مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 7 1 2 3 4 5 6 7 الأخيرةالأخيرة
النتائج 1 إلى 10 من 66
Like Tree0Likes

الموضوع: كيف تستأجر سيارة عن طريق النت من الألف الى الياء

  1. #1
    مميز ايطاليا
    تاريخ التسجيل
    Nov 2010
    المشاركات
    754

    Lightbulb كيف تستأجر سيارة عن طريق النت من الألف الى الياء

    السلام عليكم ورحمة الله وبركاته

    كثير مانشوف هالسؤال

    كيف أستأجر سيارة عن طريق النت؟؟

    وش أرخص شركة؟؟

    وكيف بعرف الطريق؟؟

    أنا بهالموضوع راح أشرح لكم كيف تستأجر سيارة




    شركة التأجير

    فيه شركات كثير وأسعارها تتفاوت
    لكن بالنسبة لي أفضل هالموقع

    طھط£ط¬ظٹط± ط³ظٹط§ط±ط§طھ| ط§ط³طھط¦ط¬ط§ط± ط³ظٹط§ط±ط§طھ ط¨ط£ط³ط¹ط§ط± ظ…ط®ظپط¶ط© ظ…ط¹ طھط±ظپظ„ ط¬ظٹط؛ط³ظˆ TravelJigsaw

    موقع امن
    تابع لموقع البوكينق
    أسعاره خيالية مقارنة بالشركات الأخرى
    والميزة الرائعة فيه أنه يعمل عمل الوسيط بينك وبين شركة التأجير
    ويتعامل مع معظم الشركات اذا ماكان كلها
    مثل
    يوروب كار وافيز وغيرها

    والأن نبداء بطريقة الحجز بالصور

    أولا
    ندخل الموقع

    ونشوف هالمربع وهو أهم شي في الصفحة



    وأشرح الموضح بالأرقام




    1/بلد الأستلام
    2/مدينة الأستلام
    3/موقع الأستلام
    4/في حالة الرغبة في التسليم في مكان اخر يضغط على علامة الصح وختار الدولة والمدينة والموقع لتسليم السيارة
    5/تاريخ الأستلام
    6/ تاريخ التسليم
    7/ وقت الأستلام
    8/وقت التسليم


    بعد تعبئة البيانات الي في الأعلى راح يكون المربع كالاتي


    ولاحظوا معاي الدائرة الحمراء
    في حالة الرغبة في تسليم السيارة في مدينة اخرى أو موقع أخر الضغط على علامة الصح


    وكذا راح تكون بعد ما عبيناها



    خلصنا من تعبئة جميع الخانات المطلوبة
    نضغط على أبحث الأن
    ونلاحظ وجود أرقام الأستفسار في الأسفل

    بعد ما نضغط على زر البحث راح تطلع لنا سيارت كثيرة

    نختار منها ما يناسبنا

    وأنا انصح أي سيارة تختارها يكون فيها هالكتابة الصفراء



    لأن هاذي معانتها أنوا السيارة مؤمن عليها تأمين شامل
    ونلاحظ قدام أسم السيارة مكتوب أو ما شابه ذلك
    يعني مو شرط تطلع لك نفس السيارة الي في الصورة بس بالعادة تكون من نفس الفئة


    بعد ما نختار السيارة نضغط على احجز الان

    وراح تطلع لنا صفحة فيها معلومات السيارة

    وفي حالة الرغبة في أضافة جهاز ملاحة أو كرسي أطفال او سائق أضافي للسيارة راح تحصلون هالمربع في اسف الصفحة


    وراح أشرح لكم بالترتيب من فوق لتحت


    1/سائق إضافي
    2/كرسي أطفال من 0 الى 2 سنه
    3/سلاسل الكفرات للمشي على الثلج
    4/جهاز ملاحة
    5/أدوات تزلج على الثلج
    6/كرسي أطفال من 2 سنه وما فوق



    اذا خلصنا من طلباتنا نضغط على أحجز الان

    ومع العلم أن الأضافات الي راح تضيفها ماراح يظهر لك سعرها ولا راح يضاف في المجموع العام لكن راح يحاسبونك عليها في وقت الأستلام

    راح تطلع لنا هالصفحة


    وهي صفحة البيانات الشخصية ووسائل الأتصال فيك

    نعبيها ونضغط أحجز الأن

    وراح تطلع لنا هالصفحة



    بيانات بطاقتك الاتمانية

    وهذي هي اخر خطوة

    وراح يتم ارسال أيميل لك مباشرة بعد الحجز وراح يتم الأتصال عليك وراح يتكلمون معاك باللغة العربية ولا تستحي أسألهم لو عندك أي أستفسار

    اتمنى الموضوع يكون مفيد وسهل

    وعذرا على الأطالة

    تحياتي


    https://travel.maktoob.com/vb/travel529810/
    ^^^^^^^^^
    رحلتي الى إيطاليا أبريل 2011(أريتزو-روما-فينيس-سيرموني-ميلان)
    --------

    https://travel.maktoob.com/vb/travel528672/
    ^^^^^^^^^^^^^
    كل ما تريد معرفته عن التاكس فري في دول أوروبا
    --------

    https://travel.maktoob.com/vb/travel545046/
    ^^^^^^^^^^^^^^^^^^^
    كيف تستأجر سيارة عن طريق النت بالشرح المفصل
    --------

    https://travel.maktoob.com/vb/travel545100/#post5390736
    ^^^^^^^^^^^^^^^^^^^^^^
    أسهل طريقة لمعرفة المسافات بين المدن والاحداثيات عن طريقة قوقل


  2. #2
    مسافر فعال
    تاريخ التسجيل
    Apr 2011
    المشاركات
    65

    افتراضي

    الف الف الف شكر فدتني كثير يا وجه الخير

    السؤال الاول:

    السيارات مؤمن عليها تامين ضد السرقة ويوم بغيت احجز وجدت اني لازم ادفع مبلغ 250 دولار تامين مسترد فيما لو حصل للسيارة شي


    اذن ايش فايدة التامين الشامل دام انها مؤمنة اساسا ضد السرقة وفي مبلغ تامين ياخذونه منك لاجيت تستسلمها ويرجعونه لك عقب لا سلمتها والسيارة مابها شي


    السؤال الثاني :

    جهاز الملاحة كم بيزيد في السعر ( تقريبي يعني ) هل بيزيد 10٪ 5٪ يعني لو اجارها بيكلف 600 دولار بياخذون 60 دولار ؟؟


    السؤال الثالث (واعذرني اذا ثقلت عليك ) :

    الرخصة هل لازم رخصة دولية ولا رخصتنا السعودية تكفي وتوفي خصوصا ان النسخ الحديثة منها مترجمة بالانجليزية

    سواء مع هذا الموقع او مع مرورهم وتفاتيشهم


    السؤال الرابع :

    لتر البنزين بكم ؟؟ ولتر الديزل بكم ؟؟


    واخيرا سؤال خارج الموضوع لكنه مهم جدا جدا

    احنا دفعنا تامين صحي ؟ وش يشمل ؟ الحالات الخطرة ؟ علاج الامراض البسيطة ؟ الحوادث والاصابات لا قدر الله ام

    حتى الوعكة الصحية العادية ممكن يشملها هالتامين

    وهل الدوا مجانا ولا يتحملون فقط نسبة وكذلك العلاج ؟؟*

    واخيرا اقول الله يكتبلك الاجر كانك وقفت معانا وافدتنا من وقتك الثمين استاذنا




  3. #3
    مميز ايطاليا
    تاريخ التسجيل
    Nov 2010
    المشاركات
    754

    افتراضي

    الف الف الف شكر فدتني كثير يا وجه الخير

    هلا بك أخوي وأنا تحت أمرك


    السؤال الاول:

    السيارات مؤمن عليها تامين ضد السرقة ويوم بغيت احجز وجدت اني لازم ادفع مبلغ 250 دولار تامين مسترد فيما لو حصل للسيارة شي

    اذن ايش فايدة التامين الشامل دام انها مؤمنة اساسا ضد السرقة وفي مبلغ تامين ياخذونه منك لاجيت تستسلمها ويرجعونه لك عقب لا سلمتها والسيارة مابها شي

    التأمين في جميع السيارات ماهو كامل
    لكن فيه تأمين على بعض السيارات مثل ماوريتك تأمين كامل
    ولو خذت سيارة مو مأمنه تقدر تأمنها هناك بس بياكلونك أكل
    وبالنسبة لل 250 يورو المستردة هذي أمانه عندهم
    لو ما جيت في نفس الوقت أو رجعت السيارة فاضية بدون بنزين
    لأنهم يعطونك أياها فل


    السؤال الثاني :

    جهاز الملاحة كم بيزيد في السعر ( تقريبي يعني ) هل بيزيد 10٪ 5٪ يعني لو اجارها بيكلف 600 دولار بياخذون 60 دولار ؟؟
    جهاز الملاحة كل شركة لها طريقتها لكن الأغلب باليومية ياخذون منك
    يعني اليومين ب 5 يورو أو 10 يورو
    وأنا اشوف أنه أوفر لك وأفضل لك تشتريه من هنا قبل تسافر
    وشف موضوع الجديد وراح يفيدك كثير



    السؤال الثالث (واعذرني اذا ثقلت عليك ) :

    الرخصة هل لازم رخصة دولية ولا رخصتنا السعودية تكفي وتوفي خصوصا ان النسخ الحديثة منها مترجمة بالانجليزية

    سواء مع هذا الموقع او مع مرورهم وتفاتيشهم
    لازم رخصة دولية وتراها ما تكلفك شي
    سعرها 100 ريال من أي مكتب طيران بس جيب معاك صورتين شخصيات ورخصتك السعودية ووديها للمكتب
    ولازم تكون معاك الرخصتين وقت أستلام السيارة
    الرخصة السعودية ودولية



    السؤال الرابع :

    لتر البنزين بكم ؟؟ ولتر الديزل بكم ؟؟
    والله أني ناسي بس ان كاني ذاكر
    البنزين 1.52 يورو
    الديزل 1.47 يورو
    مافيه فرق بينهم بالسعر
    الفرق في الصرفيه

    واخيرا سؤال خارج الموضوع لكنه مهم جدا جدا

    احنا دفعنا تامين صحي ؟ وش يشمل ؟ الحالات الخطرة ؟ علاج الامراض البسيطة ؟ الحوادث والاصابات لا قدر الله ام

    حتى الوعكة الصحية العادية ممكن يشملها هالتامين

    وهل الدوا مجانا ولا يتحملون فقط نسبة وكذلك العلاج ؟؟*

    والله ما أدري عن هالموضوع
    على حسب شركة التأمين الي انت مأمن عندها
    أنا عندي مأمن في السعودية من سنتين
    ولما جيت أطلع الفيزا دقيت على شركة التأمين الي أنا عندهم وقلت لهم أبي ورقة للسفارة وعطونياها
    وانا شامله بالنسبة لي لكن ما أدري عن تأمينك

    واخيرا اقول الله يكتبلك الاجر كانك وقفت معانا وافدتنا من وقتك الثمين استاذنا
    الله يجزاك خير والله يكتب الأجر للجميع يارب

    وأنشالله أفيدكم أكثر وأكثر
    ولا تنسى تشوف موضوعي الجديد

    تحياتي لك




  4. #4
    عمدة بريطانيا وإيرلندا الصورة الرمزية بيبسي كولا
    تاريخ التسجيل
    Mar 2010
    المشاركات
    4,394

    افتراضي

    مميزنا الغالي

    كلمات الشكر لن تفي بحقك

    يعجز لساني عن شكرك

    بارك الله فيك

    وزقك

    ووفقك في حياتك العلمية والعملية

    تقبل مروري المتواضع

    محبك / بيبسي كولا




  5. #5
    مميز ايطاليا
    تاريخ التسجيل
    Nov 2010
    المشاركات
    754

    افتراضي

    اقتباس المشاركة الأصلية كتبت بواسطة بيبسي كولا مشاهدة المشاركة
    مميزنا الغالي

    كلمات الشكر لن تفي بحقك

    يعجز لساني عن شكرك

    بارك الله فيك

    وزقك

    ووفقك في حياتك العلمية والعملية

    تقبل مروري المتواضع

    محبك / بيبسي كولا
    هلا بك أخوي بيبسي كولا

    أشكرك جزيل الشكر على الكلام الرائع

    أحرجتني والله

    واللهم امين يارب ويرزقك ويبارك فيك يارب

    وبالتوفيق يارب

    وأتمنى أكون افدتك بهالموضوع

    شرفتني بطلتك يالغالي

    لا خلا ولا عدم

    تحياتي لك




  6. #6
    مسافر فعال
    تاريخ التسجيل
    Apr 2011
    المشاركات
    65

    افتراضي

    الف شكر لك على ردك الرائع الماتع

    انا اتصلت على خدمات العملا بالموقع اللي عطيتني

    وقالولي بتكلفني السيارة طيلة 22 يوم حوالي 2300 ـ 2500 ريال كحد ادنى

    لكن انا في شغلة ما فهمتها يقولون لا وصلت عند مكتب التاجير اللي بالمطار راح يحجزون على مبلغ 900 يورو احتياطا !!

    علمنا خطوات الدفع دون شروحات بس علمنا خطوات الدفع لكل شيء

    يعني 1- تدفع لهم عن طريق الموقع قيمة كذة وكذة

    2- اذا رحت المطار في رسوم كذا اذا كذا وفي رسوم كذا اذا كذا مثلا

    3- راح يطلبون منك كذا وكذا مبلغ يمسكونه

    لاني ملخبط وما عرفت اسوي دراسة للتكاليف بالضبط ؟؟؟؟ واخاف تطلعلي مصاريف اضافية او امور اخطئ في تقديرها

    ثم اخسر فلوسي او ادفع فوق المطلوب على شي مو اجباري او ما يسوى

    بانتظارك




  7. #7
    مسافر فعال
    تاريخ التسجيل
    Apr 2011
    المشاركات
    65

    افتراضي

    تكملة لردي السابق اقول:

    بالنسبة للرسومات اللي بشرحك ما وجدت هذا المبلغ بالاسفل حق وشو هذا وهل هو اجباري

    http://www.herosh.com/download/86132...15-30.jpg.html



    http://img103.herosh.com/2011/05/23/758242422.jpg



    لاني حتى يوم سألت الموظفة تبين انها ماهي فاهمة شالطبخة تعطيني الاجمالي والاجمالي يختلف عن الموقع

    وما فصلتلي مضبوط ومرة تقولي ادفعلنا بالبري بيد ( مسبقة الدفع ) ثمن تقول هناك ما بيعطونك السيارة لو ما عندك

    فيزا اللي ممكن تحجز فيها مبلغ تاميني !!! طيب خلونا نفهم اجل وش هالسطر اللي بموقعكم وليش ادفعه !!!




  8. #8
    مميز ايطاليا
    تاريخ التسجيل
    Nov 2010
    المشاركات
    754

    افتراضي

    هلا بك أخوي fawaz

    أنا جربتهم أول مرة

    وماكنت ماخذ سيارتي بتأمين

    فأمن بمبلغ 150 يورو تقريبا

    وسحبوا مني ديبوزت 250 يورو يوم أخذت السيارة

    ولما رجعت لهم السيارة رجعت لي ال250 يورو

    وهذي تأمين في حالة اني اخذت السيارة ولا عاد رجعت لهم ياخذونها دايركت

    وبالنسبة للتأمين هو تأمين في حالة السرقة أو الحادث لا قدر الله أنت ما تتحمل أي شي


    وانا توني دقيت عليهم عشانك وأستفسرت منهم زيادة

    وقالوا لي نفس هالكلام

    وأنا صار معي نفس الشي

    أتمنى اكون أفدتك

    تحياتي لك




  9. #9
    مسافر فعال
    تاريخ التسجيل
    Apr 2011
    المشاركات
    65

    افتراضي

    اقتباس المشاركة الأصلية كتبت بواسطة llvlloto مشاهدة المشاركة
    هلا بك أخوي fawaz

    أنا جربتهم أول مرة

    وماكنت ماخذ سيارتي بتأمين

    فأمن بمبلغ 150 يورو تقريبا

    وسحبوا مني ديبوزت 250 يورو يوم أخذت السيارة

    ولما رجعت لهم السيارة رجعت لي ال250 يورو

    وهذي تأمين في حالة اني اخذت السيارة ولا عاد رجعت لهم ياخذونها دايركت

    وبالنسبة للتأمين هو تأمين في حالة السرقة أو الحادث لا قدر الله أنت ما تتحمل أي شي


    وانا توني دقيت عليهم عشانك وأستفسرت منهم زيادة

    وقالوا لي نفس هالكلام

    وأنا صار معي نفس الشي

    أتمنى اكون أفدتك

    تحياتي لك
    قبلة على جبينك ايها الرجل الشهم

    الله يكتبلك اجر كل دقيقة بالمكالمة ويفتحلك ابواب رزقه

    اخوي يؤسفني اقولك اني للان ما اتضحت الصورة عندي او اني ما عرفت اوصلك سؤالي

    انا للان الصورة ما اتضحتلي انا فاهم انه تامين يالغالي

    انا كلامي

    الان ليش ادفع هالمبلغ وانا اساسا راح يسوون حجز hold على جزء من قروشي بالفيزا لامني وصلت المطار !!

    يعني قصدي انا كذة ولا كذة مامن من فوق خشمي ماهوب طيب مني

    ان ما دفعته للشركة اللي بالنت راح ادفعه على شكل hold لمبلغ عندي بالفيزا

    مدري هل انا فاهم غلط ولا هذا شي وهذاك شي ثاني وايش الفرق ؟؟

    الشي الثاني هل انا مخير ام مجبر على دفع هذه الزيادة على قيمة اجار السيارة ؟؟؟

    الشي الثالث ابي خطوات الدفع هل انا بهالموقع ادفع كااااافة التكاليف من الى قبل ما استلم السيارة

    ولما اروح للمطار يعطوني السيارة واامن عليها بحجز مبلغ ما من الفيزا ؟؟؟

    ام اني بس احجز والدفع هناك انا يوم اتصلت على الحرمة اللي بالكول سنتر حاولت افهم منها الموضوع

    وهي تظن اني اتكلم عن طريقة الدفع وانواع الفيزا وانا كنت اقصد شي ثاني تماما

    اعذرني حبيبي الغالي كاني غثيتك والله اني على نار رخصتي الدولية لحد الحين

    ما خلصت وبطاقات الفيز ما جاتني موافقة للان عليها والسفرة بعد 3 ايام بسسسس

    والله حتى صرف فلوس بعدي ما صرفت




  10. #10
    مميز ايطاليا
    تاريخ التسجيل
    Nov 2010
    المشاركات
    754

    افتراضي

    اقتباس المشاركة الأصلية كتبت بواسطة fawaz8000 مشاهدة المشاركة
    قبلة على جبينك ايها الرجل الشهم

    الله يكتبلك اجر كل دقيقة بالمكالمة ويفتحلك ابواب رزقه

    اخوي يؤسفني اقولك اني للان ما اتضحت الصورة عندي او اني ما عرفت اوصلك سؤالي

    انا للان الصورة ما اتضحتلي انا فاهم انه تامين يالغالي

    انا كلامي

    الان ليش ادفع هالمبلغ وانا اساسا راح يسوون حجز hold على جزء من قروشي بالفيزا لامني وصلت المطار !!

    يعني قصدي انا كذة ولا كذة مامن من فوق خشمي ماهوب طيب مني

    ان ما دفعته للشركة اللي بالنت راح ادفعه على شكل hold لمبلغ عندي بالفيزا

    مدري هل انا فاهم غلط ولا هذا شي وهذاك شي ثاني وايش الفرق ؟؟

    الشي الثاني هل انا مخير ام مجبر على دفع هذه الزيادة على قيمة اجار السيارة ؟؟؟

    الشي الثالث ابي خطوات الدفع هل انا بهالموقع ادفع كااااافة التكاليف من الى قبل ما استلم السيارة

    ولما اروح للمطار يعطوني السيارة واامن عليها بحجز مبلغ ما من الفيزا ؟؟؟

    ام اني بس احجز والدفع هناك انا يوم اتصلت على الحرمة اللي بالكول سنتر حاولت افهم منها الموضوع

    وهي تظن اني اتكلم عن طريقة الدفع وانواع الفيزا وانا كنت اقصد شي ثاني تماما

    اعذرني حبيبي الغالي كاني غثيتك والله اني على نار رخصتي الدولية لحد الحين

    ما خلصت وبطاقات الفيز ما جاتني موافقة للان عليها والسفرة بعد 3 ايام بسسسس

    والله حتى صرف فلوس بعدي ما صرفت

    حبيبي الرخصة الدولية وأنت واقف يعطونك أياها

    وبالنسبة للبطاقة الائتمانية الله يسهل أمورها وتطلع لك بأسرع وقت

    أنا عشان ما أتفلسف عليك بقولك تجربتي الي صارت لي قبل شهر

    أنا اخذت سيارة من الموقع وكانت بمبلغ 800 ريال تقريبا وبدون تأمين للاسف وكنت طالب جي بي أس وطالب سائق أضافي

    لما رحت هناك ومعاي الفوتشر حق الدفع الي طبعته من النت

    خذوا بطاقتي وحاسبوني على الجي بي أس والسائق الاضافي وقالت لي الموظفة تبي تأمن؟؟ قلت أفضل شي أأمن عشان ما أتوهق وأمنت بمبلغ 150 يورو تقريبا

    وحجزوا 250 يورو من بطاقتي الاتمانية

    ولما رجعت السيارة رجعت لي الفلوس

    وهذي كل القصة يا حبيبي

    أنا ما أقولك بيصير معاك كذا

    أنا أقول هذا الي صار معاي

    اتمنى تكون وصلت المعلومة

    وتراك لا غثيتني ولا شي

    وانا تحت أمرك يا حبيبي

    تحياتي لك




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك