مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 5 1 2 3 4 5 الأخيرةالأخيرة
النتائج 1 إلى 10 من 45
Like Tree0Likes

الموضوع: من جديد جزيرة بوكت ورحله مصورة ج2

  1. #1
    مسافر متميز الصورة الرمزية Khalid-Qatar
    تاريخ التسجيل
    Feb 2006
    المشاركات
    471

    افتراضي من جديد جزيرة بوكت ورحله مصورة ج2

    السلام عليكم يالربع

    شخباركم وشعلومكم وانشالله طيبين

    بعد الموضوع الاول الي بعنوان " جزيرة بوكت ورحله مصورة ج1 "

    حاليا معاكم برحله طويله عباره عن باكج واحد

    فيه اربع اماكن سياحية وطول المده تقريبا 7 ساعات بقيمة 900 بات

    نبتدي باول منكان في كهف بجبل

    او مانزلنا من الباص مافي جدامنا الا هالسبلان









    هذي صور من داخل الكهف الي بالجبل







    في هالصورة حاطين لهم تمثال وملبسينه ثوب ابيض

    عاد انه الانسان في العصر القديم :)







    وهذ صورة تمثال البوذا الي عندهم مادري مصنوع من ذهب او صابين عليه ذهب الله العالم

    المهم هالرحله ال يداخل الكهف اكثر شي صورناها بالفديو بس حاسبو ترى المكان شوي خطر

    مابي اقولكم اني زلقت داخل وتكسرت شوي هههههه

    المهم بعدها طلعنا ورحنا ودونا بعد مشوار ووصلنا للبحر




    وتبتدي الرحله الي جزيرة جيمس بوند




    نخليكم مع الصور هذي شوي










    هذي نفس القارب الي كنا راكبين فيه



    الصراحه طبيعه خلابه في هالمنطقه




    هذي شوية مناظر واحنا مارين على جزيرة او منطقة المسلمين الي في بوكت



    هذا مسجدهم












    والحين لحظه الوصول الي جزيره جيمز بوند



























    هذا سوق بسيط يبيع منتوجاتهم عباره عن هدايا بسيطه وخرابيط او خراويش




    طبيش ومادري وشو



    والحين شوفو الصخره الي مثل صوبها الممثل جميس بوند




    منظرها صج حلو وعجيب






    يعني تقريبا قعدنا بالجزيرة حوالي من 30 الى 45 دقيقة وبعدها حركنا






    ورحنا الى منطقه المسليمن



    عباره عن بيوت مبنية على البحر حاطين عمدان خشب بالبحر وفوقها بانيين بيوتهم


















    هذي عباره عن مزارع للولو ان ماخاب ظني



    هذا البيت العايم الظاهر :)



    هذا القارب نفس الي احنا راكبينه صناعه محلية وعليه مكينه سياره

    صج حركات عليهم :)

    تمشينا داخل عندهم لمده 30 دقيقة وفيه مطاعم عندهم وسوق بسيط مايبيع الا هالمنتوجات




    المهم بعدها طلعنا ورجعنا مكانا الاولي تجهيزا حق الرحله الرابعه والاخيره



    لحظه الوصول الي المينا





    المهم بعد مانزلنا ودونا مشوار تقريبا 20 دقيقه ووصلنا لجبل حجمه ماينوصف

    المهم خلونا نعلق لمبات في روسنا ودخلونا الجبل فيه كهف دخلنا وتفاجأنا انه متروس ماي

    من الداخل يعني هالرحله انا اقول الي يبي يروح لازم عليه شورت ولايودي وياه اشياء مهمه

    والي بروح مع اهله انصحه لايدخلهم لنه الماي له مستويات مختلفه مره يودونا بمركب نيلون ومره على الخيزران مادر يالي يسمونه بابون ومره نمشي على ريولنا

    المهم بالاخير الماي بيوصل لين بطونا

    وتفرجوا معاي على المغاره من الداخل

    طبعا قالو ممنوع الكيمرات بس تدرون نحب نطنش احنا وشوفوا معاي











    ترى يالربع مافي اناره داخل الكهف الي تشوفنه من الفلاش مال الكيمره ولا داخل ظلام غير شكل هههههههه


















    يالربع الصراحه وانا امشي احش بشي يمشي تحت عند ريول بس مادري وشو والله مادري

    سمك صغير او ضفادع الله العالم خرابيط تحت لنه كله ماي الله يعين الي مايحب هالاماكن











    هذا الي قلت لكم عنه الي من الخيزران لكبير مادري قصب لعوزونا



    الي يدخل هالمكان يحس نفسه فار كبير وين داشين هني والله ماندري





    وهني في قارب نيلون

    بس القهر والله تعبنا واحنا نمشي دخل والله اكثر من نص ساعه وهلكنا ننتظر نوصل لين المكان الي بنطلع منه

    لكن بالاخير تدرون ايش الي صار

    طلع الطريق مسدود ولاز نرجع من اول وجديد هههههههههههههههههه

    العبو فينا التايلنديين

    المهم بعد ماخلصنا طلعنا من هالكهف




    والوقت كان تقريبا الساعه 7 او 8 مادري والله




    وطبعا ثيابنا كلها مبلله حدها وحالتنا لله

    ونسيت اقولكم ان المشوار من الفندق لين اول كهف دخلنا فيه تقريبا ساعه ونص من الباتونق بيج

    هذا عيب رحلات بوكت طويله جدا

    والموضوع وايد طويل الصراحه

    لكن شنسوي هذا الموجود وانشالله المره الجاية تشوفون شي احلى وغير عن الاولي باذن الله

    وعلى فكره يوم الخميس بتاريخ 15/6/2006 م الساعه 8 بالليل بسافر بانكوك لمده اسبوعين

    بقضيها في بوكت وبتايا وكوشان

    ونشوفكم على الف خير

    مع السلامه




  2. #2

    افتراضي

    ما شاء الله عليك تقرير روعه وتفصيل اروع

    وشكل النفسيه عقب الكهف راحة فيها هههههههه
    بس تراك بتشتاق للرحلات كلها وبتكون ذاكره حلوه في ذهنك
    واقول الحمد الله على السلامه وكما تروح وترجع بالسلامه وانا طالع ان شاء الله على الخطوط القطريه
    في نهاية جون اي 28 من جون وبتكون في بوكت وسموي وشنغماي ثم بانكوك
    وان شاء الله ويا الاهل وكيف بتكون ويا الاهل في نظرك
    بس احس ان السعر ما ل البكيج غالي كاني ماخذه 700 العام


    استغفر الله العظيم استغفر الله العظيم استغفر الله العظيم
    استغفر الله العظيم استغفر الله العظيم استغفر الله العظيم


  3. #3
    مسافر متميز الصورة الرمزية صاحب مزاج
    تاريخ التسجيل
    Nov 2005
    المشاركات
    449

    افتراضي

    الاخ الكريم : خــــــالد قطـــــر

    يعطيك العافية على التقرير والصور الجميلة جدا وكذلك وضوح الصور ( الكاميرا للبيع ؟؟ ) :109:

    مشكور وننتظر المزيد


    :24:


    العاقل يجاهد في طلب الحكمة , أما الجاهل يظن أنه وجدها

    دليلك السياحي المختصر الى تايلند
    https://travel.maktoob.com/vb/travel64351/

    تعلم بعض من اللغة البولندية
    https://travel.maktoob.com/vb/travel158502/


  4. #4
    مسافر فعال
    تاريخ التسجيل
    Jun 2005
    المشاركات
    96

    افتراضي

    هلا والحمد لله على السلامه اخوي خالد تقرير قمممممممممممممممة الروعه

    انابروح بعد16يوم لاول مره اروح بانكوك وانشاء الله بمر بوكيت لاكن شايل هم بتايا ماادري وشفي هناك




  5. #5
    مسافر خبير
    تاريخ التسجيل
    Mar 2003
    المشاركات
    8,027

    افتراضي

    ماشاءالله تبارك الله عليك اخوي خالد
    الصور رائعة جداً والتصوير أروع وانت بسردك وشخصك اروع منهن كلهن ...

    لو سمحتلي بس تذكر لي الكاميرة المستحدمه

    وشاكر ومقدر




  6. #6
    مسافر فعال
    تاريخ التسجيل
    Jun 2003
    المشاركات
    114

    افتراضي

    [frame="2 90"][move=down]اخوي خالد قطر يعطيك العافية عزالله ماقصرت على التقرير والصور الجميله وننتظر منك اكثر . [/move][/frame]


    تلومني لاجيت كلي من آقصاي

    هو فيه غيرك لاتضايقت جيته


  7. #7


  8. #8
    مسافرجديد
    تاريخ التسجيل
    Jun 2006
    المشاركات
    30

    افتراضي

    هل تعتقد أخوي الذهاب لجيمس بوند أفضل ولا بي بي آيلاند

    لأني أشوف إن جيمس بوند مافيها إلا شي بسيط ومثل ماذكرت إنكم ماظليتوا فيها إلا 30 دقيقه

    وعندي استفسار عن القوارب سمعت إن فيه قوارب ثانيه لنقل السياح تكون أكبر.. هل هذا صحيح ولا هذي القوارب الموجوده فقط

    وتسلم على كل مجهودك في النقل الجميل لرحلتك سواء الجزء 1 +2

    تحياتي




  9. #9
    مسافر متميز الصورة الرمزية Khalid-Qatar
    تاريخ التسجيل
    Feb 2006
    المشاركات
    471

    Talking

    ابو را شد

    هلافيك ياشيييييخ اكيد بنشتاق لذيك الايام الحلوة

    وانشالله هالمره اروح لها مع انه بعد هالسفره رحت مرتين بس الشباب الي معاي مابغوا يروحون هناك

    وعلى كل حال اذا بتسافر مع اهلك ومعاكم يهال واله انا اقول لا تروكون كسموي خلها بوكت وشنغماي

    وبانكوك لنه فيها تعب على الشباب فمابالك معاك عائلة وانت براحتك ياخوي :)

    وانشالله تروحون وترجعون بالسلامه

    وبخصوص سعر الرحله الله يسلمك طلعنا من فندق توني ومجابلنا كشك صغير وكنا 3 قال لنا سعر فوق

    1000 بات المهم نزلنا لين 900 ويمكن انزل الله العالم المهم تحت 1000 بات

    وتسلم لي على مشاركتك يا خوي




  10. #10
    مسافر متميز الصورة الرمزية Khalid-Qatar
    تاريخ التسجيل
    Feb 2006
    المشاركات
    471

    Talking

    صاحب مزاج

    الله يعافيك ويخليك ياخوي وبالنسبه للكيمرة ماعندنا الا حلالك ياغالي :)

    وشكرا على مشاركتك




صفحة 1 من 5 1 2 3 4 5 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك