقية




  3. #3


  4. #4
    مسافر فعال
    تاريخ التسجيل
    Apr 2004
    المشاركات
    86

    افتراضي

    Forget فيه شيء اسمه سياحة داخلية .... وخاصة الخبر والدمام ...اذا تبي مد ربع ساعة وروح البحرين وشوف .....النظافة .... تنوع الفنادق والاسعار .....احترام االقيادة......التنوع الثقافي .....الفعاليات .......




  5. #5
    مسافر متميز الصورة الرمزية lamar99
    تاريخ التسجيل
    Jul 2005
    المشاركات
    239

    افتراضي

    شيء اسمه سياحة داخلية .... وخاصة الخبر والدمام ...اذا تبي مد ربع ساعة وروح البحرين وشوف .....النظافة .... تنوع الفنادق والاسعار .....احترام االقيادة......التنوع الثقافي .....الفعاليات .......
    مع احترامي لك ولحبايبنا اهل البحرين الا ان الشرقيه ماينقصها شي عن البحرين بالعكس متعديتها بمراحل !
    البحرين مجمعين السيف وعالي وباقي مجمعاتهم ماتذكر !!
    الفنادق كلها ".........."
    كورنيشهم مستحيل تقارنه بكورنيش الخبر
    احترام القياده .. ولله الحمد اهل الشرقيه معروفين اصلاا با التزامهم وحسن تعاملهم مع الكل .




  6. #6
    مسافر متميز الصورة الرمزية فهد2006
    تاريخ التسجيل
    Jul 2005
    المشاركات
    236

    افتراضي

    اخوي سلطان الشرقيه مشكور علي مرورك بنسبه لتغير صراحه تغير كبير انا اخر مره جيت الخبر قبل 6سنوات ماشاء الله الفنادق كثيره وكل يوم افتتاح فندق جديد والمجمعات راقيه والاسعار مناسبه بنسبه للرحلات ماكان عندي وكنت بس مره ثانيه انشاء الله بنسبه لصور والله اني انسا لا اصور وانشاء الله ايرد اخونا فهد الاحمد بسلامه وناطرين تقريره اما الكهرباء انا الحين اكتب والكهرباء مقطوعه
    Asa39 الله يسلمك واشكر مشاركتك
    اخوي المتخصص البحرين دوله جميله وراقيه بس الخبر والدمام فيه تطور اكثر اما احترام القياده بكل مكان فيه ناس تحترم القياده وناس ماتحترم القياده انا زرت الخبر والدمام 4 ايام مشاء الله ماشفت حادث
    ولاتعطل بسير المرور




  7. #7
    مسافر خبير الصورة الرمزية سلطان الشرقية
    تاريخ التسجيل
    Mar 2004
    المشاركات
    7,061

    افتراضي

    باذن الله اخوي فهد الخبر موعوده خلال عام 2007 بأفتتاح 12 مشروع سياحي وهي كفيله بجذب الزوار , واهم هذه المشاريع مجمع جراند مول الذي سيكون مفاجئة تغير فيها خارطة الخبر , وكذلك جزيرة الدغيثر السياحيه , والجزيرة العائمة وهما مشروعين سياحيين في وسط البحر , وكذلك فندق الخبر موفمبيك , وفندق كورال انترناشيونال الخبر , ومجمع فينيسيا مول , وتوسعة مجمع الراشد , ومجمع جرير بلازا

    وفي مدينة الدمام انتم موعودون مع أفتتاح أضخم واجهة بحرية في الخليج تتجاوز طولها 4 كلم وستكون مفاجئة كبيره تغير شكل مدينة الدمام

    باختصار حركة الآعمار تسير على قدم وساق




    تحياتي لك: سلطان الشرقية




  8. #8
    مسافر خبير
    تاريخ التسجيل
    Jul 2004
    المشاركات
    1,236

    افتراضي

    مشكور وبيض الله وجهك ياليت الصور اكبر شوي




  9. #9
    مسافر متميز
    تاريخ التسجيل
    Apr 2005
    المشاركات
    539

    افتراضي

    مثل ماتفضل أخي سلطان الشرقية بأن جراند مول سيحقق قفزة كبيرة في مجال السياحة والتسوق بالخبر لروعة تصميم هذا المركز

    ويقع المركز في أهم منطقة مستقبلية بالمنطقة الشرقية بالمملكة العربية السعودية وفي مدينة الخبر و في قلب مشروعنا العملاق الشبيلي هاي رايز .تبلغ مساحة المشروع (231.000م2) وتصل مسطحات البناء فيه إلى (250.000م2) ويخترق المركز قناتان مائيتان متصلتان بالخليج العربي .

    والمنطقة الشرقية مقبلة على تطور كبير ان شاء الله وستصبح في يوم من الايام على خارطة السياحة العالمية

    ومشكور أخي العزيز فهد2006 على هذا التقرير




  10. #10
    مسافر خبير الصورة الرمزية فهد الأحمد
    تاريخ التسجيل
    Jun 2005
    المشاركات
    3,229

    افتراضي

    أخوي فهد 2006 الحمدلله على السلامة :113: ومشكور على التقرير كان ودي أتصادف وياك لكن ملحوقه وبالنسبة لتقريري راح أجهزله وانشالله يحوز على اعجابكم .
    واخوي سلطان لك شكر خاص
    صدقوني يا اخوان هذا الرجل أكن له كل معزة واحترام ماقصر معاي بالخبر (راح أترك الكلام اللي بقوله للتقرير عشان ما أحرق عليكم الموضوع ) وشاكر لكل من ساعدني وجاوب على اسئلتي الفارس ولمار وجساس وغيرهم الشكر الجزيل لكم يا اهل السعودية عامة والخبر والشرقية خاصة :113: :113: .


    https://travel.maktoob.com/vb/travel215488/ رحلتي الثانية لمصر
    (2008)

    http://www.travel4arab.com/vb/showthread.php?t=97128 (رحلتي القصيرة لدبي بالويك إند)
    انا كويتي انا انا قول وفعل وعزومي قوية لاهانوا كل الخليجيين:24:


موضوع مغلق
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك