مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 19
Like Tree2Likes

الموضوع: تقرير سفره بحلقه واحده فقط :) مع الخرائط المانيا فرنسا سويسرا النمسا

  1. #1
    مسافرجديد
    تاريخ التسجيل
    Jun 2012
    المشاركات
    56

    افتراضي تقرير سفره بحلقه واحده فقط :) مع الخرائط المانيا فرنسا سويسرا النمسا

    السلام عليكم اول مشاركه لي واتمني من الله سبحانه وتعالي أن اوفق فيها وتحوز علي رضائكم


    انا تعمدت انزل التقرير في جزء واحد عشان الاخوان اللي سفرتهم قريبه يلحقون ياخذون فكره ولو بسيطه

    بالنسبه للي يبي يعرف اماكن المدن والقري اللي زرتها في رحلتي او رحلات سابقه ومنها يقدر يكون فكره بسيطه
    وفيها الاماكن السياحه اللي غالبا الناس تزورها مع بعض من مواقف السيارات
    الطريقه
    تنزل قوقل ايرث سواء كان عندك ويندوز او ماك
    وبعدين شغل هالملف
    My Places.kmz - 4shared.com - online file sharing and storage - download
    اتمني لكم التوفيق
    الرحله كانت علي متن الخطوط الجوية الكويتية
    رحله عائلية 4 اشخاص
    مستلزمات السفر
    كامره كانون 1100d
    لابت توب




    تيلفون motorola atrix 2 استعمله للتواصل مع الاهل و gps وحملته مسبقا بالخرائط



    ملاحضه للي ماعنده خبره في الهواتف النقاله وبرامجها
    يريح باله وياخذ gps رسمي افضل


    موبايل blackberry 9900 للتواصل مع الاهل في حال كنت استخدم الموتورلا للجي بي اس
    نوكيا n79 كمرسل للإف ام للسياره لازم يكون ابو نوره وفيروز معاي بسفراتي


    جميع الحجوزات عن طريق النت
    الفنادق بوكنق
    السياره من sixt

    اول يوم في فرانكفورت للراحه سكنت في فندق nh hotel وهو قريب من السوق المشهور myzeil




    صعفق معزي
    طبعا هنا خرج مصطلح جديد للتصوير وجدنا احد المهرجين في الساحه المقابله للمجمع وعند تصويرنا كان يردد تشيس وحنا نقول جبيييييين
    لكن اخوي قال للمهرج قول ( صعفق معزي ) لما قالها متنا من الضحك وصار هذا شعارنا بالتصوير علامه النصر و صعفق معزي >> اممم اشوف في ناس قامت ترددها وطالع الابتسامه
    استبدلنا تشيس ب صعفق معزي ( لا اقصد اهانه الاسم ) الاسم عجيب موسيقي يخليك لما تقوله تبتسم
    اسم خمس نجوم
    اله لا يحرمكم من الابتسامه يارب



    صور من فرانكفورت






























































    طبعا فرانكفورت مدينه عجيبه ومركز تسوق قديم
    انا عن نفسي ما احب المدن فلا استطيع ان احكم علي المدن في تقريري


    بعدها اتجهت الي رست
    الايام اللي بعده قضيتها في رست بين يوربا بارك وبادن بادن وستراس بورغ
    والريف الالماني وخصوصا منطقه Triberg



    رست





    سيارتي فورد مونديو
    سياره عائليه قير عادي 6 غيار
    اقتصاديه في الوقود ومريحه جدا جدا




    يوربا بارك






    لحضه وصولنا استقبلتنا هذه السيده اكيد لازم صعفق معزي يصور معاها




















    بادن بادن الساحره










    واخيرا فيديو
    احدي الرقصات الشعبيه






  2. #2
    مسافرجديد
    تاريخ التسجيل
    Jun 2012
    المشاركات
    56

    افتراضي

    ستراسبورغ
    مدينه فرنسيه قريبه من بادن بادن و رست
    مدينه جميله جدا
    وفيها ...... شوفو الصور الصور ابلغ





    موقف السيارات امامك مباشره بعد القطار اللي يركز يشوف العلامه
    اضفت موقف السيارات للدليل اللي في قوقل ايرث


    بعد الخروج من الموقف وهو تحت الارض تخرج علي هذه الساحه مباشره
    نتابع
























































    القارب السياحي
    ياخذك في جوله حول المدينه لاهم المعالم ويمر عبر مضيق اصطناعي ليعادل مياه النهر المنخفضه والعاليه يستحق التجربه قريب من الكتدرائيه بس ما ابي اوصف وادوخكم
    مخزن موقعه في ملف قوقل ايرث
















    الريف الألماني
    منطقه Triberg وما جاورها
    اول شي فيديو يوضح الطريق السريع في المانيا


























    اما الان فيدو عن الريف

    فيدو اخر







  3. #3
    مسافرجديد
    تاريخ التسجيل
    Jun 2012
    المشاركات
    56

    افتراضي

    باريس

    في الاتجاه الي باريس وتحديدا منتجع الماريوت القريب من دزني لاند







    الماريوت

    هو عباره عن فلل عجيب انصح به بشده الي يبي يروح لباريس يسكن فيهترا باريس ما تبعد الا 35 كيلو تقريبا
    طبعا دزني لاند علي بعد 3 كيلو او اقل
    والاوت لت والمجمع التجاري 2 كيلو او اقل يعني تقدر تقول جيران
    والمكان هادي جدا جدا وعجيب وفخم وفيه محطات عربيه مثل mbc دبي والعربية
    ولكل فيلا بابين باب من الامام الرئيسي والباب الخلفي علي حديقه مجهزه ب طاوله وكراسي











    خريطه المنتجع
    b الرسبشن


    و 1800 هو عنواني فلتي







    هذه الورقه تبقي في السياره لدخول المنتجع لانه يوجد حراسه علي المنتجع ولا يسمح لاحد بالدخول غير الساكنيين


























    فيدو للفل



    الاوت لت والمجمع التجاري




















  4. #4


  5. #5
    مسافرجديد
    تاريخ التسجيل
    Jun 2012
    المشاركات
    56

    افتراضي

    باريس سولفو عنها الكثيرين مافيه اضافه تذكر للامانه غير صور لفرساي المهم
    ضغطو علي الاهل الا نروح بالقطار تكفي >> شحاتين << وبعد محاولات وافقت
    وقفت السياره في بارك محطه دزني لاند
    واستقلينا القطار a ونزلنا بالشانزليزيه
    وهذي الخريطه للمحطات والدعوه ترا والله سهله للي يبي يجرب
    لاحظ الخريطه انا حاط عليه بالقلم المحطات




    بعد ما وصلنا لازم الواحد يصير شوي نذل لا تقولي اخواني وام العيال وحرام لازم تعاقبهم الكل يعرف انه فيه باص للسياح هوب اوف هوب اون يدور علي الاماكن السياحية
    المفروض اني اركبهم بس انا لاني كنت احبهم حيل
    مشييييييي لين ايفيل والباقي معروف
    نكمل بالصور



    لحضه الخروج من المحطه اسفل شارع الشانزلزيه









    بالنسبه لليدو ملاحضه اذا انتم عوايل لاتفكر تدخله لان فيه اشياء تخدش الحياء سو مثلي صوره بس








    هالذ الحديده اللي الناس تسوي عندها حركات حبتين وناس طامر الخ



    نجي لزبده فرنسا بالنسبه لي قد يختلف معاي البعض انا ما احب الشانز ولا ايفيل
    الابداع في فرساي
    بالرجوع الي الخريطه يبين معاك المسار c
    وفيه بالملف المرفق لقوقل ايرث يبين المحطه اللي عند فرساي
    عشان ما تسئلون احد
    بالنسبه للي معاهم سياره فيه مواقف
    فيه محطه قريبه من ايفيل واسمها عليه تاخذك بالاتجاه لي c اللي هو بالنهايه يوصلك لي فرساي
    وصلنا فرساي علي الساعه 4 وباقي ساعتين يسكر القصر
    المهم خلصنا القصر والساعه شارفت علي 6 قعدنا بالحديقه وتصوير وصعفق معزي معانا :)



    وهذي صور من فرساي اتمني ان تنال اعجابكم






































































































    القصر من الجهه الخلفيه والحديقه
























    وردينا مثل ماجينا بالضبط
    c مشي بس هالمره طريق مختصر حراااام هلكو
    بعدين a
    بارك دزني
    الفندق





  6. #6
    مسافرجديد
    تاريخ التسجيل
    Jun 2012
    المشاركات
    56

    افتراضي

    صور من بيرن

























    شلال الراين
    سبحان الله في خلقه
    صدقني اول ماتشوفه تقول سبحان الله المكان روعه واللي قلبه قوي يصعد بالمركب الاصفر مو الاحمر لما توصل هناك تشوف الأصفر






    وهذي خريطه المراكب وتنقلاتها واسعارها





    ولان الصور ما تكفي للشرح وجمال الشلال
    صورته فيديو عشان يبين مدي جماله



    لوزيرن


    لوزيرن مدينة تسحرك من اول دخول لها عجيبه
    يكفي فيها الاسد الحزين والجسر الخشبي وطيور البجع والكافيهات ومراكز التسوق
    انا افضل هالمدينه عن سويسرا كلها
    فيه شعور غيرب ترتاح لها بسرعه عكس بيرن بالنسبه لي
    المهم
    قد يختلف البعض معي لكن اقوله خذها بروح صعق معزي : )








    كل مره انظر الي هذا الاسد الحزين
    اتذكر مقوله
    اسد حزين ولا خروف سعيد










































  7. #7
    مسافرجديد
    تاريخ التسجيل
    Jun 2012
    المشاركات
    56

    افتراضي

    الطريق من سويسرا الي زلمسي










    لحضه دخول الريف النمساوي









    زلمسي
    ما اقدر اصفها بالكلمات الصور خير دليل
























































    مطعم علي بابا كبابات وفتوش وكبه علي هالجو الحلو :)
    تصدقون صعفق معزي صاحبنا طلب فلافل يحسسني انه من زماااااااااااااان ماذاق الفلافل









































    كابرون
    طبعا في زلمسي فيه ناس ثقيله بس اول مايوصل كابرون علي طول من غير تفكير العموم صعفق معزي


    بعض الصور والفيديو


































    الظاهر ربعا اذوهم فكتبو عشان الناس ماتسئل








































    واخيرا وليس اخرا
    عجبني يتمشي بثوب النوم عادي جدا



    فيديو للتلفريك


    1



    2







  8. #8
    مسافرجديد
    تاريخ التسجيل
    Jun 2012
    المشاركات
    56

    افتراضي

    فوزون


    اخترت السكن في هذه القريه تحديدا لانها هاديه جدا وما احب صخب المدينه وميونخ قريبه مني وما احب اسكنها بصراحه
    فندق عائلي والعائله جدا محترمه وعباره عن شقه مجهزه بكل شي وسوبر ماركت قريب والقلعه قريبه
    تقع بين Füssen وSchwangau
    في Bavarian Alps>>> horn)
    على بعد 2 كيلومترمن قلعة Neuschwanstein


    كما ان الممشي في القريه متعه بحد ذاتها يعني انا لو يخيروني اسكنها علي طول بوافق :)
    هذه الموندو اما المنزل





















    المشكله في هذه القلاع
    ان التصوير غير مسموح في الداخل
    وايضا وجود وقت محدد للدخول
    يعني عادي تقعد ساعتين لين يوصلك دورك
    لانهم منضمين هالشغله وما يقدرون يدخلون اعداد كبيره مع بعض خوفا علي القلعه


    عموما في ساحه القلعه محل تذكارات عجيب لا يطوفكم














































    قارمش


    قارمش بلده صغيره نوعا ما لكن تصدمك كل شي فيها تقريبا
    يعني تقدر تتسوق من c&a >>محبوب واحد من الربع اغريقي وامه رومانية مو هو اللي طلع صعفق معزي و h&m وغيره وفيه محلات تحف هدايا وألعاب وكفيهات منتشره واكثر من سوبرماركت كبير ومستلزمات الكميرا الخ
    اترككم بعض الصور والفيديو














































































    تذكره الدخول للخوانق الجبليه





    فيديو بحيره قارمش







  9. #9
    مسافرجديد
    تاريخ التسجيل
    Jun 2012
    المشاركات
    56

    افتراضي

    ميونخ












































    شارع الماركات مكسمليين










    اخيرا هذه الساحره << قاعده علي كرسي مربوط بالعصي
    بس اول مره تشوفها تنصدم علي بالك انها تطير
    والمشكله انها تقول ياخبيبي تئال لا تخاف معلمينها العربي







    الزحليقه الصيفيه
    ليست بعيده من ميونخ
    وموجوده في دليل الجي بي اس في اول مشاركه
    للاسف لم استطع تصويرها لعدم وجود كامره في ذلك اليوم
    لكن يوجد برشور تعريفي يوضح لك كل شي انشالله













    اتمني ان اكون وفقت في تقريري واي سؤال انا حاظر


    المهم في اي سفره المعرفه وحتي لو بسيطه
    ويتم ذلك
    من خلال تقارير الاعضاء
    ومواقع الجي بي اس
    تستطيع ان تصل الي المعلومه بنسبه كبيره وكأنك سافرت من قبل


    نصيحه برنامج قوقل ايرث يعتبر مفتاح اي سفره لانه يوضح لك اشياء تخفي عنك


    والسلام عليكم ورحمه الله وبركاته




  10. #10
    مسافر متميز الصورة الرمزية رحلة الشتاء
    تاريخ التسجيل
    Feb 2010
    المشاركات
    232

    افتراضي

    تقرير قلّ ودلّ ،،، وهذا المطلوب ,,,
    شكراً على معلومة المونديو الجير العادي ،، اضطريت احجز وحدة جير عادي لأن التسليم بيكون بإذن الله بمطار ميلانو ,,, وكنت قلقان من الجير العادي في الفورد ,,


    من أطـــــــــــــــــــــــــــــــاع غضبه .,.,.,.,., أضـــــــــــــــــــــــــــــاع أدبه


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك