مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 3 1 2 3 الأخيرةالأخيرة
النتائج 1 إلى 10 من 27
Like Tree0Likes

الموضوع: @@@ رحلتي لقطر بالصور @@@

  1. #1
    مسافرجديد
    تاريخ التسجيل
    Mar 2007
    المشاركات
    13

    Thumbs down @@@ رحلتي لقطر بالصور @@@

    السلام عليكم الاسبوع إلي طاف رحت قطر ثلاث ايام اغير جو

    37 دقيقه بس بالطياره من بوظبي الي الدوحه
    ايجار السياراه 270 كامري 2008 غالي شوي
    التكاسي نادره وغاليه شوي
    الشوارع تضيع وايد وايد وضيقه وزحمه وخاصه لاني ما اعرف الدرب

    امممممممممم بصراحه بدون زعل
    اذا قطر قادره انها تسوي اولمبياد واسياد
    الامـــــــارات قادره على انها تسوي كل بطولات العالم بدون مبالغه

    شعب قطر طيب لابعد الحدود وخاصه انهم يحبون الاماراتين وطبعا لازم وانت تتمشي في مول ولا مكان
    تحصل كم كلمه حلوه من بعيد اي حد يمر عليك يقولوك هلا بعيال زايد

    حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود
    رحب فيني كانه يعرفني من زمااان وما قصر وعماد الحوسني سجل هاتريك :)

    عدد الصور 40 انتظروا التحميل شوي


    طيارتي طبعا الساعه 10 الصبح يوم الجمعه
    قلت بروح المطار شوي بوقت اتمشى في السوق الحره واتريق








    هاي طيارتي
    اخترت طيران الاتحاد - سعر التذكره 1010 - ارخص من القطريه بوايد


    وصلت الفندق
    وهو فندق موفنبيك تــــــــاورز ( نفس مال المنتخب لووول ) خمس نجوم على كورنيش قطر مقابل الفور سيزون اكبر فندق في قطر سعر الليله 890 طبعا هالسعر خاص لانه عن طريق شركة

    اول شي دخلت هالغرفه من الدور الخامس قلت لا اريد مكان اعلى عطوني في 15








    هالعماره ساكن فيها ( الســــــــــــاحر كريمي لاعب نادي قطر)


    منظر عام من الغرفه مثل ما تشوفون قطر شغاله












    اهنيه تحت الفندق في كوفي داخل وبرع




    مدخل الفندق




    طبعا لازم الواحد يروح استاد خليفه في الدوحه عند برج الاولميباد في هناك مول يديد اسمه فيلاجيو
    احسن مول هناك

    اصلا ماشي مولات غير الستي سنتر وهو قديم شوي بس فيه حركه حلو
    وفيلاجيو مول على الطراز الايطالي في نص المول في نهر وقوراب
    ولاند مارك مول عائلي فيه سنيما وكارفور وهادي وبعيد شوي










    مدخل المول



    اهنيه المبني إلي خلف البرج هو مبني اكادميه اسباير






    اهنيه رجعت الفندق وبعض الصور من طريق الكورنيش






    شيراتون الدوحه على البحر مباشره


    انا اهنيه في هالبرج ساكن



    مسبح الفندق في الدور 26




    منظر من الدور 26


    هذا فندق الفور سيزون



    طبعا اليلسه في الجاكوزي اكيده وخاصه بعد تعب السفر وتخيل انك مستري وتشوف منظر من الدور 26


    طبعا رحبوا فيني وحلقوني بعد لووووووووول
    وكله في الدور 26


    واهنيه الجم وطبعا مالي خص في هالسوالف


    مدخل الغرف


    ثلاث ايام حلوه مرت وجعت البلاد بالسلامه والحمدالله

    اتمنى ما اكون طولت عليك واي استفار حاضرين

    سوري لو في اخطاء املائيه لاني ما رجعت النصوص
    تحياتي


    والله اني مواطن


    اشوفكم ع خير




  2. #2
    مسافر فعال الصورة الرمزية ~AngeL~
    تاريخ التسجيل
    Nov 2007
    المشاركات
    76

    افتراضي

    مرحبا اخوووي ... مرحبا فيك في قطر ..و طبعا احنا شعب قطر واااااايد طيبين و انحب اهلنا اللي في الامارات ..

    بخصوص ...

    امممممممممم بصراحه بدون زعل
    اذا قطر قادره انها تسوي اولمبياد واسياد
    الامـــــــارات قادره على انها تسوي كل بطولات العالم بدون مبالغه


    بالعكس مافيها زعل ... من كلامك حسيت انك :112: ههههه

    بس الحمدالله بلادي اجتازت الاسياد في 2006 ..بكل نجاح بفضل الله و فضل شيوخنا الله يحفظهم.. و بيضنااا ويووه اهل الحلييييج بحكم كلنا بلد وحده و اخواان ...

    و ان شاء الله و بأذن الله بنستضيف الاولمبياد 2016 :24:

    منظر عام من الغرفه مثل ما تشوفون قطر شغاله



    اصلا ماشي مولات غير الستي سنتر وهو قديم شوي بس فيه حركه حلو
    وفيلاجيو مول على الطراز الايطالي في نص المول في نهر وقوراب
    ولاند مارك مول عائلي فيه سنيما وكارفور وهادي وبعيد شوي


    الظاهر انه هذه أول مره اتزور فيها قطر... :24:

    بصحح لك المعلوومة ...

    قطر فيها مولات وايد و أبرزهاااا
    1- المول The Mall و هذا موجود على طريق المطار.. صغير بس حلوووو
    2-السيتي سنتر ... طبعا غني عن التعريف.. واكبر من الموجود في دبي ...و موقعه على الكورنيش
    3-الاند مارك ..في منطقة دحيل على طريق الشمال
    4-فيلاجيو ... احلا موووول الصراحة اللي يروح له ما يتملل ..موقع في منطقة العزيزية بجانب استاد خليفه و المنطقه اللي حواليه اسمها سباير زوون.
    5-حياة بلازا..بجانب فيلاجيوو.
    6-رويال بلازا ..في شارع السد.
    7-سنتربوينت ..هذا عائلي يعني كله محلات و العاب للأطفال مافيه مطاعم وايد يمكن ماكدومنالدز و سبارو ..و كوستا كافيه.

    طبعا اهم مووول في قطر سواء قديماً او حديثاً .. و انا اشووووفه يغطي على المولات اللي ذكرتها كلها ... هو (سوق واقف) الصراحة مكان ما ينمل منه .. روعه من روائع الدوحه فديت بلادي والله ..




    ع العموم حياك الله في بلادنا ... و اتمنى مره ثانية تستانس اكثر :24:

    و اشكرك على التقرير :113:




  3. #3
    مسافرجديد
    تاريخ التسجيل
    Mar 2007
    المشاركات
    13

    افتراضي

    لا اخوي لا تفهمني غلط

    تصدق وانا قاعد احط الصور اشتقت لدوحه واكيد راح ازورها مره ثانيه




  4. #4
    مميزة العرب المسافرون
    تاريخ التسجيل
    Jul 2007
    المشاركات
    21,270

    افتراضي

    :108:
    اقتباس المشاركة الأصلية كتبت بواسطة الموعود1 مشاهدة المشاركة
    السلام عليكم الاسبوع إلي طاف رحت قطر ثلاث ايام اغير جو


    حياك الله وعسى غيرت جو

    37 دقيقه بس بالطياره من بوظبي الي الدوحه
    ايجار السياراه 270 كامري 2008 غالي شوي

    انت تتكلم عن 2008 يعني سيارة جديدة:24: طبعا بيكون هالشكل سعرها :)وكنت اجرت سيارة اقل منها موديل 2006

    التكاسي نادره وغاليه شوي

    غريبة انها غالية كروة بالعداد وسعرة جدا نفس شكرة المواصلات اللي في الامارات :114:


    الشوارع تضيع وايد وايد وضيقه وزحمه وخاصه لاني ما اعرف الدرب

    اكيد هذا السبب اللي خلاك تشوف الشوارع ضيقة وتضيع لانك ماتعرف الدرب :101:


    امممممممممم بصراحه بدون زعل
    اذا قطر قادره انها تسوي اولمبياد واسياد
    الامـــــــارات قادره على انها تسوي كل بطولات العالم بدون مبالغه


    ماشاء الله وليش نزعل اي انجاز لدولة خليجية انجاز لنا كلنا وموفقين ياهل دار بوخليفة :24:

    شعب قطر طيب لابعد الحدود وخاصه انهم يحبون الاماراتين وطبعا لازم وانت تتمشي في مول ولا مكان
    تحصل كم كلمه حلوه من بعيد اي حد يمر عليك يقولوك هلا بعيال زايد

    اهل قطر يحبون كل اهل الخليج :113:


    حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود
    رحب فيني كانه يعرفني من زمااان وما قصر وعماد الحوسني سجل هاتريك :)


    هذا طبع اهل قطر :113:


    وصلت الفندق
    وهو فندق موفنبيك تــــــــاورز ( نفس مال المنتخب لووول ) خمس نجوم على كورنيش قطر مقابل الفور سيزون اكبر فندق في قطر سعر الليله 890 طبعا هالسعر خاص لانه عن طريق شركة

    طبعا هو يعد من اكبر الفنادق لان في فنادق كثيرة وكبيرة في قطر



    طبعا لازم الواحد يروح استاد خليفه في الدوعه عند برج الاولميباد في هناك مول يديد اسمه فيلاجيو
    احسن مول هناك

    اصلا ماشي مولات غير الستي سنتر وهو قديم شوي بس فيه حركه حلو
    وفياجلاو مول على الطراز الايطيالي في نص المول في نهر وقوراب
    ولاند مارك مول عائلي فيه سنيما وكارفور وهادي وبعيد شوي

    غريبة ان ماااافي مولات صج تعجبت ....:108:
    يعني كل هالاسواق اللي بقطر ومافي :114:طيب وين اللاند مارك وين رويال بلازا وين المول وين الاسواق الشعبية وين سوق واقف وين حياة بلازا وين سنتر بوينت وين وووين وين محلات شارع السد كلها وين مركز امبوريوم وين اسوق السنتر وين مجمع السلام وين مركز الفردان وماخفي اعظم



    ثلاث ايام حلوه مرت وجعت البلاد بالسلامه والحمدالله

    :24:الحمدلله انها مرت حلوة



    اشوفكم ع خير


    وحياك الله في ديار ابومشعل




  5. #5

    افتراضي

    حياك أخوي في بلادك الثانيــــه

    حتى إحنا القطريين لما نروح الإمارات نحصل نفس المعامله الحلووه :)


    سـبـحــــان الله وبـحمــــده .. ســـبـحـــان الله العـظيـــــم


  6. #6


  7. #7
    مسافر متالق الصورة الرمزية ترافلز مان
    تاريخ التسجيل
    Jul 2007
    المشاركات
    1,015

    افتراضي

    يعطيك العافيه على التقرير والصور الحلوة بس كنت اتمنى انك ماتقارن دولة بدولة ثانية دولة قطر صارلهم فترة ماشاء الله عليهم يشتغلون صح وعسى الله يوفقهم ويوفق كل الدول والشعب القطري شعب عربي اصيل وشعب مضياف وراعي نخوة


    وعلي طاري المولات حتى ابوظبي مافيها غير مارينا مول ومركز ابوظبي اللي عند فندق روتانا بيج




  8. #8
    مسافر متالق الصورة الرمزية قـــطــــــري
    تاريخ التسجيل
    May 2005
    المشاركات
    776

    افتراضي

    مرحبا ملايين ولا يسدن

    وان جان سدن فلا باس

    الغالي

    اهم شي استانست في قطر

    ولو تعرف حد جان استانست اكثر

    والمره اليايه

    عطنا خبر

    وعن الصور

    تراها طرر

    والزوايا اللي خذت منها الصور احلى واحلى

    يعني انته لك مستقبل في التصوير

    :)

    وحياك الله مره ثانيه

    :)
    اخوك
    القـــطــــــري


    [ALIGN=CENTER] [CELL="filter:;"][ALIGN=center]مانـــي حمــد لو ماخليتــك تقوليــــن

    بيـــن الــدول منهـــو أنـــا اليـــوم قــــدّي

    :113: :113: :113: :113: [/ALIGN]
    [/CELL]
    [/ALIGN]


  9. #9


  10. #10
    مسافرجديد
    تاريخ التسجيل
    Nov 2007
    المشاركات
    3

    افتراضي

    السلام عليكم ورحمة الله وبركاته

    موضوع اعجبني وحسيت اني لازم اشارك فيه...

    مرحبا بك يا ولد البلاد..
    تبغي سيارة موديل 2007 رخيصه خذلك سمارت والا كورولا وعلى فكره شكلك ما اجرت سيارة في البلاد عشان تعرف ان السيايير عدنا غاليه بواااااااااااايد من قطر
    أولاً: بالعافية عليك الكوفي اللي شربته والشي اللي كان في الصحن الظاهر انه عيبك وااااايد عشان جيه الصحن مغسووول هههههههه :109:

    ثانياً: الفندق اللي سكنت فيه فضييييييييييييع.... وهذا ان دل فيدل على التطور الملحووظ اللي تشهده قطر في عهد ابو مشعل الشيخ حمد الله يطول عمره.

    ثالثاً: (منظر عام من الغرفه مثل ما تشوفون قطر شغاله بس في نظري كل شي غلط لانه مافي اساس) تعليقي على هالجملة ودي اعرف اي اساس اللي غلط وهل انت مهندس معماري؟ او قدرت في 3 ايام تعاين المباني؟ يعني يا اخويه احس ان هالجملة مالها معنى.. :108:

    رابعاً: قطر فيها مولات واااااااااااااااااااااااااااااايد بس كلامك يدل انك ما عندك علم بمولات قطر اللي احس انها راااااااااااائعه كفاية ان كل مول تدخله تحس بالبلاد اللي انت فيها لان الطابع القطري يغلب عليها مب مولاتنا اللي نحس انا في بلاد غربيه وهويتنا معدوومه فيها... وبعدين عندي سؤال بوظبي مع احترامي للعاصمة شو عندها من المولات؟؟؟ راس مداكم مولين بس والباقي كله كارفوووور...

    خامساً: (امممممممممم بصراحه بدون زعل اذا قطر قادره انها تسوي اولمبياد واسياد الامـــــــارات قادره على انها تسوي كل بطولات العالم بدون مبالغه) تعليقي على هالجملة اكيد تقصد ان دبي قادرة تسوي الاولمبياد واسياد الامارات... بس صدقني قطر ما قصرت رفعت روسنا كخليجيين في هالحدث الكبير... ولنا الشرف ان قطر كانت تمثلنا كخليجيين... كلامك ما فيه زعل بس فيه قلة معرفة وقله ادراك للمستوى اللي وصلت له قطر بفضل الله وفضل الشيخ حمد الله يطول عمره لان لو حسبتها بتعرف ان قطر تطورت تطور كبير في فترة بسييييييييييييييييييييييييييطه وااايد وهذا انجاااز عظيم..
    ( وهذا الميدان يا حميدان) يلا خل الامارات تتشطر وتسوي الاولمبياد واحنا كشعب وياها وانا متأكده ان قطر بعد بتكوون ويانا وبتشجعنا حكومة وشعب.
    سادسأً: (شعب قطر طيب لابعد الحدود وخاصه انهم يحبون الاماراتين ) :x1: هذي احسن جملة كتبتها في هالموضوع وازيد على كلامك ان اذا هم يحبونا فإحنا بعد نحبهم وما نرضى عليهم كله ولا قطر وشيخها وشعبها لو يبون عمارنا نعطيهم وما نتردد... لا تستغرب من كلامي بس انا لقيت في اهل قطر شي ما لقيته في الناس كلها طيبه و كرم واصل ومايرضون بالغلط... أكرمكم الله يا أهل قطر مثل ما تكرمون ضيفكم وما تقصرون فيه... الله يحفظ بلادكم الحبيبة وامير البلاد الشيخ حمد آل ثاني ويحفظ الشيخة موزة المسند ويحفظ الشعب الكريم..

    والسموحه لو بدى مني اي قصووور...:101:


صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك