مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
النتائج 1 إلى 7 من 7
Like Tree0Likes

الموضوع: فيزا لندن من قطر..القطري طلبتك!!

  1. #1
    مميزة بريطانيا الصورة الرمزية قطرية كول
    تاريخ التسجيل
    Mar 2010
    المشاركات
    1,926



    افتراضي فيزا لندن من قطر..القطري طلبتك!!

    السلام عليكم..

    عندي استفسار للأخوان بهالبوابة وعلى راسهم راعي الفزعة مشرفنا المتميز القطري .. ولا يهون الباقيين..

    أولا: بالنسبة حق الفيزا من الدوحة أنا عبيت الطلبات ألكترونيا.. بس جوازي القديم اللي فيه الفيزا القديمة من سبع سنوات ما أدري وينه!!! اتهقى بيطلبونه؟

    ثانيا: في تعبئة النماذج أنا قلت أن زوجي هو المتكفل بكل شي من تذاكر وفندق ومواصلات وأكل وسياحة عشان أفتك من أسالتهم بس طبعا أنا موظفة وكاتبة بيانات راتبي حسب طلبهم في النوذج!!!

    فالسؤال : لازم أودي بعد كشف حساب من البنك بحسابي لآخر ستة شهور وألا مو لازم؟ يبون شهادة من مكان عملي فيها بيانات وظيفتي وتفاصيل راتبي وألا أوراق زوجي تكفي؟

    ثالثا: وين موقع تقديم طلبات الفيزا في قطر؟ شفت السفارة في الدفنة قرب دوار القوس وناس قالوا لي في شارع المطار!!

    وين الصح؟

    رابعا: أيش المطلوب ناخذه معانا بالضبط يوم الذهاب للسفارة من أوراق ومتطلبات؟ أحنا 2 كبار و2 أطفال ما نبي نروح ونرد أكثر من مرة انا موظفة وصعب أطلع من الدوام.

    خامسا: بالنسبة حق بطاقة الصراف الآلي أقدر أسحب من الماكينات الصراف الآلي هناك وإلا بتطلع علي ضرائب لبنك وايد؟ أنا بنك إسلامي كم ياخذون على كل عملية سحب آلي من الصراف الآلي؟

    يسسسسسسسس تسلم أخوي القطري باتعبك معاي وشكرا لكل إخت وأخ بيفيدني برايه ومقترحاته.. وحرم الله أيديكم عن النار..




  2. #2
    عمدة بوابة بريطانيا الصورة الرمزية القطري
    تاريخ التسجيل
    Jul 2004
    المشاركات
    11,776



    افتراضي

    وعليكم السلام ورحمة الله وبركاته

    هلا وغلا باهل ديرتي :)

    ودام فيها طلبه فأنا اقول تم :24:

    اولاً ..الفيزا الي في الجواز ابو سبع سنوات عادها سارية المفعول ولا لا ! اذا لا فأعتبري نفسك في السليم :) ..لان احنا صارت لنا سالفه لما جددنا الجواز القديم لوحده من خواتي والجواز القديم ضاع والفيزا الي فيه كانت سارية المفعول !! صارت سالفه طويله عريضه مانبي انقولها عشان مانطلع من الموضوع :)

    ثانياً ..كل الي اتودينه الجواز + صوره شخصيه بخلفيه بيضا + مبلغ نقدي ..اما سالفة كشف الحساب فهذي للاخوان في السعوديه بس ..

    ثالثاً ..مكان تقديم الفيزا في عمارة الشريف في الدور الخامس عند تقاطع تويوتا الي قبل تقاطع المطار وانتوا جايين من شارع البنوك ..

    رابعاً ..كل المطلوب الجوازات + تعبئة الطلبات + مبلغ نقدي + حضوركم شخصياً ..اذا كانوا الصغار اقل من 5 سنين مش لازم ايجون ..واذا الأطفال ابوهم مش مسافر اعتقد يكتب كتاب بخط يده انه موافق ..بس تأكدوا منها بعد كأحتياط ..

    خامساً ..على السحبه اعتقد ياخذون 12 ريال ..فحاولوا اذا بتسحبون خلوا المبلغ كبير اشوي عشان ماتسحبون كل اشوي ..

    واي خدمه احنا في الخدمه ولاأتحاتون ابداااا :)




  3. #3
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    الغالية رحلة موفقة

    اضافة على كلام اخونا المشرف المتمييز

    في شيء اسمة خدمة Vip تقدرين تطلبينها اول ماتوصلين هم يفتحون من 8 بسعر 150 ريال للشخص

    بدل ماتوقفين وتنتظرين الدور وتخلصين بسرعة ان شاء الله ...وكذلك خدمة ارسال مسج 8 ريال اذا طلعت التاشيرة

    واهم شيء يكون المبلغ نقدا معك لانهم ماياخذون بطاقة ...بدل ماتتوهقون ...والغالية تقدرين تتصلين عليهم تسالين عن

    الاجراءات اذا عندك استفسار ...والامر مرة سهل ..وربي يوفقكم

    بخصوص السحب ياخذون 20 ريال على كل سحب

    عشان كذا انصحك اشتري بالبطاقة افضل لانه بدون اي رسوم

    واي خدمة ابشري بها




  4. #4
    مميزة بريطانيا الصورة الرمزية قطرية كول
    تاريخ التسجيل
    Mar 2010
    المشاركات
    1,926



    افتراضي

    اقتباس المشاركة الأصلية كتبت بواسطة القطري مشاهدة المشاركة
    وعليكم السلام ورحمة الله وبركاته

    هلا وغلا باهل ديرتي :)

    ودام فيها طلبه فأنا اقول تم :24:

    هذا العشم فيك يا ولد الأجاويد..

    اولاً ..الفيزا الي في الجواز ابو سبع سنوات عادها سارية المفعول ولا لا ! اذا لا فأعتبري نفسك في السليم :) ..لان احنا صارت لنا سالفه لما جددنا الجواز القديم لوحده من خواتي والجواز القديم ضاع والفيزا الي فيه كانت سارية المفعول !! صارت سالفه طويله عريضه مانبي انقولها عشان مانطلع من الموضوع :)

    الحمد لله الفيزا منتهية من نفس سنتها ومش سارية المفعول..الله يطمن قلبك يا شيخ..
    ثانياً ..كل الي اتودينه الجواز + صوره شخصيه بخلفيه بيضا + مبلغ نقدي ..اما سالفة كشف الحساب فهذي للاخوان في السعوديه بس ..

    يعني ما يحتاج صور الجوازات؟ وهل زوجي مطلوب منه كشف حساب وبيانات راتبه من الشغل وألا بس للسعوديين الأفاضل؟

    ثالثاً ..مكان تقديم الفيزا في عمارة الشريف في الدور الخامس عند تقاطع تويوتا الي قبل تقاطع المطار وانتوا جايين من شارع البنوك ..

    تسلم ويسلم غاليك..واضح الوصف..
    رابعاً ..كل المطلوب الجوازات + تعبئة الطلبات + مبلغ نقدي + حضوركم شخصياً ..اذا كانوا الصغار اقل من 5 سنين مش لازم ايجون ..واذا الأطفال ابوهم مش مسافر اعتقد يكتب كتاب بخط يده انه موافق ..بس تأكدوا منها بعد كأحتياط ..

    خامساً ..على السحبه اعتقد ياخذون 12 ريال ..فحاولوا اذا بتسحبون خلوا المبلغ كبير اشوي عشان ماتسحبون كل اشوي ..

    طيب لو شريت أو دفعت دايركت ببطاقة الصراف الآلي للمحل ياخذون عليها شئ وإلا لأ؟

    واي خدمه احنا في الخدمه ولاأتحاتون ابداااا :)
    ما نحاتي دام الله ثم أنت معانا ..والله يخليك لنا ذخر يا وولد بلادي..




  5. #5
    مميزة بريطانيا الصورة الرمزية قطرية كول
    تاريخ التسجيل
    Mar 2010
    المشاركات
    1,926



    افتراضي

    اقتباس المشاركة الأصلية كتبت بواسطة qatar2007 مشاهدة المشاركة
    الغالية رحلة موفقة

    اضافة على كلام اخونا المشرف المتمييز

    في شيء اسمة خدمة vip تقدرين تطلبينها اول ماتوصلين هم يفتحون من 8 بسعر 150 ريال للشخص

    بدل ماتوقفين وتنتظرين الدور وتخلصين بسرعة ان شاء الله ...وكذلك خدمة ارسال مسج 8 ريال اذا طلعت التاشيرة

    واهم شيء يكون المبلغ نقدا معك لانهم ماياخذون بطاقة ...بدل ماتتوهقون ...والغالية تقدرين تتصلين عليهم تسالين عن

    الاجراءات اذا عندك استفسار ...والامر مرة سهل ..وربي يوفقكم

    تسلمين الغالية وربي يوفقك وين ما عطيتي وجهك..:
    14b2a:


    بخصوص السحب ياخذون 20 ريال على كل سحب

    عشان كذا انصحك اشتري بالبطاقة افضل لانه بدون اي رسوم

    نفس سؤالي للقطري ..متأكدة ما ياخذون شي على دفع المشتريات ببطاقة الفيزا ألكترون العادية مالت الصراف الآلي مو الذهبية أو الفضية!!:
    12ah9:

    واي خدمة ابشري بها
    تخدمك الخدم أن شاء الله وبشرتي بالجنة يارب..

    مشكورة عزيزتي..




  6. #6
    عمدة بوابة بريطانيا الصورة الرمزية القطري
    تاريخ التسجيل
    Jul 2004
    المشاركات
    11,776



    افتراضي

    ابداً مايحتاج كشف حساب ولا صوره من الجواز :)

    واذا دفعتي بالبطاقه ماياخذون اي رسوم ..

    الرسوم بس على السحب الكاش من المكينه ..

    واي خدمه احنا في الخدمه




  7. #7
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    قصر عنك الشر يالغلا وابشري بسعدك وانا اختك
    متاكدة يالغلا ماهنا اي ريال زيادة للدفع بالمشتريات
    وبعضهم يخيرونك نخصم بالريال القطري او الباوند ...




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك