 |
 |
 |
||
|
|
|
||
 |
|
 |
|
|||||||
| بوابة السفر إلى الكويت Kuwait في هذا القسم تجد مواضيع عامة متنوعة للقراءة عن دولة الكويت، إذ انه يتم أرشفتها بشكل دوري. |
| Tags: سفرتي السريعة للكويت |
|
|
أدوات الموضوع | انواع عرض الموضوع |
04-01-2007, 10:20 AM
|
#1 (permalink) |
|
مسافرجديد
تاريخ التسجيل: Jun 2005
رقم العضوية :25785
المشاركات: 20
|
سفرتي السريعة للكويت
السلام عليكم أعضاء و ضيوف منتدى المسافرون العرب
في ليلة ثاني أيام عيد الأضحى المبارك و حنا (ليس المقصود به الحناء الذي تضعه النساء ليلة العيد بل ضمير عاد ألينا بمعنى نحن) ياخي كان قلت نحن و فكيتنا المهم وحنا قاعدين في استراحة(الاستراحة مكان يتجمع فيه الشباب لتمضية أوقات الفراغ ومن تالي طاحوا فيه بعض الشياب) واحد من الشباب في الزلفي (مدينة تقع شمال الرياض تبعد عنها حوالي 240 كلم) طبعا جالسين مثل أي جلسة استراحة (بلوت +........)(البلوت لعبه ما يلعبها الظاهر إلا السعوديين لا ويقولون انه مخترعها هندية أي هين بس و الفراغ شي معروف يرافق أي جلسة بلوت  ) طبعا بعد ما ملينا اخيرا من البلوت والهواش (التخاصم والتنازع بين شخصين أو مجموعتين) وجلسنا في حالة سكوت وسكون (تخيل الوضع انواع الإحباط وأنت في أجازة ) طرحت السؤال البسيط التالي (ماى تبون نروح (نذهب) الكويت؟!!! )طبعا السوال الي اتوقع راح تسألونه وش هالخطمة (الخطمة شي طارئ على الفكر) وش رأيكم ماصلح اطلع قاموس للعربية العامية عن التمليح وكمل بس طبعا جواب سؤالكم مدري؟؟؟بس يمكن عشان زمان ودي اروح للكويت.المهم أبو سليمان قال: قدام(بمعنى أنا موافق على الذهاب)وقال أبو بندر:أنا معكم ودي اروح اشتري قماش!!.طبعا أنا إلى ألان مدري وش دخل الكويت بالقماش بس بعدين عرفت وبقى اثنين من الشباب (أبو ليان و أبو فارس) وحاولنا معهم يخوننا (يرافقونا)لكنهم كانوا متوعدين في رحلة عائلية مع بعض إلى الشرقية لأنهم متأهلين (متزوجين) وحنا طالعين من التصفيات الأولية أسف قصدي عزاب أنا وأبو بندر و أبو سليمان متزوج برضوا بس مزور(والمزور ليس المقصود به من يزور في الأوراق الرسمية أو الأموال بل المزور هنا الي يودي زوجته تزور أهلها لمدة يوم أو يومين) وقبل أنسى كان أبو سعود موجود بس انه كان تعبان ومريض  يا عيني عينه (كلمة تقال عند الرحمة) ولا حبينا نزعجه بموضوع السفر.وطبعا بقى أنا وأبو سليمان وأبو بندر واتفقنا إن نمشي للرياض عشان جوازتنا أنا وأبو سليمان في الرياض بعد عشاء أبو ليان جعله يسلم (كان عليه العشاء ذيك (تلك) الليلة) وبعد العشاء ودعنا الشباب و دقيت السيارة سلف (شغلت السيارة) وركب معي أبو سليمان بعد أن قرر انه يوقف سيارته عند الاستراحة وقال أبو بندر: الوعد عند بيتي بعد ربع ساعة. قالت :أنشالله.بعد كذا انا مريت البيت عشان اخذ بع الاغراض وسلمت على الوالد الله يحفظه لقيت الوالدة الله يحفظها نايمة وما بغيت أزعجها ورجعت للسيارة بعد ما لطعة أبو سليمان لطعة اليمة(واللطعة المقصود بها انك تترك واحد في أي مكان ينتظرك انك تجي وتتأخر عليه مما يتسبب في تغير الحالة المزاجية للشخص  )ولكن الشهادة لله أبو سليمان بقي على حطت يدي(تعبير شعبي إن أبو سليمان بقي كما هو قبل اني انزل للبيت)ورحت بعد ذلك إلى بيت أهل زوجة أبو سليمان وودع اهله وزل الشاهي في الزمامية (و الزل ليس المقصود يه السجاد بل المقصود به سكب الهي في حافظة الشاهي (الترمس)) وبعدكذا رحنا(ذهبنا) الى بيت أبو بندر وانتظرنا وانتظرنا ورددت ياليل ما أطولك(تعبير شعبي يقال عند انتظار شي ما)وردد أبو سليمان ذق الي أنا ذقته من قبل  .أبو سليمان مشالله عليه مثل البعير صبور ولا في أمل ينسى.المهم وبعد طول انتظار تكرم أبو بندر وعلينا وطلع ركب معنا أبو بندر و انطلقنا إلى الرياض وصلنا بعد ساعتين الى بيتنا في الرياض و نامنا أنا والشباب  في البيت وصاحينا من النوم الساعة ثمانية ونص ورحنا اخذنا كافيه من دانكن دونات ورحنا ندور حلاق فاتح بس كلهم مسكرين بسبة العيد بعد كذا قلنا خل الحلاقة في الكويت ورحنا بيت أبو سليمان وأخذ بعض أغراضه وجوازه وفي تمام وانطلقنا من الرياض في الساعة 11ومسكنا خط القصيم (سلكنا طريق القصيم) وبعد مافرقنا من عند المجمعة عشان نتجه لحفر الباطن وقبل الارطاوية كان أمن الطرق (جهة أمنية تتواجد بكثرة متخفية تحت الأشجار أو خلف الكباري عشان يصيدونك متلبس بتهمة تجاوز السرعة القانونية)المهم كان أمن الطرق في الموعد كعادته وعند النقطة السيناريو المعتاد (الرخصة والاستمارة كم تمشي؟ وش عندك مسرع؟) طبعا أخذت قسيمة (مخالفة)لسببين:1-لتجاوزي السرعة المسموح بها  .2-لأنه ما فيه أحد من المعارف (واسطة) في النقطة .وبعد القسيمة واصلنا المسير الى الكويت ووصلنا منفذ الرقعي عند الساعة الثالثة تقريبا وبصراحة كان الطريق سهل وريح ولله الحمد(طريق سريع من الرياض إلى المجمعه+مسارين رايح ومسارين جاي من المجمعه إلى الحفر+رايح جاي من الحفر إلى الرقعي 90كلم تقريبا). طبعا هذا الجزء الاول والجزء الثاني راح على تقبل الأعضاء ما ودي الصراحة أكون ثقيل لي |
|
|
04-01-2007, 10:32 PM
|
#4 (permalink) |
|
مستشارة الكويت
تاريخ التسجيل: May 2005
رقم العضوية :22801
المشاركات: 934
|
هلا اخوي الحمدلله على سلامتك
اتشرف باني اكون من اول المتابعين للتقريرك نورتونا بالكويت يااخي ماادري ليش حسستني ان احنا هنود كل كلمة تفسرها هههههههههه ترا نفهم صحيح انه في كلمات سعودية بحتة بس ترا نفهمها لا تخاف يعطيك العافية وبانتظار باقي التقرير تقبل تحياتي اختك مسافرة كويتية |
|
|
|
05-01-2007, 03:24 PM
|
#8 (permalink) |
|
مسافرجديد
تاريخ التسجيل: Jun 2005
رقم العضوية :25785
المشاركات: 20
|
السلام عليكم أعضاء و ضيوف منتدى المسافرون العرب اشكر كل من تكرم وشرف موضوعي قبل نتجه إلى المنفذ السعودي وقفنا عند المحطة وعبينا بنزين وصلينا الظهر والعصر جمعا وقصرا بعدين توجهنا للمنفذ السعودي وخلصنا اجراتنا بسرعة وتوجهنا إلى المنفذ الكويتي وخلصنا الاجراءات بسرعة رغما انا اضطرينا إلى إن ندخل المبنى عشان الرقم الموحد (وبكل صراحة لا اعرف فائدة الرقم الموحد  ؟ليش مو مثل أي مكان في العالم ما يحتاج لا رقم موحد ولا شي بس ممكن إذا عرف السبب بطل العجب) وبعد كذا مسكنا الطريق إلى الجهراء ولله الحمد كان الطريق مريح وبعد الوصول إلى الجهراء واصلنا المسير إلى مدينة الكويت وبعد اتصالي بمرشدي السياحي أبو عبدالرحمن (أبو عبدالرحمن دايم يزور الكويت) نصحنا بالسكن بالسالمية لقرب الاسواق والمطاعم المشهورة فيها المهم بعد التضيع والسؤال وصلنا السالمية و أول أجنحة فندقية (أبو سليمان يقول لي قال أجنحة فندقية مو شقق مفروشة) لقيناها كانت أجنحة سارة الفندقية(إلي كتب عنها الأخ Kuwaity2)و أخذنا سويت بسريرين مفردين مع سرير إضافي بـ35 دينار السويت كان حلو ونظيف وتعامل الاستقبال كان روعة إلا في موقف واحد راح أقوله بعدين أنشالله وبعد ما نزلنا عفشنا رحنا ندور حلاق عشان نحلق وسالنا الاستقبال عن الحلاق بمواصفات اعطيناه اياها ووصف لنا حلاق يقع في شارع المطاعم في السالمية أمام بودل للأجنحة الفندقية ورحنا حلقنا ورجعنا للسويت وبدلنا ملابسنا ورحنا للمارينا مول وتمشينا فيه بس لضيق الوقت ما قدرنا نشوف السوق كله وقررنا نرجع له بكره انشالله بعد كذا تعشينا في فريداز المارينا بعد طول جوع وقبل نطلع مرينا السينما وما لقينا افلام تشجع فقررنا نرجع للسويت وحنا طالعين من المارينا مول مرينا من عند كرسبي كريم وشفنا الزحمة والعالم وقلت راح اجرب وش عندهم دخلت المحل وشفت المحل متخصص في الدونات واشوف أكثر الزباين يطلبون نوع معين من الدونات اسمه اوريجنال ويوم وصل دوري وطلبت اويجنال قالوا آسفين خلص فأخذت نص دوزن دونات مختلفة ورجعنا السويت وجربت الدونات بصراحة اكتشفت اكتشافين مهمين في حياتي:الأول:إن هذا أروع دونات أكلته في حياتي  وان دانكن دونات لاعب علينا في الرياض .الثاني:كنت دايم أشوف كرسبي كريم في لندن ولا خطر على بالي أجربه مرة وحدة على الأقل  .طبعا نمنا بعد كذا وقبل النوم كنت اتصلت بمرشدي السياحي أبو عبدالرحمن وسألته عن محلات بيع الأقمشة الرجالية قال شفها في سوق المباركية.ونمنا استعدادا لليوم غدا. صحينا من النوم بكل همة ونشاط  (ايه هين بس ) وافطرنا ورحنا الى سوق المباركية تمشينا في السوق واشترينا قماش شتوي وصيفي القماش الصيفي وجدناه رائع ورخيص مقارنة بالسعودية أخذنا طاقتين صيفي أنا وأبو سليمان الوحدة بـ25 دينار وأنا متأكد ما راح تحصل قماش في مستواه في الرياض بأقل من 500ريال واشترى أبو بندر اربع قطع شتوي أنا بصراحة ما لقيت شي على المستوى معظم الموجود صيني ودورت على الانجليزي أو الايطالي ومالقيت إلا انجليزي بس خياراته محدودة وأحس انه قديم مو من الموديلات الجديدة المهم بعد لفة خفيفة في السوق رجعنا للسويت بدلنا ملابسنا وصلينا الظهر والعصر وسينا تشيك اوت وطلعنا للسوق شرق عند السعة وحدة ونص تقريبا تمشينا في السوق واشترى أبو بندر عطر من دبناهامز كان يدوره في الرياض ولا لقاه بعد كذا تغدينا في شيليز وكالعادة كان شيليز في الموعد(ياحبي لذا المطعم)بعد الغداء اخذنا لفة في السوق وطلعنا بره وشفنا الياخوتوبعد جولة في السوق طلعنا ورحنا للسيارة عشان نروح للمارينا مول لان أمس ما كان فيه وقت نشوف السوق كله وحسينا انه أفضل من سوق شرق وحنا في الطريق للسيارة شفنا سوق السمك وقلنا راح ندخله نشوفه دخلنا السوق وكان حلو ومنظم ونظيف مشالله (على غير عادة أسواق السمك عندنا في السعودية)وحنا طالعين شرينا شوي من بقصم الكويت كان فرش و ساخن توجهنا بعد كذا للمرينا مول تقريبا عند المغرب وتقهوينا في ستاربكس وأخذنا لفة في السوق وشريت جزمة (جوتي) وانتم كرامة من فوت لوكر المهم بعد الجولة والتمشي في السوق قررنا نطلع ونمشي للسعودية وحنا طالعين مريت كرسبي كريم  واخذت 4 دوزن دونات 2اوريجنال و2 مكسد معي للرياض بصراحة يستاهل ليت والله يفتح بالرياض وركبنا السيارة متوجهين للسعودية عازمين انشالله على تكرار الزيارة في أقرب وقت ممكن انشالله.وراح اتكلم انشالله عن الايجابيات والسلبيات الي وجهناها في رحلتنا الى الكويت *اعتذر عن عدم وجود الصور لاني نسيت الكاميرا في الرياض ومعظم الصور المصورة بالجوال شخصية. |
|
|
|
05-01-2007, 04:41 PM
|
#9 (permalink) | |
|
ابوعبدالعزيز
تاريخ التسجيل: Jan 2004
الدولة: كويتي والهوى تركي
رقم العضوية :1592
المشاركات: 4,261
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:27 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||