مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 59 من 73 الأولىالأولى ... 9 49 52 53 54 55 56 57 58 59 60 61 62 63 64 65 66 69 ... الأخيرةالأخيرة
النتائج 581 إلى 590 من 729
Like Tree0Likes

الموضوع: ديوانية بوابة الكويت

  1. #581
    مسافر خبير الصورة الرمزية bo_aziz76
    تاريخ التسجيل
    May 2008
    المشاركات
    1,944

    افتراضي

    هلا اخوي المتفائل واحب اشكرك على المجهود الاكثر من رائع


    البطاقة التعريفية؟
    بوعبدالعزيز .... متزوج ولدي طفلين عبدالعزيز وعلي ... مساعد مهندس باحدى وزارت الدوله

    احلى سافرة سافرتها ماهي؟
    كانت بين ماليزيا وتركيا

    مكان مميز تحبه فالكويت؟
    الكويت كلها من جنوبها لشمالها (احب فيها البحر مع البر وافضل البر اكثر )

    نصيحة لمن تهديها؟
    (حب لأخيك كما تحب لنفسك) والله يهدي الجميع ان شاءالله

    باقة ورد؟ وسلة شكوك؟ لمن ؟
    باقة الورد اهديها للقائمين على هذا الصرح الجميل (منتدى العرب المسافرون ) جميعا بدون استثناء
    اما الشوك لمن يستحق الشوك واللي يعكر الوحده الوطنيه واللي يزرع الفتن بينها وفيها واللي مايهمه الا مصلحته ومصلحة الكويت اخررررر شي بحايته .... وين كنا وين وصلنا



    انت اللي تقبل شكري واسفي على الاختصارات السريعه بالرد

    مشكورر اخوي المتفائل




  2. #582
    مسافر متميز الصورة الرمزية كويتية وافتخر
    تاريخ التسجيل
    Jan 2008
    المشاركات
    511

    افتراضي

    صباح الخير علي الكل والجميع ،،،،

    **** اليوم اسئلتى راح تكون من نصيب اخونا العزيز ( بو عزوز ): ـ

    1 _ شنو رايك اللي يصير حاليا مع ضجة الانتخابات الحالية والصراخ هل انت مأيد لحل المجلس ام مع وجود المجلس الامة.

    2 _ موقف مضحك مايروح عن باااللك .

    3_ احلي طبخة تهف عليها نفسك !!! واحلي مطعم عندك .

    4_ بما انك ماشالله مساعد مهندس ( هل حقوقكم تاخذونة كاملة ولا في شي ناقص مثل بعض الدول تحترم وظيفة المندس وتعطيها كافة الكوادر المطلوبة له وتوفير كل ما يحتاجة له المهندس ). وهل جمهية المهندسين تتدافع عنكم وترفع الظلم عنكم أم لا .

    وان شالله تكون الاسئلة سهلة وغير ممله لشخصك يا بوعزوز.




  3. #583
    مسافر خبير الصورة الرمزية bo_aziz76
    تاريخ التسجيل
    May 2008
    المشاركات
    1,944

    افتراضي

    صباح الورد ياهلا باختي كويتيه

    شنو رايك اللي يصير حاليا مع ضجة الانتخابات الحالية والصراخ هل انت مأيد لحل المجلس ام مع وجود المجلس الامة.
    (لوخليت خربت) والله انا مع المجلس اللي يبدي مصلحة الكويت فوق كل اعتبار ويحترم قوانينها وسيادتها وضد مع اللي قاعد يصير بالوقت الحالي الكل مهتم بنفسه وناسي مصلحة الكويت والشعب وكل يوم استجواب وعضو يتهم وزير ومشكله داخل مشكله لين ملينا من المجلس والديمقراطيه اللي يتكلمون عنها (الله يصلحهم ان شاءالله والكويت ماتستاهل اللي يصير لها )


    موقف مضحك مايروح عن باااللك .
    والله وااايد مواقف من ظمنها كنت بتركيا وكنا راكبين الباص انا والمدام وكل مااكلم راعي الباص يقول لي جدام ومحد فاهم الثاني بس بالاشاره وبس لين نزلو كل الركاب ولا الحبيب راح منطقته وهي بعيده عن السكن منطقه قرويه وطفى الباص وقال يالله نزول هنيه !!!!! ولا الطيب نازل القهوى يبي يشرب الشاي ولااكلمه واحاول افهمه نبي نروح الفندق ولا يطالعني ويقول لي انت مسلم قلت له ايي قال تعال اشرب شاي ومن بعدها اوديك والله وشربت الشاي ومن بعدها نزلنا عند السوق . عاد كان اول يوم من وصولي تركيا وكل شي معاي الجوازات والتذاكر مع الفلوس والبطاقات قلت لا رحنا فيها بس الله ستر معنا وهم الشايب ماقصر

    احلي طبخة تهف عليها نفسك !!! واحلي مطعم عندك .
    مربين وحشو دجاج .كوني شايب والمطاعم عندي عادي اي مطعم ماقول لأ (بدر البدور _الديوان _وساعات الوجبات السريعه اما مطاعم الزقرت ساعات مع الاهل مثل برج الحمام وبرج حمود مادري شسم المطعم مع المطاعم الامريكيه )

    بما انك ماشالله مساعد مهندس ( هل حقوقكم تاخذونة كاملة ولا في شي ناقص مثل بعض الدول تحترم وظيفة المندس وتعطيها كافة الكوادر المطلوبة له وتوفير كل ما يحتاجة له المهندس ). وهل جمهية المهندسين تتدافع عنكم وترفع الظلم عنكم أم لا .
    الحمدلله على كل حال . وليش بعض الدول قولي بعض الوزارات عندنا اغلبهم غير عن الثاني واللي نفس شهادتي في وزاره ثانيه ياخذون اكثر او احسن وعنده بدلات اقوى وهم عندنا بالوزاره في ناس تصرف لهم بدلات واحنا لا حمدلله



    وان شالله تكون الاسئلة سهلة وغير ممله لشخصك يا بوعزوز.
    لا بالعكس اسئلتج حلوه وخفيفه ومشكوره اختي وماقصرتي




  4. #584
    مسافر متالق الصورة الرمزية أحبك يا كويت
    تاريخ التسجيل
    Sep 2006
    المشاركات
    686

    افتراضي

    مساكم الله بالخير ربع دوانيتنا الحبايب .. عندي سؤالين فقط لأخونا القدير / bo_aziz76

    مساك الله بالخير بوعبدالعزيز .. شلونك ابوي ؟

    سؤالي الأول : موقف محرج صار لك خصوصاً مواقف الداوم ، وموقف مضحك وياليت لو كان مع زملاء الدوام .

    سؤالي الثاني : شيء تتنرفز منه ولا تتحمله ويطلعك من طورك .. مـاهو ؟

    وتقبل تحياتي


    نــمـــوت وتــحـــيــا الـــكـــويــــت


  5. #585
    مسافر خبير الصورة الرمزية bo_aziz76
    تاريخ التسجيل
    May 2008
    المشاركات
    1,944

    افتراضي

    صبحك الله بالخير اخوي احبك ياكويت وهذه الساعه المباركه

    سؤالي الأول : موقف محرج صار لك خصوصاً مواقف الداوم ، وموقف مضحك وياليت لو كان مع زملاء الدوام .
    موقف محرج صارلي لم المدير قعدني من النوم وكتب فيني ملاحظه طبعا هذه اول سنه عمل يعني اول ايام الوظيفه
    موقف مضحك في يوم دخل علينا وكيل مساعد من الصبح والشباب كانو يطبخون الفطور والباقي يلعبون بلي ستيشن والمشكله محد عرفه لاانه كان جديد لين راح المدير ويشتكي علينا بس حمدلله عدت على خير بس كان شكلنا يضحك


    سؤالي الثاني : شيء تتنرفز منه ولا تتحمله ويطلعك من طورك .. مـاهو ؟
    عدم الاحترام والتقدير والتقليل من الشأن يعني لما تحرق اصابعك التسع والعاشر ماتحرقه يقولون انت ماسويت ولاقدرت ولااحترمت . هذا الشي اللي مااتحمله ويطلعني من طوري

    تحياتك على راسي من فوق تسلم اخوي




  6. #586
    مسافر متالق الصورة الرمزية أحبك يا كويت
    تاريخ التسجيل
    Sep 2006
    المشاركات
    686

    افتراضي

    اقتباس المشاركة الأصلية كتبت بواسطة bo_aziz76 مشاهدة المشاركة
    صبحك الله بالخير اخوي احبك ياكويت وهذه الساعه المباركه

    سؤالي الأول : موقف محرج صار لك خصوصاً مواقف الداوم ، وموقف مضحك وياليت لو كان مع زملاء الدوام .
    موقف محرج صارلي لم المدير قعدني من النوم وكتب فيني ملاحظه طبعا هذه اول سنه عمل يعني اول ايام الوظيفه
    موقف مضحك في يوم دخل علينا وكيل مساعد من الصبح والشباب كانو يطبخون الفطور والباقي يلعبون بلي ستيشن والمشكله محد عرفه لاانه كان جديد لين راح المدير ويشتكي علينا بس حمدلله عدت على خير بس كان شكلنا يضحك


    سؤالي الثاني : شيء تتنرفز منه ولا تتحمله ويطلعك من طورك .. مـاهو ؟
    عدم الاحترام والتقدير والتقليل من الشأن يعني لما تحرق اصابعك التسع والعاشر ماتحرقه يقولون انت ماسويت ولاقدرت ولااحترمت . هذا الشي اللي مااتحمله ويطلعني من طوري

    تحياتك على راسي من فوق تسلم اخوي
    صبحك الله بالنور والسرور ، ساعتك ابرك الله يطول بعمرك بوعزوز :109::109::109::109::109:
    خووووش مواقف والله ، خصوصاً الطباخ والبلاي ستيشن .. بس الحمد لله اللي عدت على خير :109::109: تحياتي وتقديري ويسلم راسك :smile:




  7. #587
    مسافر خبير الصورة الرمزية bo_aziz76
    تاريخ التسجيل
    May 2008
    المشاركات
    1,944

    افتراضي

    الله يسلمك من كل شر اخوي الغالي وتسلم على الرد والمرور الكريم




  8. #588


  9. #589
    مسافر متالق الصورة الرمزية soud321
    تاريخ التسجيل
    Feb 2009
    المشاركات
    940

    افتراضي

    عدم الاحترام والتقدير والتقليل من الشأن يعني لما تحرق اصابعك التسع والعاشر ماتحرقه يقولون انت ماسويت ولاقدرت ولااحترمت . هذا الشي اللي مااتحمله ويطلعني من طوري



    و الله انك صاج و المصيبه هذا الي حاصل بالدوام والي عنده واسطة مايسوي شي وقاعد بالبيت والترقيات تجيه بارده مبرده اخيييييييي و الله قهر ولي يكرف ويلعن خيره و يوم بس تاخر عشر دقايق شوف عاد الانذار و الخصم والله مقهوووور

    يعطيك العافيه




  10. #590
    مسافر خبير الصورة الرمزية bo_aziz76
    تاريخ التسجيل
    May 2008
    المشاركات
    1,944

    افتراضي

    الله يعافيك ويخليك اخوي soud321

    هذا حال الدنياااا يالله ماعليه خير تعمل شر تلغى الله يكون بعونك ان شاءالله




صفحة 59 من 73 الأولىالأولى ... 9 49 52 53 54 55 56 57 58 59 60 61 62 63 64 65 66 69 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك