مـنـتـدى الـعـرب الـمـسافـرون

هذا الموقع مخصص للسياح العرب وهو احد افضل المواقع المخصصة للسياحة و مساعدة المسافرين ، و هو أحد مواقع شبكة منتديات مكتوب !Yahoo ، انضم الان و احصل على فرصة متابعة أخبار و معلومات و صور و مقاطع فيديو من كل دول العالم.



+ الرد على الموضوع
صفحة 28 من 42 الأولىالأولى ... 18 21 22 23 24 25 26 27 28 29 30 31 32 33 34 35 38 ... الأخيرةالأخيرة
النتائج 271 إلى 280 من 414
Like Tree0Likes

الموضوع: 6 ايام في ربوع الكويت # صور #

  1. #271
    مسافر متميز الصورة الرمزية دُرَر الكويت
    تاريخ التسجيل
    Nov 2005
    المشاركات
    538

    افتراضي

    هلا والله اختي المسافره من قطر
    انشاء الله عجبتج المدينه الترفيهيه؟؟؟
    انا مو زايرتها اكثر من سنه شوقتيني لزيارتها
    شنهي اكثر لعبه عجبتج ؟؟؟؟؟؟؟؟؟


    رب اغفر لي ولوالدي وللمؤمنين يوم يقوم الحساب



    مع محبتي


  2. #272
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    اقتباس المشاركة الأصلية كتبت بواسطة الملكة الام مشاهدة المشاركة
    عزيزتي المسافره من قطر


    الله يعطيج العافيه على هالتقرير




    قريته وفطست من الضحك كسروا خاطري ....دايماً يكسرون خاطري مادري ليش يمكن لأني ماحب البرد ودايماً متلحفه فحسيت بشعورهم...



    عيالج بعد مثلج .....لهم حركات فديتهم خلهم يتأمرون ويصخنون بفلوسم مهب بلاش ...بعدين القطرين يسّون نفس الشي حتى لو في كينيا والا استراليا




    الدقوس عندنا ينحط في غراش صغيره للاستخدام مع المجبوس بس ...بس يمكن هم ياكلونه مع كل شي عادي مثل الاجار

    الطباخه هنيه مسويه لنا دقوس حارررر لذذذذيذ ...تبغين منه؟؟ طرشيلي على الخاص العنوان وازهليه

    المهم

    لاتضيعين السالفه الحين من الاخر ..بنشوف فيلكا والا لا؟


    اختج العوده


    الملكة الام
    :109: :109: اسعدني مرورج :109: :109:
    ومشكورة على العرض
    بس انا ابي دقوس كويتي <<<<<<< في خاطري:101:




  3. #273
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    اقتباس المشاركة الأصلية كتبت بواسطة alaod مشاهدة المشاركة
    قلنا بلاش نشر الغسيل بالمنتديات يا ام البنية
    :114: :114: :114:




  4. #274
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    اختي مسافرة كويتية
    اخ ناصر كويتي

    حلوووووووووووووو طلعنا نفس العادات باختلافات بسيطة
    الله يديمها علينا نعمة ان شالله




  5. #275
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    اقتباس المشاركة الأصلية كتبت بواسطة دُرَر الكويت مشاهدة المشاركة
    هلا والله اختي المسافره من قطر
    انشاء الله عجبتج المدينه الترفيهيه؟؟؟
    انا مو زايرتها اكثر من سنه شوقتيني لزيارتها
    شنهي اكثر لعبه عجبتج ؟؟؟؟؟؟؟؟؟
    هلا حنونة
    صراحة المدينة عجبتنا وااااااايد

    وعن الالعاب انا العب عيالي مالعب هههههههههههههههههه




  6. #276
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    بسم الله الرحمن الرحيم
    اليوم ثاني العيد
    نزلنا للفطور واول مافتح الاصنصير صعقت كنت برجع اسكر الباب وارجع افتحة مثل الافلام عشان اصدق عيوني
    اللوبي كله بالونات ملونة ومنسقة بشكل جميل في كل مكان
    شالسالفة مغلطين ومايدرون ان العيد جاء امس
    مشيت بذهول المحترة من سكوووون اللوبي امس التفت زوجي وقال اهااااااااااا اليوم ليلة راس السنة
    :112: :112: :112:

    وبعد الفطور طلبنا سيارة ورحنا حديقة الحيوان
    لقينا الناس توهم يتوافدون عليها وكانت حلوة بس ضيقة وبسبب زحمة الناس صارت ضيييييييييييقة
    عيالي ستانسو وركبنا القطار ناخذ جولة كالمعتاد

    وهذي لقطات قليلة للحديقة عشان الاخت المرام افردتها في تقرير كامل:24:

    رحلتي انا وبشار الى حديقة الحيـــــــــــــــــــــــــــــــــوان.... بالصور

    هذا عند مدخل الحديقة


    :106: وهذا فيه شكر لدولة قطر :106:




    وهذولا اجمل مافي حدائق حيوان العالم اجمع:109:
    لاحظوا الوحة التي تبط العين
    وعيالي كانوا ياكلونهم:108:



    وهاذي الفيلة ولدي الصغير يضحك ويقول فيل بيبي :109:







    وهذا هو الحديقة كلها عند ولدي الصغير بس وهو ساكت لانة لو زأر تتغير عندنا العلوم :109:

    لاحظوا انه نايم أليل الادب الزوار جاينة من جميع انحاء البلاد وهو مب معطينا وجهة






    والحين اللبوه جاتة توقظة وتقولة عيب قوم:109:
    اصلا ولدي كان معصب علية ويقوله قووووووووووووووم ليش تردد <<< ترقد:109:

    وخذا علبة بيبسي من الارض وهو هداد ويصرخ ويقول والله اطقة والله :109: وحذفة بالعلبة بس لطول السور ماصادة وهو مانتبة ايتحسب طقة :109:



    والحين حس على دمة أسوووود ماتمشي الا بالعين الحمرا:109: :109:



    وكملنا الجولة




    لكن ماكملناها كلها وبصراحة ماطولنا فيها عكس المتوقع لانها صارت ززززززززززززحمة
    والغريب انها رغم انها ماشالله مسوينها من زمااااااااان الا ان ماصار لها توسعة كبيرة تستحمل العدد الكبير من الزوار
    والسبب الحقيقي اللي خلانا نطلع وما نطول ان عيالي أجروا مقارنة بين حديقتنا وحديقتكم وفازت حديقتهم
    لانها ماشالله اجرولها تعديلات و توسعة من كم سنه
    والحين يجرون لها التوسعة الثالثة عشان يكون فيها قسم سفاري مثل ماسمعت:106:

    لا وسواق التكسي يقول انتوا عندكم حديقة:114: وهي اصغر من هاذي شكثر:114:
    رديت بسرعة على طريقة الساخرة وقلت اكبر منها بضعفين ونص
    بس لو سالتوني عن صحة جوابي بقول لكم اصلا انا صفر قي قياس المساحات ههههههه
    بس حرتني طريقتة الساخرة

    ورحنااااااااااااااااا ايكيا



    ايوة ايكيا عشان واحنا راجعين من المدينة الترفيهية وما اشوف طريقي من التعب :108: شفت ايكيا :106:
    ونيشنت علية:109: <<<<<<<< الله يا ايكيا

    ويوم رحنا الحديقة لقيت الطريق واحد<<< نفس الامسي :101: وقلت مالنا الا ايكيا
    ويوم طلبت من زوجي سالني يبي يضحك على اساس اني ما ادل بس طلعت اووووت:109:
    قلتلة اذا طلعنا على الشارع الرئيسي ورحنا عكس اتجاة طريق السالمية بنشوف ايكيا :24:
    تفاجاء اني حفظت طريقة صج حريم ههههه
    ورحنا ايكيا وعيالي ما اعترضو ليش:114:
    بنشوف مع الصور :106:

    دخلنا ايكيا
    الله واااايد حلو
    طبعا طلعنا فوق بعد الاطلاع على الخريطة وبدينا بالمعكوس:108: دخلنا المطعم تغدينا<<<<<غدا العصر :106: عقب ريوسنا وبدينا من البداية
    وبدينا جولتنا والعيال مستعجلين ينطرون لحظة الوصول لمبتغاهم
    واللي يساعدني في ايكيا انه طريق واحد تمشون من نقطة البدايه لييييييين توصلون نقطة النهاية طبعا كل فروع ايكيا على طول الطريق فيه مخارج طوارئ لو الواحد يبي يختصر الطريق ومافيه شدة مثلا :108: الموظفين يمررونة منها:24:
    بس عيالي مايدرون لو دروا ماشفت ايكيا في حياتي بيتمون يختصرون الطريق لين يوصلون مبتغاهم بسرعة
    وهذا هو
    وصلنا




    :109: هذا هو انا هني اضرب عصفورين بحجر انا اقعد ارتاح <<< اشحن البطارية حق باقي التسوق
    وهم يتمون يلعبون واذا اشبعوا بدوا يتشرون حق نفسهم

    وشرايكم في هذا



    خوش جاري محد يدعم فية حد :109:
    وخفيف في التسوق وفيه حلقتين لتعليق السلة الصفرا للبضاعة :24:
    وعند البوابة الرئيسية كان فيه مهرجين العبوا معاهم العيال الله يحفظهم


    وخلصنا من ايكيا واحنا راجعين مرينا ناخذ سندويشات على السريع واستانست وقلت الله المطعم اللي احذا الفندق ممتاز بسبب الاقبال والزحمة اللي شفتها علية
    وبعدين اتضحلي اني غلطانة
    يوم شفت مطعم ثاني بنشوف عنة بعدين:114:

    ودخلنا الفندق المزين ومادخلت ايام زمان على وعد الامس لاني اصلا كنت منتهية
    وانتهى يومنا حلو ماشالله:101:


    ونلتقي في ثالث العيد ان شالله:106:





  7. #277
    مسافر متميز الصورة الرمزية دُرَر الكويت
    تاريخ التسجيل
    Nov 2005
    المشاركات
    538

    افتراضي

    يعطيج العافيه اختي
    شخبار حديقه الحيوانات صارلي تقريبا 10 سنوات ما دخلتها
    برايج تستاهل ازورها مع اليهال ؟؟؟؟؟؟؟؟؟؟؟؟
    ههههههههههههههههههه ****************> ما ادري ليش عايشه بالكويت اغلب الاماكن ما زرتها من زمان




  8. #278
    مسافر خبير
    تاريخ التسجيل
    Feb 2006
    المشاركات
    1,904

    افتراضي

    اقتباس المشاركة الأصلية كتبت بواسطة دُرَر الكويت مشاهدة المشاركة
    يعطيج العافيه اختي
    شخبار حديقه الحيوانات صارلي تقريبا 10 سنوات ما دخلتها
    برايج تستاهل ازورها مع اليهال ؟؟؟؟؟؟؟؟؟؟؟؟
    ههههههههههههههههههه ****************> ما ادري ليش عايشه بالكويت اغلب الاماكن ما زرتها من زمان
    ههههههههه حلوة هاذي :109: مارحتي
    اقولج سر في اماكن واااايد في قطر كل يوم بودي عيالي لها ولين الحين مارحنا:109:
    بس في السفر غير نشتط لان الوقت محدد:101:

    هي حلوة وحلاتها مايكون وقت اجازة عشان مايكون زحمة

    وتسعدني متابعتج:24:




  9. #279
    مسافر خبير الصورة الرمزية ناصر كويتي
    تاريخ التسجيل
    Jul 2004
    المشاركات
    4,045

    افتراضي

    حيالله اختنا الكبيره المسافره من قطر والبرنامج الحلو لزياره الكويت
    ماشاء الله اليوم الثاني في حديقه الحيوان يعني ابو الزحمه كلها انا ما ادري اذا شفت حديقه الحيوان مزحومه اتسائل اليوم عيد ولا شنو ؟؟؟؟ لانها ما تنترس الا في العيد ما ادري ليش وخصوصا من اخوانا الصعايده هو في سر بس شنو ما عرفه ( لحد ياخذ كلامي بسوء نيه رجاء )

    الحقيقه الحديقه هذي قديمه والمسؤولين يقولون نبي نشيلها ونحطها في مكان ثاني لان اهل المنطقه مشتكين منها وخصوصا الاسد اللي مايزأر الا بالليل ومدوخ الناس وللحين محد اتخذ قرار في نقل الحديقه

    وظلت على مكانها بدون تجديد طبعا هذا مو عذر بس نحن في انتظار مسؤول قوي يتخذ القرار ويشيلها ويبنون لنا وحده جديده في مكان والله يرحم الحيوانات اللي دايخه من الجو البارد في الشتا والحاااار في الصيف


    اني تقولين انج تعرفين السوق طبعا انا اصدق الكلام هذا لان انتو يالحريم فيكم بوصله في مخكم للسوق ماشاء الله

    انا اذا سافرت مع العايله المدام واحنا في السياره ما همها الا الورقه القلم وتكتب واحنا ماشين في سوق عند الشارع الفلاني وهذي حالتي كل يوم وبعدين اذا صار يوم التسوق طبعا يومين في الاسبوع
    تطلع دفترها وتقول ودني حق هذا وبعدين هذا وهلم جرا
    وفعلا كل اللي تكتبهم يطلعون اسواق وانا كنت اتمنى انها تغلط علشان اهون بالمره لكن مثل ما قلت تعرفون السوق عدل ماشاء الله عليكم

    الحقيقه ملاحظاتج شفتها بخصوص مظاهر الفرح في العيد في الفندق
    هذا فندق يهمه الكسب السريع اولا وارضاء الزبائن مثلا يحتفلون في الكرسمس والراس السنه اما الاعياد ودي اعرف شلون يحتفلون فيها انا ماشفت احتفال في العيد بالفنادق وعندج دبي على سبيل المثال كل المجمعات اللي فيها تحتفل بالكرسمس باقامه شجره الميلاد والثلج والدب القطبي ويلبسون كل الموظفين ملابس سانتا كلوز خصوصا القبعه الحمراء لكن اذا مر العيد ولا شي يمر مرور الكرام

    لكن ملاحظه يجب عليج تمريرها للفندق بانهم يحطون على الاقل قهوة وتمر وخروف للعيد ( اتغشمر طبعا )
    بس ياليت تعطيني الحل شنو يحطون للعيد ؟؟؟؟؟؟؟؟؟؟





  10. #280

    افتراضي السلام عليكم

    عزيزتي المسافره من قطر



    كالعاده ضحكت من قلبي على سوالفج

    اللوبي كله بالونات ملونة ومنسقة بشكل جميل في كل مكان
    شالسالفة مغلطين ومايدرون ان العيد جاء امس
    مشيت بذهول المحترة من سكوووون اللوبي امس التفت زوجي وقال اهااااااااااا اليوم ليلة راس السنة
    انتو للحين عندكم امل !!!! في كل الفنادق العربيه حتى في قطر مايفكرون الا بالكرسماس والسنه الجديده ...مالهم خص بالاعياد الاسلاميه....


    لاحظوا الوحة التي تبط العين
    وعيالي كانوا ياكلونهم

    ههههههههههه

    مالومهم والله ...شكلهم جوعانين من القلب ...لو انا بعد بطعمهم...


    والحين حس على دمة أسوووود ماتمشي الا بالعين الحمرا
    اما سالفتكم مع الاسد سالفه ....حتى الاسد عندنا كله فاخ رقاد...حتى حديقة الحيوان سويتيها رحله حلوه....

    ايوة ايكيا عشان واحنا راجعين من المدينة الترفيهية وما اشوف طريقي من التعب شفت ايكيا
    ونيشنت علية <<<<<<<< الله يا ايكيا

    تصدقين كنج اختي تموت في هالمحل....مادري شتشوف فيه !!!


    المهم


    مارديتي علي ؟


    في فيلكاوالا لا؟



    اختج العوده


    الملكة الام




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك