 |
 |
 |
||
|
|
|
||
 |
|
 |
|
|||||||
|
|
أدوات الموضوع | انواع عرض الموضوع |
12-01-2007, 06:26 PM
|
#1 (permalink) |
|
مسافر خبير
تاريخ التسجيل: Mar 2006
الدولة: الجبيل الصناعية
رقم العضوية :63013
المشاركات: 1,593
|
تقرير عن رحلتي لماليزيا من شمالها لجنوبها ( اكثر من 500 صورة)
بسم الله الرحمن الرحيم
السلام عليكم ورحمة الله وبركاته هذا تقرير لرحلتي لدولة ماليزيا من الفترة 4/11/2006 الى 29/11/ 2006 طبعا سبب الرحلة : كانت مهمة عمل لمدة 5 أيام ثم التمديد للإجازة السنوية يا حظي التذاكر طلعت ببلاش طبعا الرحلة كانت الدمام-البحرين-الدوحة-كولالمبور استغرقت حوالي 7ساعات ومن ثم رحلة داخلية الى كوانتان ( ولاية ترنجانو) استغرقت حوالي ساعتين طبعا فترة العمل كانت: الفندق – العمل – الفندق ( مافي وقت حق تمشية) سكنا في فندق Awana KJ وهو فندق 5 نجوم ( لكن عيبه ما في شئ حولك) اقرب مجمع تجاري يبعد نصف ساعة بالتاكسي طبعا الفندق مناسب للي يدورون الراحة أو الغوص وهذي صور للمطار كوانتان (اعذروني في التصوير لأنها ما هي واضحة ) [IMG]  [/IMG]وهذي صور لملاعب القولف التابعة للفندق [IMG]  [/IMG]وهذي صور للشاطئ ( بصراحة من اجمل الشواطئ الماليزية ) [IMG]  [/IMG] صور للمسبح   طبعا الصور غير واضحة لعدم تعديل دقة التصوير وما انتبهت لها الا متأخر ( في لنكاوي) طبعا مهمة العمل انتهت في كوانتان كانت من الفترة 4/11/2006 الى 9/11/2006 ومن ثم رحعنا الى كوالامبور طبعا المطار يبعد الفندق حوالي 3 ساعات بالباص صور من الباص في طريق العودة الى المطار    طبعا كان معنا مرشد سياحي يتكلم عن ماليزيا 2007 وفي الطريق مررنا على مزرعة للسلاحف وهذي صور لها   طبعا المرشد يشرح لنا عن السلاحف و الشباب ( صفط ) ايه ايه بس خلصنا ومسكنا الطريق مرة ثانية وحس المرشد ان الشباب ما يبون بتمشون يبون المطار باسرع وقت اخيرا وصلنا المطار    طبعا وصلنا كولالمبور بالليل وسكان في فندق PAN Pacific القريب من المطار وهو فندق 5 نجوم ليلة واحدة استعدادا للرجعة الى السعودية بالنسبة لي بدأت اجازتي من الحين أول شئ سويته اول ما وصلت مطار كولالمبور رحت قطعت تذكرة الى لنكاوي طبعا توجد شركتين خطوط ( الماليزية – اير اسيا) طبعا انا اختر الماليزية وكان سعر التذكرة 245 رنجت للمعلومية الرحلة بالخطوط اير اسيا ما تكلف 85 رنجت ( غلطة وانشاء الله ما تتكرر ) طبعا توجد 5 رحلات يوميا الى لناكوي 8 ص – 10ص – 12م – 2م – 4م – 6 م طبعا اخترت 10 ص لأن كل الرحلات المسائية فل ( قاص التذكرة 10 باليل ) صور من الخروج من الفندق متجه للمطار  الطائرة  طبعا استغرقت الرحلة 1:40 دقيقة وهذي صور للنكاوي من الطائرة   وصلت الساعة 12 الظهر اول ما توصل الى المطار توجد مكاتب سياحة على يدك اليمين يقومون بحجز فنادق – سيارات للإيجار – رحلات سياحية انا اخترت فندق Asenia وهو فندق 3 نجوم واهم ما كان يميز الفندق بركة السباحة ( اطول بركة سباحة في قارة اسيا ) كان ايجار الليلة 120 رنجت + وجبة الإفطار الفترة اللي كنت ساكن فيها كان يتجدد الفندق ( بوية + اثاث) وصلني التاكسي للفندق بمقابل 16 رنجت وهذي صورة للفندق من برنامج قوقل ايرث  وايضا قربه من المطاعم ومركز عالم تحت البحار صور من الفندق  لوحة تبين اسماء الفنادق واتجاهها ( المنطقة الوحيدة في ماليزيا اللي تبين لك اسماء الفنادق بالجزيرة )  صورة لغرفتي  المسبح  |
|
|
13-01-2007, 07:36 AM
|
#3 (permalink) |
|
مسافر خبير
تاريخ التسجيل: Mar 2006
الدولة: الجبيل الصناعية
رقم العضوية :63013
المشاركات: 1,593
|
رحلة Island Hopping
مدتها 4 ساعات ( صباحا 9:15 الى 1:15) أو مساءا ( 2:15الى 6:15) السعر 35 رنجت وهي عبارة عن زيارة 3 جزر + اطعام النسور + سباحة في احدى الجزر + زيارة البحيرة الحلوة مع ركوب البنانا+ التوصيل من والى الفندق صور من الرحلة الخروج من الفندق بسيارة خاصة الى موقع الرحلة  الموقع  القارب  صور متفرقة من الرحلة     الطريق الى البحيرة الحلوة  جلسة ولا اروع  احلى لوحة  البحيرة  هذا سمك القط اول ما تحط رجلك بالماء يلف حولك السمك مثله مثل القط وبقوم بلحس رجلك ( ياكل الفطريات والجلد المتقشر بالقدم )  البنانا  صور من البحيرة   طبعا الجزيرة مليئة بالقرود ( بنصح بعدم بحمل الموكولات طوال الرحلة ) يعني كل في بيتكم وتعال شبعان طبعا هذا شاف جراب الكاميرا وجاني هوى يبي ياخذ الجراب ( ما في امل)  الذهاب للجزيرة الثانية  الجزيرة الحامل  اطعام النسور    الجزيرة الثالثة   تعليقي على الرحلة الرحلة مرة حلوة وخاصة لمن تحط رجلك عند سمك القط / ركوب البنانا / اطعام النسور بالإضافة المناظر الطبيعية اللي ما هانشوفها بالسعودية |
|
|
|
13-01-2007, 06:52 PM
|
#9 (permalink) |
|
مسافر خبير
تاريخ التسجيل: Mar 2006
الدولة: الجبيل الصناعية
رقم العضوية :63013
المشاركات: 1,593
|
اليوم الثاني :
رحلتي River Cruse Safari يوم كامل ( من 9 صباحا – 9 باليل) السعر 160 رنجت وهي عبارة التجول على نهر عبر قارب صغير / زيارة مزرعة الأسماك / كهف الخفافيش/ كهف التماسيح/ زيارة نهر المانجروف/ التوصيل من والى الفندق / وجبة الغداء بوفيه مفتوح / اطعام النسور/ سباحة في احدى الجزر الصور: ركوب سيارة خاصة للوصول الى موقع الرحلة [IMG]  [/IMG][IMG]  [/IMG] صورة القارب ( لا يغركم الكبير تراه طلع اخر واحد على اليمين )   [IMG]  [/IMG]هذا نوع من السمك يسمى السمك النمري ( شرس جدا ) حجمة بكبر اليد تقريبا اول ما ترمي قطعة من الخبر يقوم بتنتيفها الى قطع صغيرة بسرعة كبيرة وبشكل فظيع ( انتبه لا تحط يدك ولا بتروح عليك )  خلينا نرجع للشجر احسن  لاحظوا الشجرة كيف نموها هذي نوع من الشجر ( نسيت اسمه ) ينبت من الأعلى الى الأسفل صور اخرى من الرحلة [IMG]  [/IMG]مزرعة الأسماك  [IMG] [/IMG][IMG]  [/IMG][IMG]  [/IMG]طبعا الهدف من المزرعة الأسماك هو حماية البيئية وتوفير الأسماك للفنادق والمطاعم ( ممنوع الصيد في جزيرة لنكاوي) [IMG]  [/IMG]الصورة هذي لأحد المتقاعدين الأجانب من العمل واستأجر له قارب وعايش فيه الى الحين اكثر من 6 شهور ( احس انه مجنون ) كهف الخفافيش [IMG]  [/IMG][IMG]  [/IMG][IMG]  [/IMG]طبعا في منطقة الخفايفش يمنع التصوير بالفلاش لعدم ازعاجها وناشب المرشد السياحي ما فيه تصوير واخذ الكميرات علينا الطريق الى المطعم [IMG]  [/IMG][IMG]  [/IMG]المطعم  [IMG]  [/IMG]طبعا المطعم هذا غالي جدا جدا جدا علبة البيبسي بـ 7 رينجت وعليك الحسبة ( بعذره سالخ 160 رينجت من البداية في الرحلة) صورة احد الكهوف [IMG]  [/IMG][IMG]  [/IMG]صورة ولا اروع بين جزيرتين [IMG]  [/IMG][IMG]  [/IMG]هذي صورة لفاكهة بحجم البرتقالة من داخلها على شكل مكعبات واشكال هندسية طبعا المرشد السياحي فرطها قدامنا وتحدانا ان نطبقها مرة ثانية ( ولا احد عرف يركبها او سواها) [IMG]  [/IMG]القرود وهي تسبح [IMG]  [/IMG]ومن ثم ذهبنا الى احد الجزر وسبحنا الى الليل طريق العودة للأسف الصور غير واضحة طبعا الطريق كان موحش ( ظلام دامس , اصوات الحشرات , الحيونات, الناموس وهو اكبر مشكلة طبعا وصلت الفندق الساعة 10 باليل ونومة لليوم الثاني تعليقي على الرحلة الرحلة ممتازة بنصح باختيار نصف يوم بـ 100 رنجت لأن باليل ما في شئ يستاهل انك تشوفه الى الأصوات الحيوانات |
|
|
|
14-01-2007, 06:54 AM
|
#12 (permalink) |
|
مسافر خبير
تاريخ التسجيل: Mar 2006
الدولة: الجبيل الصناعية
رقم العضوية :63013
المشاركات: 1,593
|
اليوم الثالث
قصته قصة كان الهدف من اليوم الثالث الذهاب الى تايلند لركوب الفيل – الخيل – النعامة طبعا تكلفة الرحلة كانت بـ 300 رنجت شاملة السكن ( المبيت ليلة في تايلند) من غير الفيزا وافقت في البداية ومن ثم ترددت لعدة اسباب ليلة محسوبة علي في لنكاوي من غير فايدة , تاشيرة دخول الى تايلند بـ 100 رنجت, هدفي في التمشية ماليزيا فقط وحولت على رحلة Snorkeling مدة الرحلة يوم كامل ( من 8 صباحا الى 8 باليل) السعر 100 رنجت + 100 رنجت للغوص ( اضافي) وهي عبارة عن زيارة احدى الجزر فيها شعب مرجانية والسباحة فيها مع استخدام انبوب التنفس , الغوص لمدة ساعة ونصف , كورس عن الغوص , وجبة الغداء , التوصيل من والى الفندق , اطعام سمك القرش صورة للباخرة   صور الميناء  الطريق الى الجزيرة    مقصورة الركاب   ما عندك احد تقول فاضية بس كلهم طالعين فوق السطح ومتسدحين ( حمام شمسي ) طبعا استغرقت الرحلة حوالي الساعتين للوصول الى الجزيرة اخيرا وصلنا  اللي يعرفوا يغوصوا ( يحمل رخصة الغوص ) ركبوا القارب حقهم ومشيوا  العليمي ( مثلي ) اول مرة يغوص ينتظر وفي الأخير طلعت انا وواحد كوري مع خويته القارب حقنا  الكورس اخذ حوالي نص ساعة يعلمك اشارات المحادثة وقت الغوص وكيفية لبس العدة وطريقة اخراج الهواء من النظارة الخ طبعا سار لي موقف ما انساه طول حياتي ( جاية بالطريق ) وبعدها رحنا لمكان الغوص ونزلنا طبعا معي الأستاذ يرافقني . والمساعد عند الكوري وخويته وبصراحة صور جميلة جدا جدا جدا واني تندمت اني ما شريت كاميرا تحت الماء لإلتقاط الصور ( صور المرجان , الأسماك , واحلا شئ شفته نيمو ) طبعا الكيمرا سعرها بالسوق بـ 45 رينجت وهم عارضينها علي بـ 70 رينجت ( بيسرقني ) والله معصي لكن اللي خرب الرحلة شئ واحد الا وهو القرش اللي نعرفه ان القرش حيوان مفترس ويحب لحم الإنسان وانا في سوق السمك بالجبيل ولا القطيف لمن اشوفه ابعد 3 امتار عنه كيف انا الحين في البحر ونزل فيني خوف ورعب غير طبيعي ابغى اشرد ابغى اطلع للقارب فك الحزام , فك المنظم حوس لا تحوس والأستاذ يتلني من رجليي ويحط المنظم في فمي وانا ابغى اطلع يا ولد قرش قدامي بياكلني والأستاذ ياشر اهدأ اهدأ ما فيه ( يا امي الحقيني القرش بيعضني) وما اشوف الى الرجال مكتفني ومربطني صح يعني طلعة مافيه ( ماكلني ماكلني ) ويمر القرش من جنبي ( والله اني ابكي ) واصرخ وواحد ثاني من تحتي ( قلت خلاص راحت الرجل ) والثالث من فوقي ( وانا اقول خلاص المنية هنا في ماليزيا ) وشوي اشوف ما في احد يعض بس يمرون حولي انا والأستاذ ( واطالع فيه اشوفه يلعب معاهم كانه عياله) بس بعدها هديت ( بعد ما بلعت طن موية من الخوف ) وكملنا الغوص حقنا لين ما انتهت الأسطوانة الأكسجين واول ما طلعت الى القارب صارخ في وجهي ( ليش تبغى تطلع بسرعة تبغى تموت وانا ارد عليه الموت تحت عند القرش ) ترنه وقت الكورس موصينا اذا شفت القرش لا تخاف لأنها اليفة ( بس انا وقتها مفهي وسرحان عبدالبصير ) ونبهني انك اذا طلع بسرعة ما في نفس عندك لين توصل القارب ( يعني بتفطس وانت ما وصلت السطح) وحاجة ثانية تتعق بالدم والنيتروجين ما فهمتها المهم عدت على خير والحمد لله اطرافي كاملة ما في شئ ناقص ولا تعرضت للعض ( اني اعد اصابعي كاملة ولا لأ فيه دم ولا لأ ) والأستاذ طايح ضحك وطنازة بعدها رجعنا لمجموعتنا ( الباحة السطية فوق الشعب المراجانية) وهذي صور لها   السباحة هناك ولا اروع بس اللي منغص السباحة نوع من السمك لونه بني صغير جدا يهاجم ويعض ( العض حقه تقريبا مثل قرصة النمل ) الحين خايفين من عضه القرش تجيني انت يالنتفه تعض وتسمع انواع الصراخ في البحر من السياح طبعا الاسماك القرش الى الحين ما جت للشاطئ ( هشوة ما خذ خبرة ان القرش ما يعض) بس الخوف الى الحين في دمي بس ما ان وصلت وتسمع شارك شارك شارك الا النحشة كلهم فوق الشاطئ وفوق العوامات والمتأخر ياويله ههههههههه   طبعا بعدين نزلنا بعد ما انتشر الخبر انها اليفة ما تهاجم بعض السياح ما اقتنع واثر الجلسة على الشاطئ ( وانا اولهم ) وقت اطعام سمك القرش  العودة   احدى المنتجعات   وبعدها رجعت الفندق ونومه مع احلام عن سمك القرش على كيف كيفك |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:23 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||