مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 56
Like Tree0Likes

الموضوع: رحلة يوم لـ كوشان (مصورة)

  1. #1
    مسافر متميز الصورة الرمزية Khalid-Qatar
    تاريخ التسجيل
    Feb 2006
    المشاركات
    471

    Talking رحلة يوم لـ كوشان (مصورة)

    السلام عليكم
    هالمره يالربع رحت لجزيرة كوشان سمعت عنها وايد فقلت خلني اروح لها
    هذي خريطه لها

    طلعنا من بتايا بالسياره مشوار تقريبا 3 ساعات ونص
    الصراحه الطريق الي مشيناه صج طويل لكن احلى مافي الطريق ان المناظر الي تمر عليها تنسيك الدرب
    من سحر الطبيعه طريق كله جبال واللون الاخضر شنه مفروش على الارض مافي رمل ومادري ايش شنه
    عندنا بالدوحه المهم وصلنا منطقه تارات ومنها المينا الي بنروح منه لين كوشان خذنا تذاكر للعباره
    الشخص الواحد 140 بات روحه ورجعه
    وبالمره خذنه سكن في فندق اسمه الينا الغرفه مطله على البحر بـ 1000 بات
    بس لحد ياخذ الفندق ماراح يعجبه توهقنا فيه ههههههههههههه
    لا بعد ماخذينه ليلتين المهم تعالوا نشوف الصور مع بعض

    هذي العباره الي بنركبها

    شوفوا الجو كيف

    هذي اهية كوشان


    والحين من العباره


    طبعا كلها الجزيرة عباره عن سلسله جبال والشوارع بس حول الجزيرة والفنادق وكل شي مافي شي داخل بالنص

    ترى احنا نازلين من العباره الصغيره مب الكبيره
    الكبيره الظاهر سكن قالبينها او كراج المهم مامنها فايده من شكلها :)
    المهم وقفنا ولقينا سيارات التكاسي عباره عن سيارات بيك اب بلون ابيض
    ركبنا ومشى مسافه بسيطه وصلنا لنقطه التكاسي ونزلنا والكل دفع 60 بات
    كملنا المشوار وطبعا مكانا في شاطي Whit Sand Beach

    هذي غرفتي على قولتهم See View
    واخرتها شجر اللوز مغطي على البحر هههههههههه
    المهم من داخل لابأس حق ليلة مب مشكله

    البلكونه الي بالغرفه زين اني شفت طرف البحر بس :)

    الشارع الي خلف الفندق

    المهم
    الجزيرة كلها ترى مافيها مطاعن عربية وكنا جوعانين الصراحه حدنا بس الي اعرفه انه في مطعم اسمه المطعم اللبناني
    بالصدفه حصلناه
    وحاط لافته شكبر انه وصورة شورما قلنا بس لقينا العيشه فدخلنا المطعم
    وطلبنا كل واحد سندويشين شورما وصحن حمص وسلطه فتوش

    الصراحه خاطري اكلها مره ثانية عجيبه عنده
    المهم كلنا وطلعت الشورما الي عنده مادري الظاهر اللحم مقطع عنده ويقليه عادي مب نفس الي نعرفه
    اتعض السندويش الي في بطنه ينزل تحت على الصحن ههههههههه
    اهم شي السلطه والحمص وشوية من الشورما الصراحه ماعجبتنا كلش
    واخرتها لحساب طلع حوالي 1400 بات مادري على ايش
    المهم طلعنا منه وكانت الدنيا تمطر والعالم بمظلات الا احنا بدون تمشي وعادي ودخلنا طريق
    بين فدقين يودينا البحر وتمينا نتمشى على السيف ويامحلاه من سيف وشوفوا معاي




    ترى الشاطىء عندهم كله فنادق وشي رهيب الصراحه




    هذا احلى فندق شفناه بطريقنا واسمه كوشان كيتا
    Koh Chang Kacha Resort & Spa
    عجيب وسعر الغرفه عنده 1600 الي على شكل كوخ والي بالمبنى 2200 واكبر طبعا
    والي مقابل بركه السباحه والبحر بـ 3000 بات
    قلنا خلاص بكره نروح له مب مشكله :)

    هذي شجره لوز مابته من ماي البحر ومثمره والي عندنا ماي حلو ولا براضيه تطلع شي :) هههههه

    اسف ماعرف اسم الفندق :)

    هذا شنه فندقنا لا قدام شوي بعد

    شان نحصل هالدورفة (مرجيحه) ولعنا شكلها بالدور لين هلكنا من كثر مالعبنا
    المهم ظلمت الدنيا وجات الساعه 7 وخلاص الدنيا تتغير النهار وتشوف ناس خفايق
    بالليل شتشوفون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    مافي شي مافي الا الي يشتغلون بالمحلات وحدهم لين 9 وخلاص كل شي يتطفى ظلالالالالالالالالالالام
    خرمس من قلب مافي حياه مافي الا اصوت الحشرات الي تصفر ولا نباح كلاب
    دخلنا حدى الفنادق الكشخه وتمينا نشرب كوفي ونلعب بليارد
    وعقب طلعنا في مطعم كبير على البحر والله ماذكر اسمه دخلناه وتمينا على البخر نتابع مباراه مادري من
    الظاهر انجلترا مع مادري من وفي فرقه تغني ويعني طلعنا الساعه 12 بالليل
    شوارع فاضية وظلام وتقريبا المسافه من كيلو لين 700 متر لين نوصل فندقنا
    والله نمشي واحنا خايفين ماتعودنا على هالظلام والاصوات
    المهم وصلنا وباليالله رقدنا مافي الا الباعوض تقرص فينا وهلكنا
    صحيت الساعه 7 وطلعت وكانت احلى لحظات في الجزيرة الصباح

    كان البحر قي حالت الثبر وقتها (جزر)



    هذا الفندق الي سكناه


    منظر حلو للبحر والجبل وكل شي






    المهم على الساعه 9 قاموا الربع وتفطرنا بالفندق على قولتهم فطور امريكي واوملت
    يعني شي لا بأس وقلنا بنبدل الفندق لكن الشباب قالوا لا مانبي
    نبي نرجع بتايا ماقدروا يستحملون الملل بعد الساعه 9 المهم قلت لهم في رحبه على لفيلة
    واحد قال اوكي والثاني خاف قلنا بنروح الشلالات قالوا لا قلنا مافي الا نرجع المهم ورجعنا
    رحنا المينا

    الساعه 11 تقريبا والغباره توه كانت واصله

    هذا واحد من الربع مستجل :)
    هالعباره كبيره وتحمل سيارات بعد

    وركبنا العباره
    والحين اخليكم مع صور من داخل العباره


    باي باي كوشان




  2. #2
    مسافر متميز الصورة الرمزية Khalid-Qatar
    تاريخ التسجيل
    Feb 2006
    المشاركات
    471

    Talking


    لاحظوا المطر واهو ينزل

    سبحان الله صوب فيه مطر وصوب مافيه شي


    وصلنا المينا الثاني الي في Trat
    وكان الباص ينتظرنا



    ورجعنا بتايا من جديد
    الرحله كانت حلوة لا بأس بها نبدل عن بتايا شوي
    التقرير انا اشوفه غير كافي لكن فيه شي بسيط ويمشي الحال
    اسف على لقصور يالربع لكن بعد الرحله كانت قصيرة الصراحه واتمنى يعجبكم التعليق
    وعلى فكره كوشان حدها يوم او يومين وبس




  3. #3
    مسافرجديد
    تاريخ التسجيل
    Jul 2006
    المشاركات
    24

    افتراضي

    حلوووووه راحلتكم
    يسلمو




  4. #4


  5. #5


  6. #6


  7. #7
    مسافر متميز الصورة الرمزية شهاب
    تاريخ التسجيل
    Jul 2004
    المشاركات
    203

    افتراضي

    تقرير حلو وصور حلوة وتسلم ايديك ومشكور :113:


    لا أله ألا الله وحده لا شريك له له الملك و له الحمد يحيي ويميت وهو
    على كل شيء قدير


  8. #8
    مسافرجديد الصورة الرمزية Lexus51
    تاريخ التسجيل
    Jan 2006
    المشاركات
    59

    Thumbs up تسلم

    رحلة حلوة اصراحة
    اناا سرت كوشان شهر مارس وسكنت في فندق في جي اصراحة حلوو
    بس ياجماعة كيف انزل الصور مب عارف
    ولكم جزيل الشكر والاحترام
    (( اخوكم لكزس)):24:
    :surf :surf :surf


  9. #9
    مسافر فعال
    تاريخ التسجيل
    Aug 2005
    المشاركات
    101

    افتراضي

    يسلمو...................

    ومشكور على التقرير الطيب

    تحياتي لك


  10. #10
    مسافرجديد الصورة الرمزية Lexus51
    تاريخ التسجيل
    Jan 2006
    المشاركات
    59

    افتراضي

    V.J. Hotel Health Spa

    وهذا الفندق الي سكنتة في جزيرة كوشان

    :surf :surf :surf


صفحة 1 من 6 1 2 3 4 5 6 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك