مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 51
Like Tree1Likes

الموضوع: شالالات نياجرا ... 2008 Niagara Falls

  1. #1
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    Thumbs up شالالات نياجرا ... 2008 Niagara Falls

    السلام عليكم ...

    راح اكتب عن شالالات نياجرا .. الي تعتبر وحده من اهم واجمل المظاهر الطبيعيه الموجود في امريكا و كندا ..

    الموقع ..

    الشلالات بين ولايه نيويوروك الامريكيه و ولايه انتوريو الكندية

    Niagara Falls - Google Maps



    الانتقال من الجانب الكندي الى الامريكي و العكس يطلبون جواز بالاضافه فيزه للدولتين .. واذا كنت طالب لازم تكون اوراقك كامله مثل الاي توني و I-94

    ___________________

    للوصول الى الشلالات ..

    في اكثر من طريقة :

    1 عن طريق السياره او اجار سياره. ميزتها انك تتحكم في الوقت. ومده الاقامة.
    مثال للمسافه بين بعض المدن الامريكيه و الشلالات:
    - مدينة نيويورك : 7 ساعات . 400 مايل.
    - واشنطن دي سي: 8 ساعات. 480 مايل.
    -بوسطن: 7 ساعات ونص. 460 مايل.
    -فيليدلفيا: 7 ساعات. 416 مايل.
    - كليفلند: 3 ساعات ونص. 200 مايل.

    2- عن طريق رحله بالباص وفي رحلات بالباص خصوصا بالمدن الكبيرة والي يكثر فيها السواح.
    من المواقع الي تقدم رحلات بالباص.



    تختار قسم Tours

    GotoBus - Tours bus tour vacation package New York Skywalk Grand Canyon Niagara Falls city tour sightseeing

    الرحلات هذي تكون بالمواصلات والاقامه وتختلف مده الاقامه وبعضها يشمل اكثر من مكان تزوره بنفس الرحلة. مثل الشلالات و منطقه 1000 جزيره الي بين امريكا وكندا.

    وفي موقع ثاني :

    Escorted Mini Tours to the East Coast - New York to Niagara, New York to Boston and more

    وفي مواقع ثانيه تقدم رحلات الى الشلالات.


    3- اغلى طريقه وهي بالطياره اما عن طريق الحجز و السفر لحالك او عن طريق رحلات تنضمها شركات من نيويورك الى شلالات نياجرا و الرحله يوم واحد فقط السفر والرجعه بنفس اليوم. اشوف انها متعبه وغاليه.

    بعض الشركات الي تقدم الرحله هذي:

    One-day excursion to Niagara Falls by air

    Escorted Mini Tours to the East Coast - New York to Niagara, New York to Boston and more

    ____________________

    االشلالات من الجانب الامريكي ..

    الي يميز الجانب الامريكي الحديقة الي تطل على الشلالات. تنضيمها ممتاز و فيه مركز للزوار فيه معلومات و بعض الصور و سينما تعرض فلم عن الشلالات.. والي يميز الجانب الامريكي بعد انك تقدر تشوف المويه الي تنزل من الشلال الي يسمونه "American falls" الخريطه الجايه توضح الجانب الامريكي ..



    الخريطة من موقع

    Niagara Falls Vacation Information : Niagara Falls State Park

    وهذي بعض الي صورتها من الجانب الامريكي ..







    و في الجانب الامريكي مبنى مثل الجسر اسمه

    Niagara Falls Observation Tower

    للي يبي يشوف للشلال الامريكي من قرب المبنى هذا في مصعد ينزل الزوار تحت قريب. سعره 1 دولار واحد و الاطفال مجانا يفتح كل الفصول ما عدا فصل الشتاء.

    و سعره شامل لو تبي تركب قارب يطلع مجانا.

    [IMG][/IMG]

    صوره للجانب الامريكي وفيها المطعم ..



    هذا اهم شي بخصوص الشلال .. و بالنسبة للمدينه صغيره نسبيا و سمعت ان ما فيها شي الواحد يقدر يسويه .. في محلات بسيطه و مجمع تجاري بس ما دخلته ..

    _____________________

    الشلالات من الجانب الكندي ..

    ميزتها ان في ممشى على جنب الشلالات وفي فنادق اكثر و قريبه من الشلال و بالليل في حركه بشارع واحد فيه مطاعم و العاب.

    المنظر من الجانب الكندي افضل خصوصا ان الواحد يشوف الشلالات اقرب.

    بعض الصور من الجانب الكندي ..



    صوره الجسر الي يربط امريكا مع كندا..



    هذي صوره للشلالات الامريكيه



    و في ملاهي في الجانب الكندي بس ما رحت لها ..

    و في الجانب الكندي في العاب ناريه بس للاسف ما ادري وين يطلقونها ..



    اتوقع الي من الجانبيين يقدر يشوفها .. بالنسبه للايام الي فيها عرض الالعاب الناريه:

    كل يوم جمعه و احد الى 31 اوقست 2008

    كل يوم اربعاء خلال شهرين جولاي و اوقست 2008

    كل يوم جمعه من 5 سبتمبر الى 10 اكتوبر 2008

    وايام العطل :

    Canada Day, July 1
    Independence Day, July 4
    Civic Holiday, August 6

    و طبعا يعتمد على الجو و تفاصيل اكثر :

    Free Falls Fireworks - Niagara Parks, Niagara Falls, Ontario, Canada

    موقع السياحي لشلالات نياجرا الجانب الكندي

    Niagara Falls Tourism Official Website - Niagara Falls Ontario Canada

    في شارع حلو بالليل فيه مطاعم ومتحف شمع والعاب اسمه

    Clifton hill

    Niagara Falls Hotels: Clifton Hill Niagara Falls Canada

    __________

    الحلو ان رحلات القارب موجوده على الجانبيين الامريكي و الكندي و تمشي الى جنب الشلالات ..

    Maid of the Mist

    Official Maid of the Mist Website





    سعر التذكره 12.50 $

    ,وفي رحلات بالقارب سريع "موجوده على الجانبين" :

    Whirlpool Jet Boats



    Whirlpool Jet Boats Tours - Home - Niagara River Jetboating - Niagara Falls

    سعر التذكره 56 دولار

    ولكن عيبها انها ما تقرب من منطقه الشلالات.


    _________________

    السكن ..

    الفنادق في الجانب الكندي اكثر و احلى و بعضها يطل على الشلالات. و ليله وحده تكفى لشلالات نياجرا ..

    و في الاخير احب اوضح ان البعض بيقولك الجانب الكندي او الامريكي افضل من الثاني .. كلهم واحد وكلهم راح تستمتعون بالشلالات خصوصا لمن تركبون القارب راح تكونون بالنص و تشوفون الجهتين..







  2. #2
    مسافر متميز الصورة الرمزية ام اللي يكون
    تاريخ التسجيل
    Aug 2006
    المشاركات
    198

    افتراضي

    يعطيك العافيه ماقصرت
    والله من جد المكان روعه وماانسى اليوم اللى رحت فيه شلالات نياجرا من الجانب الامريكي ولبسنا (رين كوت اصفر ) ونزلنا على الدرج الخشبي وروحنا تحت الشلال اتبردنا في عز الصيف
    وركبنا البوت وشفنا البوت التاني الناس لابسين رين كوت ازرق وهما من الجانب الكندي
    لاتفوتوها ترى تجربه حلوه
    كان نفسي اروحها السنه بس الظروف ماتسمح اخليها السفره الجايه ان شاء الله




  3. #3
    مسافرجديد
    تاريخ التسجيل
    Jul 2006
    المشاركات
    46

    افتراضي

    شكرا أخوي fms على التقرير المميز :24:


    بصراحة احبطني صديقي يوم الخميس قالي رحت 7 امريكا ولا فكرت ازور شالالات نياجرا قلت له ليش قالي مو حلووة :108:

    لكن بعد تقريرك fms تشجع الواحد يروح شالالات نياجرا بأذن الله من ظمن خطة السفرة :101:




  4. #4
    مسافر متالق
    تاريخ التسجيل
    Mar 2008
    المشاركات
    827

    افتراضي

    بالفعل صور رائعه جدااا
    معليش اعذرني لو سئلتك عن نيويورك/ابغى فندق يكون في منهاتن التايم سكوير ما يكون غالي ولا يحتاج
    تكسي انا مسافر لوحدي . لو سمحت يهمني . تحياتي لك ..




  5. #5
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي

    اقتباس المشاركة الأصلية كتبت بواسطة ام اللي يكون مشاهدة المشاركة
    يعطيك العافيه ماقصرت
    والله من جد المكان روعه وماانسى اليوم اللى رحت فيه شلالات نياجرا من الجانب الامريكي ولبسنا (رين كوت اصفر ) ونزلنا على الدرج الخشبي وروحنا تحت الشلال اتبردنا في عز الصيف
    وركبنا البوت وشفنا البوت التاني الناس لابسين رين كوت ازرق وهما من الجانب الكندي
    لاتفوتوها ترى تجربه حلوه
    كان نفسي اروحها السنه بس الظروف ماتسمح اخليها السفره الجايه ان شاء الله
    الله يعافيك .. وان شاء الله تزورونها السنوات الجاية ...




  6. #6
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي

    اقتباس المشاركة الأصلية كتبت بواسطة mish mish مشاهدة المشاركة
    شكرا أخوي fms على التقرير المميز :24:


    بصراحة احبطني صديقي يوم الخميس قالي رحت 7 امريكا ولا فكرت ازور شالالات نياجرا قلت له ليش قالي مو حلووة :108:

    لكن بعد تقريرك fms تشجع الواحد يروح شالالات نياجرا بأذن الله من ظمن خطة السفرة :101:
    هلا والله مش مش ..

    شوف بقولك شي الشلالات حلوه اوكي .. بس بعد طريق الرجعه حسيت انه متعب شوي و ما تستاهل المشوار .. ولكن انا زيارتي جت للشلال مع زياره كندا.

    بس اذا كنت من محبين الطبيعة و البحيرات و الشلالات و الخضار. تقدر تسوي رحله ممتعه لان بالطريق من نيويورك الى الشلالات في حديقة طبيعيه وفيها بحيره حلوه و على نفس البحيره فنادق و موتيلات و فيها اكتفتي و تنبسط في البحيره مثلا ليله و بعدين تكمل الطير الى الشلالات. و البرجعه تشوف لك مكان ثاني. الفكره علشان ما تمل من الطريق و تتعب مشوار طويل على شي واحد :)

    ولو انت في تورورنتو الشلالات تستاهل الزياره لقربها تبعد تقريبا ساعه ونص.




  7. #7
    مسافر فعال
    تاريخ التسجيل
    Sep 2005
    المشاركات
    144

    افتراضي

    اولا صراحة الموضوع جاء بوقتة بالنسبة لي لاني مخطط اروح لها ب4july بس مدري اروح باسيارة ولا الطيارة لان كل الي عندي اربع ايام ثاني شي معي اطفال واحد ثلاث سنوات والثاني 6 شهور هل يكون الوع مناسب لهم خاصة بركوب القوارب
    ثالث شي اذا فية اسم فندق كويس عموما انا بروح الجانب الامريكي وانا موجود بفرجينيا
    وكم يوم تستاهل المكوث فيها
    الله يعطيك العافية


    التعديل الأخير تم بواسطة abdullsaad; 15-06-2008، الساعة 08:13 AM سبب آخر: أضافة


  8. #8


  9. #9
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي

    اقتباس المشاركة الأصلية كتبت بواسطة abdullsaad مشاهدة المشاركة
    اولا صراحة الموضوع جاء بوقتة بالنسبة لي لاني مخطط اروح لها ب4july بس مدري اروح باسيارة ولا الطيارة لان كل الي عندي اربع ايام ثاني شي معي اطفال واحد ثلاث سنوات والثاني 6 شهور هل يكون الوع مناسب لهم خاصة بركوب القوارب
    ثالث شي اذا فية اسم فندق كويس عموما انا بروح الجانب الامريكي وانا موجود بفرجينيا
    وكم يوم تستاهل المكوث فيها
    الله يعطيك العافية
    الله يعافيك .. و الله اشوف بالسياره ممتعه لان الطياره متعبه شوي بتوصل هناك ما معك سياره وبتستاجر.


    تروح بالسياره لين نياجرا و لو وصلت بالليل تنامون و بكره تركب قارب و تتمشى وبعدين اما انك ترجع وتنام في احد المدن الي بالطريق او تنام في مدينه بافلو بحكم انها كبيره مقارنه بنياجرا و يمكن يكون فيها اكتفيتي. وبعدها ترجع الى فرجينيا.

    بالنسبه للفنادق في الجانب الامريكي ما عندي خلفيه عنها بس ما شفت فنادق كبيره مثل الموجوده على الجانب الكندي قريبه من الشلال.

    وبالنسبه لعدد الليالي ليله وحده تكفيها وزياده :)

    تروح و ترجع بالسلامه ان شاء الله..




  10. #10


صفحة 1 من 6 1 2 3 4 5 6 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك