مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 3 1 2 3 الأخيرةالأخيرة
النتائج 1 إلى 10 من 24
Like Tree0Likes

الموضوع: معلووومات عن دنفر - كولورادو

  1. #1
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي معلووومات عن دنفر - كولورادو

    السلام عليكم

    شلوونكم .. عساكم بخير


    مدري اذا حد حط الموضوع هذا من قبل ولا لا ؟؟

    بس انا دورت وماحصلت ..

    فاسمحوا لي اذا طلع الموضوع مكرر ..

    المهم ..

    انا عندي دورة في دنفر شهر 7 ان شاء الله

    حابب اسأل شنو احسن خطوط طيران اسافر عليها من الدوحه (قطر) الى دنفر

    وشنو احسن الفنادق اللي اسكن فيها .. وخصوصا في مدينه اينجل وود (Englewood)

    شنو الاماكن الترفيهية اللي موجوده هناك ؟؟

    السينمات ...
    المولات ...
    اي شي تقدرووون تساعدوني فيه ...

    شاكر لكم مقدما ...

    واتمنى منكم المساعدة ...

    اسيرالدوحه




  2. #2
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي

    شدعوه ؟؟؟

    مافي حد رد علي ؟؟؟

    :(

    ليش ؟؟؟




  3. #3
    مستشارة ادارية سابقه
    تاريخ التسجيل
    Nov 2004
    المشاركات
    6,811

    افتراضي

    هلا و الله اخوى أسير الدوحه ..

    الشيخ أنا عندى معلومات عن دنفر إذا تهمك ، أما أنجل وود .. سمعت عنها بس ما عندى معلومات ذاك الزود عنها




  4. #4
    مسافرجديد
    تاريخ التسجيل
    Apr 2005
    المشاركات
    56

    افتراضي

    والله طال عمرك دنفر وين ماتروح ترفه عن نفسك من خلال الطبيعه

    وبخصوص السينما فكل مكان فيه سينما مبنى خاص او ضمن مجمع تجاري

    وفيه مدن ترفيهيه مثل إلتشز السكس فلاقز تشترك بمبلغ تقريبا 40 دولار ويصورونك ويعطونك بطاقه فيها صورتك بالكمبيوتر طبعاً في الحال يسوونها وتكون مدتها البطاقه حسب علمي اخر مره ست شهور وهذي موقعها قريب من الجامعات في الداون التاون يعني معظم المعاهد والجامعات حولها وبقلب المدينه يعني مشي تروح ماتحتاج ليموزين بس اذا بتاكل فيها تقريبا غالي حبتين ... واما المجمعات فحدث ولا حرج وين تروح تلقى عندك اراوا مول وباكنج هام سكوير وعندك مطاعم عربيه اذا حاب تاكل طبخ عربي مثل شاورما :) او كباب .. بس شغل محترم ....عندك مثلاً مطعم القدس وعندك مراكز عربيه في شارع باركر قريب من منطقة ارورا وفيها جامع كبير الشارع هذا في مركزين عربيين ومسجد ... وفيه بشارع كولورادو البقاله العربيه ومركز الشرق الأوسط وفيها بطايق تلفون اذا بتكلم دولي ويرشدونك على افضل بطاقه مخفضه تكلم فيها

    طبعاً المدينه طبيعه خلابه ... ولكن حذاري تروح الداون تاون بالليل متأخر لان فيها اجرام شوي واذا عندك سياره حاول تخلي ازرار الابواب مسكره .. حاول تبتعد عن جنوب المدينه فيها اجرام على خفيف .... اول ماتوصل هناك .. ممكن يصادفك اعصار في منطقة المطار ... انا رحتها في 2001 بعد اليوم اللي وصلت جا اعصار كسر بعض الطيارات طبعا ماكان فيها ركاب ... المنطقه اللي فيها المطار مرتفعه ودايم يصير فيها اعاصير وفي غرفه بالمطار اذا فيها اعصار يعني هناك الجو ماتقدر تخمنه .. بس جوها حلو بس انتبه للحوادث الطبيعيه ... هنا بالسعوديه او قطر تخاف يطلع لك بعير والا شي هناك في الطرق السريعه مثلا لو بتروح ولاية نيفادا انتبه يطلع لك دب تجيب العيد فيه او غزال او ثيران .... يعني هناك حيوانات وفيه حيوانات مفترسه ولازم تطلع اي مكان يكون معاك شي يدفيك لو تعطلت السياره او شي يعني لابد تكون معك بطانيه في السياره

    ولازم تسمع الرادو دايم اذا انت طالع مشوار بعيد شوي علشان اذا انت في السياره وبتصير فيضانات او اعصار او شي يكون تنبيه .. واحيان كثيره ينبهونك عن الثلج الاسود ... الثلج الاسود هذا ماتشوفه يكون لونه مثل الاسفلت اذا مريت عليه تزلق السياره وتنقلب لاسمح الله .. كثير سعوديين الله يرحمهم توفوا بسبب الشي هذا

    والحقيقه الوقت مايسعفني كثير ياليت تراسلني على البريد الخاص وافيدك اكثر




  5. #5
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي

    هلا بنت الصقور

    عطيني المعلومات اللي عندج عن دنفر ...

    وخصوصا المطار ... وتأجير السيارات ...

    لأني افكر بعد ماخلص الدورة .. استأجر سيارة وانزل اوكلاهوما وتكساس ...

    وبعد ابي اعرف رأيج في فكرة السفر من مطار دالاس على البريطانية ...

    ولا اطلع من شيكاغو ؟؟؟ هم بعد على البريطانية ....

    :)




  6. #6
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي

    هلا خيو بو سعووود

    مشكوور اخوووي على المعلومات القيمة ..

    بس اخوي انا رايح شهر 7 .. يعني المفرووووض فالصيف ..

    المفروض يكون الجو اما دافي او حار ...


    وانا رايح هناك دورة اسبوعين ...

    :)




  7. #7
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي

    بنت الصقوور ..


    مازلت انتظر ردج خيتو ...




  8. #8
    مستشارة ادارية سابقه
    تاريخ التسجيل
    Nov 2004
    المشاركات
    6,811

    افتراضي

    كولورادو عموما ولايه جميله جدا و معروفه بطبيعتها و برودة جوها لأنها منطقه مرتفعه .. و أحلى شي فيها و اللى عجبنى هو مطار دنفر

    [align=right]أماكن التمشيه فى دنفر:

    1- ملاهي سيكس فلاغز Six Flags
    2- جبال الروكي Rocky Mountains
    3- دنفر زوو Denver Zoo
    4- لاريمر سكوير ... شارع تسوق و مقاهى و مطاعم
    5- تشيري كريك مول Cheery Creek mall ... مركز تسوق راقى و كله ماركات
    6- سكستينث ستريت شوبينغ 16th street mall .. شارع كله مطاعم و محلات تجاريه فى الداون تاون
    7- أرورا مول Aurora mall .. مركز تسوق كبير بس قديم
    8- سيتى سنتر أرورا City Center Aurora .. مركز تسوق حديث
    9- بارك ميدو Park Meadows .. مركز تسوق ضخم
    10- كاسل روك فاكتوري أوت ليت Castle Rock Factory Outlet.. سوق للبضائع المخفضه .. و كبير جدا
    11- فلاتيرون مول Flatiron mall .. مركز تسوق ما بين دنفر و بولدر .. جديد و كبير
    12- كولورادو ميلز مول Colorado Mills mall .. مركز تسوق جميل و كبير [/align]

    بالنسبه لتأجير السياره .. بيكون من مطار دنفر ، جرب شركة ألامو Alamo تكون عندهم سيارات صغيره و رخيصه .. ضروري يكون عندك لايسن دولى و تاخذ فل انشورنس ، تأمين كامل .. و طبعا يسألونك تبى تشتري البترول (You want to buy the fule) قول لا .. إذا اشتريته عليك انك ترجع السياره مفوله .. السياره أصلا يعطونك اياها فيها بترول يعنى لا تحاتى ، و جذيه بتكون على راحتك ترجع السياره مثل ما أخذتها .. بالنسبه للطرق .. لازم تعرف الدايركشن عدل لأنه يضيع شوي .. الشوارع الأساسيه فى المدينه I-25 interstate يقطع المدينه من الشمال إلى الجنوب ، I-70 interstate يقطع المدينه من الشرق إلى الغرب ... و عليك تفادى ساعات الذروه من السابع حتى التاسه صباحا , من الرابعه حتى السابعه مساءا




  9. #9
    مشرف سابق الصورة الرمزية اسيرالدوحه
    تاريخ التسجيل
    Mar 2005
    المشاركات
    4,061

    افتراضي

    مشكووووووووووووووووورة خيتو بنت الصقووور

    ماقصرتي ولا هنتي خيتو

    بس . مدري وشرايج في شركة الطيران ؟؟

    الهولندية ولا البريطانية ...

    الهولندية اطلع من الدوحه لين امستردام بعدين الى شيكاغو واخر شي دنفر ....

    والرجعة نفس الشي

    اما البريطانية ... الدوحة لندن دنفر ...

    والرجعة نفس الشي .. بس لازم ابات ليلة على حسابي في لندن ...

    وشرايج ؟؟؟

    انا والله محتار ...




  10. #10
    مستشارة ادارية سابقه
    تاريخ التسجيل
    Nov 2004
    المشاركات
    6,811

    افتراضي

    اقتباس المشاركة الأصلية كتبت بواسطة اسيرالدوحه
    مشكووووووووووووووووورة خيتو بنت الصقووور

    ماقصرتي ولا هنتي خيتو

    بس . مدري وشرايج في شركة الطيران ؟؟

    الهولندية ولا البريطانية ...

    الهولندية اطلع من الدوحه لين امستردام بعدين الى شيكاغو واخر شي دنفر ....

    والرجعة نفس الشي

    اما البريطانية ... الدوحة لندن دنفر ...

    والرجعة نفس الشي .. بس لازم ابات ليلة على حسابي في لندن ...

    وشرايج ؟؟؟

    انا والله محتار ...
    الطيران الله يسلمك ما يبيلها بعد .. تاخذ البريتش 777 من الدوحه إلى لندن و تجلس يوم فى واحد من فنادق المطار (هيثرو) يا كثرهم ، و تنزل لندن تتمشي و تغير جو إما بالقطار أو الباص .. و ثانى يوم تكمل على دنفر تأكد انه الطياره تكون 747 :107:




صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك