مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 45 من 57 الأولىالأولى ... 35 38 39 40 41 42 43 44 45 46 47 48 49 50 51 52 55 ... الأخيرةالأخيرة
النتائج 441 إلى 450 من 569
Like Tree0Likes

الموضوع: للنساء فقط ألاماكن والاشياء اللي حبيتيها في دبي (الجزء الثاني)

  1. #441
    مسافرجديد الصورة الرمزية لعيونه احيا
    تاريخ التسجيل
    Apr 2011
    المشاركات
    16

    افتراضي

    يعطيك العافيه اختي..
    طبعا انا من الرياض وان شاءالله طالعه لدبي في بدايه الشهر الجاي..
    وطبعا راح يصادف يوم وجودي في دبي ذكرى يوم زواجي وابغى اسوي مفاجئه لزوجي واسوي احتفال بسيط في الفندق..
    فمو عارفه كيف الفندق يقدر يسوونها لي..
    او اذا تعرفين لي وحده متخصصه في هالامور والترتيبات ..
    يعني من ترتيب الغرفه والكيكه ومن هالامور..
    اكون شاكره لك من كل قلبي..




  2. #442
    مسافر متميز
    تاريخ التسجيل
    Jun 2005
    المشاركات
    236

    افتراضي


    بنت زايد الف شكر حبيبتي الموضوع جداً رااااااااائع
    حابه اسال ايش افضل محلات شوكلاتة لذييييييذة وفاخره وغريبة

    وكمان حلويات وهدايا للاطفال <<اعتقد تسمونها قرقيعان

    ابغاها للعيد ان شاءالله

    جزاكم الله خير


    <<انا ام وليييييد




  3. #443
    مميزة الامارات الصورة الرمزية بنت الشيخ زايد
    تاريخ التسجيل
    Aug 2007
    المشاركات
    4,500

    افتراضي

    اقتباس المشاركة الأصلية كتبت بواسطة الغرام. مشاهدة المشاركة
    مرحبتين اختي الف لف شكر على موضوعك الي استفدت منه فوق ماتتصوري اختي حبيت استفسر منك عن بعض الامور وياليت تساعديني انا جايه لدبي بتاريخ29-8 يعني اخر يوم برمضان ناويه اتعيد عندكم وبجلس 5 ايام فقط والسكن راح يكون بفندق القصر انا ابغا استغل هذي الايام وازور اكبر قدر ممكن من الاماكن الحلوه رحلتي توصل سته ونص المساء وين اروح اول مااوصل ايش اقرب حاجه لفندق القصر وممتعه بنفس الوقت واول يوم العيد وين تنصحيني اروح انا معاي زوجي وبنت 12سنه وولد7سنوات وابغاهم ينبسطو وايام العيد المولات عندكم تكون فاتحه واذا اوكي من الساعه كم لساعه كم وقرية مدهش وين احصلها وهل يكون فيه تخفيض بهذي الفتره واسفه جدا على كثرة الاسئله سؤال اخير توني اذكره اظن ايام العيد تكون فيه حفلات لفنانين كيف اعرف عن اماكنهاواسعار دخولها ( والف شكر لسعة صدرك وحلمك علينا اختي)
    هلا اختي
    لا شكر على واجب وحياج الله
    اول ما توصلين تقدرين تسيرين دبي مول وهو قريب من القصر وتتعشون فيه
    او انكم تسيرون الممشى وتعشون هناك وتسهرون
    والمولات فاتحه في العيد عادي من 10 الصبح لين 10 م
    وتقدرين تشوفين تقارير الاعضاء وتاخذين فكره عن الاماكن بشكل عام
    ومدهش بيكون مسكر في العيد لان مدهش فقط يفتح في مهرجان الصيف اللي بيكون من 20 -6 لين 29-7
    وبالنسبه للحفلات ما عندي علم


    اقتباس المشاركة الأصلية كتبت بواسطة وميض الأمل مشاهدة المشاركة
    السلام عليكم

    ألف شكر لج يالغالية على مجهودج الطيب ..حبيت آخذ رأيج ومشورتج في البرنامج القصير جدا ...ان شاء الله بوصل دبي عقب باجر يوم الخميس تاريخ 26 على الساعة 9 ونص وبقعد ليوم السبت على الساعة 9 ...وحابة استغل هاليومين بقدر الامكان فياريت تخبروني اذا اختياري موفق او لا...
    انا وزوجي وطفل سنتين ونص مع اختي وزوجها...
    اليوم الاول عند الوصول حبيت استغل اليوم فقررت نروح الفيستيفل نتعشى هناك..
    اليوم الثاني نتوجه الصبح امارات مول لان لحد العصر وبعدها الى الجميرا والممشى ونتعشى في ال جيبي ار
    اليوم الثالث نتوجه الى سوق نايف بس عشان النسوان مالهم بد من الاسواق الشعبية
    أو هل هناك سوق آخر شعبي أفضل منه بحيث نستبدله ؟؟؟؟وبعدها نسير على دبي مول والاستمتاع فيه وفي سوق البحار وننتظر اول عرض للنافورة الراقصة وبعدها على طول المطار...

    ياليت احد يخبرني اذا كان ترتيبي جيد ، او هل بامكان استبدال مكان بدل آخر او تغيير الترتيب..علما بأن السكن بيكون في الشارقة لان احد من الاهل موجود هناك او يمكن في دبي يعني للحين ماتأكدت...بس نبي رايج في الترتيب والاماكن..

    الأخ سعود ماقصر رد علي وممكن اجوف رايج انتي بعد بس هو ماجاوبني على السوق الشعبي اللي ممكن استبدله..خبرج تعرفين الحريم...يعني لو كان عندي مجال اني اروح سوق شعبي واحد لضيق الوقت وين تفضلين يكون؟؟ هل في افضل من نايف؟؟ يعني هل الكرامة او غيره بيكون افضل؟؟ انتي شنو رايج .. وهل يفتح يوم الجمعة الصبح ؟؟؟ طبعا هذا اهم شي عشان استغل الصباحية وبعدها اسير المولات...علما بأني اكيد راح اشتري جم شغلة رخيصة على الطاير من السوق الشعبي..ياريت تجاوبيني حبيبتي بسرعة لأن مافي وقت
    هلا اختي
    برنامجج حلو
    بس بالنسبه للسوق الشعبي نايف فيه اشياء متنوعه اكثر وارخص
    سوق الكرامه تقليد ماركات من ملابس وشنط واكسسوارات بس غالي مب رخيص
    وحياج الله واسفه للتاخير

    اقتباس المشاركة الأصلية كتبت بواسطة البلوت مشاهدة المشاركة
    مرحبا ,
    انا اكتب بمعرف زوجي
    ابغى سبا نسائي في دبي واسعاره معقوله اذا ممكن :)
    في كل الفنادق 5 نجوم فيها سبا خاص بالنساء وجربي سبا اتلانتس وايد حلو وراقي

    اقتباس المشاركة الأصلية كتبت بواسطة لعيونه احيا مشاهدة المشاركة
    يعطيك العافيه اختي..
    طبعا انا من الرياض وان شاءالله طالعه لدبي في بدايه الشهر الجاي..
    وطبعا راح يصادف يوم وجودي في دبي ذكرى يوم زواجي وابغى اسوي مفاجئه لزوجي واسوي احتفال بسيط في الفندق..
    فمو عارفه كيف الفندق يقدر يسوونها لي..
    او اذا تعرفين لي وحده متخصصه في هالامور والترتيبات ..
    يعني من ترتيب الغرفه والكيكه ومن هالامور..
    اكون شاكره لك من كل قلبي..
    هلا اختي
    ممكن تخبرين ادارة الفندق عن السبرايز وهم بيرتبون لج كل شي
    بس ما اعرف اذا فيه حد متخصص بهالاشياء

    اقتباس المشاركة الأصلية كتبت بواسطة abo_walled555 مشاهدة المشاركة
    بنت زايد الف شكر حبيبتي الموضوع جداً رااااااااائع
    حابه اسال ايش افضل محلات شوكلاتة لذييييييذة وفاخره وغريبة

    وكمان حلويات وهدايا للاطفال <<اعتقد تسمونها قرقيعان

    ابغاها للعيد ان شاءالله

    جزاكم الله خير

    <<انا ام وليييييد
    هلا اختي ام وليد
    حياج الله

    في دبي مول محلات شوكليت فخمه وراقيه وغريبة
    وحلويات القرقيعان امممممممم نحنا ترا نستخدم الحلويات العاديه !!
    او ممكن من محل باتشي تاخذين توزيعات للأطفال


    قليل في ذا الوقت من جمعت عليه العامه---- محبوب عند الله وخلقه والصغير والكبير
    هذا قضاء الله نقبل بهولاشيء لائمه ---- رغم انها نكسه على الامه بها الوقت العسير
    ودعتنا والنفس عطشى من فراقك ظاميه
    من يروي العطشان من بعدك ومن يرضي الضمير
    كرمك رمضان المكرم نلت حسن الخاتمه
    ومن حبه الله فاز في الدنيا وفي الدار الاخير
    يهناك (زايد) صرت في التاريخ راس القائمه
    وكل والوثائق تثبت إنك صدر في قلب النضير
    أما الخلف ابشر بهم دام العمارة قائمه
    يمشوا على نهجك على السيرة ويا نعم المسير


    كلمات: أبوبكر سالم بالفقيه



  4. #444
    مسافر متميز
    تاريخ التسجيل
    Jun 2005
    المشاركات
    236

    افتراضي

    بنت الشيخ زايد مشكورة على ردك وتفاعلك معنا

    بالنسبة للفساتين اللي في دبي مول وامارات مول كيف اسعارها غاااالية؟

    انا ابغى فساتين تكون حلوه ونعوووومه واسعارها ماتتعدى 1500

    وين احصلها

    وكمان ابغى محلات لبيع الجوالات والاجهزة الكفيه

    انا بخاطري جوال ومابعد نزل عندنا يمكن يكون نازل عندكم !!

    معليش يالغالية كثرت عليك تحمليني




  5. #445
    مميزة الامارات الصورة الرمزية بنت الشيخ زايد
    تاريخ التسجيل
    Aug 2007
    المشاركات
    4,500

    افتراضي

    اقتباس المشاركة الأصلية كتبت بواسطة abo_walled555 مشاهدة المشاركة
    بنت الشيخ زايد مشكورة على ردك وتفاعلك معنا

    بالنسبة للفساتين اللي في دبي مول وامارات مول كيف اسعارها غاااالية؟

    انا ابغى فساتين تكون حلوه ونعوووومه واسعارها ماتتعدى 1500

    وين احصلها

    وكمان ابغى محلات لبيع الجوالات والاجهزة الكفيه

    انا بخاطري جوال ومابعد نزل عندنا يمكن يكون نازل عندكم !!

    معليش يالغالية كثرت عليك تحمليني
    هلا اختي
    ولا شكر على واجب ولو!!

    بالنسبه للفساتين في دبي مول حطي في بالج الاغلب غاليات بس اكيد لو دورتي بتلقين
    انا احب فساتين محل bcbg وفيه عندهم بحدود هالسعر وفي محل بي بي
    واذا مالقيتي في دبي مول ممكن تحصلين في الفستيفال ستي في محل abc او في مركز البستان في القصيص

    بس بالنسبه للجوالات اختي تقريباً كل الجوالات في الشرق الاوسط نفس الشي




  6. #446
    مسافرجديد
    تاريخ التسجيل
    Jul 2006
    المشاركات
    33

    افتراضي

    بنت الشيخ زايد..

    الله يسعدك ممكن خدمه زوجي عنده عمل يومين في دبي وابجي معه والشركه معطينه غرفه في فندق فور بوينتس شيرتون الي على شارع الشيخ زايد

    ودي اعرف اذا عندك خلفيه عن هالفندق وايش فيه من مميزات وهل حوله شي قريب اقدر اروح له بروحي..
    وايش افضل مطعم سي فود تنصحيني اروح له لاني من عشاقه..
    وسوق ماركيتو يستاهل اروح له ..

    خدمك المال والبنون والزوج الحنون..




  7. #447
    مسافرجديد
    تاريخ التسجيل
    Jan 2009
    المشاركات
    59

    افتراضي

    مساء الخير بنت الشيخ زايد ويعطيك العافية
    بس ابي اتاكد واعرف الوقت المضبوط للتخفيضات عشان احجز ارحلة
    واي الشقق افضل للعوائل عند سوق دبي او مول الامارات لان الخيارات كثير وانا احترت
    واي افضل السكن عند مول الامارات او دبي مول

    تبدأ فعاليات صيف دبي من
    22 - 6 - 2011 م الى تاريخ 31 - 7 - 2011 م
    20 - 7 - 1432 هـ الى تاريخ 29 - 8 - 1432 هـ

    هذا تاريخ التخفيضات

    فعاليات عالم مدهش من
    20 - 6 - 2011 م الى تاريخ 10 - 9 - 2011 م
    18 - 6 - 1432 هـ الى تاريخ 11 - 10 - 1432 هـ



  8. #448
    مسافرجديد
    تاريخ التسجيل
    Jul 2010
    المشاركات
    39

    افتراضي

    بنت الشيخ زايد..

    الله يسعدك ممكن اذا تعرفي نقاشه تجي للفندق ويكون نقشها حلو اومشغل في دبي وافضل لو تجي للفندق وكيف سعر النقش عندكم
    وابي اعرف وين احصل الحريم اللي يعملو الاكلات الشعبيه في دبي




  9. #449
    مميزة الامارات الصورة الرمزية بنت الشيخ زايد
    تاريخ التسجيل
    Aug 2007
    المشاركات
    4,500

    افتراضي

    اقتباس المشاركة الأصلية كتبت بواسطة ام غدير مشاهدة المشاركة
    بنت الشيخ زايد..

    الله يسعدك ممكن خدمه زوجي عنده عمل يومين في دبي وابجي معه والشركه معطينه غرفه في فندق فور بوينتس شيرتون الي على شارع الشيخ زايد

    ودي اعرف اذا عندك خلفيه عن هالفندق وايش فيه من مميزات وهل حوله شي قريب اقدر اروح له بروحي..
    وايش افضل مطعم سي فود تنصحيني اروح له لاني من عشاقه..
    وسوق ماركيتو يستاهل اروح له ..

    خدمك المال والبنون والزوج الحنون..
    هلا اختي
    انا دوم اشوف الفندق من برع هو ع شارع الشيخ زايد واقرب شي لج دبي مول بس لازم تروحين له بتاكسي 5 دقايق
    مطاعم السي فوووود بصراحه ما عندي خبره بهم لاني مب من عشاقهم
    وميركاتو حلو في الصبح حق ريوق بس

    اقتباس المشاركة الأصلية كتبت بواسطة عزيزي المسافر مشاهدة المشاركة
    مساء الخير بنت الشيخ زايد ويعطيك العافية
    بس ابي اتاكد واعرف الوقت المضبوط للتخفيضات عشان احجز ارحلة
    واي الشقق افضل للعوائل عند سوق دبي او مول الامارات لان الخيارات كثير وانا احترت
    واي افضل السكن عند مول الامارات او دبي مول

    تبدأ فعاليات صيف دبي من
    22 - 6 - 2011 م الى تاريخ 31 - 7 - 2011 م
    20 - 7 - 1432 هـ الى تاريخ 29 - 8 - 1432 هـ
    هذا تاريخ التخفيضات

    فعاليات عالم مدهش من
    20 - 6 - 2011 م الى تاريخ 10 - 9 - 2011 م
    18 - 6 - 1432 هـ الى تاريخ 11 - 10 - 1432 هـ

    هلا اختي
    والله ما عندي معلومات عن عالم مدهش متى يفتح
    بس فعاليات صيف دبي من 22-6 الى 31- 7 يعني لين قبل رمضان بيوم

    والشقق السكنيه بتلقين خيارات وايد في منطقة البرشاء خلف امارات مول وبأسعار حلوه

    اقتباس المشاركة الأصلية كتبت بواسطة نايف 55 مشاهدة المشاركة
    بنت الشيخ زايد..

    الله يسعدك ممكن اذا تعرفي نقاشه تجي للفندق ويكون نقشها حلو اومشغل في دبي وافضل لو تجي للفندق وكيف سعر النقش عندكم
    وابي اعرف وين احصل الحريم اللي يعملو الاكلات الشعبيه في دبي
    اهلين
    الاحسن انكم انتو تسيرون الصالون لان الحنايه ما تي الفندق الا لمجموعه
    اللي اعرفها ما تطلع من الصالون لاقل من 500 درهم يعني ع الاقل لخمس اشخاص

    والصالونات على حسب سكنكم
    اذا في جميرا برشح لكم صالون جراند فلورا اللي في اسواق دوم اتعامل وياهم وخدماتهم روعه واسعارهم من 50 لين 250 على حسب النقش وطوله وفي منهم يتحنون ايد وريل ويكون بعد على حسب
    وهاذي نقوشهم من النت


    وهذا رقمهم 042850555
    وفي جميرا بعد صالون رشنا في شارع جميرا بس اسعارهم مبالغ فيه وما اتعامل وياهم وايد

    او انه تسيرون سوق الحمريه المركزي في منطقة ديره شارع ابو هيل في هذا السوق اشهر صوالين الحنايات مثل صالون الباديه وصالون بثينة و صالون كشخة في وايد صالونات وكلهم حناهم تووووووب احب اروح هناك اذا طلعت من الدوام وكنت محتاره لان فيه عدة صالونات




  10. #450
    مسافرجديد
    تاريخ التسجيل
    Jul 2010
    المشاركات
    39

    افتراضي

    طيب وين احصل الحريم اللي يعملو الاكلات الشعبيه في دبي في اي سوق




صفحة 45 من 57 الأولىالأولى ... 35 38 39 40 41 42 43 44 45 46 47 48 49 50 51 52 55 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك