مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 13
Like Tree0Likes

الموضوع: رحله صيف 2012 الي باريس ودسلدورف

  1. #1
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    Red face رحله صيف 2012 الي باريس ودسلدورف

    السلام عليكم ورحمه الله وبركاته

    حبيت اشاركم بتجربه السنه اللي طافت 2012 في السفر الي باريس ودسلدورف
    وقبل كل شي احب اشكر كل عضوه وعضوه بالمنتدا ساعدروني في التخطيط والنصح واشكر مدير المنتدي الاخ فيصل ماقصر وياي كلش بالنصائح والردود السريعه


    اول شي السفره كانت لعائلتين مع بعض عائلتي + اهلي
    انا معاي اطفال اعمارهم من 9 سنين لي 1 اللي معاه يهال كلش ما انصحه يتنقل اكثر من مكانين راح يتعب ومايستانس ويتعبهم معاه
    بالاضافه الي ان الجناط راح تضايقه

    رحلتنا كانت عن طريق الميديل ايست
    حجوزاتي كلها اون لاين


    سبب اختياري للميديل ايست لان بسافر من الكويت وابي اقصر وقت مابغيت انزل لين دبي او قطر بعدين ارد اطير عقب ترانزيت مع يهال صغار
    وتجربتي مع طياراتهم كانت حلوه البزنس كلاس حلوه والسيرفس حلو سواءا بزنس او ايكونمي

    رحله باريس كانت مقسمه الي ثنتين الجزء الاول في باريس نفسها والثاني في ديزني لاند
    وكان التحدي اني القا فندق قريب جدا من التشامبز ايليزيه وفيه غرف انتركونيكتيد (يعني مفتوحه علي بعض او شبهه شقه لان باوربا مو مضمون الغرفه كونيكتيد اولا ثانيا مرات الكونيكتيد معناتها يم بعض بدون باب يفتح بينهم وعيالي صغار ما اامن اخليهم بروحهم بالدار)
    والحمدالله توفقت
    اقامتي في باريس كانت في بوتيك هوتيل اربع نجوم فيه انتركونيكتيد رومز
    موقعه ممتاز اعطيه 9 من 10
    غرفه حلوه ومجدده وحجمها مقبووول مو ضيجه مثل فنادق لندن وحماماتها تكرمون نظيفه وحلوه واعطيها 8 من 10
    بس مافي مطعم بالفندق
    ولا لوبي يسوا بس جم قنفه
    علي كل الفندق المفروض للنوم فقط بهالرحله
    هذا سايته
    http://www.champselysees-paris-hotel.com/
    هذا موقعه من خرائط غوغل

    مشي اربع دقايق اكون عند ديزني ستور اللي بالتشامبز ايليزيه

    مستواه الكلي من 10 اعطيه 7 او 7 ونص
    هذي صور الغرفتين الانتركونيكتد



    الريسبشن

    ترا مترين بمترين لايغركم الصور
    فقير ماغير هالطاوله واقف عليها الريسبشن وترا اهو ولد صاحبه الهوتيل وقايم فيه مااااااقصر يبدل فوط يسوي الروم سيرفس اي شكوي عند ويهكم حجوزات حفلات ورحلات ومطاعم كل شي


    عيبه الاصنصير صغيييير يالله يكفي ثلاث اشخاص والقنوات ماكو عربيه او انجليزيه او حتا اي نوع ستلايت بس قنوات فرنسيه ارضيه ومافي مكان وصله للايبود عشان تعرضون شي لليهال
    ولا وصله للدي في دي

    صور من التشامبزاليزيه واللوفر وبعض الاماكن الشهيره في باريس (للاسف ماقدرت اتبع البرنامج اللي حاطته لزياره باريس في الاماكن نتيجه ظروف بس الحمدالله قدرت ازور بعض الاماكن واستمتع فيها )










    اللوفر لاتروحونله مع اطفال لان اغلب التماثيل والاشياء المعروضه تناسب 18 فما فوق (واذا عندكم بنات بتطقون اصبع - بناتي غشو ضحك من اللي شافوه صار الوضع مسخررررره للاسف )

    نكمل الرحله بعد شوي مع رحله الي قصر فرساي الساحر و وديزني لاند




  2. #2


  3. #3
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    رحله فرساي
    عالم من الخيال
    القصر ايهبل خيالي من حدايق خارجيه
    من جو عجيب
    من ديكورات ولوحات
    استمعت فيه وماعندي مانع نهائيا اروحله اكثر من مره
    وارد علي الغيفت شوب مالهم ايهبل خمطت كل شي
    واذا خلصتو من القصر والحدايق تمشو بالمنطقه بره
    علي حظنا الحلو كان في ناس لابسه الكستيومز المنفوشه ويتمشون ويسلمون اليهال وايد فرحو واستانسو


    انصح بشده ان تحجزون اون لاين قبل لاتروحون
    او تبلغون الفندق يحجز لكم تذاكر دخول الطابور للتذاكر خيااااااااااااااااااااااااااااالي عادي جدااااااااا توقفون ساعه الا ربع علي ريولكم ناطرين الدور عشان تحجزون تذاكر
    وصار فينا مقلب واقفين دور طويل ساعه الا ربع يوم بقا جدامنا شويه علي الكاونتر مال التذاكر جان يوقولون لنا اللي يحب يحجز تذاكره عن طريق الفيزا في مكاين جاهزه (وماعليها دور - قمت اسمع صوت طيران وطبول براسي من الاعصاب )
    موقع القصر اون لاين
    شاتو فرساي
    http://en.chateauversailles.fr/homepage





    وترا عقب ما توقفون دور للتذاكر
    في دور للدخول
    وياخذون الاكل والماي وكل شي اذا ماني غلطانه بس احنا دشينا بكامرتنا
    في لوكرات تحطون اغراضكم

    وفي ايام فيها عروضات راقصه
    لاتطوفونها اذا قدرتو
    اخذو الجدول

    اخليكم مع الصور
    البوابات من الذهب ياجماعه كان بخاطري اشلعلي جم عمود أئمن مستقبل عيالي









    الاخت ام بسكوت ماري انطوانيت يابعد عيني كسرت خاطري بصراحه حياتها ماساويه وانظلمت فقيره (عشان جذي ماقصرت بالغيفت شوب خذيت كل شي فيه صورها ويهه ريلي صار جذي وبناتي ويوهم جذي )


    وترا كانت متينه وجيكره وماشاءااااللللله ما عاااااقها صارت ملكه (ولو ان قصو راسها)









    صوره ما اضيق العيش لو لا فسحه الامل

    وعلي قوله الاجانب when god closes a door a window will be opned
    الجو كان خيالي
    ويستاهل المشوار (علي فكره اجرنا سياره ميني فان ياخذنا ويردنا ب 100 يورو او اقل شوي عن طريق الفندق وتذكرو احنا كنا عيلتين مع بعض)




    بعد قليل رحله الي ديزني لاند




  4. #4
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    disneyland paris
    where dreams comes true
    and where magic lives

    يمكن هالمكان حلم اني ازوره اكثر من اليهال
    ويمكني استانست اكثر من بناتي
    لدرجه كنت اوقف عند اللعبه ابي اصف دور والعب واهم يسحبوني

    انتقلنا من باريس الي ديزني لاند بميني فان (اللي يسافر مع يهال يتحمل جناط وايد)
    واخذ منا 100 يورو
    الفندق اللي اخترته كان ماريوت

    ياحلاته ايهبل
    ونعم الاختيار

    في البدايه كنت ابي فندق داخل ديزني لاند بس اسعارهم شي خرافي! طلعلي الليله ب 400 دينار!! اذا بدفع هالسعر ابي سندرلا اهي تسويلي الروم سيرفس وسنو وايت تطبخ الريوق !

    بعد بحث وتدقيق واستشاره وموضوع بالمنتدي
    وقع الاختيار علي هالفندق الرائع
    صج بره ديزيني لاند بس مكانه بروحه ايهبل
    فيه غولف كورت (وخبركم احنا الخليجين ابد الغولف والكريكت يجرون فينا مجري الدم اصلا ما انام بالليل اذا مو لاعبه غيم غيمين غولف ) المهم غولف كورت يعني مساحات خضراء شااااااااااااااااااااااااااااااااااااااااااااااااا اااااااااسحه (صح السبلينق؟ اهو في كلمه بالعربي جذي؟)
    وبحيره صغيره
    وحمامين سباحه واحد منهم مغطي
    طريقته اتهبل بدال الغرف تاخذون تاون هاوس (انا حبيت اخذ اكبر شي للمساحه) خذت تاون هاوس عباره عن طابقيت اللي فوق فيه حمامين و غرفتين نوم واللي تحت فيه صاله وحمام صغير ومطبخ تحضيري واهم شي في البيت شنوووووو؟
    الغساااااااااااااااااااااااااااااااااااااااااااااا اااااااله
    الله وكيلكم ليل نهار تطحن مسكينه
    ماكو رحمه غسلت ملابس لين قلت بس (الامهات راح يفهموني ويقدرون هالشي) لي يينا نطلع احط فيها كود ملابس
    ولي يينا ننام
    واي وقت فراغ

    حللت فلوسها
    وكل تاون هاوس يطل علي الحديقه (طبعا تقدرون تختارون مكانه انا لما حجزت اخترت ان قريب من الالعاب والحديقه وطلع موقعه بيرفكت)
    بحطلكم صور منه تصويري الخاص


    وهذي الديتلز ملوته
    Marriott's Village d'lle-de-France
    Allee de l'Orme Rond
    Bailly-Romainvilliers, 77700 France
    Phone: 33 1 60429000 Fax: 33 1 60429010 Toll-free: 1 800 845 5279 Sales: 1 800 465 4213

    نتركم مع التغطيه الاعلاميه


    احنا بيتنا المنخش ورا الشير مستحي

    الفيو من الدريشه






    إضغط على الصورة لتكبيرها ... أبعاد الصورة الأصلية 2448x3264 وحجمها 712 كيلو بايت .


    إضغط على الصورة لتكبيرها ... أبعاد الصورة الأصلية 3264x2448 وحجمها 1184 كيلو بايت .


    إضغط على الصورة لتكبيرها ... أبعاد الصورة الأصلية 3264x2448 وحجمها 1180 كيلو بايت .


    إضغط على الصورة لتكبيرها ... أبعاد الصورة الأصلية 3264x2448 وحجمها 437 كيلو بايت .

    وهذا الفيو اللي اشوفه لي قعدت بالحديقه اللي يم بيتي (صدقت نفسي ان بيتي وتسجل باسمي) وانا اشرب قهوتي واليهال يتمشون


    إضغط على الصورة لتكبيرها ... أبعاد الصورة الأصلية 745x597 وحجمها 68 كيلو بايت .


    اللي يخاف ان بدله اجنبيه وشلون يتفاهم وياهم
    كلللللللللللللللللللللللللللش لايخاااااااااااااااااااااااااااف
    هالفندق مليئ بالعرب
    العبايه والنقاب والغطوه جدا عاديه ومنتشره
    واحنا محتلين المكان وماخذين راحتنا لدرجه ان الرياييل يتمشون باللوبي لابسين دشداشه البيت المكسره
    تمشون وتقولون السلام عليكم هلا والله شلونك؟
    لن تشعرو بالغربه ابدا وانتم في ماريوت

    وبالنسبه للتنقل من والي ديزني لاند
    في شاتيل سيرفسس كل ربع ساعه او نص ساعه نسيت
    بالروحه مافي اي مشكله ابدا
    في الرده تضايقنا لان ننطر ومانعرف ايهو باصنا ويصير هجوم
    وزحمه
    وكنا نفضل نرد بتاكسي
    ومو سهل ان نحصله افضل اخذو رقم احد

    وترا الفندق قريب من الاوتليت حيل (سجلو هالمعلومه ايتها النساء)




  5. #5
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    ديزني لاند

    حلم كل الاطفال احباب الله وامهاتهم احيانا

    استعدينا من الصبح اكلنا عدل ولبسنا عدل وخذنا جاكيتات احتياط
    مع ان صيف بس مرات يكون في هوا بارد وخصوصا بالليل (اي نعم ناويه اقعد من الصبح لييييييييين الليل )
    بالنسبه للحجوزات لتذاكر الدخول يا تحجزونها من فندقكم تحسبا للزحمه
    او اون لاين
    او تروحون وتصفون دور
    هذي كنت مصورتها من الفرونت ديسك بالفندق



    احنا ماحجزنا مسبق رحنا وحجزنا فيس تو فيس مانخاف نواجهه الصعاب
    والحمدالله التذاكر ماكانت زحمه كلش كلش كلش
    ثواني والي احنا بارض السحر والاميرات وال fairy tails





    تخانقون اليهال لي شخبطو علي الطوفه؟
    طلع فن !

    كاهم مشخبطين علي الارض ومستانسين




    طبعا بتمشون وتشترون
    مو شرط اليهال اللي يجلبون بالاشياء (وعليه علي ابونا مايدري يرقع باليهال والا امهم انا شريت اكثر من عيالي ويهه اخر اليوم جذي وانا وبناتي جذي








    كب كيك ميكي ماوس

    كوتون كاندي ذا اولد فاشن واي

    (شعر بنات)


    هذا القلاص موجود وبكثره في بيتي حاليا شرينا وايد نشتري العصير المو حلو ونسوي عمرنا نشربه ونخش القلاص


    عند المدخل اخذو مواعيد العروض والشو اللي يصير
    وقبله بنص ساعه اخذو مواقعكم واستعدو
    لان بيصير زحمه
    الشو يفتر بكل الحديقه
    وحظنا ان صار عندنا بالضبط احنا كنا قاعدين بالمطعم اللي يم الباب اللي يطلعون الكاركترز منه






  6. #6
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    تكمله الصور




















    وجذي خلصنا من باريس الحبيبه
    اوفوار باغيييي
    هذا في الدرب الي المطار

    وذهبا الي ديسلدورف

    ارض الخضره والجمال








    اسوأ مكانين في باريس تضايقت فيهم

    الاول

    صارلي موقف سيئ جدا
    المكان جميل ورائع ومتروووووووووووووووووس ناس
    دخلت اتمشي واتسوق واشتري
    ونقيت كذا شغله قبل لا انتقل لقسم المجوهرات
    وقاعده اتفرج بهدوء واحط عيني علي كذا شغله وسالت اللي يبيع عن البروشات
    جان يقول انتي بالجولري مافي بروشات وراح وطبعا بتعالي شديد جدا جنه حفيد ليوي فيتون! والمحل باسمه
    مشيت وخليته جان يلحقني ويناديني
    قالي اذا تبين بروشات روحي الاكسسوارات الرخيصه هناك!
    وياشري روحي
    جان اعصب ورحت للمانجر اشتكيت جان تضحك علي وتقولي هي از جوكينق!!
    ومشت وخلتني
    طبعا هديتهم ومشيت
    خسارتهم مو خسارتي!
    ثاني مكان


    كله مسكر علي حظي!!

    بس غسلت جبدي بدسلدورف سوقهم احلا
    وهالمحل كله مبطل




  7. #7
    مدير المنتدى الصورة الرمزية فيصل
    تاريخ التسجيل
    Jul 2006
    المشاركات
    42,149

    افتراضي

    وعليكم السلام ورحمه الله وبركاته
    العفو حنا نشكرك علي التقرير
    صراحه الماريوت الكثير يسأل عنه ولا عمرنا سمعنا احد سبه يصلح للعوائل الكبيره بنظري
    ايه اهم شيء االغسيل
    موقف الموظف جدا سيئااااااا مشكلتهم شايفين الناس عندهم طوابير خاصه من شرق اسيا ولا صاروا يحترموا احد






  8. #8
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    اقتباس المشاركة الأصلية كتبت بواسطة فــيـصـل مشاهدة المشاركة
    وعليكم السلام ورحمه الله وبركاته
    العفو حنا نشكرك علي التقرير
    صراحه الماريوت الكثير يسأل عنه ولا عمرنا سمعنا احد سبه يصلح للعوائل الكبيره بنظري
    ايه اهم شيء االغسيل
    موقف الموظف جدا سيئااااااا مشكلتهم شايفين الناس عندهم طوابير خاصه من شرق اسيا ولا صاروا يحترموا احد
    شكرا علي مرورك مديرنا الفاضل وشكرا علي مساعدتك في ترتيب السفره
    احب فزعه المنتدي :)

    وبالنسبه للوي فيتون خسارتهم مو خسارتي! اهم خسرو زبونه
    وشفيه لييوي فيتون الكويت (هم نفوسهم خايسه) بس اشجع الاقتصاد الوطني (حيث ان صاحب المحل يدفع اجار وموظف ناس ازيد ارباحه) احسن من ازيد ارباح فرع باريس الدايخ




  9. #9


  10. #10
    مسافر فعال الصورة الرمزية dera233
    تاريخ التسجيل
    Apr 2006
    المشاركات
    99

    افتراضي

    شاكرتلك مرورك اخوي اخر فرصه
    الصور بكاميرتي نيكون
    وعندي صور ثانيه جميله عن المانيا اشاركم فيها قريب باذن الله
    من الموبايل




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك