مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



موضوع مغلق
صفحة 1 من 9 1 2 3 4 5 6 7 8 ... الأخيرةالأخيرة
النتائج 1 إلى 10 من 82
Like Tree0Likes

الموضوع: رحلتي لحفر الباطن ... و مطعم الافق بالصور << ما أنصح فيه :( أبداااااااااااااااااااا

  1. #1
    مشرفة سابقة الصورة الرمزية المرام
    تاريخ التسجيل
    Jun 2006
    المشاركات
    13,790

    افتراضي رحلتي لحفر الباطن ... و مطعم الافق بالصور << ما أنصح فيه :( أبداااااااااااااااااااا

    السلام عليكم و رحمة الله و بركاته
    بالاوال بأقولكم شنو اللي ودانا للحفر...
    من تزوجت ( من 4 سنين ) و احنا كل ما ننوي انا و زوجي نعتمر يصير شي يقعدنا عن السفر
    تخيلوا ... أجهز الشنطه و أصرف الفلوس و نسوي كل شي و على اخر لحظه نكنسل السفره :110:
    صارت لنا يمكن اكثر من اربع مرات :112:
    بس هالمره قلنا خلاص كل شي مترتب عدل ( نبي نمشي مع باص) عمرنا ما سافرنا في باص لمكه
    الرجال صاحب الحمله أخر الرحله كذا مره .... قال الحين ما فيه معتمرين كثيرين لقرب موسم الحج
    و بالاخير جمعوا كم حمله في باص واحد
    قلنا خلاص ما راح تتكنسل
    و رحنا قبل امس : بتاريخ : 2/11/2007 لمكان الباص
    و انتظرنا الى ان تجمعوا الناس
    و كنا 25 فرد
    و الحمدلله مشى فينا الباص ...و استانست انا و زوجي
    و قلت واخيراااااااااا ما بغينا
    و لما وصلنا للحفر ( حفر الباطن ) زوجي حس بألم و عوار في بطنه و رأسه
    ضاااااااااااااق خلقي
    قلت له خلاص تبينا ننزل هني واحد يجي يأخذنا من الكويت؟
    قال : لا انتي من زمان ودج ب هالسفره
    قلت: اي ودي بس ما راح نسافر وانت جذي ... انت بعدين تعوضني بأحسن منها ( طبعا وانا قلبي يتقطع لاني من زمان منتظره هالسفره ... بس كسر خاطري و هو تعبان ) :110:
    و وعدني انه يعوضني فيها اول ما تنزل له اجازه :101:
    و نزلنا عند استراحه بالحفر
    و دق زوجي على اخوه عشان يقوله تعال اخذنا .... لما دق على اخوه و قاله تعال خذنا ......
    اخوه قال: سبحاااااااااااان الله انا توني داخل الحفر ازور واحد من الربع :109:
    اي والله سبحان الله
    و استانست انه قريب مننا
    جا خذانا و قطيناه على رفيجه و اخذنا السياره ... و رحنا نفرفر بالاسواق و ختمناها بمطعم الافق
    اخليكم مع الصور و راح أقولكم سالفة الافق :


    دخولنا من منفذ الرقعي :





    الاسواق و الشوارع :
    المويس للاواني المنزلية : روعه لكنه غالي شوي
















    مطعم الافق :
    الصراحه انصدمت بالمطعم ...
    طلبت نص دجاجه مشويه بس ريحة الزفر لوعت جبدي .... ما اكلت الدجاجه :112:
    اما المشويات كانت جيدة
    المنيو مالتهم ورقة عاديه مشخبطين عليها ... راح تشوفونها بالصور ... ما تصلح لمطعم
    الحمام (wc) :112: والله لاعت جبدي لما شفته ... و طبعا ما راح أعلق عليه ... أكيد أنكم فهمتوا
    و الصراحه هذا حال كل حمامات الحفر...
    كل ما ادخل حمام ودي ارجع من المنظر و الريحه :110:
    و كل الحمامات كأنك في فلم رعب .... مهجوره و تلوع الجبد .... حتى كنت اخلي زوجي يوقف لي عن مدخل الحمامات .... المنظر يخوف
    و أكثر الحمامات ما فيها ماي :112: انا لازم أتأكد قبل كل شي
    والله دون مبالغه الحمامات ذكرتني بفلم الرعب : rest-stop .... لا يطوفكم الفلم
    أحب أعتذر من اخواني السعوديين و خصوصا اهل الحفر .... لكني لازم أقول الحقيقه














    المنيو:



    السقف على شكل خيمة :


    الدجاج الزفر :


    المشويات : جيدة : لكن البطاط بارد
    زوجي قال للجرسون بدل كباب الدجاج جيب لحم قال اوكي
    لقيناه جاب دجاج
    رد كلمهم و بدلوا الصحن:



    الريش:



    صحن سلطات منوعه:



    و طلبنا عرايس لكنهم قالوا ما فيه .... و كنا نبي نجرب لحم بالفخار و قالوا لنا ما فيه

    و مشكورين على متابعتكم
    :24:


    مواضيعي
    الله يخليكم ... كل اللي يشوف توقيعي يدعي للغاليه ام ريماس ( أحلى كيميائيه) بالمغفره ... ربي اجعل قبرها روضه من رياض الجنه ولا تجعله حفره من حفر النار



    اخر تقاريري :

    دليل المرام في اربعة ايام


  2. #2
    مسافر متميز الصورة الرمزية يامصبرالموعود
    تاريخ التسجيل
    Jul 2007
    المشاركات
    220

    افتراضي

    هلا بك اختي المرام

    وحمدا لله على السلامة

    اهم شيء انكم بصحة وسلامة

    بعد الرحلة وزيارة مطعم الافق

    بيني وبينك من شفت البطاطا اللي بصحن الريش

    وقلتي انها باردة تهون انه بارده الا الزيت الظاهر

    ينقع نقع من هالبطاطا لا يكون اكلتيها

    تراهم يقولون مليانه سعرات حرارية

    انشالله الرحلة الجاية تدخلين مطعم

    تنصحين فيه

    تقبل مروري


    والله
    اني خابرك
    ,
    مثل
    : ( السراب) ,
    مير مدري ليه
    .. ل / الحين (اتبعك) ,
    وادري انه :
    ما وراك الا ( العذاب ) ,
    ورغم هذا .. اقول لك ( خذني معك ) !


  3. #3
    سفير العرب المسافرون الصورة الرمزية zazaz
    تاريخ التسجيل
    Jun 2005
    المشاركات
    14,956



    افتراضي

    السلام عليكم




    سبحان الله مالكم نصيب بالعمره شوفوا لكم شيخ يقرأ عليكم يمكن احد رابطكم عن مكه :109:




  4. #4


  5. #5
    مسافر خبير الصورة الرمزية الذيب الشمالي
    تاريخ التسجيل
    Aug 2007
    المشاركات
    16,134

    افتراضي

    (( مسائكم ياسمين دمشقي ))
    خيرها بغيرها
    من أربع سنين وأنتم تجهزون لرحلة العمرة ووصلتوا للحفر :112:
    مشكورة خذيتنا رحلة مجانية للحفر :113:
    يعطيك العافية


    (( دام عزك يا وطني ))


    جديد الأردن

    https://travel.maktoob.com/vb/travel672237/

    الأردن

    https://travel.maktoob.com/vb/travel522798/

    https://travel.maktoob.com/vb/travel528740/



    رحلتي الصيفية إلى معشوقتي الأبدية
    ( 32 يوم .. 6800 كلم .. اكثر من 4000 صورة )

    https://travel.maktoob.com/vb/travel365817/


  6. #6
    مسافر متالق الصورة الرمزية المتأملة
    تاريخ التسجيل
    Sep 2006
    المشاركات
    792

    افتراضي

    الحمدلله على السلامة أختي المرام وتعوضينها بحجة إن شاء الله قولي آمين ،بالنسبة للمطعم مأساة مشكلة المطاعم في السفر إذا الواحد مضطر وماحصل شي نظيف عاد أنا ماأداني الزفز ولو تشوفين تقريري عن المطاعم نزلته من زمان بالبوابة العامة كان تكرهين كثير من المطاعم ،بصراحة شكل الدجاجة مع البطاطس يسد النفس ولا والمشكلة كاتبين في المنيو مطعم عائلات راقي أجل لو عادي كيف راح يكون،أما بالنسبة للحمامات تكرمين فمعاك حق واحنا نعاني إذا سافرنا عن طريق البر من المحطات الي على الطريق مانطيق ندخلها إلا اضطرارا حتى أتذكر مرة واحنا محتاجين الحمامات على الطريق لقينا ناس ماشاء الله داخلين بقفازات بلاستيك وبخاخ ديتول بصراحة أعجبتني الفكرة لو الواحد اضطريدخلها لأن الريحة ماتنطاق،وش رايك مرة دخلنا حمامات محطة من سنين ولقينا جنب الحمام عقارب.:114:




  7. #7
    مشرفة سابقة الصورة الرمزية المرام
    تاريخ التسجيل
    Jun 2006
    المشاركات
    13,790

    افتراضي

    اقتباس المشاركة الأصلية كتبت بواسطة مصبر الموعود مشاهدة المشاركة
    هلا بك اختي المرام

    وحمدا لله على السلامة

    اهم شيء انكم بصحة وسلامة

    بعد الرحلة وزيارة مطعم الافق

    بيني وبينك من شفت البطاطا اللي بصحن الريش

    وقلتي انها باردة تهون انه بارده الا الزيت الظاهر

    ينقع نقع من هالبطاطا لا يكون اكلتيها

    تراهم يقولون مليانه سعرات حرارية

    انشالله الرحلة الجاية تدخلين مطعم

    تنصحين فيه

    تقبل مروري
    :101: تسلم اخوي على مرورك
    لا تخاف ما اكلت من البطاط :101:

    اقتباس المشاركة الأصلية كتبت بواسطة zazaz مشاهدة المشاركة
    السلام عليكم




    سبحان الله مالكم نصيب بالعمره شوفوا لكم شيخ يقرأ عليكم يمكن احد رابطكم عن مكه :109:
    :109:
    والله ضحكتني يا اخوي :109:
    تسلم على مرورك الممتع :24:

    اقتباس المشاركة الأصلية كتبت بواسطة مسافره مختبه مشاهدة المشاركة
    الحمدلله على سلامتكم..
    وسلامة سي السيد..

    ومن ناحية العمره..ماتدرون وش الخيره فيه...
    يمكن ربي رادكم عن شر :)


    تحياتي لك
    :101: مشكوره حبيبتي على مرورج
    ان شاء الله انها خيره

    اقتباس المشاركة الأصلية كتبت بواسطة الذيب666 مشاهدة المشاركة
    (( مسائكم ياسمين دمشقي ))
    خيرها بغيرها
    من أربع سنين وأنتم تجهزون لرحلة العمرة ووصلتوا للحفر :112:
    مشكورة خذيتنا رحلة مجانية للحفر :113:
    يعطيك العافية
    :109: أجل لو نجهز لباريس راج نقعد كم سنه :114: :109:
    تسلم اخوي على مرورك

    اقتباس المشاركة الأصلية كتبت بواسطة المتأملة مشاهدة المشاركة
    الحمدلله على السلامة أختي المرام وتعوضينها بحجة إن شاء الله قولي آمين ،بالنسبة للمطعم مأساة مشكلة المطاعم في السفر إذا الواحد مضطر وماحصل شي نظيف عاد أنا ماأداني الزفز ولو تشوفين تقريري عن المطاعم نزلته من زمان بالبوابة العامة كان تكرهين كثير من المطاعم ،بصراحة شكل الدجاجة مع البطاطس يسد النفس ولا والمشكلة كاتبين في المنيو مطعم عائلات راقي أجل لو عادي كيف راح يكون،أما بالنسبة للحمامات تكرمين فمعاك حق واحنا نعاني إذا سافرنا عن طريق البر من المحطات الي على الطريق مانطيق ندخلها إلا اضطرارا حتى أتذكر مرة واحنا محتاجين الحمامات على الطريق لقينا ناس ماشاء الله داخلين بقفازات بلاستيك وبخاخ ديتول بصراحة أعجبتني الفكرة لو الواحد اضطريدخلها لأن الريحة ماتنطاق،وش رايك مرة دخلنا حمامات محطة من سنين ولقينا جنب الحمام عقارب.:114:
    الله يسلمج اختي
    فعلا مشكله الحمامات و المطاعم
    ان شاء الله نشوف تطورات على السنين الجاية
    تسلمين على مرورج

    نسيت أقولكم :
    ان راعي الحملة ما رضى يرجع الفلوس
    قلنا زين أخذ فلوس المواصلات و رجع الفندق
    قال لا ما يصير :112:
    الله لا يسامحهم :112:




  8. #8
    إلى جنة الخلد إن شاء الله
    تاريخ التسجيل
    Jun 2007
    المشاركات
    3,145

    افتراضي

    هلا يا قلبي مرامنا الغاليه .


    لا شهالخبريه اللي تضيق الخلق ؟؟؟

    الله يكتب اللي فيه الخير لكم ..

    واذا الله كاتب لكم زياره لبيته المحرم راح تكون لكم زياره ..

    واوصيج بالدعاء فهو المنفذ الوحيد لك عزيزتي ..

    وللعلم ترى دعيت لج لما رحت العمره برمضان هذي السنه :)

    وبالنسبه للحفر ..

    كانت لي زيارات كثيره لها ..

    واحرص على مجمع ( مول ) العقاريه + مول ساره

    فيهم بدل لأطفال + بدل حلوه وأنيقه تنفع للدوام ------(( كدوامي مثلا ))

    حسافه ما رحتيلهم .. كونج واصله الحفر

    وبالنسبه للحمامات .. الله يعينج .. انا لازم مناديل الديتول المعقمه معاي طول الرحله

    وكرتون ماي صحه ( معدنيه) لزوم الضروف بالطريج :)

    وان شاءالله التقرير الياي نشوف لج زياره عند بيت الله الحرام ..

    وان شاءالله لحط لكم رحلتي لبيت الله الحرام بعد انتهائي من تقرير شيراز ..

    وما يشوف شر الباشمهندس ..




  9. #9
    مسافر خبير الصورة الرمزية ناصر كويتي
    تاريخ التسجيل
    Jul 2004
    المشاركات
    4,045

    افتراضي

    الحقيقه خبر مزعج للغايه تروحون للعمره وحدكم بس الحفر ان شاء الله خيره وتعوضونها المرات الجايه

    مطعم واستراحه الافق هذا يبيله كلام شوي اولا هذي استراحه وكانت قبل اول شي او اخر شي في الحفر حق اللي يروح للكويت

    المطعم من زمان فاتح وكان تركي وكان ممتاز جداااااااااا وموقعه وديكوراته ممتازه وكانت الخمده قبل ولا اروع حتى اهل الحفر يتعشون فيه ليله الخميس او الجمعه وكان لازم الواحد يحجز فيه

    لكن من بدت القوات الامريكيه في حرب العراق المنطقه كلها وقفت والمطعم خسر والتركي باعه والان اللي ماسكه واحد للاسف ما يعرف شي في التجاره ولا سياحه ولا اي شي والمطعم ماشي على سمعته القديمه للان

    لكن نصيحتي لج اذا تبين تروحين الحفر مافي الا المندي وفي مطاعم بالقرب من مجمع العقاريه


    ومحل مويس هذا مشهور جدااااا خصوصا قبل رمضان اسأليني عنه عدل لازم نمره كل سنه ونتبضع عنده بعد الوالده ما ارفض لها طلب

    الحمدلله على سلامتكم وانا ملاحظ هاليومين تقاريرج فيها من الاننتقاد الشي الكثير لكنه ظاهره صحيه بعد تقاريرج للمطاعم والنصايح الجميله الحين نشوف السلبيات بس للاسف اولا على اخواننا الفيلجاويين والحين اهل الحفر




  10. #10


موضوع مغلق
صفحة 1 من 9 1 2 3 4 5 6 7 8 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك