مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



موضوع مغلق
النتائج 1 إلى 10 من 10
Like Tree0Likes

الموضوع: دراسة الماستر في أمريكا (mba)

  1. #1
    مسافرجديد
    تاريخ التسجيل
    Apr 2006
    المشاركات
    10

    افتراضي دراسة الماستر في أمريكا (mba)

    السلام عليكم جميعاً

    صراحة أنا أفكر أدرس ماستر Mba في أمريكا الفترة الجاية إنشاء الله وعندي شوية استفسارات ودي أسدحها هنا لكل من عنده خلفية حول هذا الموضوع :

    1- أولا هل فيه ابتعاث أصلاً لدراسة Mba ؟
    2- بالنسبة لأختبار الجيمات ودي أسأل عن صعوبة الإختبار ؟ وعن طبيعته هل هو أسئلة حسابية فقط أو فيه أسئلة نصية ؟ وكذلك هل يسمح بادحال الحاسبة للإختبار ؟ وهل وقت الإختبار ضيق ؟ وأيضاً عن درجة القبول المتوسطة بالنسبة للإختبار ؟ ( يله هذي 5 في 1 ولا أطلق شامبو يسويها )
    3- هل تطلب الجامعات اختبار توفل حتى ولو كنت دارس في جامعة لغتها الرسمية الإنجليزية ( البترول ) ؟
    4- بشكل عام هل القبول صعب لهذا البرنامج ؟


    وتحياتي القلبية للجميع وأتمنى لكم التوفيق ( خصوصاً اللي راح يرد علي )


  2. #2
    مسافرجديد
    تاريخ التسجيل
    Feb 2006
    المشاركات
    47

    افتراضي

    اقدر اجيبك على شوي من اسئلتك..

    الوزارة ماطرحت تخصص ماجستير ادارة الاعمال ..mba.. للأسف

    ولكن لا تخاف فالعمليه سهله .. اطلع بتخصصك الحاصل عليه ..

    أنا مثلا انوي دراسة ماستر ادارة اعمال ..ومافيه حل غير اني اطلع ماسجتير هندسة ميكانيكيه .. وبعد نهاية سنة اللغه .. يمديك تحول .. والعمليه ماهي معقده

    الجامعات لاتشترط عليك توفل قبل المعهد .. بل بعد نهاية مدة اللغه .

    شكرا




  3. #3
    مسافرجديد
    تاريخ التسجيل
    Apr 2006
    المشاركات
    10

    افتراضي

    معقولة يا شباب ما أحد عنده معلومات تفيدنا في هذا الموضوع !!!

    خصوصاً إن ماشاء الله حزب الماستر في المنتدى مكتسح الساحة حتى أني مستغرب ليش مانشوف مواضيع كثيرة تهمنا مثل الإختبارات والقبول لهذه الدرجة وغيرها من المسائل التي تختلف عن طبيعة طلاب البكالوريس؟؟


  4. #4
    مسافرجديد
    تاريخ التسجيل
    Apr 2006
    المشاركات
    10

    افتراضي

    معقوووولة ما أحد عنده خلفيه حول هالمواضيع !!!!

    خصوصاً أن شعب الماستر مكتسحين المنتدى الأيام هذه ؟؟


  5. #5
    مسافر متميز
    تاريخ التسجيل
    Apr 2006
    المشاركات
    152

    افتراضي

    اهم شيء يكون معدلك الجامعي فوق3.75
    والجيمات يقولون صعبه لكن ماادري عنها
    ماتقدر تروح امريكا الا ان كانت بتخصص محاسبة والا قانون والا تجارة الكترونيه
    ولا تقدر تخصص في غيرهم لان تخصصك اداري (علوم انسانيه) ماتقدر تروح لعلوم طبيعيه .


    حاول تنشب في حلوق هالوزارة لاني انا ابتخرج السنه الجايه وناوي استقعد لهم زي الذبانه لجت في الوجه .

    لين يحطون ادارة اعمال في امريكا


    والله حرام




  6. #6
    مسافرجديد
    تاريخ التسجيل
    Apr 2006
    المشاركات
    10

    افتراضي

    العذرة والسموحة يالربع ...

    والله ما أدري كيف نظام هالمنتدى ، أدخل ولا ألقى ولا مداخلة في موضوعي فأكتب رد ثم أجي من بكره ولا ألقى الرد ولا أي مداخلة فاكتب رد جديد ...

    عمومأ يعطيك العافية أخوي M9dy وهذا خيار بأفكر أفيه اذا ما نفع نظام النشبة خصوصاً إني دريت الحين ان فيه شباب مبتعثين على هالتخصص ...

    أخوي زاحف تراني مثلك باتخرج السنة الجاية والله يعين ، خلنا على اتصال مادامنا في الهوا سوا ، أنا شايل هم أن الجامعات ماراح تقبل تناظر بخشتي اللين ما يجي وقت التخرج الرسمي واستلم الشهادة الرسمية وعاد بعدها أنزنق أراسل الجامعة وآخذ الضمان وأنشب في السفارة ....إلخ .



    في شغلة ثانية ومهمة ياشباب واللي هي هل لازم تكون عندي خبرة عملية؟ ولا ممكن أدرعم على طول بعد البكالوريس ؟


  7. #7
    مسافر متميز
    تاريخ التسجيل
    Apr 2006
    المشاركات
    152

    افتراضي

    هلا بخووي بالمستقبل

    المنتدى ماادري وشلون مقلوب على بعضه
    امس حاط خمس مشاركات في موضوع واحد كل مادخلت مالقيت ردي أقول واحد رد لين صاروا بعد يومين خمسة مشاركات .

    المهم انت من اي جامعة انا بالكينق سعود ينفريستي (ماليه)




  8. #8
    مسافرجديد
    تاريخ التسجيل
    Apr 2006
    المشاركات
    10

    افتراضي

    أجل ( مالية) يا زاحف ...

    والله انه أبطل تخصص .. بس عاد راحت علينا ودرسنا نظم معلومات MIS بالبترول ...

    إذا أنت حاب تخصصك وقوي بالماث ترى في تخصص إبن حرام للماستر انا كان ودي أدخله لكني في جهة والماث في جهة واللي هو Master of financial engeneering (MFE) ...

    وبعض الجهات تعطيك إياه بسنة وحده بس .


  9. #9
    مسافر متميز
    تاريخ التسجيل
    Apr 2006
    المشاركات
    152

    افتراضي

    يامحاسن الصدف
    شف عاد انا ناوي اكمل ماستر نظم معلومات

    والا التخصص الي انا داخله مجبر اخاك لا بطر
    ماعندنا في الجامعه الا تخصصين
    تسويق (قلق ودكاتره نجسين) وماليه (الدكاتره روعه وتحس مابينهم الحقد على الطلبه)
    عشان كذا تخصصت هالتخصص
    وتحياتي السعيده لك
    وعساني انا وانت ندرس بجامعه وحده
    يوم اوديك بسيكلي للكلية ويوم نروح بسيكلك
    ويوم تطبخ ويوم اطبخ انا
    والكنس كل واحد يكنس غرفته




  10. #10
    مسافرجديد
    تاريخ التسجيل
    Apr 2006
    المشاركات
    10

    افتراضي

    الله يعينك على نظم المعلومات .. والله يعيني على اختبار المالية يوم السبت :110: :110:

    بس يخوك اترك عنك سالفة السياكل لا عادها الله وخلنا نتقاط ببورش ولا همر ولا موستنيق ..ولا تشيل هم البنزين بامد هوز من محطة الدريس إلى الكراج هناك:109:

    وسالفة الطبخ صراحة أنا ( باشقل ) خدامتنا معاي ، لأن والله أحسن شيء أعرفه أطبخه هو البيض :109:


    عموماً ربي يوفقك والله يصبرنا اللين تجي السنة الجاية ونتخرج ونفتك:24:


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك