مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 2 1 2 الأخيرةالأخيرة
النتائج 1 إلى 10 من 12
Like Tree0Likes

الموضوع: يــــأهل بوابة باريـــــــــــس الكرمـــــــاء ..اريدكم هنا

  1. #1
    مسافر فعال
    تاريخ التسجيل
    Feb 2008
    المشاركات
    68

    افتراضي يــــأهل بوابة باريـــــــــــس الكرمـــــــاء ..اريدكم هنا

    السلام عليكم ورحمه الله وبركاته ...

    اعضاء منتداي الغالي عامة...واعضاء باريس خااااااااصه...

    طالبتكم الفزعه .. بالردود على أسئلتي البسيطه ..
    اول مرة ازور باريس بنسافر شهر (4) ابريل
    انا وزوجي وطفلي
    الغرض دورة لزوجي لمده اسبوع وانا مرافقه :24:
    يعني راح يكون زوجي مشغول وابكون لحالي فترة النهار الى 5 تقريبا


    1- ابي تدلوني على فندق فخم وبالشانز وقريب للاماكن وللمحلات الماركات يعني اقدر اوصلها بسرعه من الاوتيل لانه ابكون لوحدي فمن غير زوجي ا ابي اماكن قريبه...


    2-افضل المطاعم والقهاوي الي تستاهل ان الواحد يزورها

    3- اماكن سياحيه حلوة

    4-افضل وافر وسيله نقل (تكون امان لو اركب فيها لوحدي انا وولدي )..

    5- اماكن حلوة لتسوق مولات او محلات شعبيه اختكم حرمه ماتستغني:106:

    6- الجو والطقس بشهر اربعه برد اودفئ عشان طفلي
    واحتمال نمر لندن بالقطار فكم سعر التذكرة الى لندن


    تعبتكم معاي بس راح ادعي لكل من يرد على اسئلتي بالتوفيق والهدايه والرزق وتحقيق امنياته




  2. #2


  3. #3
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    اقتباس المشاركة الأصلية كتبت بواسطة جواز سعودي مشاهدة المشاركة
    السلام عليكم ورحمه الله وبركاته ...

    وعليكم السلام ورحمة الله وبركاته


    اعضاء منتداي الغالي عامة...واعضاء باريس خااااااااصه...



    طالبتكم الفزعه .. بالردود على أسئلتي البسيطه ..
    اول مرة ازور باريس بنسافر شهر (4) ابريل
    انا وزوجي وطفلي
    الغرض دورة لزوجي لمده اسبوع وانا مرافقه :24:
    يعني راح يكون زوجي مشغول وابكون لحالي فترة النهار الى 5 تقريبا





    ابشري بعزك وسعدك وانا اختك وعسى دروبكم ميسرة وربي يحفظكم



    1- ابي تدلوني على فندق فخم وبالشانز وقريب للاماكن وللمحلات الماركات يعني اقدر اوصلها بسرعه من الاوتيل لانه ابكون لوحدي فمن غير زوجي ا ابي اماكن قريبه...


    طبعا الشانز مليان فنادق تهبل
    في الماريوت (بس غرفة صغيرة )
    كلارج (عبارة عن استوديو (غرفة وصالة ومطبخ وحمام ) وفي بدون صالة
    طبعا الماريوت والشانز جمب بعض في وسط الشانز يفصل بينهم محل سيفورا
    عندك فندق الورويك وجمبة كاليفورنيا طبعا انصحك بالورويك لانه في بداية لفة صغيرة من لفات الشانز
    مرة قريب وعجيب اما كاليفورنيا شوي داخل وقبله كل الله يعزك بارات يعني بالليل شوي موحش
    عندك بعد فندق الشاتو توصلين له من الشانز من عند لفة الطيران الايراني ومقابلة فندق بورز
    وجمبة بالجهة الثانية فندق كلاريج بالميان بس مانصحك فية ...المهم هذول الفنادق جدا قريبة
    من الشانز مشي ماياخذ دقيقة ...ودقيقتي تكونين في شارع الماركات الافنيو مونتال روعة
    وعلى فكرة الشانز فيه محلات ماركات بعد ....
    ومن عند فندق الفوكيت اللي جمب مقهى الفوكيت الشهير اللي بالشانز بتحصلين ماركات كثيرة
    واهمهم ماركتي المفضلة هيرمس :24:

    وبتلقين بولغري كبير جديد مفتوح ومحلات كثيرة
    طبعا لازم تمرين فندق الفورسيزن (الجورج سانك)


    هذا الرابط بيفيدك

    https://travel.maktoob.com/vb/travel242790/
    https://travel.maktoob.com/vb/travel242221/
    https://travel.maktoob.com/vb/travel242345/

    2-افضل المطاعم والقهاوي الي تستاهل ان الواحد يزورها


    مقاهي الشانز اجمالا كلها حلوة
    الفوكيت - مونتوا كرستو اللي عند فندق الماريوت (عندهم طبق اسمة رزتوا بالمشروم عجيب )وكيكو الفاندوم تهبل - المدريجال (غيروا اسمهما المهم هي بعد محل ديزني بشوي في الشانز (عندهم الكافي لاتية روعة ) هاجن داز - لادورية (عشقي ) روعة الماكرون عندهم شيء خطير لازم تجربينة والكوفي بانواعة روعة - ومقاهي كثيرة والله



    هذي كلها من لادوريه الصور







    مقهى المونتو كرست



    الفوكيت


    هذا من مقهى قدام محل كارتير اللي مقابل فندق الشاتو بالشانز




    هذا من محل الشوكلات ماميزون دو شوكلاته قادام فندق الشاتو بالضبط بس يوم الاحد مايفتح



    هذا لمقهى المدريجال قبل تغيير اسمة




    3- اماكن سياحيه حلوة

    عند سفارة قطر اللي اول الشانز



    تلقين الباصات المكشوفة اللي تاخذكم لااهم معالم باريس وترجعكم نفس المكان وكل شوي يوقف الباص اذا احد يحب ينزل ...يعني ماهنا مشكلة ترجعين نفس المكان لاتحاتين ...

    هذا الرابط ممكن يفيدك
    https://travel.maktoob.com/vb/travel228766/

    طبعا برج ايفل روعة


    اللوفر كنيسة نوتردام فرساي ساحة الكونكورد نهر السين

    انصحك تمرين مطعم البودبار روعة

    وهذا الرابط بفيدك كثير
    https://travel.maktoob.com/vb/travel220427/




    4-افضل وافر وسيله نقل (تكون امان لو اركب فيها لوحدي انا وولدي )..

    التكاسي وباريس ماتحتاجين تكاسي كثير اذا مشاويرك في الشانز والافنيو مونتال قريب
    اما اذا بتروحين اللاديفانس (سوق الفصول الاربع ) او جاليري لافايت وجمبة برنتومب تحتاجين تاكسي
    وافضل اختي اسالي قبل لاتطلعين من الفندق الكونسيرج يعطونك العنوان مكتوب في ورقة تروينها التاكسي
    وكذلك اذا المكان اللي ودك به يحتاج تاكسي او لا ...ولازم تخلين كرت الفندق عنوانة معاك اذا رحتي عشان ماتضيعين


    5- اماكن حلوة لتسوق مولات او محلات شعبيه اختكم حرمه ماتستغني:106:

    في اوت لات يرحونة بالقطار قبل محطة ديزني للامانة انا مارحته لاني اشوف اسواق باريس افضل
    واذا معزمين لندن انصحك خلي التسوق اكثر من لندن افضل بكثير (بتحصلين كل الماركات وكذلك بتحصلين
    اسعار افضل في بضايع ثانية يعني بدائل كثيرة ) انما شانيل في باريس افضل من لندن


    واذا رحتي لندن لازم تشترين البنادول لانه والله غير عن اللي عندنا وربي لايحوجنا وياكم له





    6- الجو والطقس بشهر اربعه برد اودفئ عشان طفلي
    واحتمال نمر لندن بالقطار فكم سعر التذكرة الى لندن

    الجو عجيب اروبا كلها في ابريل تكون روعة وطبعا اهم شيء تجيبين لبس زين بيد طويلة للطفل وعربانته ومظلة للمطر ...


    ورحلة لندن روعة تحجزون عن طريق اليورو ستار من محطة قارد نورد والرحلة عجيبة
    لندن ممتعة مرة ...
    وهذا الرابط بفيدك

    https://travel.maktoob.com/vb/travel241543/

    تعبتكم معاي بس راح ادعي لكل من يرد على اسئلتي بالتوفيق والهدايه والرزق وتحقيق امنياته

    اللهم امين ربي يكتب لنا ولكم الخير
    والسموحة على القصور واذا في خاطرك اي استفسار ابشري به




  4. #4


  5. #5
    مسافر متميز
    تاريخ التسجيل
    Oct 2008
    المشاركات
    287

    افتراضي

    يعطيك العافية------------------------------------- ماخليتي شي نكتبه




  6. #6
    مسافر فعال
    تاريخ التسجيل
    Feb 2008
    المشاركات
    68

    افتراضي

    اقتباس المشاركة الأصلية كتبت بواسطة qatar2007 مشاهدة المشاركة
    اللهم امين ربي يكتب لنا ولكم الخير
    والسموحة على القصور واذا في خاطرك اي استفسار ابشري به


    الله يعطيك العــــــــــــــــافيه ويحقق لك كل ما تتمنينه:smile127:

    الصــــــــــراحة رد كاااااااااااافي واااااااافي والله اني حبيتك :36_3_15:


    واذا ماعليك كلافه في كذا سؤال ابي تجاوبيني عليهم بس ابجمع الأسئله عشان اكون جمعت كل شي عن السفررررة :smile001:




  7. #7
    مسافر فعال الصورة الرمزية Unpredictable
    تاريخ التسجيل
    May 2008
    المشاركات
    93

    افتراضي

    اقتباس المشاركة الأصلية كتبت بواسطة sultanjameel مشاهدة المشاركة
    ماشاء الله عليها اختى قطر 2007 كفت ووفت

    وزيارة موفقة
    اشاركك التعليق

    و رحلة سعيدة




  8. #8
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    اقتباس المشاركة الأصلية كتبت بواسطة sultanjameel مشاهدة المشاركة
    ماشاء الله عليها اختى قطر 2007 كفت ووفت

    وزيارة موفقة
    ماعليك قصور:106:




  9. #9
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    اقتباس المشاركة الأصلية كتبت بواسطة مفتي باريس مشاهدة المشاركة
    يعطيك العافية------------------------------------- ماخليتي شي نكتبه
    ربي يجملنا بالعافية




  10. #10
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    اقتباس المشاركة الأصلية كتبت بواسطة جواز سعودي مشاهدة المشاركة
    الله يعطيك العــــــــــــــــافيه ويحقق لك كل ما تتمنينه:smile127:

    الصــــــــــراحة رد كاااااااااااافي واااااااافي والله اني حبيتك :36_3_15:


    واذا ماعليك كلافه في كذا سؤال ابي تجاوبيني عليهم بس ابجمع الأسئله عشان اكون جمعت كل شي عن السفررررة :smile001: [/SIZE][/COLOR]

    الله يجمل حالنا جميع
    وامنتك لاتحرمينا الدعاء ...
    وحبتك العافية يالغالية
    وابشري بعزك وسعدك ...




صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك