مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



صفحة 1 من 2 1 2 الأخيرةالأخيرة
النتائج 1 إلى 10 من 11
Like Tree0Likes

الموضوع: ابي محلات غرف نوم راقية ومو غاليه

  1. #1
    عضو ينتظر التاكيد من الايميل
    تاريخ التسجيل
    Sep 2007
    المشاركات
    111

    افتراضي ابي محلات غرف نوم راقية ومو غاليه

    السلام عليكم

    بغيت منكم اسامي محلات غرف نوم فخمة ومو غاليه بتكلفة من 900-1400 دينار لا تقولون ميداس وها الخرابيط :) ابي من ذوقكم




  2. #2
    مسافر متالق الصورة الرمزية sullmish
    تاريخ التسجيل
    Oct 2005
    المشاركات
    751

    افتراضي

    ممممم..

    شوفي حبوبة .. بالنسبة لغرف النوم انا مادري عنهم

    لأني من زمان ماخذة غرفتي واهي اميركان ماترس

    فمالي خبرة وايد

    بس شرايج بصفاة الغانم ..

    وان شاء الله باجي الاعضاء يفيدونج .. :)


    لا ..تجعل الله أهون الناظرين اليك
    و
    لا .. تبيــــــع الجنـــــة لأجـــل الدنيـــــــاااا



  3. #3
    مسافر خبير الصورة الرمزية ناصر كويتي
    تاريخ التسجيل
    Jul 2004
    المشاركات
    4,045

    افتراضي

    الاسعار هذي واقل منها بعد تشوفينها بالضجيج بالقرب من المطار
    ويا كثر المحلات الرخيصه والغاليه بعد




  4. #4
    مسافرجديد
    تاريخ التسجيل
    Jan 2008
    المشاركات
    8

    افتراضي

    الضجيج او
    أكيا او
    سنتر بويتن (لاند مارك سابقا) او
    الشويخ خلف ستي سنتر والمرسيدس


  5. #5


  6. #6
    مسافر متميز الصورة الرمزية attractive149
    تاريخ التسجيل
    Feb 2007
    المشاركات
    325

    افتراضي

    لا لا ليش الضجيج حدهوم بو طقة
    لا عندج علي عبدالوهاب بس اذا تبين اكشخ و اسعار زينة عندج اللمسات الاخيرة حده كشخة تلقين بالسعر الي تبينة
    انا دايرة السوق كلة قاعدة اثث طبعا في اشياء رخيصة بس مو كواليتي مثل ميداس و صفاة الغانم
    عندج بعد الي صج راقي وكفالة خمس سنوات وامريكي تيباك حدة حلو ان شاء الله اكون فدتج




  7. #7
    مسافرجديد
    تاريخ التسجيل
    Mar 2009
    المشاركات
    4

    افتراضي

    السلام عليكم ...............

    موضوعك جاء بوقته انا من السعوديه واخترت دوله الكويت اشتري منها غرفه النوم وفعلا استفدت من ذكركم لأسماء المحلات بس ماادل وينهم بالضبط بأي منطقه وبأي شارع وبعد اذنكم ابي المحلات اللي قالت الاخت attractive 149
    وانا متأكده ان اهل الكويت راح يفيدوني بذكر العناوين


    وبصراحه كلمه حق لازم اقولها بحكم زياراتي للكويت المتكرره بعمري ماشفت مثل تعامل الكويتيين لضيوفهم من ندخل للكويت لين مانطلع وهم ماشاء الله ذوق وذرابه واتكيت واذا تهنا وسألنا يدلونا لدرجه بعضهم يوصلنا وحنا وراه بسيارتنا وكلهم يحرجونا بطيبتهم وتعاملهم رجال والا حريم والاشباب والارجال امن شعب راقي ماشاء الله عليهم


  8. #8
    مسافرجديد
    تاريخ التسجيل
    Mar 2009
    المشاركات
    4

    افتراضي تعالوا يااهل الذوق والذرابه اهل الكويت

    السلام عليكم ورحمه الله وبركاته

    كلمه حق لازم اقولها بحكم كثره زياراتي لحبيبتي بلدي الثاني الكويت

    شفت شلون يتعاملون اهل الكويت مع ضيوفهم وزوارهم صراحه قمه الذوق والذرابه والطيبه

    وكل ما نتوه ونبحث عن مطعم او سوق نلقى الشعب الكويتي يخدمنا باي سؤال وعن اي مكان لدرجه

    ان شبابهم يدلونا لحد باب المكان اللي نبيه وحنا وراهم بسيارتنا وما يقصرون الله يجزاهم خير

    وهالشي خلاني مااتردد في كتابه موضوعي ...........


    انا اثثت صالتي ومجلس في بيتي من الكويت وحابه اللحين اشتري غرفتي النوم من عندكم وبحثت

    بالمنتدى عن محلات غرف نوم راقيه وكشخه وجوده وبصراحه ما ادل ولا واحد منهم وحابه تفيدوني عن

    اماكنهم وين صايرين واللي يقدر يفيدي بمحلات اخرى كشخه اكون شاكره لكم بس ياليت اي محل تذكرون

    عنوانه...........


    المحلات اللي ابي عناوينها:

    تيباك _ بنتا _اللمسات الخيره _صفاه الغانم _رومانتك


    وابي عنوان ايكيا عشان ادور حركات للغرفه

    وياليت تفيدوني بمحلات اخرى لغرف النوم كشخه وجوده وذربه مثل ذرابة اهل الكويت

    ودمتم سالميييييييييييييييييييييين وشكر خاص لكل من رد على موضوعي وانا بأنتظاركم


  9. #9
    مسافر خبير الصورة الرمزية حور الكويت
    تاريخ التسجيل
    Dec 2008
    المشاركات
    1,737

    افتراضي

    هلا أختي مسافر بالنت
    وأحنا وياكم مثل الأخوان سمن على عسل ياالسعوديين والخليجيين عامة
    وعن المحلات
    إيكيا موجود بمجمع الأفنيوز بمنطقة الري
    واللمسات الأخيرة موجود بالشويخ شارع كندا راي بمجمع وارة
    وهم ميداس حلو بمحافظة الفروانية منطقة الضجيج
    وصفاة الغانم هم بالري وناسية قبل سنتين مأثثة بيتنا كنه قدامه ذي كاسل و رومانتك هذول كل من صفاة الغانم على شارع سريع وذي كاسل ورومانتك على شارع المقابل وأسمه شارع الغزالي
    أتمنى أن أفتك




  10. #10
    مسافر متميز الصورة الرمزية ركاز81
    تاريخ التسجيل
    Oct 2008
    المشاركات
    360

    افتراضي

    في محل بالضجيج اسمه مملكه الاطفال شغله نجارة يتحمل عندهم كاتلوج تختارين اللي تبين ويسويه من 300 الى 500 تقريبا مو اكثر انا توني مسويه لولدي سرير عندهم على شكل سياره فيراري حمرا


    وفي غرف جاهزه كامله في صفاة الغانم من 350 الى 700 دينار تقريبا واشكالها حلوة




صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك