مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 60
Like Tree0Likes

الموضوع: شقراوي في استراليا - سيدني- بالصور

  1. #1
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي شقراوي في استراليا - سيدني- بالصور

    [align=center]بسم الله الرحمن الرحيم

    الشقراوي الي هو انا "يا ملحك طيب" بس تراني ما رحت شقراء الا مره وحده :)

    مثل ما كتبت في موضوع هونج كونج ان الصيف هذا رحت الى استراليا والصين. والي ما قرا وشاف صور هونج كونج يلاقيه على اللنك هذا :
    http://www.travel4arab.com/vb/showthread.php?p=151529

    انا زرت في استراليا 4 مدن وراح انزل على كل مدينه موضوع لوحده علشان اقولكم وين ترحون و الاشياء الحلوه في كل مدينه والاشياء الي رحت لها.

    اول المدن هي سيدني.

    المسافه بين هونج كونج الى سيدني تقريبا 9 ساعات. pb093

    بس قبل ما اتكلم عن سديني ابي اوضح لكم نقطه مهم عن استراليا وهي انهم يمنعون اشياء كثيره تدخلها لبلدهم يقولون احنا بعيدين عن العالم ولا نبي تجيبون بلاوي العالم لنا و يركزون على اشياء منها:
    - ممنوع دخول الاكل المطبوخ والي مهوب مطبوخ و الفاكهه والخضروات والحبوب الجافه
    -ممنوع دخول الحيوانات او المنتجات الي يدخل فيها الحيوانات من جلد وصوف وغيرها
    -ممنوع دخول الرمل و حتى لمن تدخل جزم رياضه وانتم بكرامه تقولهم او معدات رحلات
    -ممنوع دخول الادويه او المخدرات

    طبعا هي ممنوعه واذا جبتها لازم تكتب في ورقه الدخول الى استراليا ويشوفنها واذا ما قلت لهم يا ويلك يرمونها لو شافوها و يدققون عليك

    علشان كذا الي عندك اكتبه و ورهم الاشياء الي معك

    في ناس زاروا استراليا اكثر من مره يقولون احمدوا ربكم هالسنه وش حليلهم مهوب يشددون زي اول ولا شفتوا الكلابه الي يجيبونها جنبنا - يقولون اول لمن تاخذ عفشك يجيبون الكلب يشم العفش ويا ويلك لو صرخ على شنطتك :)

    بس الحمد لله احنا سمعنا صوت كلابه ولا شفناها. اهلي بغوا يهونون ما يدخلون استراليا يوم سمعوا الكلاب. :eek:

    ----------------------------
    بالنسبه للمطار كان حليو ازين من مطارنا اكيد :) بس مهوب احلى من مطار هونج كونج.

    الجوازات كانت زحمه والسبب ان اكثر من طياره وصلت بنفس الوقت. والي اخرنا زياده ان جوزاتنا الممغنطه ما انقرت من اول مره و حولنا الى مكتب ثاني علشان يتأكدون منها.

    والحين بتكلم عن

    ســـــــــــــــــــيــــــــــــــــــــــدنـــــ ـــــــــــــــــــــي

    - في طريقتين الى اعرفهم من المطار الى الفندق وهي انا تاكسي وتقريبا ياخذ 30 $ استرالي او باص صغير ب 9 دولار للشخص الواحد

    - سكنا في فندق "فور بوينت شيرتون" الفندق حليو والاحلى موقعه وهو في منطقه اسمها درلينج هاربر Darling Harbour



    اول ما وصلنا الفندق نمنا الى الظاهر وطلعنا نتمشى بالمنطقه الي جنبنا وكان في قطار يدور على جزء صغير من سيدني. سعر التذكره 4$. وتقدر تدور فيه لين تقول بس.



    والمحطات الي يوقف فيها تكون قريبه من متحف او مكان سياحي.

    والحين راح اكتب عن اهم الاشياء في Darling Harbour

    [size=2]Darling Harbour[/size]

    - sydney aquarium

    حلو الي يحب يشوف الاسماك وعالم البحر والاطفال بينبسطون عليه.



    موقعهم على الانترنت:http://www.sydneyaquarium.com.au/

    -Cockle Bay Wharf

    مجمع مطاعم واحلى وقت للجلسه فيه بالليل بعد ما تقفل الاماكن السياحيه والاسواق.





    - harbourside هاربر سايد

    مجمع تجاري فيه مجموعه من محلات الملابس و مطاعم وقهاوي
    موقعه على الانترنت :http://www.harbourside.com.au/

    -The IMAX Theatre Sydney

    سينما يعرضون فيها افلام ثلاثيه الابعاد و برضوا حلوه للاطفال.



    موقعهم على الانترنت: http://www.imax.com.au/home.asp

    -Outback Center
    معرض لوحات و يبيعون اشياء يستخدمونها السكان الاصليين لاستراليا وفيه عرض يجي واحد يعزف في اله قديمه.

    -Chinese Garden

    حديقة صينيه صغيره. طبعا لازم الصينيين يحطون راسهم في كل مكان وحتى استراليا مليانه صينيين.

    وفي متاحف بس لاني ما احب المتاحف ما راح اكتب عنها :)

    الحين خلصت من دريلنج هاربر وهالاشياء كلها قريبه من بعض يعني تقدر تتمشى عليها بيوم واحد.

    وبعد ما تمشينا في المنطقه هذي رحنا الى برج سيدني.

    Sydney Tower



    هو المبنى الطويل

    و في برج سيدني تقدر تشوف سيدني 360 درجه و فيه كل نص ساعه تجي وحده تشرح لكم فكرت البرج وكم كلفهم و الاشياء الامهمه في استراليا بكل الجهات.

    و في كافي شوب للي حاب يتقهوى هناك

    ولمن تخلص من البرج تنزل تحت وتدخل الى سكاي تو و في التور هذا يعطونك معلومات عن استراليا و يقدمونها لك بطريقة عرض حلو واخر شيء يدخلون الى سينما تتحرك الكراسي فيها و فكرتهم حلوه

    موقعه على الانترنت:http://www.sydneyskytour.com.au/intro.html

    وبعد ما خلصنا من سيدني تاور تمشينا بالشوارع الين وصلنا الى Circular Quay

    وبالمنطقه هذي نقدر نشوف الاوبرا الي مشهوره فيها سيدني



    و نشوف جسر هاربر سيدني والحلو في الجسر هذا انك تقدر تطلع فوق الجسر والي يبي تفاصيل اكثر عن التجربه هذي الموقع هذا بيساعده: http://www.bridgeclimb.com

    وهذي صوره من موقعهم :


    وكذا انتهى اليوم الاول[/align]




  2. #2
    مشرفة سابقة الصورة الرمزية الباحثة
    تاريخ التسجيل
    Mar 2003
    المشاركات
    4,719

    افتراضي رد: شقراوي في استراليا - سيدني- بالصور

    [align=center]

    أخيراً أخي fms ما بقينا نشوف الموضوع .. :)

    أولا .. الحمد لله على سلامتك وسلامة الأسره الكريمه

    ثانيا ... ما شاء الله تبارك الله يعطيك العافيه على هالتقرير الجميل والوافي و الصور الحلوه ..

    ثالثا ... جددت الشوق فينى لسيدني و للدارلنغ هاربر بالذات و للتمشي على الجسر و حوالين المارينا و الي نختمها لابد بالقعده الحلوه على هالمطاعم والكوفي شوبات .. :rolleyes:
    فشرايك باجواء سيدني و بشكل عام ؟؟؟

    على فكره شسويتوا مع البرد يقولون البرد بسيدني زاد ودرجة الحراره ما تتجاوز 13 درجه ...


    تحياتي ..........[/align]


    [frame="2 60"]
    إنِّي لأرْفُـضُ أَنْ أكُـوْنَ مُهَرِّجـاً
    قَـزْمـاً عَلَى كَلِمَـاتِهِ يَحْتَـالُ

    [/frame]


  3. #3
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي رد: شقراوي في استراليا - سيدني- بالصور

    اول شيء يشرفني انك تردين على موضوعي اختي الباحثه

    الله يسلمك ويخليك والحمد لله كانت الرحله حلوه الحمد لله والي خلاني افكر ازور سيدني مواضيعكم الي في المنتدى هذا ولا ما كان في بالنا نروح استراليا السنه هذي.

    بالنسبه للدرالنج هاربر كنت اتذكر كلامك لاختنا طيف ولمن تقولين لها الهوت شوكليت وقلت لاهلي اسمعوا كلام الباحثه و اشربوا هوت شوكليت حتى كلهم طلبوا هوت شوكليت :) و حلو ان المطاعم والمقاهي تفتح لوقت متاخر بعكس الاسواق والرحلات الي تنتهي بدري على المغرب.

    بالنسبه لسدني كانت حلووووه مره مرتبه اكثر من ميلبورن و نظيفه والي يميزها و يميز استراليا الحمد لله الامان كانت امان ولا فيها مضايقات ابدا وطيبه الشعب الاسترالي

    بس ما افكر ازور استراليا الا بعد ما تزوج ويجوني عيال"ان شاء الله" لانها حلوه للي عنده اطفال بينبسطون فيها.

    وبالنسبة للجو كان الجو حليو بالنهار وفي الليل صدق برد بس كنا مستعدين جايبين معنا شتوي موصي اهلي يجيبون شتوي قلت لهم تراه شتاء.

    وان شاء الله تزورين استراليا مره ثانية و تنبسطين فيها اكثر.




  4. #4
    مسافر متميز
    تاريخ التسجيل
    Jan 2004
    المشاركات
    520

    افتراضي رد: شقراوي في استراليا - سيدني- بالصور

    ياسلام صور رائعه

    اكيد بتكون سيدني حلوه لانها كفايه باستراليا وننتظر الاجزاء الثانيه
    اما انا مريحه نفسي من ناحية الذكريات والله يعينا على اللي جاي




  5. #5
    مشرفة سابقة الصورة الرمزية الباحثة
    تاريخ التسجيل
    Mar 2003
    المشاركات
    4,719

    افتراضي رد: شقراوي في استراليا - سيدني- بالصور

    [align=center]


    اهم شي انك شربت الهوت شوكلت و هذا هو المطلوب ... :D

    سبحان الله يا كثر هالمشاريب بالديره بس هناك لها طعم ثاني مع هالبرد والأجواء الحلوه :)

    وان شاء الله , الله يوفقك ببنت الحلال ويرزقك بالذرية الصالحه وتوديهم استراليا وما تخلون مكان الا و تروحون له ..
    و الله يسمع منك واروح لها أنا بعد مره ثانية ..

    والله يعين الجميع يا غموض . :rolleyes:


    تحياتي .....................[/align]




  6. #6
    مسافر خبير الصورة الرمزية أبو ريان
    تاريخ التسجيل
    Jul 2003
    المشاركات
    2,446

    افتراضي رد: شقراوي في استراليا - سيدني- بالصور

    حياك الله fms

    وحمدلله على السلامة

    تقرير جميل ورائع من بدايته

    بانتظار طلتك الحلوة ...




  7. #7
    مسافر خبير
    تاريخ التسجيل
    Sep 2003
    المشاركات
    2,035

    افتراضي رد: شقراوي في استراليا - سيدني- بالصور

    هلا بيك اخوي شقراوي


    اولا مالك حق كان لازم تمر شقراء قيل سدني
    والف حمد الله على السلامة

    وننتظر باقي المدن وتقبل الشكر مقدما


    من اوراق الذكريات
    الحب وردتان *الاولى تذبل عند الفراق
    والثانيه تتفتح عند امل اللقاء
    ( 6/9/2002)
    :smile105:


  8. #8
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي رد: شقراوي في استراليا - سيدني- بالصور

    اقتباس المشاركة الأصلية كتبت بواسطة غموض الغد
    ياسلام صور رائعه

    اكيد بتكون سيدني حلوه لانها كفايه باستراليا وننتظر الاجزاء الثانيه
    اما انا مريحه نفسي من ناحية الذكريات والله يعينا على اللي جاي
    شكرا على الرد وان شاء الله اليوم بحط الجزء الثاني من زيارتي لسيدني




  9. #9
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي رد: شقراوي في استراليا - سيدني- بالصور

    اقتباس المشاركة الأصلية كتبت بواسطة الباحثة
    [align=center]


    اهم شي انك شربت الهوت شوكلت و هذا هو المطلوب ... :D

    سبحان الله يا كثر هالمشاريب بالديره بس هناك لها طعم ثاني مع هالبرد والأجواء الحلوه :)

    وان شاء الله , الله يوفقك ببنت الحلال ويرزقك بالذرية الصالحه وتوديهم استراليا وما تخلون مكان الا و تروحون له ..
    و الله يسمع منك واروح لها أنا بعد مره ثانية ..

    والله يعين الجميع يا غموض . :rolleyes:


    تحياتي .....................[/align]
    يعطيك الف عافيه على الدعوه الحلوه والله يوفق الجميع




  10. #10
    نجم البوابة الإمريكية

    الصورة الرمزية fms
    تاريخ التسجيل
    Jun 2004
    المشاركات
    2,210

    افتراضي رد: شقراوي في استراليا - سيدني- بالصور

    اقتباس المشاركة الأصلية كتبت بواسطة أبو ريان
    حياك الله fms

    وحمدلله على السلامة

    تقرير جميل ورائع من بدايته

    بانتظار طلتك الحلوة ...
    الله يسلمك اخوي أبو ريان

    و الجميل ردك و تشجيعك لي :)




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك