مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



النتائج 1 إلى 5 من 5
Like Tree0Likes

الموضوع: استفسار عن الدراسة و العمل و المعيشة فى المانيا للمصريين و العرب

  1. #1
    مسافرجديد
    تاريخ التسجيل
    May 2007
    المشاركات
    36

    Exclamation استفسار عن الدراسة و العمل و المعيشة فى المانيا للمصريين و العرب

    السلام عليكم
    انا شاب مصري اريد ان استفسر عن الدراسة و العمل و المعيشة فى المانيا و ايضا لاخوانى العرب

    بمعنى اريد شرح كامل من الاخوه فى المانيا و من لدية خبره فى المانيا فى هذه النواحى

    الدراسةو احسن الجامعات (بالنسبة لى انا بسئل عن تخصص الحاسب الالى و البرمجه) و احسن المدن فى المعيشة و الدراسة ايضا و تكون ايضا رخيصة لانك اكيد فى بداية الحياه هناك تريد ان تكون الحياه فى متناول يديك
    انا عرفت من بحثى ان غير سكان الاتحاد لهم 90 يوم عل بقدار 19.5 ساعه عمل و على حد علمى ان الساعه هناك ب 8 يورو يعنى فى الشهر بحوالى 610 يورو فى الشهر هل المبلغ ده كافى للعيش فى الشهر

    من دراسة و سكن و اكل و ملبس اكيد طبعا هاتكون بتاكليف بسيطه لاكن اريد ان اعرف هل المبلغ ده يكفى لطالب هناك دون اسراف

    و اهم حاجتان هناك هل فى من الممكن احد ان يساعد او يعرف احد يساعد فى التقديم فى الجامعه
    اولا لانى لا اثق كثير فى المكاتب لانى صادفت موئسستان هما (الثامر و ابن فضلان) و الاخيره ممكن ان اثق فيها قليل لاكن بصراحه تكاليفها عالية لانهم محتاجين 2000 يورو للتقديم فى الجامعه لو حولت المبلغ ده للمصرين يبقى كتير على شخص متوسط الحال مثلى ................................. المهم

    بالنسبة لى انا وضعت خطه اولا باذن الله هاتعلم الالمانية فى مصر كا خطوه اول

    اما الخطوه الثانية فا على الله ثم عليكم يا شباب

    اريد ان يساعدنا احد فى الحصول على القبول و الجامعه مع وضع اقتراحات بالنسبة للجامعه هل هى جيده من ناحية التدريس و الماده العلمية
    و المدينه التى بها هل هى جيده للمعيشه و اسعارها منخفضة
    و ايضا اريد ان يساعدنا احد فى ايجاد عمل مناسب هناك

    و ارجوا ان يتم الرد من الخبره التى لديكم ليس من صفحات الاخرى لان بها معلومات قديمه انا اريد خبرتكم فى النصيحه و التوجيد و ايضا اذا كان هناك بعض المساعده
    بمعنى اذا فى احد من الاخوه العرب او المصريين يقدر ان يقدم المساعده ليس نقود بل ارشاد اذا ربنا اراد و ذهبت الى المانيا ان يكون احد من الاخوه يجد لى عمل او مسكن متواضع او اى من هذه الاشياه جزاكم الله خيرا
    وشكرا و تحياتى للجميع




  2. #2
    مسافرجديد
    تاريخ التسجيل
    May 2007
    المشاركات
    36

    افتراضي

    60 مشاهده من غير رد ارجوا الردود من اعضاء و مشرفى المنتدى لو سمحتوا




  3. #3


  4. #4


  5. #5
    مسافرجديد
    تاريخ التسجيل
    Aug 2010
    المشاركات
    1

    افتراضي نصيحة من مهاجر الي المانيا

    السلام عليكم والله انا كنت بادور علي اجابه لحاجه ليا لقيتك انت قولت افيدك , ادعيلي بس بظهر الغيب بالتوفيق

    انا عايش في المانيا من سنتين وسوف اوضح لك الصعوبات خلال السطور القادمة :
    1 اللغة , اللغه هنا صبه ومحتاجه وقت ومن غيرها مش حاتعرف تعمل ولا حاجه ولا دراسه ولا شغل نصيحتي ليك انك متسافرش ولا تقدم حتي علي جامعه غير لما توصل للمستوي ده B2 روح الجوته واسأل حيقولولك عليها , حياخد منك بتاع سنه عشان توصله

    2 - الثقافه والحياه مختلفه متفتكرش انك عشان سافرت حتستريح حتتحرم من حاجات كتير عندنا في مصر مش حتلاقيها اقلها الأصدقاء وحتتعب من الوحده شويه

    3 - الشغل هنا مختلف , من الأخر لو انت مش متعود علي شغل المرمطه , مطاعم , مسح تنضيف , وبعدين فيها كتير بتبيع كحول وخنزير يعني لو انت انسان بتخاف ربنا مش حاتعرف تشتغلها , لكن ممكن ربنا يوفقك في شغلانه كويسه وناس محترمه وبيدفعو كويس , في شغلانات هنا اسمها 400 يورو في الشهر , للطلبه او غير الطلبه , بتتوقف ساعتك حسب المكان اللي انت شغال فيه , فيه ناس بنت كلب هنا برده في المدن الصغيره عايزين يشغلوك بفلوس قليله , لكن لو اماكن محترمه حتلاقي شغل في حدود 6 او 7 يورو الساعة. بس الأهم من ده ان يكون الناس محترمين , عشان كتير من الناس اللي شغاله الشغلانات دي حثالة المجتمع اساسا وكتير جدا مش حتستريح معاهم لو انت انسان متعلم , لو مش متعود كمان حتتعب جدا , بالذات لما تكون انت جاي من مصر سايب شغلانه محترمه وتيجي هنا تمسح بلاط بس في الأول بس يعني مش حسودهالك

    4 - تقديم الجامعة , عشان تقدم في الجامعة في مكان بتقدم فيه اسمه uni assist بتبعتله ورقك من الابتدائي للجامعة متوثق من الخارجيه ومترجم للألماني ومتوثق من السفاره الألمانيه , بياخد ورقك وبيبحثه وبعد كده يقولك انت ينفع تقدم في الجامعات اللي انت اخترتها دي ولا لا , واغلب الناس اللي معاهم بكالوريوس في مصر بيقدرو يقدمو في الجامعة مباشرة عن طريق اليوني اسيست . بتقدم حسب الترم في تخصصات بتقبل في الترم الشتوي وفي في الصيفي التقديم في الترم الشتوي بيدا في شهر مايو ويخلص في يوليو , والصيفي بيبدا في 10 تقريبا .

    5 - لما يجيلك قبول الجامعه لازم يكون عندك 7000 يورو حتحطهم في البنك الألماني , وتاخد القبول بتاع الجامعة والشهادة اللي من البنك اللي بتثبت ان معاك الفلوس وبتقدمهم للسفاره وبتاخد الفيزا . ان شاء الله

    6 - المعيشة هنا ممكن تكلفك في الشهر حوالي 450 يورو في الشهر , ونصيحه ليك تعيش في مدينة كبيره مش صغيره عشان الشغل .

    اما عن الجامعات اللي ممكن تقدم فيها كتير , حسب المجال اللي انت عايز تتخصص فيه

    اتمني اني اكون فدتك

    ادعيلي بظهر الغيب بالتوفيق


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك