مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 10 1 2 3 4 5 6 7 8 ... الأخيرةالأخيرة
النتائج 1 إلى 10 من 100
Like Tree0Likes

الموضوع: تقرير رحلتي لارض العمار والتجاره (صيف دبي )

  1. #1
    الصورة الرمزية نوف2008
    تاريخ التسجيل
    May 2008
    المشاركات
    3,112

    Talking تقرير رحلتي لارض العمار والتجاره (صيف دبي )

    (السلام)

    بسم الله الرحمن الرحيم
    كان قرار سفرتنا لدبي جا باخر لحظه بسبب ارتفاع اسعار التذاكر
    وماحصلنا حجز لماليزيا وبلد مهند ولميس :110:
    وحابه اقدم شكري الجزيل
    لكل رواد بوابة دبي بما قدموه لنا من مساعده ومعلومات
    لان اخر زياره كانت لنا بدبي عام 2004 بالحج
    واعتذر عن رداءة التصوير وركاكة الاسلوب لان اول مره بسفراتي ادهر
    واصور عشانكم
    تم التقاط الصور من (كاميرا سوني 8 بيكسل:106: +كانون 7 بيكسل)وصوري الي بنزلها قليله لان
    فيها ماي فاملي وامي رافضه تطلع صور عيالها خايفه عليهم:x1:


    بحكي لكم ان شالله بتقريري
    افضل الاماكن السياحيه الي زرتها بصيف دبي 2008
    والعيوب الي شفتها هناك :

    الانطلاق كان .. في ببداية اوقست:surf بالسياره من الرياض مرور بحرض
    الى حدود البطحاء نصيحه الي امه داعيه عليه يروح فيه ( الطريق مره زفت خط واحد مايتحمل
    الاسياره وفي نقطه تقريبا ميتن كيلو محطاته 91 فقط مافي 95
    وكله شاحنات وكثبان رمليه .. بعكس طريق الامارات ماشالله تبارك الله
    وهذي صورة توضح طريقنا وطريقهم 



    وكانت العوده بطريق الاحساء طريق حلوو بس لو اروح مره ثانيه
    طياره طياره الله لايعوق بشر شوفو السرعه الي نمشيها 180 نبي نوصل



    الفنادق

    منتجع دسرت بلم . توه جديد فاتح ماله الا اربع شهور زرته بعد ماشفت
    تقرير عنه بالمنتدى جدا رائع وهذي بعض الصور الي التقطها سعره 2400 مع الخدمه والضريبه وابحثو بالمنتدى بتحصلون شرح وافي عنه



    فندق تاج بلس بديره دبي فندق نظيف *****
    سعرالليله744 والليله الرابعه مجانيه وتم الحجز بمكتب الصرح بالرياض
    مميزاته غرفته وسيعه مع شرفه واعتقد مافيه بار ولا ديسكو ولا حاريم وخرابيط
    صاحبه العجمي بس الفنادق الي حوله الله يسترعيبه انه بمنطقة عزاب  لاتخلون اطفالكم يطلون مع البلكونه ههههه ماشفت شي هههه ابد





    هذا موقع تاج بلس
    The Taj Palace: 5 Star Luxury Hotel in Dubai

    فندق شنقريلا
    فندق مو على مدح الناس صغنون بس منطقته حلوه
    ( صورته بكاميرتي الثانيه كانون ) حاليا ان مسافره اذا رديت الرياض نزلتها )
    ( وجه مستحي )



    وهذا شانقريلا موقعهم للحجز
    ميزته على شارع زايد بس مره غرفه كئيه
    Shangri-La Hotels and Resorts | Online Hotel Reservations For Luxury Deluxe Hotels and Resorts World Wide

    الحين جا دور الجولات والصولات والبلع والتبضع والتمشي :x1:


    جوله في ((خور دبي )) لمده 45 دقيقه في قارب زجاجي مكيف ومرريح جدا
    ياخذكم بلفه كامله للخور الي هو عباره عن نهر صغير وسط دبي ممتع جدا
    التكلفه 25 درهم للشخص 000مكانه بوسط قريه التراث000من الشندغه التاريخيه بجوار نفق الشندغه من الجهه اليمنى من بر دبي الى ديره 000



    عشاء على السفينه((قريه البوم)) عباره عن سلطات ومشاوي ومشروبات
    تأخذكم جوله لمده ساعتين 000 الشخص ب86 درهم 000 الوقت من 10 مساء الي 12
    يفضل الحجز مسبقا رقمهم 3243000-04
    موقعهم يفضل الاتصال عليهم لمعرفته 00 بس اتذكر انه قريب جدا من جسر القرهوود نهايه الجسر تجيكم مخررج يمين ادخلو من عند وبعدها لفه يمين اددخلوو هو مقابل تمام فندق جراند حياه 0000 اقول دقوا ازين من وصفي 


    الباص البر مائي الشخص ب115 درهم مكان الحجز بمركز برجمان


    حديقه الخور يوجد بها قطار التذكره ب3 درهم وسياكل ومدينه ملاهي للاطفال
    وتلفريك الشخص 25 درهم
    ( صوره شجر وخضره وزهور وسياكل ):109:  مازرتها لان اتذكر زرتها ب2004
    وكلها باب هنود
    ((على فكره قريه البوم وحديقه الخور جنب بعض على نفس الشارع ))

    مقهى شيل اوت بمركز ((تايم سكوير)) 60 درهم للدخول هالمقهى مكون من الثلج
    درجه الحراره فيه 6 د رجات يقدمون لك مشروب بارد بقالب ثلجي
    ياليمون او ستروبري .. واذا حبيت هوت شكولت او غيره بفلوس
    مكانه (امتداد شارع الشيخ زايد 0 بيكون عاليسار الشارع بالقرب من وكاله سيارات الرنج روفر )
    وايضا للزياده قريب جدا من مول الامارات



    مايمنع تتمشون بمشروع النخله:24: بعد جميرا بس توه ماخلص وفيه شقق فندقيه
    جهازه للسكن بصراحه مناظره رائعه وفيه فندق انتلانتس واااااااااااااااااو ان شالله اذا اتزوجت بسكنه 



    الاسواق :


    ((مركز مول الامارات ))000روعه قليل عليه 0000 يوجد به سينمات

    حضرت فيلم (بحر النجوم لهيفاء وهبي) مره مايستاهل(يع ) ويعرض الان فيلم الباند
    يصيح من الضحك رهيييييييييييييييب
    وفيه سكي دبي
    عباره عن مدينه ثلجيه الشخص ب90 درهم 000 <<<بيصير ازين شي بروحتكم لدبي جونان وخااقوقي وساطولي000 بعد الدور الثالث ملاهي ماجيك بلانيت ولاتضيق صدوركم ياحاريم يعطونك جاكيت
    كنه عبايه :) بس في شي مهم جيبو معكم قفازات وملابس شتويه لانه برد



    ((مركز فيستفـــــــــال سنتر)) مركز جديد ماله الا اربع شهور فاتح حلو مره فيه ممرات مائيه وقارب صغير يلف حول المركز مجـــــــــــــــانا يسمونه عبره وبضاعته مره ذوق وفيه تصفح النت مجاني انا تحسفت اني ماخذت لاب توبي 
    وعلى فكره فيه اكشاك تبيع اكسسوريز للجولات روعه



    مركز(( ابن بطوطه)) الديكورر عباره عن حضاارات من مصر الى الاندلس الي تونس الى الهند
    مميـــــــــــــــــــــــز جدا ايضا به سينما



    السوق العربي (( مدينه جميرا ))رائع رائع رائع اسميها فينيسيا
    مكانه بالضبط بعد برج العرب يجيكم الوايلد وادي هو بعده على طول مو واضح لكن
    من الخاررج يبان لكم اشكال بيوت قديمه  على نفس الشارع يعني نهايه شارع الجميرا وفيها مقاهي وعيبه فيه بار يع ونهايته اوتيل ميناء السلام حلو
    مرره حلووووو





    مركز(( الوافي للتسوق )) جديد وطراز فرعوني واهرامات 0000 هذا السوق فيه ماركات عالميه واشتريت منه لبس للعيد ومسوين بعض المحلات تخفيضات
    الدور الثالث مطاعم وملاهي بالنسبه للملاهي في لعبه خاقوقيه لاتفوتكم اسمها the tomp لعبة رعببببببببببببببببببببببببب طبعا لفوق 14 سنه
    هاللعبه قعدنا انا واخواني نضحك يومين على اشكالنا كل مانتذكرها0000 سعر التذكره 27 درهم والي مايقدر يكملها ماترجع له فلوسه احنا كملو 4 وطلعو 2 هع
    ثانيا في محل روعه قليله عليه اثاث من الفين سنه وانتم داخلين كنكم داخلين بيت ملوووك
    اسمه ميمــــــــــــــــــــــــــــوس بالدور الارضي  وممنوع التصوير والله توحفه حسيت اني سندريلاااا





    مركز ميركاتو .. سوق حديث كنك بايطاليااااااا يفتح النفس حلو تشربون فيه كوفي



    بالنسسبه للاسواق الرخيصه
    سوق نايف, والمنال. والكرامه تقريبا نفس بطحتنا مايمنع تتمشون فيها رغم اني ماايد
    وانصحكم بالمساءخصوصا الجو حار او اخر ليله من السفر ..
    على فكره جنب مركز الكرامه عماره تبيع الشنط الماركه تقليد درجة اولى بطريقه سريه يعني لازم يكون معك زوجك او اخوك او ابوك عشان تدخلين الشقه
    وتختارين الشنط واسعارها من 150 درهم وطالع ولازم تكاسرونه
    انا سمعت عنه بس ماعرفت وينه بالضبط ودخلت محل شنط بمركز الكرامه ودلني عليه صاحب المحل

    مايميز دبي:114: :
    1- عمران وتطور مو طبيعي
    2- في شوارعها كاميرات يلقطون الي يسرع ههههههه
    3- فيهم خير بعض المراكز بوقت الصلاة يشغلون الاذان

    عيبوبها :
    1- المترو توه ماخلص ومسبب زحمه  تكفين هذا عيب نصيحه لاتزرونها الا بعد سنتين
    2- حر ورطوبه افضلها بالشتاء عشان الجو وعشان هالاجانب يتسترون
    3- الاجانب ماخذين راحتهم عادي لو تشوف تبويس قدامك
    4- الموسيقى والاغاني بكل مكان
    5- اكثرها هنود واجانب والهنود فالينها الله يخلف على هنودنا الي طاقه له بورش والي معه بي ام ههههههه
    6- مافي احد يتكلم عربي .
    7- اغلب فنادقها مراقص وبارات.
    8- العايله المحافظه تسكن بالشارقه افضل .




    أسال الله العلي القدير أن يسعدكم ويهنيكم بها السفره يارب وماوصيكم الله الله بدعاء السفر
    دعواتكم لي ان يتحقق الي في بالي




  2. #2
    مسافر متميز
    تاريخ التسجيل
    Jul 2006
    المشاركات
    298

    افتراضي

    الأخت نوف

    تقرير حلو وشامل اغلب مناطق دبي السياحية

    واسلوبك في الشرح عفوي جميل وبسيط جداً

    بس لو كانت الصور اكبر شوي .

    على فكرة الظاهر في زيارتك لوافي ما مريتي على خان مرجان .

    مشكوره على هالتقرير

    تحياتي




  3. #3
    مسافر متالق الصورة الرمزية بهااء
    تاريخ التسجيل
    Aug 2007
    المشاركات
    933

    افتراضي

    ماشاءالله تقرير رائع ووصف أروع :)
    صح كلامج أنا رديت من دبي 24 -7 لمدة 4 أيام و ما لقينا حجز سعره مناسب أغلبها من 1000 جرهم و طالع ،، بعدها انتقلنا نت دبي للشارجة 3 أيام ,, و أفضل الشارجة على دبي من ناحية السكن :)


    Not Needed :106:


  4. #4
    مسافر خبير الصورة الرمزية الإمـ بنت ـارات
    تاريخ التسجيل
    Jul 2006
    المشاركات
    1,481

    افتراضي

    الله يعطيج العافية اختي عالتقرير


    سبحان الله وبحمده عدد خلقه ورضا نفسه وزنة عرشه ومداد كلماته


  5. #5
    مسافر متميز الصورة الرمزية khald_AD
    تاريخ التسجيل
    Apr 2006
    المشاركات
    221

    افتراضي

    تقرير بسيط وحلو ... يعطيج العافية نوف




  6. #6


  7. #7
    مسافر متميز الصورة الرمزية *المها*
    تاريخ التسجيل
    Dec 2007
    المشاركات
    513

    افتراضي

    ماشاءالله عليج يا نوف..

    يمعتي لنا واختصرتي كل الاماكن الغاويه..في دبي

    وجان عن الهنود...

    آآآآآآآآآخ خلي الطبق مستور.. قوم راجو وبابو.. شيوخ عدنا..


    واليوم روحي كنت بموووت م القهر... يايني وااحد لو اشوفه في الشارع كنت بتصدق عليه ب 20 درهم - مستر شاندرا- !

    جان يظهر لي كشف الحساب اللي عنده

    الله وكيلج من شفت الرقم .. كنت بدووووخ ويغمى عليه انا اذا اشتغلت 70 سنه ما بروم ايمع نص هالمبلغ


    ~*¤ô§ô¤*~المهــــا~*¤ô§ô¤*~


  8. #8


  9. #9


  10. #10
    الصورة الرمزية نوف2008
    تاريخ التسجيل
    May 2008
    المشاركات
    3,112

    افتراضي

    اقتباس المشاركة الأصلية كتبت بواسطة الكاف مشاهدة المشاركة
    الأخت نوف

    تقرير حلو وشامل اغلب مناطق دبي السياحية

    واسلوبك في الشرح عفوي جميل وبسيط جداً

    بس لو كانت الصور اكبر شوي .

    على فكرة الظاهر في زيارتك لوافي ما مريتي على خان مرجان .

    مشكوره على هالتقرير

    تحياتي

    الله يعاااااااافيك ومشكور على الاطراء

    وصح المرجااااان فاتني لاني من بعد لعبة الرعب طار عقلي :115:




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك