 |
 |
 |
||
|
|
|
||
 |
|
 |
|
|||||||
| بوابة السفر إلى الكويت Kuwait في هذا القسم تجد مواضيع عامة متنوعة للقراءة عن دولة الكويت، إذ انه يتم أرشفتها بشكل دوري. |
| Tags: اماكن رائعة بالكويت |
|
|
أدوات الموضوع | انواع عرض الموضوع |
|
|
02-01-2007, 03:37 AM
|
#1 (permalink) |
|
مسافر متميز
تاريخ التسجيل: Jan 2006
رقم العضوية :54492
المشاركات: 242
|
اماكن ومطاعم رائعة في الكويت
مرحبا لاهل الكويت
قبل 10 ايام زرت الكويت وكانت زيارة موفقه جدا .............طبعا انا ما زرت الكويت من قبل 5 سنين تقريبا وللاسف هالمرة لما رحت الشنطة اللي فيها كاميرتي نسيتها وجوالي اللي فيه كاميرا ماخذيته معاي وبصراحة الكويت من اكثر الاماكن في العالم العربي روعة وانشاء الله بحاول كل شهريين ازورها مرا على الاقل لاني ماشفت كل معالمها بسبب قصر الرحلة .. وبصراحة استفدت من المعلومات اللي كانت في المنتدى كثير وهذا ملخص الاماكن اللي زرتها ورايي فيها وحبيت اكتبها علشان الغير يستفيدون زي ما انا استفدت السكن ............كان في بودل سويت وبصراحة رئع جدا ونظيف جدا وفاق توقعاتي بكثير المركز العلمي ..................مكان رائع جدا جدا ومجهز بطريقة رائعة انا رحت للمركز العلمي اللي في لندن وبصراحة اللي في الكويت احلى بكثير ويكفي المكان اللي يطل عليه والمطاعم والقهوة اللي فيه (كوستا ) مجمع الصالحية ...............طبعا يظل شيخ المجمعات بالماركات اللي فيه فرساتشي وشانيل وديور وال في ................................الخ مجمع الراية .................مجمع راقي جدا وفيه ماركات بعد بس مو زيي الصالحية وبصراحة فيه مطعم اسمه بوتيك برجر يقدم برجر صغير جدا وبحياتي ماذقت احلى من هالبرجر وفيه بعد مطعم ووتر ليمون اللي نفسه في البحرين مجمع الفنار وشرق ...........حلويين جدا ورايقيين للتسوق مجمع سيتي سنتر السالمية المعلم .............سوق شعبي بس منظم بطريقة رائعة جدا ونظيف جدا وفيه اشياء رخيصة جدا وحلوة مجمع مارينا مول ..............طبعا حلو جدا بس مو للتسوق لان زحمة كثير و انا افضل اتسوق في الفنار او ليلى جاليري او الصالحية او شرق لانهم رايقيين اكثر ومو زحمة وفيهم نفس المحلات واكثر ............بس المطاعم اللي على البحر او المارينا كريسنت بصراحة شي مو طبيعي الجلسة ومنظر اليخوت والمطاعم والمقاهي ونوعية الاكل 7 نجوم مو خمسة وبالذات  مطعم كافيه بلان رائع جدا ويستحق التجربة والشي اللي كنت مدمنة عليه خلال ال3 ايام هو  شوكلايت بار مو معقول وبالذات المولتن كيك ( كنت اعتبر المولتن اللي عند تشيلييز حلوة الحين مااتوقع اقدر اطلبها ) بصراحة اللي يروح الكويت ومايروح شوكلايت بار رحلته ناقصة بقوة ولازم تروحونه في الشتا وتجلسون في الجلسات الخارجية لان المنظر يجنن بقوة (ممكن اكتب قصيدة لحبي لشوكلايت بار )المهم انا مارينا كريسنت هي احلى مكان الواحد يروحه يتعشى او يتغدا فيه او حتى لو يشرب قهوة(يذكرني بمنطقة مارينا في دبي )مجمع الكوت .............بصراحة اعتبره اسوا شي صار لي في الكويت  المجمع حلو جدا بس بعيد وبالذات للسالمية ولوسط البلد وبسبب الزحمة خذا من عندنا روحتنا وجيتنا تقريبا 3 ساعات منهم ساعة في المجمع والباقي مابين مواقف  وزحمة الطريق والمكان بعيد وماحسيت ان فيه محلات متميزة او مطاعم كل المطاعم والمحلات موجودة في السالمية او شرق واذا تحبون تستفسرون عن اي شي عن الرحلة تفضلوا وفي النهاية اقول لكل الكويتيين شكرا لحسن ضيافتكم وانتو محظوظين جدا بهالبلد الجميل والرائع وانشاء الله يحفظه من كل شر ومكروه وانشاء الله يزداد تميز وجمال وعمران |
|
|
04-01-2007, 10:44 PM
|
#7 (permalink) |
|
مستشارة الكويت
تاريخ التسجيل: May 2005
رقم العضوية :22801
المشاركات: 934
|
هلا اختي الغالية
الحمدلله على سلامتكم والله شرفتونا بهالزيارة تسلمين على التقرير الحلو والمفيد وانشاءالله تنورونا بزيارة ثانية لبلدكم الثانية بس عندي سؤال بما انج صار لج 5 سنوات من اخر زيارة ابي اعرف شنو الاشياء اللي تغيرت عليج؟؟؟؟ |
|
|
|
04-01-2007, 11:25 PM
|
#8 (permalink) |
|
مسافر متالق
تاريخ التسجيل: May 2006
الدولة: الرياض
رقم العضوية :80460
المشاركات: 726
|
الحقيقة إن الكويت هي البلد المتحضر والذي سبق جميع دول الخليج العربي في الحضارة والتطور وكان مصدر يستورد منه أهل الخليج اكثر بضائعهم وذلك قبل اكثر من خمسين سنه ف فعلاً الكويت حلوة) وشعبها شعب مضياف
|
|
|
|
07-01-2007, 03:55 AM
|
#10 (permalink) |
|
مسافر متميز
تاريخ التسجيل: Jan 2006
رقم العضوية :54492
المشاركات: 242
|
مرحبا
الاخت كويتية سألتيني ايش اللي تغيير في الكويت .........................الكويت كانت رائعة وصارت اروع صار فيها عمران وتطور اكثر وانا قبل 5 سنين كان مجمع مارينا مول لسه ينبني اما الحين اكتمل واصبح من معالم الكويت الرائعة جدا والمتحف العلمي مااعرف كان موجود او لا بس هذي اول مرا ازوره وبصراحة انبهرت من مستواه وبالنسبة للسكن كثرت الفنادق والشقق المفروشة وصارت في خيارات اكثر واسعاره افضل اول كان السكن في الشيراتون بس و المطاعم زادت وارتقى مستواها ومن اهم الاشياء المريحة في السفر للكويت واللي صار مشجع جدا طبعا من الجانب السعودي الخط ما بين بو حدرية والخفجي صار مريح وخطين مو خطر ويخلي الواحد قاعد على اعصابه زي ايام زمان ...................الكويت تغيرت كثير بس اللي ما تغير فيها طيبة اهلها وتعاونهم مع اخوانهم السعوديين . |
|
|
|
07-01-2007, 04:01 AM
|
#11 (permalink) |
|
مسافر متميز
تاريخ التسجيل: Jan 2006
رقم العضوية :54492
المشاركات: 242
|
حابه اضيف شي جربته في الكويت وكان رائع طبعا من نصائح هالمنتدى الرائع والشي هو .................................................. .................................................. .................................................. .................................................. .................................................. .................................................. .................................................. .................................................. .......
مطعم فريج صويلح ...........بصراحة رائع وبالذات الدقوس اللي طول عمري اسمع عنه في المسلسلات الكويتية ولا مرا جربته واكتشفت ان هو شي لذيذ جدا ويقدم تقريبا مع كل الوجبات والاكل الكويتي رائع والمطعم ذكرني بالقرية الشعبية عندنا في الشرقية واتمنى من الاخوان الكويتيين في المنتدى اذا زاروا المنطقة الشرقية يجربون الاكلات السعودية في احد المطاعم الشعبية . |
|
|
|
13-01-2007, 12:54 PM
|
#13 (permalink) |
|
مشرفة سابقة
تاريخ التسجيل: Mar 2003
الدولة: دولة الكويت
رقم العضوية :5
المشاركات: 4,733
|
منووووووره اختى اسونى وياحيا الله اهل الشرقية والمملكة والخليج كله تشرفنا ونتمني نشوفكم كل اسبوع مو كل شهرين بس هااااا مو تنسين الكاميرات هالمره ... و ترى كافي تشيشونا وتشوقونا على التشوكليت بار والله محنا ناقصين متن تحياتي ........... |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:05 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||