مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 20
Like Tree0Likes

الموضوع: صالة زواج + فندق للمعازيم

  1. #1
    مسافرجديد
    تاريخ التسجيل
    Jul 2007
    المشاركات
    46

    Lightbulb صالة زواج + فندق للمعازيم

    السلام عليكم ورحمة الله


    شخباركم يالشرقاوييين وشرقااااويات


    بدخل ع طول ب موضوعي


    الله يسلمكم المعرس من احد دول الخليج والعروس شرقاويه


    و ام المعرس وكلت لنا سالفة القاعه و الفندق يكون سكن لكل المعازيم اللي هم اهله (عمامه وخواله وربعه )


    تبي شي يشرف شي هاي كلاس شي فخم


    انا اقول قاعة كرستال حلوه وصغيره بس هم يبون بنفس الفندق عشان يرتاحون اكثر
    قلت فندق القصيبي مايبونه لان اخت العروس بيكون عرسها فيه قبل عرس اختها باسبوع


    المرديان او سوفيتيل اللي ع الكورنيش الخبر او شيرتون الدمام فيه قاعه بفندق نسيت اسمه بس هي اسمها اوبرا


    ترا ماشفتهم ابد ابي احد يفزع لي


    امممم معازيمهم شوي مرا مايتعدون 200


    مشكلتي مو بالخبر بعيده عنها والمواصلات مع وقت الاختبارات صعبه شوي




    والله يوفقكم ويزوجكم




  2. #2
    مميزة الشرقية
    تاريخ التسجيل
    Jul 2011
    المشاركات
    1,040

    افتراضي

    انا مثلكم وفي معمعة القاعات ,,
    بالنسبه لفندق الميريديان انا اشوفه افضل قاعه من كل شي من البوابه الي الحمامات وانتي بكرامه
    وبعدين راقيه وفخمه وماتحتاج الكوشه تكون كبيره او ثقيله
    طبعا الاسعار الايام العاديه 200 للشخص لاقل منيو
    الويك ايند 250 للشخص لاقل منيو
    انا اقدر احط لج صور للقاعه بس من راايي انك تروحين تشوفينها افضل
    _____
    قاعه فندق الموفنبيك روعه بعد ويفضل انك تشوفينها
    الاسعار صراحه لسى ماشيكت بس في ناس قالوا لي بـ 300 للشخص لاقل منيو

    بالنسبه لفندق السوفوتيل موقع الكوشه مو مرتب ولا تقدرين تغييرن الموقع

    فندق مركيور حلوة لكن فيها عيوب فيها اسطوانتين كباااااااااااااار او يمكن 4 نسيت والله
    ويبغالها شغل شوي
    و250 للشخص لاقل منيو

    فندق الشيراتون روعه وعندهم اكثر من قاعه
    و250 للشخص لاقل منيو

    فندق الهوليدي ان حلوة لكن فيها درج انا من النوع الي يوقف قلبي لما اشوف عروس تنزف من درج ولوحدها
    وفي الهوليدي ان الكورنيش روعه بس للامانه لسى ماشفتها بالحقيقه
    والشخص 200 لاقل منيو

    فندق الظهران سيي
    فندق رمادا الكورنيش يكفي لـ 50 شخص
    فندق رمادا الخليج اقل من 100 شخص
    فندق كورال الظهران حلوه لكن مالها مدخل مستقل وفيها اسطوانتين وتكفي لـ 130 شخص وقاعه الطعام صغيره جداااا

    وش بقي؟؟؟

    القاعات في قاعه السيف ارقي وحده وهي 4 قاعات
    قاعه الكريستال كثير ناس يمدحونها بس ماشفتها
    اما بقية القاعات ماانصح فيها
    وبصراحه انا انصح بفندق خاصه ان اهل المعرس يبون شي مافيه مواصلات وافضل لهم

    وبالتوفيق ياااااااااااااااااااااااااااارب

    صعب انساه


    كيف بنسى و آنا صعب آنساهـ
    آمي و آبي اضعكما في ودائع الرحمن خوفا من ان اعيش يوماَ بدونكما


  3. #3
    مسافر فعال الصورة الرمزية موري3
    تاريخ التسجيل
    Jul 2011
    المشاركات
    143

    افتراضي

    هلا ام وله


    طالما ام العروس تبي شي فخم وهاي كلاس


    مالها غير الموفنبيك يسكنون فيه وقاعته تعتبر اغلى وأرقى وهاي كلاس




    بالتوفيق للعروسين




  4. #4
    مسافرجديد
    تاريخ التسجيل
    Jul 2007
    المشاركات
    46

    افتراضي

    تسسسلمين صعب انساه

    والله يسهلك وتلقين القاعه اللي تدخل قلبك من اول ماتشوفينها

    ماتكلمتي لي عن الغرف بعد اخاف نحجز فندق تطلع غرفه مو حلوه و مو نظيفه

    فكرت اروح الميرديان والموفنبيك و السوفوتيل و يكون بس ذولي اللي عليهم الكلام

    انا ماعرف بالسعر لـ الشخص الواحد احب التوتل ع طول

    واذ ع ام المعرس حاطه الميزانيه مفتووووحه

    تتوقعين الكوشه والطاولات من نفس الفندق يكون تجهيزها ؟؟

    عساك ع القوه ولا خلا ولا عدم

    موري 3

    طيب وين موقعه الموفنبيك بالضبط

    شكرا ع ردك وبحطه في قائمتي هالفندق

    ربي يوفقك ويسعدك




  5. #5
    مسافر فعال الصورة الرمزية موري3
    تاريخ التسجيل
    Jul 2011
    المشاركات
    143

    افتراضي

    مرحبا ام وله
    فندق الموفنبيك يقع على شارع الأمير تركي


    هذا رابط داخل المنتدى يعطيك فكرة عن الفندق
    https://travel.maktoob.com/vb/travel387179/
    بخصوص القاعة هي فخمة والسعر حسب المنيو للشخص الواحد وتبدأ تقريبا من 300 ريال




  6. #6
    مشرف سابق الصورة الرمزية نوخذة الدمام
    تاريخ التسجيل
    Jun 2010
    المشاركات
    1,311

    افتراضي

    بالتوفيق للعرسان والله يبارك لهم

    اما بخصوص القاعة ، أرشح لكم ( قاعة فندق ميركور )

    تفضلي أخت / أم وله

    شوفي هذا التقرير عن نفس القاعة

    https://travel.maktoob.com/vb/travel504936/



    وبالتوفيق للجميع




  7. #7
    مميزة الشرقية
    تاريخ التسجيل
    Jul 2011
    المشاركات
    1,040

    افتراضي

    اقتباس المشاركة الأصلية كتبت بواسطة ام وله مشاهدة المشاركة
    تسسسلمين صعب انساه

    والله يسهلك وتلقين القاعه اللي تدخل قلبك من اول ماتشوفينها

    ماتكلمتي لي عن الغرف بعد اخاف نحجز فندق تطلع غرفه مو حلوه و مو نظيفه

    فكرت اروح الميرديان والموفنبيك و السوفوتيل و يكون بس ذولي اللي عليهم الكلام

    انا ماعرف بالسعر لـ الشخص الواحد احب التوتل ع طول

    واذ ع ام المعرس حاطه الميزانيه مفتووووحه

    تتوقعين الكوشه والطاولات من نفس الفندق يكون تجهيزها ؟؟

    عساك ع القوه ولا خلا ولا عدم

    موري 3

    طيب وين موقعه الموفنبيك بالضبط

    شكرا ع ردك وبحطه في قائمتي هالفندق

    ربي يوفقك ويسعدك
    امين يارب العالمين
    حبيبتي انا اقولك روحي 6 فنادق معليش بتعبك بس لزوم تروحين
    فندق الميرديان
    فندق الموفنبيك
    فندق مركيور
    فندق هوليدي ان
    فندق هوليدي ان الكورنيش
    فندق السوفوتيل
    فندق الشيراتون (الدمام)

    عشان تشوفين القاعه والغرف وغرفه المعاريس واستفسري عن كل شي حبيبتي وحاولي تكاسرينهم شوي , يمكن يجيك واحد حنين ويخفض

    بالنسبه للطاولات في قاعات يكون موفر لك المفرش بس يمكن مايركب علي الالوان الي العروس مختارتها
    والكوشه ماتوفرها لك القاعه انتي لازم تدورين وتفرين علي محلات الكوش وتتنقين
    محلات الكوش كثير:
    نوادر الزهور
    نارينا
    وفي غيرهم كثير بسويكت

    امممم اي شي تبين تسيلين عنه خذي راحتك لاني مثلك جالسه احوووس
    واليوم ان شاءالله رايحه علي الهوليدي ان اشوف الاسعار واشوف القاعه
    وبكره اجيب لك خبرها,,,

    اي شي بالخدمه




  8. #8
    مميزة الشرقية
    تاريخ التسجيل
    Jul 2011
    المشاركات
    1,040

    افتراضي

    صح تذكرررت شي
    القاعه الوحيده الي تشرط عليك ان الكوشه والطاولات من عندها وترفض اي كوشه خارجيه هي
    قاعه الاندلس بالدمام
    واذا ماعجبتك ولا كوشه من عندهم يسوي لك الي تبين لو تجيبين له صوره

    حبيت اوضح لك بس




  9. #9
    مشرف الشرقيه الصورة الرمزية اللـــــيث
    تاريخ التسجيل
    Jun 2006
    المشاركات
    1,543

    افتراضي

    اختلفت الاراء .. وادري احترتي .. انا بتكلم عن رائيي
    فندق هوليداي ان الخبر كان فيه ززواج وعجبني صراحة
    والغرفه حلوه بس عيبها اشوي ضيقه ..
    بس اللي عجبني ترتيبهم ..


    فى حب مصر ماذا اقول
    القلم حائر بين السطور
    اكتب شعرا فهى الشعر المنثور
    ارسم وردا فهى اطيب العطور


  10. #10
    مميزة الشرقية
    تاريخ التسجيل
    Jul 2011
    المشاركات
    1,040

    افتراضي


    جبت لك علوم قاعه فندق الهوليدي ان الكورنيش
    جميله جدا القاعه وابوابها متحركه تتكبر وتتصغر حسب معازيمك
    اقل منيو الشخص 200 ريال
    غرفه لتجهيز العروس بالقرب من القاعه
    الاناره جميله فيهم يتحكمون لك بالوان الاناره الي تبينها
    وجايه مودرن ستايل

    بالتوفيق




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك