مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 18
Like Tree0Likes

الموضوع: طلب المساعده في عناوين محلات الاثاث في الدمام والخبر

  1. #1
    مسافر متميز الصورة الرمزية العنان
    تاريخ التسجيل
    Dec 2004
    المشاركات
    187

    Thumbs up طلب المساعده في عناوين محلات الاثاث في الدمام والخبر

    لسلام عليكم

    كيف الحال يا اخواني ، انا اخوكم من قطر والحمدلله اشتريت لي بيت واللحين شغال في مرحلة التأثيث ، سمعت من كثير من الناس واكثرهم نصحوني بأني اخذ اثاث البيت من الدمام او الخبر لأن عندهم شغلات حلوه وارخص من عندنا في قطر ، طلبي هو السؤال عن الشوارع اللي توجد فيها محلات الأثاث ومحلات الإناره للثريات والستائر في كل من الدمام والخبر :114:، وياليت اللي يعرف الاماكن يعطيني اسماء الشوارع حتى ادخلها في النفقيشن ،طبعا مستوى الاثاث اللي ادور عليه راقي يعني اسباني او امريكي :24: وراح ابعد عن الصيني :108:، وشكرا,,




  2. #2


  3. #3
    مسافر متميز
    تاريخ التسجيل
    Jun 2009
    المشاركات
    183

    افتراضي

    هلا والله بأهل قطر وانشالله توصل بالسلامه للخبر
    سجل الاحداثيات بمدينة الخبر طريق الملك عبدالله (الظهران سابقاً) يمين ويسار كله محلات اثاث راقيه ومعروفه
    واخر الطريق نفسه موجود شرطة الخبر خذ معا الاشاره يمين بعد فيه محلات اثاث راقيه وبتلاقي الاشياء اللي تبيها انشالله وبالنسبه للانارات ماعندي معلومات عنها واي استفسار حاضرين




  4. #4
    مسافر متميز الصورة الرمزية العنان
    تاريخ التسجيل
    Dec 2004
    المشاركات
    187

    افتراضي

    اقتباس المشاركة الأصلية كتبت بواسطة وحدكـ مشاهدة المشاركة
    هلا والله بأهل قطر وانشالله توصل بالسلامه للخبر
    سجل الاحداثيات بمدينة الخبر طريق الملك عبدالله (الظهران سابقاً) يمين ويسار كله محلات اثاث راقيه ومعروفه
    واخر الطريق نفسه موجود شرطة الخبر خذ معا الاشاره يمين بعد فيه محلات اثاث راقيه وبتلاقي الاشياء اللي تبيها انشالله وبالنسبه للانارات ماعندي معلومات عنها واي استفسار حاضرين
    هلا بك يالغالي ،، الله يسلمك اخوي
    رحم الله والديك ماقصرت ، يعني هذا الشارع فيه اغلب المحلات المختصه بالاثاث في الخبر ، انزين والدمام بعيده عن الخبر لما امسك خط الكورنيش ولا قريبه ، لأني سمعت ان الاثاث في الدمام ارخص من الخبر ، بس مب عارف اذا صحيح ولا لاء :114:




  5. #5
    مسافر متميز
    تاريخ التسجيل
    Jun 2009
    المشاركات
    183

    افتراضي

    اذا انت تتكلم عن الاثاث الامريكي والاوربي بتحصله بالمكان اللي ذكرته لك لكن اذا تبي الاثاث اللي صناعته سعوديه على حسب التفصيل او الطلب رح تلاقيه بالدمام




  6. #6
    خبير الشرقية الصورة الرمزية محب المباركية
    تاريخ التسجيل
    Oct 2008
    المشاركات
    1,529

    افتراضي

    أخوي العزيز حياك الله وحاضرين لك ومنزل مبارك واتمنى انك تكون قرأت سورة البقرة في البيت

    حبيبنا عندي كم محل ودي أدلك عليهم أولهم في الدمام شارع الملك فهد يوجد محل الأنصاري للاثاث

    رائع جدا واسعاره شوي غالية لكن جودة عالية ومعروف بالشرقية عندنا وعندك يا طويل العمر مفروشات العصفور

    أكثر من فرع ولكن أكبرها المعرض الموجود على شارع الأمير سلطان بين الدمام والخبر بالقرب من محل طـابـا للملابس

    وعند ك في الطريق بين الدمام و الخبر العشرات من المحلات على اليمين واليسار طب وتخير وانت الحكم ولك تحياتي




  7. #7
    سفير العرب المسافرون الصورة الرمزية zazaz
    تاريخ التسجيل
    Jun 2005
    المشاركات
    14,956



    افتراضي

    السلام عليكم




    منزل مبارك إن شاء الله

    ونصيحه إذا اثاثك كثير يعني اكثر من جلسه وثريات و إكسسوارات عليك بالرياض

    ارخص بكثييييير من الشرقيه وفيه خيارات كثيره لأن اللحين الأغلبيه مايجيبون إلا صيني

    الأنصاري والعصفور والمطلق والعمر كله صيني وغاااااااالي مايسوي يجيبون الجلسه

    بــ 2500 و 3000 ريال ويبيعونها بــ 15000 و 18000 ريال اخوي راح الصين وجاب

    اثاثه من هناك يقول اغلب الأثاث اللي هنا مايتعدي إن طار 4000 ريال بس هنا إستغلال رهيب

    وعموما أغلب محلات الأثاث بالدمام بشارع الملك عبدالعزيز وطريق الملك فهد قريب الملعب

    والهاي وي بين الخبر والدمام إمتداد طريق الملك فهد (إبن خلدون) اغلب الأثاث هناك

    والخبر طريق الأمير تركي بن عبدالعزيز قريب الإسكان وبالتوفيق إن شاء الله0 00 0




  8. #8
    مسافر متميز
    تاريخ التسجيل
    Jan 2009
    المشاركات
    166

    افتراضي

    مرحبا فيك أخوي العنان ببلدك وديرتك الثانيه

    منزل مبارك والله يبارك لك فيه ويحفظكم من كل شر

    والله شوف إذا أنت وسيع بال وعندك وقت ولا أنت مستعجل على التأثيث والأنتقال للبيت الجديد

    تعال حياك خذلك جولة هنا وعلى وصف الشباب وأهم شيء سجل الأسعار ونوع الأصناف وقبلها تكون مآخذ مقاسات البيت اللي عندك

    عشان تعرف الحجم والكمية اللي أنت تحتاجها من أثاث إلى آخر اللسته

    شوف المبلغ اللي بيكلفك كم بيطلع

    أرجع لقطر ودور لك على حجز للصين وروح واللسته معك بعدد وكمية الأشياء اللي أنت تحتاج لشرائها

    وقارن السعر ,, يا خوفي على قلبك يوقف من فرق السعر

    أنا من هنا أقول لك ممكن توفر أكثر من نصف السعر اللي ممكن تدفعه هنا .

    الصناعة الصينية ليست كلها رديئة , عندهم لكل ما طلب موجود اللي أنت تحتاجه وبالمواصفات اللي أنت حابها

    الصناعه الأمريكية قد تكون نادره فجل الأمريكي الموجود بالسوق منشأة مصانع بالصين !

    ولا تصدق أنه أمريكي إلا أن يآتي عن طريق ( كونتينر من أمريكا ) غير كذا أنسى الموضوع

    ولو عملت هالشيء أتوقع تحتاج ميزانيه جدا جدا عاليه لتكلفة الأثاث الأمريكي الأصلي مع تكلفت الشحن .

    مثل ما قلت لك وبدون دوخت رأس

    أنا ما أقول لك لا تشتري من هنا

    بس أقول لا تستعجل وتآخذ كل شيء من هنا

    لأنك لو رحت الصين وشفت اللي موجود عندهم مع فرق السعر أتوقع تبطل تشتري من أي مكان

    المسألة وأنا أخوك مسروقين بكل مكان وجشع التجار زائد عن حده ليوصل لدرجة السرقة !



    والقرار لك بالأول والأخير ولكن من باب فتح مجالات وخيارات أوسع لك تم ذكر السابق

    حياك ومراحب مليون فيك




  9. #9
    مشرفه سابق الصورة الرمزية فاررسه
    تاريخ التسجيل
    Mar 2007
    المشاركات
    5,920

    افتراضي

    انا اتفق مع كلام الاخ zazaz ميه بالميه نصيحه ابعد عن المطلق والانصاري كلهم كذابين واسعارهم ناااار وربي مايسووون ابد


    وحشني العرب المسافرون


  10. #10
    مسافر متميز الصورة الرمزية العنان
    تاريخ التسجيل
    Dec 2004
    المشاركات
    187

    افتراضي

    اقتباس المشاركة الأصلية كتبت بواسطة وحدكـ مشاهدة المشاركة
    اذا انت تتكلم عن الاثاث الامريكي والاوربي بتحصله بالمكان اللي ذكرته لك لكن اذا تبي الاثاث اللي صناعته سعوديه على حسب التفصيل او الطلب رح تلاقيه بالدمام
    تسلم يالغالي ،وانا ادور الاثاث الاوربي والأمريكي ،، ماقصرت وبيض الله وجهك




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك