مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



موضوع مغلق
صفحة 1 من 2 1 2 الأخيرةالأخيرة
النتائج 1 إلى 10 من 14
Like Tree0Likes

الموضوع: || صور رحلتي للجبل الأخضر في عمان ||

  1. #1
    مسافرجديد
    تاريخ التسجيل
    Apr 2006
    المشاركات
    54

    افتراضي || صور رحلتي للجبل الأخضر في عمان ||

    بــســم اللــه الرحــمــن الرحــيم



    إخواني وأخواتي أعضاء المنتدى الكرام

    حبيت اعرض عليكم بعض الصور اللي خذتها من منطقة الجبل الأخضر

    في عمان، المنطقه البارده اللي زرتها يوم الجمعه الموافق

    1 / 9 / ‏2006

    أعضاء الرحلة كانت مكونه من 7 اشخاص معاي انا بما أن اول مرة نخطط لها المكان فما كنا نعرف شو نظام السكن في الجبل الاخضر ،وما كانت عندنا فكرة عن السكن والشقق المفروووشه ، ففكرنا نحجز في مسقط ونخصص يوم نطلع فيه للجبل الاخضر واستكشاف المكان



    هذا هو المكان اللي حجزنا فيه ، عبارة عن 3 غرف وصاله ومطبخ والغرف مريحه ، والمكان هذا سكنت فيه قبل 4 سنوات تقريبا وانا راجع من صلاله مع الربع ،كنا حابين نغير هاي المرة ولكن وصلنا مسقط الساعه 11 ليلا وكل الشقق مافيها مكان ، وخاصة يوم يعرفون عددنا



    وهذه السيارة اللي استأجرناها عشان تشلنا كلنا فيها ولان الشرطه ما تسمح بدخول ، الصالون اصلا فوق الجبال لانها ما تستحمل الصعدات والنزلات، باثفايندر ‏2006‏

    وهنا ترسنا بترول قبل دخولنا الجبل بـ 20 كيلو تقريبا لان ماشي محطه بترول فوق الجبل ، تلعوزنا شوي لين حصلنا سيارة 4WD الصراااحه ، والمشكله انا موتري صالون ، وربيعي موتره يديد وغمضنا ان نوديه فوق الجبال رغم انه 4WD ، واحد جزاه الله خير ما قصر ركب معانا ودلانا المحل وقعد يكاسر الريال لين نزل السعر ، من 70 ريال عماني الى 53 ريال عماني على استأجار الموتر يومين
    ( 1 ريال = 10 دراهم )

    ونظام عمان بالكيلو !! يعني ليومين يعطيك 400 كيلو ، واذا زدت عن كل كيلو 100 بيسه للـ 4 ويل ، و 50 بيسه لسيارات الصالون
    ( 100 بيسه = 1 درهم )

    ادري وايد تفلسفت ولكن حبيت اني اعطيكم المعلومات عشان اذا حد فكر ، يروح المكان تسهل الامور عليه وما يتلعوز مثلنااااااااااا



    واجهنا صعوبات في البداية بسبب الصعدات والزحمة اللي في الموتر ما شاء الله ، ولكن عقب تعودنا ، انا اللي تلعوزت لاني كنت اسوووق الموتر ، ولازم نستخدم الغيار الثقيل ، والـ 4 ويل

    وهذه المنطقه اللي في الصووورة فوق الجبل الاخضر يعني حوالي
    3000 مثر فوق سطح البحر واللي يعادل 3 كيلومتر تقريبااااااا ، ومن المكان ، هذا تقدرون تشوفون القريه في المنطقه المقابله والمزارع والمدرجات الجبليه الموجوده هنااااااااااك



    وهذه صورة القريه مقربه واوضح ، ومثل ما تلاحظون المواتر اللي نازله ، صوب القريه اكثر المواتر ارقام الامارات ، والقريه فيها عين وبرك سباحه
    ومزارع الرمان



    وهاي صورة المنطقه اللي خلفنا لما نشوف القريه ، وعورة جبليه حلوة والله



    هنا كنا في القريه اللي شفتوها ، وعجبتني الالوان ، الاخضر والبني والازرق



    ادخلوها بسلامٍ آمنين

    ودخلنا القريه اللي فعلا تراثيه وناسها تراثيين ، على فكرة المنطقه ، مب مستويه يعني المكان اللي انا مصورنه على نزله



    يا سلام على الجو الطبيعي اللي عندهم الصراحه ، تحس انك تتنفس نظافه ، وهذا الممر حصلناه بين بعض البيووووت



    صووورة تراثيه حلوة الصراحه



    وصلنا العين وشفنا الماء العذب الطبيعي ، وحصلنا يهال من القريه يتغسلون ، غسل الجمعه في نفس المكان هذااااا ودقينا سوالف معاهم ، رمستهم حلوة ياخي



    هذه القناة اللي توصل المياه من العين الى المزارع والبيوت بعد ، تصدقون ، شفنا بنت صغيره قاعده تغسل المواعين في هذا الممر ، والماي واااااااااايد بارد



    حد يصدق اللي أشوفه !!!!

    اول مرة في حياتي اشوف شجر الرمان ع الطبيعه ، وما شاء الله حبات كبيرة



    تفضلو

    اكيد كلكم تفكرون كم حبه سرقها ولـ الإمارات ـد

    ههههههههههههههههههه

    لا لا ما سرقت ولا شي ، لانها كلها أملاك خاصه للناس ومعظمها للسلطان قابوس الله يحفظه ، وفي مزارع عليها لوحات مكتوب عليها ملك خاص ممنوع الدخول


    واكيد الحين كلكم متحمسين وخاطركم تروحون الجبل الاخضر وفي اقرب اجازة ،وبهذا خلصت الجزء الاول من الجبل الاخضر ، وإن شاء الله عيبكم الموضوع ، واتمنى إني قدرت اوصل لكم المعلومات اللي حبيتوا تعرفونها من خلال الجوله هذه وانا حاضر لاستفساراتكم

    وترقبوا الجزء القادم واللي راح يحتوي على صور للطرق والطبيعه وعودتنا لبلادنا الحبيبه




  2. #2


  3. #3
    مسافرجديد
    تاريخ التسجيل
    Mar 2007
    المشاركات
    31

    افتراضي

    صور جميلة

    شوقتنا لزيارة الجبل الأخضر

    كيف درجة الحرارة هناك ؟




  4. #4
    مسافر متالق
    تاريخ التسجيل
    Jan 2005
    المشاركات
    1,005

    افتراضي

    مشكور على الصور والتقرير


    دخيل الدمعتين اللي غدت منها الخدود شقوق
    ترفق سامحك ربي .. على قلب لك اهديته!!!


  5. #5


  6. #6
    مسافرجديد
    تاريخ التسجيل
    Apr 2006
    المشاركات
    54

    افتراضي

    اقتباس المشاركة الأصلية كتبت بواسطة Awal_7abib مشاهدة المشاركة
    ماشاء الله تبارك الله
    صور جميلة جدا اخوي ومنطقة تستحق الزيارة
    وبانتظار الجزء القادم.


    تحياتي ،،،

    ترقبوا القادم قريبا بإذن الله




  7. #7
    مسافرجديد
    تاريخ التسجيل
    Apr 2006
    المشاركات
    54

    افتراضي

    اقتباس المشاركة الأصلية كتبت بواسطة البيدار مشاهدة المشاركة
    صور جميلة

    شوقتنا لزيارة الجبل الأخضر

    كيف درجة الحرارة هناك ؟

    والله ما كانت عندي سيارتي الخاصه عشان اشوف الحراره كم

    ولكن الجو رهيب وبارد

    شكرا لك على تواجد




  8. #8
    مسافرجديد
    تاريخ التسجيل
    Apr 2006
    المشاركات
    54

    افتراضي

    اقتباس المشاركة الأصلية كتبت بواسطة Al-Samel مشاهدة المشاركة
    مشكور على الصور والتقرير
    حاااااااااااااااضرين حبوب :24:




  9. #9
    مسافرجديد
    تاريخ التسجيل
    Apr 2006
    المشاركات
    54

    افتراضي

    اقتباس المشاركة الأصلية كتبت بواسطة ولد مزيون مشاهدة المشاركة
    ماشاء الله
    صور جميلة جدا اخوي ومنطقة تستحق الزيارة
    وبانتظار الجزء القادم لا تتأخر علينا

    نعم تستحق الزياره هذه المنطقه

    والجزء القادم سأطرحه قريبا

    شكرا على التواجد اخي :101:




  10. #10

    افتراضي

    ماشاء الله تبارك الله
    صور جميلة جدا اخوي ومنطقة تستحق الزيارة
    وبانتظار الجزء القادم




موضوع مغلق
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك