مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 7 1 2 3 4 5 6 7 الأخيرةالأخيرة
النتائج 1 إلى 10 من 63
Like Tree0Likes

الموضوع: بعض مطاعم وكفيهات لندن التفاصيل والخريطه بالداخل

  1. #1
    مسافر فعال الصورة الرمزية كنت حلوه
    تاريخ التسجيل
    Sep 2009
    المشاركات
    140

    Smile بعض مطاعم وكفيهات لندن التفاصيل والخريطه بالداخل

    بسم الله الرحمن الرحيم
    السلام عليكم ورحمة الله وبركاته


    اعضاء ومشرفي هذه البوابه الكرام
    انا استفدت كثير منكم لذلك احببت المشاركه وان يستقيد
    اكبر عدد ممكن

    وجدت موضوع في قسم الاستفسارت عن
    مطاعم وكفيهات لندن ووجدته ماشاء الله مليئ بجهود لكثير من اخواني واخواتي الاعضاء
    لكن جهد

    اختي الغاليه
    (ربوعه الحلوه)


    واخي االكريم العضو المتمز
    abdulrahmant


    كانوا اكثر تميزا

    واختي هداوه خبيرة سويسرا اقتبست منها بعض اسعار المطاعم من موضوعها
    اشكر المراقبين والخبراء وكل من ساهم في اثراء الموضوع
    حاولت اجمع المطاعم حسب المنطقه هذا من خبرتي البسيطه جدا جدا واتمنى من الخبراء انهم يصححون لي أي خظأ في العناوين او غيرها
    هنا تجدون الخريطه التي قام بعملها
    العضو المتميز
    abdulrahmant

    ( مـنـتـدى الـعـرب الـمـسافـرون )
    وانصحكم بزيارة الموضوع الاصلي لانه كبير مره وفي كثير غير اللي كتبته
    ونتمى منكم اذا توجد أي إضافات تكون باالرابط الاصلي
    وهذا الرابط

    https://travel.maktoob.com/vb/travel362555/

    وطبعا اللي بسويه نسخ لصق وبعض التعديلات
    واحب انوهه واذكر انو الناس اذواق اللي يعجبك يمكن ما يعجب غيرك والعكس صحيح
    وابدأ بحول الله وقوته



    اكسفورد


    *بيور وافل ..

    الشارع المقابل لسيلفردج في محل رياضه
    أديداس مب الاولي ، اللي عقبه لأنه في اثنين أديداس لفي اللفه اللي عنده بتحصلون محل وافل
    جربته مرتين
    وكان قريب من محل وافل كشك يبيع وافل ، وعليه اقبال وتندمت اني ماجربته

    *كوكيز
    موقعه قبل أو عقب بيور وافل
    يبيع انواع من الكوكيز ،
    وممكن تسون طلبيه لو حبيتوا وتاخذون منه هدايا ، ويحطونه لكم في علب حمراء وتختارون الحجم اللي تبونه ..

    مطعم ask
    ايطالي - يصير بللفه اللي جنب محل بريمارك للملابس بأوكسفورد مقابل نيكست
    هذا في بيتزا جبن وجرجير خفيفه وممكن بدون جرجير وفي باستا بالدجاج والكريمه يصلح لهم

    Hakkasan
    الوصف :خلكم بالاوكسفورد ستريت لين تشوفون اكسفورد سيركس ,,وهم اخذوا سييييده لين تشوفون بيلدنق اسمهاا
    سينتر بوينت اخذوا يسااار ,, وعقب سيييده واخذوا اول يسار ,, لمن تاااخذون يسااار راااح تشوفون المطعم على
    يمينكم ,,
    المطعم موو صج صدقيني ,, بس بالاول دقوا عليهم حجزوا لانه كله فل

    جيمس ستريت باكسفورد
    james street .LondonW1U 1EU28
    وإنتوا بأوكسفورد خلوا سيلفردج علي يساركم لما توصلون محل غاب في لفه يسار لفوها تلاقون سكه كلها مطاعم وهذا البعض منها

    MASSiSمطعم لبناني بس مو أي لبناني الفتوش والشاورما الأصليه والمشاوي الطازه الحلال والبقلاوه

    Sofraمطعم
    تركي

    LEVANT مطعم

    تصميمه على الطراز الأندلسي ،، والمنيو فيه منوّع بين الأكلات المغربيه واللبنانيه ،، وفيه قسم صغير للي يبي المشروبات بس ،،
    يتميّز بالخصوصيه والإناره الخافته ،، ويفضل بالويكند انك تحجز مسبقاً





    سليفردج بالاكسفورد


    lolas
    (بسلفردجز يم يم الكب كيكز )

    square pie
    ( طبعاا من اسمه يشوق بسلفردجز )

    oddonos
    (اماانه جربوه الايسكريم عواار قلب , بسلفردجز)

    yellow cafe

    (كافيه بسلفردجز يونس

    *مطعم هندي في سيلفردج
    بالدور الرابع بس اكله لذيذ وخصوصا الدوسا بالبطاطس ، يم يمي وكلت فيه مرتين
    وع فكره هو صاير مثل مجمع مطاعم ومن بينهم الهندي ، يعني تاخذون أكل من الهندي أو غيره ، والمشروبات وعقب تدفعون عند الكاشير
    نبذه عن أسعار
    دجاج برياني = 10,50 باوند
    مسالا دوسا = 8,25 باوند


    * مطعم بيلا ايطالي

    مقابل بيور وافل وله فروع كثيره صغير من الداخل ،الباستا واليتزا لذيذه يستحق الزياره




    شارع اجورد



    مروش ورانوش وبيروت أكسبرس أعتقد كلهم شركه وحده ، ولهم فروع في مناطق متنوعه من لندن
    بالنسيه لي أفضل شاورما عند بيروت إكسبرس في إجواروود والمقبلات كلها حلوووه مميزه والريوووق أروع حلوم مشوي
    ماذقت مثله من قبل وفول وفلافل وغيره


    *مروش
    وهو مطعم لبناني وكبير ، ودايما عندهم اقبال ، وخدمتهم ممتازه وأكله حلو ، وكلينا فيه كم مره
    بعطيكم أسعار وشو كلينا من عنده في مره من المرات
    حمص = 5 باوند
    تبوله = 5,25 باوند
    شوربة عدس عدد 2 = 9 باوند
    3 ساندويش دجاج = 13,50 باوند
    صحن كفته مشويه = 13,95 باوند
    2 عصير برتقال طازج = 7 باوند
    ماي صغير = 1,50 باوند
    الاجمالي = 55,20 باوند


    مطعم بيروت اكسبرس

    تريقت فيه مرتين والصراحه وايد لذيذ ريوقهم ..
    بعطيكم بعض الاسعار عشان تاخذون فكره ..
    سندويش فول 3 باوند
    سندويش فلافل 3 باوند
    عصير برتقال 2,5 باوند



    المطاعم
    chicken cottage
    chicken spot

    عند الهيلتون الي بالآجورد رود والبشااره يقولون رخص التراااب شي شي اسعارهم وانا اقول وين يوكلون عيالهم بهالمطعميين
    انا ماعندي فكره اذا حلال او لأ ( كنت حلوه )


    مطعم منقل

    عراقي
    ويوجد بهذا الشارع كثير من المطاعم الحلال والبقالات العربيه


    كولبا colba
    ايراني

    صاير خلف الاجور رود المطعم مجكنم و صغيرون و اكله حلو وايد وخصوصا طبقي المفضل " جوجا كباب + زرش بولو " و صحن الروب مع الخيار يم يوووم
    موقع المطعم بالضبط بالاجور رود لما توصولون البنك البريطاني الاسلامي لفوا عليه بحيث يصير على يدكم اليسار امشوا سيدة مو اللفة الاولى بعد البنك يسار اللفة الثانية بتجوفون محل على الشارع بداية اللفة محل اسمه اكس بوجر ملابس بس بيكون على يدكم اليسار بهذي اللفة و بتجوفون عنده خليجين وايد
    المطعم صغيرون و الكراسي قليل داخل و ضيج بس الاكل حلو


    النايتس بريدج


    كافي joes
    شارع سلون ستريت يصير في لفه عند هارفي نيكولز اللي بالنايس برج تمشين سيده
    joes تابع لمحل جوزيف
    طلبوا طبق
    DELice au cafe وإدعيلي
    وبنفس الشارع في فندق الجميرا في مطعم وكافي ووووواوووو جربوه


    اشبيليا
    في هارودز او اللي ورا كازينو هيلتون في النايتس بريدج


    Sale e Pepe

    ( مطعم ايطالي قديم بالنايتسبرج بس يمي يمي )


    Zafferano
    ( مطعم ايطالي ميه بالميه لذييييذ بالنايتسبرج ,,في شارع لاوندز ستريت عند فندق جميرا )


    harvey nichols cafe
    (كافيه بالهارفي (النايتسبرج) الطابق الخامس قعدته واااااااااااو جد حلوه )


    cafe rouge

    (كافيه بالنايتسبرج عند هارودز بالضبط ,الهوت جوكلت والبراونيز والكيك لذيذ لذيذ)

    area cafe
    هو مطعم وكافيه البيتزاا موو صج لذيذه جدا و الجيز كيك اكثر من روعه ,,بالنايتسبرج نهايه الشارع اللي مجابل هارودز


    Shezan شيزان

    مطعم باكستاني هندي حلال
    16-22chevel place off Montpelier street – sw7 1es
    جبته من كتاب باي باي لندن ( كنت حلوه )


    مسكوف

    عراقي من ذاكرتي وزياتي له وايضا له فرع قريب من اجورد في منطقة تو هايد بارك سكوير ( كنت حلوه)
    Haandi
    هندي – حلال
    7 cheval place. London sw3
    136 bormpton road
    من كتاب باي باي لندن ( كنت حلوه )



    هارودز بالنايتس بريدج



    laduree
    (غني عن التعريف احلى واكشخ كافيه بلندن واهو بهارودز الطابق الارضي,ومعروف بالمكرونز والحلى والهوت جوكلت)..


    choclate bar
    (بهارودز الطابق الثاني مووو صج جربوه)..


    بزاريا

    مطعم ايطالي في هارودز وجربته وفعلا أكله لذيذ
    نبذه عن أسعارهم
    بيتزا مارغريتا = 15,50 باوند
    بيتزا بالخضار = 19,95 باوند
    باستا بصوص الكريمه والمشروم ( هذا طلبي ) = 18,95 باوند
    عصير برتقال طازج عدد 2 الواحد = 5,5 باوند
    كولا = 4,25 باوند
    سلطه = 7,65 باوند
    الاجمالي = 77,30 باوند


    ليستر سكوير


    chiquito

    هو مطعم مكسيكي في ليسيستر سكوير .في الساحة اللي في النص اللي فيها سينمات .جنب بيتزاهت على طول..مطعم راااااائع ..أطلبوا اي شي من المنيو ولا تخااافوا لأنه كل شي عندهم لذيذ. ابتداءا من أطباق المقبلات المشكلة اللي تنفع شيرينج من شخصين لأربعه
    وهذا عنوانه
    Chiquito Restaurant Bar, 20-21 Leicester Square London WC2H 7L,



    بيكر ستريت



    ziziوبيتزا إكسبرس
    مطعمين تقريبا مقابل متحف الشمع مدام توسو

    *فية مطعم على شارع الميلبورن بالتجاة متحف الشمع قبل شارع البيكر بشارع على اليسار بتحصلون كوفي عربي قبلة

    بعض الاحيان اشوف السفير الصيني ياكل عندة وانا جربت صالونة الربيان لذيذة

    3-5 Glentworth St
    London NW1 5PG, United Kingdom


    ريجنت ستريت

    قهوهGod iva
    معروف عن God ivaإنه غالي بس the quality هو الأهم يعني يسوي والكافي راقي وخصوصا الفراوله المغطيه بالككاو
    شووووو لذيذ بس حتي لوغالي لاتخلون بخاطركم لومره وحده إجلسوا في إستمتعوا
    كل شيء عندهم حلو في فرع في الريجينت ستريت كأنكم رايحين بيكاديللي الشارع المقابل محل الألعاب هامليس



    south kensingtonساوث كنجيستون


    HUMMINGBIRD
    كوفي شوب عنده كب كيك روعه
    hummingbird bakery تاخذ الخط الكحلي البيكاديللي المحطه اللي بعد نايس بريدج هارودز
    إسمها south kensington ولاطلعت من الستيشن إخذ يمين إمشي شويه الكافي يصير علي الشارع الثاني مكتوب علي
    وبتشوف عنده زحمه علفي العصاري وصغير

    محل snog
    أيس كريم ولابالخيال بالفاكهه الطبيعيه (( رقي وأنواع التوت والفراوله ووووووووو ))
    south kensington
    وهذاا عنوانه ,,
    Thurloe Place, London, SW7 2HQ32
    وله فرع بكوفنت جاردن

    covent garden ,,
    عنوانه ,,
    5 Garrick street
    Covent garden
    WC2E 9AR
    وفي مجمع ويست فيلد بالدور الأرضي




    متفرقات

    ديار بكر DiyarBakir

    موجود في الخريطه اعلاه
    الوصف
    بالأندرقراوند من ماربل أرش إلي هولبورن ثم تبديل الخط إلي البيكاديللي لاين وسيييده إلي
    manor house مانار هاوس
    وهي المنطقه اللي فيها المطعم ولما تطلع من الستيشن تاخذ المخرج يسار الأخير وتركبون أي باص راح يودي للشارع
    اللي في بقالات وخضار ومطاعم عربيه حلال أكثرها تركيه وحلويات تركيه

    مطعم ايراني اكله واااااااايد حلواسمه :
    Alounak Restaurant

    والوصف :
    بالأندرقراوند : إذا طلعتوا من كوينزواي الأندرقراوند إخذوا يساركم سيده ليما توصلون كوستا كافي وسيده شوي ليما
    الإشاره خذوا يسار وسيده ليما تشوفون مطعم الخان الهندي بعد علي يساركم بالمره جربوا مره ثانيه خلكم علي اليسار
    وتعدوا الخان ليما توصلون ناندوز علي يساركم المطعم الإيراني قباله يالضبط الونك alounk
    في فرعين ، وهذيل عناوينهم :
    1- Russell gardens 10
    london W14 8EZ
    Nearest Tube : olympia
    Tel: 0207037645
    2- 44 westbourne Grove
    london W2 5SH
    Nearest Tube: Bayswater
    Tel: 08713328612
    باي وتر امتداد الاكسفورد بالعكس السوق بظهرك يعني يصير ( كنت حلوه) >> ينقال بوصف 

    lمطعم البيت بيتك عنوانه :


    Venue: Elbayt Baytak Restaraunt (البيت بيتك)
    346 Kensington High Street
    London W14 8NS
    أنا ماقد رحتله رفيقاته راحوله اللي يميزه كم طبق :

    1. طبق الخروف اوالدجاج المشوي المنقع بالتوابل والبهارات.
    2. الدجاج مع الأرز المطبوخ مع بهارات
    3. رز وباذنجان مطبوخ مع صلصة حمراء لذيذة مع التوابل






    اتمنى ان ينال جهدي على اعجابكم

    ولا اسالكم الا الدعاء لي ولأستري بخيري الدنيا والآخره



    https://travel.maktoob.com/vb/travel546272/ بعض مطاعم وكفيهات لندن التفاصيل والخريطه بالداخل



    سبحان الله وبحمده

    سبحان الله العظيم


  2. #2
    مسافر متميز الصورة الرمزية نور الشمس!
    تاريخ التسجيل
    Apr 2008
    المشاركات
    176

    افتراضي

    وه بس عسى ما يخلينا
    مشكورة حبيبتي على الجهد الواضح
    تمنياني لك برحلة ماتعة.


    Opportunities are everywhere. I have unlimited choices.


  3. #3
    مسافر فعال الصورة الرمزية كنت حلوه
    تاريخ التسجيل
    Sep 2009
    المشاركات
    140

    افتراضي

    اقتباس المشاركة الأصلية كتبت بواسطة نور الشمس! مشاهدة المشاركة
    وه بس عسى ما يخلينا
    مشكورة حبيبتي على الجهد الواضح
    تمنياني لك برحلة ماتعة.
    نوّر الموضوع بنور الشمس

    يا هلابك يا عسل شاكره مرورك الغالي




  4. #4

    افتراضي

    الله يعطيج الف عافيه على هذا المجهود


    والله هذا مطعمي المفضل

    أحلي أكله قوزي لحم رقم الطلب 37






    كولبا colba
    ايراني
    صاير خلف الاجور رود المطعم مجكنم و صغيرون و اكله حلو وايد وخصوصا طبقي المفضل " جوجا كباب + زرش بولو " و صحن الروب مع الخيار يم يوووم
    موقع المطعم بالضبط بالاجور رود لما توصولون البنك البريطاني الاسلامي لفوا عليه بحيث يصير على يدكم اليسار امشوا سيدة مو اللفة الاولى بعد البنك يسار اللفة الثانية بتجوفون محل على الشارع بداية اللفة محل اسمه اكس بوجر ملابس بس بيكون على يدكم اليسار بهذي اللفة و بتجوفون عنده خليجين وايد
    المطعم صغيرون و الكراسي قليل داخل و ضيج بس الاكل حلو



    عليكم بالاستغفار:
    {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً *وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}
    [نوح :10ـ12].






  5. #5
    مسافر فعال الصورة الرمزية كنت حلوه
    تاريخ التسجيل
    Sep 2009
    المشاركات
    140

    افتراضي

    اقتباس المشاركة الأصلية كتبت بواسطة أبــوعبدالله مشاهدة المشاركة
    الله يعطيج الف عافيه على هذا المجهود


    والله هذا مطعمي المفضل

    أحلي أكله قوزي لحم رقم الطلب 37










    بصراحه مجهودي يتضأل امام جهود المراقبين والخبراء

    شرفت موضوعي مشرفنا الكريم

    والحمدالله لقينا شهاده تدعم بعض المطاعم المقرحه




  6. #6
    مسافر متميز
    تاريخ التسجيل
    Aug 2005
    المشاركات
    413

    افتراضي

    الله يعطيك العافية ..
    كنت محتاج لهالعلومات كثير


    يسلمووووووووووووووووو


    لاتلوح للمسافر.. المسافر رااااااااااح


  7. #7
    مسافر فعال الصورة الرمزية كنت حلوه
    تاريخ التسجيل
    Sep 2009
    المشاركات
    140

    افتراضي

    اقتباس المشاركة الأصلية كتبت بواسطة سعود الرياض مشاهدة المشاركة
    الله يعطيك العافية ..
    كنت محتاج لهالعلومات كثير


    يسلمووووووووووووووووو


    ويعافيك ربي ان شاء الله

    شاكره لك مشاركتك بموضوعي المتواضع




  8. #8


  9. #9
    مسافر فعال الصورة الرمزية كنت حلوه
    تاريخ التسجيل
    Sep 2009
    المشاركات
    140

    افتراضي

    اقتباس المشاركة الأصلية كتبت بواسطة موادع1 مشاهدة المشاركة
    20 مرة قلنا حق ربوعه سويلنا موضوع عن المطاعم.

    بارك الله فيكم

    موضوع مميز.


    شاكره مرورك ومشاركتك مشرفنا الكريم

    صادق قريت كثير انك قلت لها

    وانا بصراحه تحسفت كثير لان الموضوع في قسم الاستفسارت
    وفي صفحات موزعه كثيره
    واللي شجعني
    سببن
    الاول حرصها لمتابعة الموضوع
    الثاني اظافة اخي الكريم عبدالرحمن للخريطه

    فقلت مبدهاش لازم يستقيد الناس

    وان شاء الله
    ينفع اعضاء وزوار هذه البوابه الرائعه
    مشكور مشرفنا وشرفت موضوعي




  10. #10


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك