مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 6 من 8 الأولىالأولى 1 2 3 4 5 6 7 8 الأخيرةالأخيرة
النتائج 51 إلى 60 من 78
Like Tree3Likes

الموضوع: عودة الى سويسرا وجولة في ايطاليا - الجزء السويسري (انترلاكن+لوغانو)سبتمبر2012

  1. #51
    مسافر متالق الصورة الرمزية عبدالله بن عيسى
    تاريخ التسجيل
    Aug 2008
    المشاركات
    713

    افتراضي

    تسلم اخي العزيز تقرير رائع وصور اروع

    تحياتي لك


    العيد في دبي
    https://travel.maktoob.com/vb/travel226226/
    سبحان الله وبحمده سبحان الله العظيم


  2. #52
    مدير المنتدى الصورة الرمزية فيصل
    تاريخ التسجيل
    Jul 2006
    المشاركات
    42,077

    افتراضي

    ما قصرت علي التقرير
    لم ازر زيرمات وزيوريخ ان شاءالله سفرتي الجايه يكون بالجدول






  3. #53
    مسافر متميز الصورة الرمزية boshhayeb
    تاريخ التسجيل
    Oct 2009
    المشاركات
    517

    افتراضي

    اقتباس المشاركة الأصلية كتبت بواسطة الحوسني مشاهدة المشاركة
    ماشاء الله عالصور والمناظر الحلوة الواحد يوم يروح هناك ماوده يرجع ،،، يعطيك العافية ومتابعين وياك

    حياك الله اخي العزيز
    الله يعافيك وفعلا اللي يروح هناك يدمن على المكان
    ان شاء الله يعجبكم القادم :)




    اقتباس المشاركة الأصلية كتبت بواسطة عبدالله بن عيسى مشاهدة المشاركة
    تسلم اخي العزيز تقرير رائع وصور اروع

    تحياتي لك

    حياك الله اخي وشاكر مرورك وتعليقك الجميل على التقرير
    ان شاء الله يعجبكم القادم :)



    اقتباس المشاركة الأصلية كتبت بواسطة فــيـصـل مشاهدة المشاركة
    ما قصرت علي التقرير
    لم ازر زيرمات وزيوريخ ان شاءالله سفرتي الجايه يكون بالجدول

    حياك الله
    زيرمات تستحق الزياره
    زيورخ مرتين انزل في مطارها بدون لا ازورها
    ان شاء الله يعجبكم القادم مزيد من المفاجات والمواقف :)




  4. #54
    مسافرجديد
    تاريخ التسجيل
    Feb 2013
    المشاركات
    24

    افتراضي

    روووووووعه
    من الموبايل


  5. #55
    مسافر متميز الصورة الرمزية boshhayeb
    تاريخ التسجيل
    Oct 2009
    المشاركات
    517

    افتراضي

    اقتباس المشاركة الأصلية كتبت بواسطة aljenaibiah مشاهدة المشاركة
    روووووووعه
    من الموبايل

    حياكم الله وشاكر لكم تعليقكم على التقرير




  6. #56
    مسافر متميز الصورة الرمزية boshhayeb
    تاريخ التسجيل
    Oct 2009
    المشاركات
    517

    افتراضي

    اليوم الخامس
    لوغانو
    الحلقة الاولى
    الجمعة 2012/9/29
    درجه الحراره Max 21 , Min 17

    بسم الله نبدأ ...

    اليوم قعدنا الصبح علشان ورانا درب الى لوغانو السويسريه ذات الطابع الايطالي
    نزلنا الى الريوق وكان اخر ريوق لنا في انترلاكن سويت الشيك اوت ونزلنا جناطنا وحطيتهم بالسياره وكان الجو بااااااااااااااااااااااااااااااااارد تقريبا درجه الحراره 9 .. لما سويت الشيك اوت ولا تقولي انتوا طلبتوا واين وحاطته بالفاتوره قلتلها احنا مسلمين مانشرب ومستحيل نكون احنا .. بعدين قالت ممكن بالغلط احد حط رقم غرفتكم , بعدها قلت لها بنروح نتريق بعدين نمشي وودعتنا وقالت ان شاء الله نشوفكم مره ثانيه قلت لها ان شاء الله اذا لنا رجعه انترلاكن بتكون عندكم

    وبعدها ركبنا السياره وحطيت احداثيات لوغانو المصغره وهذي احداثياتها

    SWISSMINIATUR

    N 45 57.181
    E 008 56.974

    هذي صوره نودع فيها انترلاكن وكان في خاطري اركب البراشوت ولكن ماكان في وقت و كنت بعد ناوي اركب قفز من الطياره ولكن ماعرفت ان موجود الا اخر يوم







    وبعدها كملنا الطريق الى لوغانو وهذي صور للطريق في انترلاكن




    --


    --



    وهذي صوره حمار وانتوا بكرامه متنكر وده يصير حمار وحشي





    بدينا نصعد شوي شوي وندخل بين بيوت




    --




    وهذي صوره للطريق وفي جبل فيه ثلج





    --
    وهذا زووم على الجبل . منظر جميل سبحان الله






    وهذي صوره للماعز السويسري بالطريق





    صوره لاحدى الطريق والجبل الثلجي واضح





    وبدأنا بالصعود اكثر وهذي صوره للمنعطفات





    -




    وبعدها صراحه ماقدرنا نقاوم هذا المنظر الخيالي بدون لا يكون لنا وقفه





    وهذي صوره توضح الطريق اللي مشيناه






    --




    تذكرون القمه الثلجيه اللي كنت قاعد اصورها .. صارت اقرب





    وهذي صوره لجسر شكله جميل مع شلال غريب




    وطبعا واحنا صاعدين خفنا يكون نفس طريق اللي جربناه في رحلتنا السابقه اللي كان كله ثلج اللي وصلنا الى مصنع نستله .. بس اللي يطمن بالموضوع ان فيه سيارات معانا وانا كل شوي اقول لزوجتي بس الحين راح ننزل ماتوقع نصعد الى الثلج


    وهذي صوره لبحيره بوسط الجبل






    وهذا منظر يستحق ان نوقف عنده





    صوره لسيارتنا بجانب البحيره ويظهر الجبل الثلجي






    وبعدها صعدنا السياره لتكمله المشوار

    بدأ الثلج بالظهور وقمه الجبل اللي كانت بعيده صارت بالقرب منه





    --




    وهذي صوره للطريق اللي صعدناه






    وبعدها وقفنا شوي نصور للمكان الرائع







    بعدها وصلني مسج وشفته ولا من الفندق دازين لي مسج يقولون احنا ناطرينك
    صراحه الفندق خدمته موطبيعيه وقبلها بيوم دازيلي ايميل يرحبون فيني

    بعدين اقولكم اسمه
    تصوير مع الثلج طبعا الجو كان دافي . اتوقع لو الجو بارد يمكن المكان يكون مغلق من الثلج





    وبعدها بدأت مرحله النزول





    الصعود خطر اذا كان الجو ممطر او ثلج





    صوره رااائعه بعد مانزلنا من الطريق الجبلي





    اخذ منه الطريق الجبلي تقريبا ساعه وربع وبعدها وصلنا الى طريق عادي وهو بين جبال وكل شوي القارمن يقول ان ماكو ارسال والسبب الجبال , وهذي صوره للطريق





    --




    اخذ منا الطريق تقريبا ساعه ونص الى ان وصلنا الى سويسرا المصغره

    يعني الاجمالي ساعتين ونص تقريبا







    وبعدها وقفنا بالمواقف و في حديقه وبحيره بجانبها وهذي صوره للبحيره






    وهذي صوره من الخارج للسويسرا المصغره





    وهذا موقعهم علشان تعرفون اوقات الدوام


    swissminiatur



    ممكن الذهاب لها عن طريق الباخره من لوغانو

    OPEN DAILY
    From March 16 until October 27, 2013
    From 9.00 am to 6.00 pm

    From January 14 to March 15, 2013.
    From Monday to Sunday from 1.00 pm to 4.00 pm


    وبعدها وصلنا البوابه علشان التذاكر ولا ماكو احد والباب مفتوح قلنا شكله مجانا الدخول
    طبعا الحديقه فيها اغلب الاماكن المشهوره في سويسرا بس بشكل صغير
    دخلنا الحديقه وهذي صوره لاول مادخلنا وكان بحيره مع يخوت





    وهذي صوره بعد ثانيه للقمم الثلجيه مع الحديقه




    --




    وهذي صوره لقطار يدور على الحديقه كامله





    في خريطه للاماكن واساميهم بس ما اخذناها وبعدين اقولكم السبب
    هذي صوره لباخره ناقله ناس فيها في جوله





    صوره للمرفأ والبواخر عنده





    وهذي صوره للدومو الشي الوحيد اللي مو تبع سويسرا






    الانشطه السويسريه





    شوارع و طرق وسيارات توحي لكم ان المدينه حقيقيه





    وهذا احد السكان الحقيقيين الاصليين اللي بالمدينه





    مطار سويسرا





    القطار اللي يوصل الى قمه جونفرو






    التلفريك اللي يوصل الى القمه






    قمه جونفرو وفيها ناس بعد
    لا انا بديت اشك ان اهم حقيقيين






    وهذا تلفريك يوصل الى قمه تيتلس





    احد المنازل السويسريه





    وهذي تمشيه البقر هناك







    واخر شي رحت احضر مباراة هناك . لو تلاحظون في جمهور سحليه واقفه





    وبعدها خلصنا جولتنا في الحديقيه السويسريه المصغره
    طبعا شفنا كل واحد بيده خريطه ومادري من وين خذوا الخريطه .. واحنا طالعين ولا شفنا شباك التذاكر وفيه احد عاد قلنا لهم ترا احنا دشينا ومادفعنا لان ماكان في احد وتوقعنا انها مجانيه .. دفعنا وعطونا الخريطه بس شنو الفايده خلاص

    السعر للبالغين 19 فرنك
    للصغار تحت 5 سنوات مجانا
    ومن فوق 5 الى 15 12 فرنك


    يتبع ...


    التعديل الأخير تم بواسطة ابو طلال*; 21-02-2013، الساعة 02:28 PM سبب آخر: طلب العضو تعديل التاريخ


  7. #57
    مسافر متميز الصورة الرمزية boshhayeb
    تاريخ التسجيل
    Oct 2009
    المشاركات
    517

    افتراضي

    تابع

    بسم الله نكمل

    بعد الجوله في سويسرا المصغره ركبنا السياره وتوجهنا الى فندقنا وهذي احداثياته

    N 46.00456
    E 008.94994

    الفندق اسمه Dante hotel lugano من اروع الفنادق اللي شفتها من ناحيه الخدمه
    وهو اخذته من الخبير ABOAZIZ بعد ماجربت ذوقه بالفنادق في فندق Brienzersee وما خاب ظني

    القريه قريبه وايد من الفندق وهذي صوره لبحيره لوغانو





    تقريبا الطريق 10 دقايق بس ولكن صراحه القياده هناك سيئه وماانصح احد يسوق هناك مادري ليش ذكرتني بسان فرانسيسكو بالقياده

    اذكر نزلت في مكان اتوقع حتى القاري مايمشي فيه من كثر ماهو ضيق .. حاره وحده ونزله قويه وعادي سياره تلاقيها صاعده
    اول ماوصلت لقيت ساحه فيها تكاسي واقفين نزلت وقلت حق الفندق ان معاي سياره ووصلوني الى موقف السيارات مالهم اللي اهو داخل الفندق

    هذا الشارع اللي نزلت منه .. بذمتكم هذا شارع للسيايير





    وقفنا السياره وكانت الخدمه اكثر من رائعه و سوينا شيك ان ورحبوا فينا واول شي قلت لهم السياره مابيها شوفولي حل اردها ودقوا على يوروب كار خل ياخذون سيارتهم لان مستحيل اسوق سياره هني .. تعاونوا معاي وقالوا خلاص نحاول نتصل فيهم ونقولهم ونردلك خبر وخذوا تلفوني علشان يتصلون علي
    طبعا حجز سيارتي يخلص بعد 3 ايام

    هذا موقع الفندق


    Welcome to the official website of Hotel Lugano Dante


    حجزت 3 ليالي
    Comfort room with breakfast = 968.70
    شامل التاكس
    موقف السياره 33 فرنك لليوم

    هذي صور للغرفه



    -


    -



    -
    عزكم الله الحمام





    الحين ان شاء الله اذكر مميزات الفندق و عيوبه

    المميزات

    1- الخدمه صراحه 100% ممتازه والاستقبال صراحه ماشفت خدمه مثل خدمتهم
    2- الميني بار كله ببلاش
    3- الانترنت مجانا
    4- الموقع خرافي في وسط المدينه و بجانب محطه القطار الرئيسيه
    5- نظيف جدا
    6- اللوبي حجمه ممتاز

    العيوب


    1-مواقف السيارات غالي 33 فرنك
    2-الشور بوكس وايد صغير

    رايي بالفندق انصح فيه وبقوه و فندق 4 نجوم بخدمه 5 نجوم


    وبعدها حطينا جناطنه و صلينا وبعدها قررنا نروح ناكل ونستكشف المكان
    كان الجو حار في هذا اليوم يعني عادي البس تي شيرت بس بالليل برد

    لقينا مطعم ايطالي قريب من الفندق ولازم نجرب الاكل الايطالي لان لوغانو شبه ايطاليه

    وهذا اهو المطعم






    وهذا طلبنا .. ريزوتو مع بيتزا







    صراحه الاكل لذيييذ

    وبعد الاكله الدسمه صارت لنا طاقه لتكمله المشوار

    صورنا كلب عزكم الله مشتي الله يعينه على الجو الحار





    ويعدها مرينا على محل يبيع فاكهه




    -




    وبعدها قررنا نروح حق بحيره لوغانو
    محل ارماني كان نيشانه اذا ضعنا لان بالقرب من الفندق





    وهذا محل ايرمز






    ماهي الا دقائق الا واحنا واصلين الى البحيره وكانايضا امامنا المرفأ الباخره الرئيسي





    مثل ما انتوا شايفين ان الوقت تأخر والساعه 4 العصر
    وهذي صوره للبحيره من الوهله الاولى ويبين فيها فندق splendide اخر واحد اللي بجانب الجبل






    وهذي صوره للبحيره مع الجبال والبيوت اللي بالجبل







    وبعدها اخذنا يمين عكس فندق سبليندد ومشينا محاذاه البحيره


    وهذي المحلات على اليمين





    --



    طبعا لوغانو مومخلينها للتسوق بس للراحه والاستجمام



    وبعدها لقينا درج غريب مادري وين يوصل






    واخذنا صوره للبحيره والبيوت السويسريه الغريبه






    وهذي صوره للبحيره مع نافوره لوغانو وخلفها فندق eden






    وبعدها وبعد مشي طويل وصلنا عند حديقه جميله





    ومشي بين الاشجار







    قربنا من النافوره






    وبعدها شفنا خط التلفريك اللي يوصل الى قمه سيلفاتوري






    قلنا خل نجرب حظنا ونروح اذا فاتح صعدنا


    وصلنا الى مكان القمه

    MONTE SAN SALVATORE


    - Benvenuto






    --




    وهذا المدخل





    حجزنا تذاكر ذهاب وعوده وكان وصولنا الساعه 4:45 وكان موعد القطار 5 واخر قطار ينزل الساعه 6 يعني عندنا بس ساعه

    هذي صوره التذكره





    سعرها 24 فرنك للشخص مع العوده


    تقريبا القطار ياخذ 12 دقيقه للوصول الى القمه


    وصلنا الى القمه وكان في وايد اماكن للتصوير نروحلها بس ركزنا على الاماكن المهمه واللي ممكن نوصل لها بسرعه لضيق الوقت


    سبحان الله صراحه المنظر خيالي





    صوره للبيوت اللوغانيه






    وبعدها صعدنا ووصلنا الى ساحه وهذا المنظر مالها





    وهذا منظر واحنا نصعد






    وصلنا الى اعلى شي وفيه كنيسه هناك


    وهذي صوره بالحقيقه مع صوره مصورينها





    وبعدها في كراسي للراحه زوجتي تعبت من المشي وقالت لي بس تعبت وبقعد قلت لها خلاص انتي ارتاحي وانا اروح اشوف شنو فوق الكنيسه لان مافي وقت

    هذي صوره الكنيسه اللي بصعدها








    وبعدها صراحه الوضع فوق شي مايوصف بس المشكله مع البق هناك حتى صورت صوره وحشره اطلعت بالصوره






    صوره اخرى للمكان





    --




    وبعدها نزلت وقررنا الرجوع لان مافي وقت

    وهذي صوره لخريطه المكان واماكن التصوير






    كان في مطعم فوق ولكن كان مغلق



    وبعدها وقفنا ننطر القطار الى ان وصل





    وبعدها نزلنا و رحنا الى بحيره لوغانو علشان نرجع الى الفندق
    بس قلنا دامنا صرنا قريبين من النافوره خل نروح لها مره وحده دامها بطريقنا


    هذي صوره لفندق eden





    وهذي النافوره





    وبعدها قررنا الرجوع الى الفندق بعد يوم مشوق ومتعب بنفس الوقت


    وهذي صور طريق العودة






    وهذي صوره باخره واقفه عند المرفأ





    بعدها رحنا الى مطعم للتحليه
    هذا المطعم عجييييب لايطوفكم





    --





    وهذا طلبنا






    وبعدها طلبت هذا يمي يمي






    وبعدها ظلمت الدنيا وغمضت عيونا من التعب

    وهذي صوره للوغانو في لحظه الغروب





    وبعدها رجعنا الى الفندق وكنا جدا تعابا

    ان شاء الله اكون وفقت في هذا الجزء
    وتابعوني في مغامره جديده ورحله جديده في الحلقه القادمه

    ان شاء الله بتكون رحله خفيفه وبتكون تسوق




  8. #58
    مدير المنتدى الصورة الرمزية فيصل
    تاريخ التسجيل
    Jul 2006
    المشاركات
    42,077

    افتراضي

    صراحه يبيلها سياره قير عادي
    ما الومك يوم سلمت السياره قب لموعدها مين يقدر يسوق
    احس من كلامك انك اذا تقدر تسلم السياره قبل لوقانو يكون افضل من انك تأخذها معاك




  9. #59
    مسافر فعال
    تاريخ التسجيل
    Feb 2013
    المشاركات
    107

    افتراضي

    تقريرك ممتع جدا وراح استفيد منه بسفرتي باغسطس القادم لانترلاكن و زرمات و لوقانو
    بالنسبة للقطار اللي يحمل السيارة كيف طريقته!؟ الركاب يجلسون بسيارتهم ؟




  10. #60
    مسافر متميز الصورة الرمزية boshhayeb
    تاريخ التسجيل
    Oct 2009
    المشاركات
    517

    افتراضي

    اقتباس المشاركة الأصلية كتبت بواسطة فــيـصـل مشاهدة المشاركة
    صراحه يبيلها سياره قير عادي
    ما الومك يوم سلمت السياره قب لموعدها مين يقدر يسوق
    احس من كلامك انك اذا تقدر تسلم السياره قبل لوقانو يكون افضل من انك تأخذها معاك

    حياك الله اخوي وفعلا افضل ان تسلم السياره في انترلاكن
    ان شاء الله راح تشوف في الاجزاء القادمه ان فعلا السياره ماتنفع في لوغانو
    بس اذا بتروح الاوت لت افضل سياره وممكن تأجرها ليوم واحد
    ان شاء الله الاجزاء القادمه تعجبكم
    خليكم متابعينا :)




    اقتباس المشاركة الأصلية كتبت بواسطة Muneera.bh مشاهدة المشاركة
    تقريرك ممتع جدا وراح استفيد منه بسفرتي باغسطس القادم لانترلاكن و زرمات و لوقانو
    بالنسبة للقطار اللي يحمل السيارة كيف طريقته!؟ الركاب يجلسون بسيارتهم ؟
    حياج الله اختي وشاكر كلامكم الجميل عن التقرير والحمدلله ان التقرير كان مفيد لكم
    بالنسبه للقطار اللي يحمل السياره تقعدون في السياره ماتنزلون لين يوقف وهو طريقته مثل عربه تحمل السيايير ورا بعض وبعد مايوصل ينزلون ورا بعض جدا سهل
    خليكم متابعينا




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك