مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 58 من 69 الأولىالأولى ... 8 48 51 52 53 54 55 56 57 58 59 60 61 62 63 64 65 68 ... الأخيرةالأخيرة
النتائج 571 إلى 580 من 688
Like Tree0Likes

الموضوع: رحلتي الصيفيه لسنـ2011ـة (فرانكفورت +بادن بادن )

  1. #571
    مميزة العرب المسافرون وخبيرة بريطانيا الصورة الرمزية هداوه
    تاريخ التسجيل
    Mar 2007
    المشاركات
    9,667



    افتراضي

    نتابع جولتنا






    هذا المول كله ماركات ، وكانوا مسوين عروض ، اشترينا منه








    وهاي الصوره وأنا من داخل المول























    دوجلاس للعطور

    وهذا أحب اتشرى منه عطورات ، بس الصراحه في هاي السفره ما اشتريت غير عطر واحد من المطار

    لأنه في سفرتي الأخيره للندن اشتريت وايد عطور تكفيني سنه أو أكثر ، فكنت مكتفيه

    وهذا العطر ماقدرت أقاومه وبخبركم عنه في جزء المطار

















































    مره دخلنا مول ، وما أذكر اسمه وتونا داخلين والا تمسكني الحرمه اللي تشتغل في محل للمكياج وأقنعتني الا تسويلي مكياج

    وبناتي يشجعوني

    تشجعت ووافقت

    وكل منتج تشرحه لي ، وشو يسوي ، واللي أقتنع فيه تجربه عليه

    الصراحه وايد عجبتني هاي الماركه

    واشتريت من عندهم وايد من أدوات التجميل ، وعقب مادفعنا تميت بالميك آب اللي حطته لي










    مره ونحن طالعين من مول من المولات شفنا الدنيا برع منجلبه

    غيوم ، أمطار ، هواء

    والكل منخش تحت مظلاته وتحت سقوف بوابات المولات

    عاد أنا وبناتي تجننا ع الجو ، وتمينا مثل الناس منخشين وعقب شفنا ماشي وقت ونبا نتحرك للمول اللي عداله

    قلنا بنركض تحت المطر ونحن عدنا مظلاتنا

    لكن بعد تخرسنا بس وايد استانسنا ع المطر والجو ، وبوعيسى يتصل ويقول يالا بسكم ردوا

    ونحن نقوله باقي ساعه وبيقفل السوق ، عقب ساعه بنرد

    وتحت الحاحه واتصالاته ، طلعنا قبل مايسكر بشوي























    فديت لندن

    هاي مظلتي من هارودز









    مهم جدا


    في كل طلعة تسوق لازم آخذ معاي شنطة ترولي فاضيه واحط فيها

    مظلات + عدة الحمام عزكم الله ( ديتول مطر للمرحاض و كيري منظف بدل الماي )

    وجاكيتات ، طبعا الهاندباك تكون واسعه من داخل وكبيره وتشيل وايد أغراض

    لأنه صعب نشل كل أكياسنا ما عنثرنا






















    وفي مره من المرات زختني وحده عندها كريمات وماسكات للوجه والماركه وايد حلوه ، وانا سبق اشتريت منها من لندن

    ونفس الشي هي اصرت عليه وبناتي شجعوني

    بس هاي مابتحطلي مكياج هاي تبا تحطلي قناع اسود

    ويلست تحطلي وبناتي يصوروني فيديو وأنا أدردش ويا الحرمه وهي ايطاليه ، ونسولف وانا ما ادري انه ويهي صاير جذي

    بعد ماخلصت وايد عجبتني بشرتي واشتريت منه

    بس اسمحولي مابقدر أقولكم شو هي الماركه ولي اسبابي

    السموحه والله

    وعقب لما ردينا البيت ويلسنا نشوف الفيديو متنا من الضحك ، كان شكلي يزيغ










































  2. #572
    مميزة العرب المسافرون وخبيرة بريطانيا الصورة الرمزية هداوه
    تاريخ التسجيل
    Mar 2007
    المشاركات
    9,667



    افتراضي

    سنتر ماي زايل المشهور


























    وهذا الديكور العجيب اللي مسوينه من الزجاج

    صح هو غريب بس أنا ماعجبني وايد وما أشوف له معنى





























































    جوله في سنتر ماي زايل


































































































    هذا كله اللي قدرت أصوره لكم من االمحلات ومن السوق ، لأنه طول الوقت منشغلين بالمشتري ودز الشنطه

    وأكيد لفينا وايد محلات واتشرينا من وايد ، واغلب مشترياتي كانت لعيالي وبالأخص لبناتي

    كنت أخليهم هم يختارون اللي يبونه من لبس وغيره وأنا أبدي رآيي وأدفع

    وأكثر شي اشتريته لنفسي من هالسوق مكياج وكريمات ، وشوية ملابس

    وفي مره من المرات بغيت أجرب صالونهم

    وحصلت صالون في داخله مكان ساتر ، ونبهت عليهم مايدخل اي ريال ، ووايد احترموا خصوصيتي ، ودخلت وقصيت شعري عندهم

    بس الصراحه وايد عجبني قصها





    نكمل تجولنا في هاي الايام



    في اليوم اللي كنا فيه أنا وبناتي نتسوق من الصبح لين المغرب ، دخلنا بيتزا هت نتغدى ونريح فيه






















































































    ومره يلسنا في هذا الكوفي وكنت ويابناتي وعيسى ، وحلينا فيه ، بس الموظفه كانت وايد نفسها خايسه علينا

    وعصبت عليها لما شفت اسلوبها الخايس

    وعقب اصطلبت ويانا






    أحلى شي ، واذا تبون تضحكون من خاطركم ..۔

    شوفوني وأنا معصبه واتكلم بالانجليزي ، أحيانا تطلع الجمل مني صحيحه وقويه واستغرب كيف قلتهم ، وأحيانا أنقع في الكلام

    أعق خيط وخيط

    بخبركم عن سالفه جديمه

    مره سايره المركز التجاري ويا اربيعتي نحضر معرض ، وعيزنا ونحن ندور باركن ، وعقب حصلت سياره وأترييته ( انتظرته )

    يطلع عشان أدخل مكانه

    فلما رد بسيارته رد صوبي ومن طاف وتوني بصف الا ايي هندي ويدخل

    وأنقهرت وعصبت عليه وقلتله نحن قبلك

    قال لا نا قبلكم ، وانا اعصب عليه جان اقوله

    يو نت مااااان

    يعني انته مب ريال هههههههههههه

    أحول كلامنا ومعانينا العربيه واقوله ياها بالانجليزي

    هنيه اربيعتي انفجرت من الضحك

    وجان أضحك واسير أدور باركن وأنا أضحك وأغلي في نفس الوقت




    نرجع لنفس الكوفي

    في مره من المرات شفنا ورا هالكوفي كشك ويبيعون أكل صيني ، واللي تبيع صينيه

    اشتهينا انا وبناتي نجربه وكنا يوعانين































    ماعجبنا وايد







  3. #573
    مميزة العرب المسافرون وخبيرة بريطانيا الصورة الرمزية هداوه
    تاريخ التسجيل
    Mar 2007
    المشاركات
    9,667



    افتراضي

    الصور الأخيره لطبيعة المانيا









































































































































    أنتظروني في الجزء التاسع والأخير في ...

    يوم العوده






  4. #574
    مسافر متميز الصورة الرمزية أم البطلين
    تاريخ التسجيل
    Mar 2010
    المشاركات
    333

    افتراضي

    ياااااااااسلام على التمشي والتسوق في هالأجواء

    جزء بصراحة مشوق وخصوصا الأكل والماركااااااااات

    تسلمين ياأم عيسى ودايما السهر معاك أحلى وأحلى




  5. #575


  6. #576
    مسافر متالق
    تاريخ التسجيل
    Jan 2009
    المشاركات
    686

    افتراضي

    الله على المطر0000

    كثير ضاق صدري على بنتك000اكثر من عيسى ودودي

    اعرف البنات يحبون التسوق000واكيييد تعبت نفسيا يوم ماطلعت معاكم


    المول اللي فيه منظر القزاز000كثير عجبني000ولو حطوا بالحركه اللافه زحليقه
    للمتسوقين000كان صارت خوش فكره

    مره شفت زي كذا باحد تقارير الاعضاء000زحليقه كبيييره وسط مول00بس ناااسيه وين


    ومنظر البيتزا كثييير عجبني---ومن زماااان عن بيتزا هت000لانه كثييير خرب عندنا

    بس شكله بالمانيا احلى بكثير000عليكم بالف عافيه

    وبالنسبه لللغه00هههههه تذكرت موقفك في كوانزو00



    ام عيسى000ماقلتيلنا وش صار على مكياجك بعد ماطلعتي بالمطر000هههه




  7. #577
    مميزة البوابة العامة الصورة الرمزية The universal
    تاريخ التسجيل
    Oct 2010
    المشاركات
    6,251

    Thumbs up مازلتي متميزه ومبدعة نجمتنا هدهد

    سهرتنا الليلـــــــــــة خلوها صباحي ..

    ههههههه ضحكتني يارباااه
    دوووم الضحكة يااارب


    آمين يارب وانتي وكل المسلمين اللهم آمين

    تعليقاتج مره مره تجنن وتضحكني يا أم دم خفيف

    امييييييييييييييين يارب العالمين ۔
    لبى قلبك ترا استحي هيك واشمر بعد من الحيا


    حلي بؤك ياجميل عقب السهر
    لبى قلبك يمي يمي كب كيك


    **
    سلامة توتو
    الله يخليهم لك ويحفظهم من كل شر ۔
    ياسلااااااااااام عليك كفو والله ماشاء الله

    طيب التاكسي تهقين لو اطلب اركب معاه ويتنقل بي بين المحلااات ؟
    اما اللي تصورين وهو يصور احس يقول وحدة بوحده خخخخخخخخخخخخ

    ياحليلك والله اجل بسطتي عندها وسويتي ميك اب ببلاش

    يارب غيوم ,امطار ، هواء جو انتعاشي ويخليك تطيرين من الوناسة
    انا لو مكانك بجلس بكوفي اطلب لي كابتشينو والا لاتيه واتمقل بالجو _

    وفكرتك حلوه علشان كذا سالتك لو التاكسي الجميل يقوم بالمهمه انه يدور بي واح الاكياس معاه
    احلى مافي السفر الفواااكة تحسينها طازجة كل يوم يقطفونها
    اما الديكور الزجاج مو حلو خساير فلوس على غير سنع

    ياحلو الاطلالة من الشباك والجو الخاقوقي

    ونعيما على القصة عساك تعيدتي بها
    عوافي البيتزا ،، تصدقين جالسة اطقطق ظهري كأني انا اللي متسوقه تعبت
    والكلام مع العصبية نجيب احيانا العيد بس ربنا يستر

    وتشكرات اوي اوي على صور الطبيعة
    سلمت يداك ويعطيــــــــــــــــــــك الف عافية على هالجزء وبانتظارك ياقميل




  8. #578
    مشرفة البوابة العامة الصورة الرمزية توبليرون
    تاريخ التسجيل
    May 2011
    المشاركات
    15,938



    افتراضي

    والحين خلصت بارت فرانكفورت صفحة 48 والتمشي بالسيارة ونستيني على المحلات ومحل فساتين العرايس ان شاءالله اشوف بناتي لابسين الفستان الابيض .....۔
    يعطيج العافية على الحمسة الحلوة للدياي مع الخضار وبالعافية على قلوبكم .....والماركات اكيد اوروربا احلى وارخص


    عش عفويتك..تاركا للناس إثم الظنون...
    فلك أجرهم ولهم ذنب ما يعتقدون


  9. #579


  10. #580
    خبيره هونج كونج الصورة الرمزية beyond expectation
    تاريخ التسجيل
    Apr 2011
    المشاركات
    735

    افتراضي

    جزء رااائع والتسوق مرة خطير واحلى شي المطر ..ذكرني السنتر والشارع بشارع بانهوف في زيورخ يشبهه كثير بس الفرق ان هذاك مو ساحة مغلقة تماما..۔
    مرة اعشق التمشي بالشوارع وبين البوتيكات اطلع حرتي كلها اذا سافرت.۔
    سلامتهم عيالك عاد مساكين هم مايتهنون اذا تعبوا...واعجبني كثير المجسم الزجاجي مرة غريب...وبالنسبة لموقفك مع الهندي والله ضحكتيني الواحد لاصار معصب يطلع ابداعات..ههههههههههههههههههه.۔
    بانتظار الجزء القادم ولو اني مابي النهاية تجي...




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 4 (0 من الأعضاء و 4 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك