مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 2 1 2 الأخيرةالأخيرة
النتائج 1 إلى 10 من 20
Like Tree0Likes

الموضوع: استفسار عن نيويورك

  1. #1
    مسافرجديد
    تاريخ التسجيل
    Mar 2009
    المشاركات
    7

    افتراضي استفسار عن نيويورك

    السلام عليكم ورحمة الله وبركاته

    يشرفني الأنضمام الى هذا المنتدى الرائع وأسأل الله التوفيق للجميع

    أرغب في السفر الى بوسطن عن طريق نيويورك وذلك لحضور دورة قصيرة في هارفرد بزنس سكول

    ومخططي الجلوس في بوسطن أسبوع ونيويورك أسبوع

    وستكون الرحلة بأذن الله من الرياض الى نيويورك والجلوس ليله ثم الذهاب الى بوسطن اسبوع ثم العودة الى نيويورك اسبوع ثم العوده الى الرياض

    ولدي بعد اذنكم بعض الأسئلة:

    1- هل تسوى الجلسة ليلة في نيويورك ثم الذهاب الى بوسطن أو أروح بوسطن على طول عن طريق المطار
    2- كيف أروح بوسطن عن طريق الباص.
    3- هل اسبوع كامل مناسب أو زايد على نيويورك أو اقسم الأسبوع بين نيويورك وواشنطن
    4- كيف الوصول الى نياقرا من نيويورك
    5- هل تنصحوني بالحجز عن طريق شركة سياحية لقضاء الأسبوع في نيويورك أو خارجها

    أدري بتقولو اسبوع وأبلشنا لكن اسمحولي ترى هذي اول مرة اسافر امريكا وشايل هم


  2. #2
    مسافر متميز
    تاريخ التسجيل
    Dec 2007
    المشاركات
    395

    افتراضي

    مرحبا اخوي ابو علي

    انا اشوف انك تجلس على الأقل يوم أو يومين في نيو يورك ترتاح وبعده تسافر لبوسطن .

    نيويورك افضل من واشنطن يعني ما تسوى روحتك لواشنطن .


    بالنسبة لنياقرا أتوقع ان فيه شركات سياحية أسأل عنها في الفندق لهم برامج سياحية حلوة اطلع عليها وشوف المناسب وروح له.

    بالتوفيق يالغالي




  3. #3
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي

    وعليكم السلام ..

    نور المنتدى بوجودك .. بالنسبة للاساله بحاول اجاوب على الي اعرفه..

    1- هل تسوى الجلسة ليلة في نيويورك ثم الذهاب الى بوسطن أو أروح بوسطن على طول عن طريق المطار
    اذا انت بتوصل قبل الدورة بعد وصلك بيوم او يومين .. اتوقع افضل تروح مباشره الى بوسطن. ولكن لازم تاخذ بعين الاعتبار وقت الرحلة المواصله الى بوسطن. ل تكون قريبه جدا من وقت وصلك رحلتك الى نيويورك. لان ما تدري وش بيصير في المطار و الوقت الي تحتاجه علشان تخلص الجوازات .. و بالنبسة لمطار كينيدي كبير فيه ٩ تيرمنال متصله بقطار يعني تحتاج وقت ..

    لو بتجلس تقدر تروح منهاتن تجلس فيها وميزه الجلسه في منهاتن انها جنب محطات الباص .. خصوصا ان استخدام الباص في بالك ..

    في الاخير تعتمد على وقت وصلك و وقت الدورة ..

    2- كيف أروح بوسطن عن طريق الباص.
    سهل جدا .. في اكثر من شركه تقدم هالخدمه بين بوسطن و نيويورك و اسعارها مره ممتازه وبنفس الوقت الخدمه ممتازه. انا دايم امدح شركه باصات لاني جربتها وكنت مبسوط فيها .. الباصات جديده ونظيفه .. فيها انترنت واي فاي تقدر تستخدمه مجانا .. و الحلو انها تمشي من منهاتن يعني تاخذ تاكسي الى موقع الباص او المواصلات العامه اذا كانت شنتطه صغيره. لان المواصلات العامه متعبه لو معك اكثر من شنطة.

    اسم الشركة ..
    bolt bus
    وتقدر تحجز تذكرة عن طريق الانترنت .. السعر يختلف على حسب عدد الكراسي المتوفره كل ما حجزت بدري يكون سعره ارخص طبعا ما تفرق كثير لانها الفرق ٥ دولار ول عشره بالكثير. بس افضل تحجز علشان تضمن كرسي لان بالويك اند تكون مليانه.

    موقعه على الانترنت..

    https://www.boltbus.com/

    هذي صورة للباص.. "من الانترنت"


    واغلب الكراسي يكون فيها فيش كهرب للاب توب .. او الاجهزه الاكترونيه بصفه عامه ..


    بس اشتر محول لو جهازك مهوب مثل الفيش الستاندر الامريكي الي هو خطين متوازين :)

    المكان الي يمشي منه الباص تقريبا New York 34th and 8th by Tick Tock

    3- هل اسبوع كامل مناسب أو زايد على نيويورك أو اقسم الأسبوع بين نيويورك وواشنطن
    نيويورك تعتمد على الشخص الي يبي سياحه ويتمشى على اهم شي .. تكفيه ٤ ايام تعتبر حلوة.. ولكن الي يحب يتمشى على رجوله طول الوقت و يحب المطاعم و يحب السهر "اقصد السهر بطريقتهم" نيويورك راح تعجبه .. وما يمل منها في اسبوع ..
    واذا كنت مثلي احب اشوف اكثر من مدينه علشان ما احب امل من المدينه .. تقدر تزور اكثر من مدينه عندك انتلانك سيتي في نيوجيرسي وهذا اصلا تقدر تروح وترجع بنفس اليوم وفي باصات يوميا من منهاتن في التايمز سكوير. وعندك مدينه فيليدلفيا مدينه فيها تاريخ امريكي .. وفي واشنطن العاصمه.. كل المدن تقدر تروح لها عن طريق الباص .. او انك تستاجر سياره من نيويورك وتروح فيها واشنطن و تتمشى فيها وترجعها الى نيويورك.
    واشنطن حلوه وتكفيها ليلتين ..

    الزبده انا اشوف انك تجلس في نيويورك ٤ ايام
    تروح وتجي الى اتلانتك سيتي 1 day trip
    و ليلتين في واشنطن ..

    4- كيف الوصول الى نياقرا من نيويورك
    عن طريق الطياره او السياره او الباص .. بس اشوف انها بعيده وانت رحلتك قصيره شوي .. ما تستاهل المشوار بتضيع وقت في التنقلات.

    5- هل تنصحوني بالحجز عن طريق شركة سياحية لقضاء الأسبوع في نيويورك أو خارجها
    قصدك انهم يسون لك جداول وزي كذا .. او فنادق ..
    الفنادق قارن الاسعار النت مع الموجود في السعوديه و شف الافضل .. النت ميزته انه اسهل بالحجز و تجلس تشوف الفندق وتقرا عنه ويكون عندك خلفيه عنه أكثر. اما عن الرحلات والتمشية بنفس المدينه تقدر تتمشى لحالك.

    لا تشيل هم ان شاء الله تتسهل رحلتك .. وانا في نيويورك لو حبيت اي خدمه :)




  4. #4
    مسافرجديد
    تاريخ التسجيل
    Mar 2009
    المشاركات
    7

    افتراضي

    السلام عليكم ورحمة الله وبركاته

    أشكرك أخي الكريم fms نجم البوابة الأمريكية على ردك وعلى معلوماتك التفصيلية
    وأشكرك أخي الكريم placeplace على ردك

    أرجو التكرم باعطائي اسماء فندقين مناسبين في كل من نيويورك وواشنطن وبوسطن يكون قريب من هارفرد بزنس سكوول

    اللي أقصده بالحجز عن طريق شركة سياحية هو الحجز لرحلة لعدة أيام تكون بالباص مع السكن خارج نيويورك مثلا شلالات نياقرا وواشنطن وفيلادلفيا

    ولكم جزيل الشكر


  5. #5
    مسافر متميز
    تاريخ التسجيل
    Jun 2006
    المشاركات
    542

    افتراضي

    اخوي fms

    بخصوص اتلانتك سيتي في نيوجيرسي

    ماهي معالمها السياحية المعروفة ؟ وهل تستاهل الزيارة؟

    تحياتي ،،




  6. #6


  7. #7
    مسافرجديد
    تاريخ التسجيل
    Mar 2009
    المشاركات
    7

    افتراضي

    أخي الكريم

    اللي أعرفه عن الموقع انه قريب Walking distance من Harvard Square
    مادري هل المعلومة تكفي أو لأ

    واذا ممكن سؤال عن شلالات نياقرا كم وقت تبعد بالباص من نيويورك

    وجزيت خيرا


  8. #8
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي

    اقتباس المشاركة الأصلية كتبت بواسطة عبدالله 1987 مشاهدة المشاركة
    اخوي fms

    بخصوص اتلانتك سيتي في نيوجيرسي

    ماهي معالمها السياحية المعروفة ؟ وهل تستاهل الزيارة؟

    تحياتي ،،
    هلا عبدالله ..

    اذا كنت في احد المدن القريبة منها .. ليش ما تزورها .. لو كنت ساكن في نيويورك او نيوجيرسي او فيلدلفيا حلو تزورها المدينه مثل لاس فيجاس بس طبعا فيجاس احلى بكثير من ناحية الفنادق ..

    بكتب عن كل شي بتوضيح اكثر ..

    أتلانتيك سيتي ..

    Atlantic City




    المدينه صغيرة .. عباره عن مجموعه فنادق وفيها كازيونات .. على البحر .. في فنادق جديده طلعت حلوة ازين من الي على البحر ..

    الي يزورها يتذكر لاس فيجاس .. ولكن طبعا لاس فيجاس احلى بكثير.. و احلى ما في اتلانتك سيتي انها على البحر ..

    أكثر الفنادق موجوده تطلع على البحر او المحيط :) ولكن في فنادق جديده ابعد شوي في منطقة المارينا والفنادق فيها اجدد ..



    وهذي خريطة للفنادق الى على البحر والممشى واكثر الناس فيها ..



    داخل الفنادق كايزيونات حقت قمار .. مطاعم والناس تحب دايم تاكل بالبوفيه الموجود في الفنادق زي نظام لاس فيجاس ..

    واحلى ما في اتلانتكس سيتي الممشى الي على البحر و اسمه ..

    the Boardwalk

    فيه مطاعم .. ومحلات كشكات تبيع خرابيط و تقدر تدخل الفنادق عن طريقة .. و على الممشى فيه ملاهي صغيره وفيها هالكوبتر صغيره تقدر تاخذ تووور فيها وتشوف اتلانتك سيتي ..

    ومن الاشياء الحلوه الي فيه مجمع تجاري مقابل فندق قيصر ..

    The Pier Shops At Caesars



    موقع المجمع التجاري على الانترنت
    The Pier Shops At Caesars



    المجمع فيه مجموعه محلات نظيفه وماركات و مطاعم رايقة .. وعرض النوافير .. اسماء المحلات والمطاعم وصور لها في موقعهم تقدر تشيك عليها ..

    صورة للمدخل ..


    عرض النافوره في المجمع



    والي يحب السوق .. في تلانتك سيتي اوت ليت ..

    Atlantic City Outlets The Walk



    Atlantic City Outlets The Walk - Shopping at the foot of the Atlantic City Expressway

    فيه مجموعه حلوه من الماركات .. والي يحب يشوف قائمة المحلات .. عن طريق موقعهم
    Atlantic City Outlets - The Walk - Outlet Shopping in Atlantic City

    صور من الانترنت..





    وفي عروض و حفلات تصير في اتلانتك سيتي بس انا ما قد دخلت عروضهم .. و عروضهم طبعا ما توصل الى نفس عروض لاس فيجاس.. المدينه بصفه عامه صغيره و حليوة تغير جو ليله او ليلتين او نفس اليوم تروح وترجع .. اكثر الناس تتمشى في الممشى الى على البحر .. ولكن اغلب الزوار كبار بالعمر .. حتى تحس انك داخل دار عجزة :) و مستوا الزوار يعني عاديين او تحس انهم على قدهم .. الفنادق الي في المارينا جديده و افخم .. انا رحت فندق واحد تمشيت فيه وسهرت فيه كان حلوو ..

    اسم الفندق
    the borgata

    Atlantic City Hotels & Casinos | Borgata Hotel Casino & Spa | Atlantic City Entertainment





    الفندق هذا لمن دخلت تذكرت فخامة فنادق لاس فيجاس ..

    وبكذا انتهى كل شي عن اتلانتك سيتي




  9. #9
    مسافر متميز
    تاريخ التسجيل
    Jun 2006
    المشاركات
    542

    افتراضي

    اخوي fms

    الله يعطيك الف عافية والله ماقصرت

    تسلم وجهد متعوب عليه

    و أقدر فيك خدمتك لاخوانك الاعضاء ووقتك لهم

    الله يوفقك إن شاءلله ،،




  10. #10
    مسافرجديد
    تاريخ التسجيل
    Mar 2009
    المشاركات
    7

    افتراضي

    أخي الكريم fms

    بخصوص الفنادق في نيويورك أنا حصلت حسب الترشيحات 3 فنادق هي W و westen و Marriot Marquis وكلهم تقريبا بمعدل سعر 280 دولار الليلة ايش تشور علي

    أذا ممكن أبغى فنادق أو اسم منطقة في واشنطن ترشحها لي لمدة ليلتين وجزيت خيرا


صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك