 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
21-11-2006, 06:40 PM
|
#1 (permalink) |
|
مسافر خبير
تاريخ التسجيل: Jan 2005
الدولة: جزيرة العرب
رقم العضوية :17693
المشاركات: 1,242
|
.•.°.•ஐ•i|[♥ الآن!! التقرير الكتابي المصوّر لكريم سبله ربوع تورنتو ♥]|i•ஐ.•.°.•
بسم الله الرحمن الرحيم
الحلقـــة الأولـــــــى احكي لكم في هالموضوع وقائع رحلتي الى كندا ( تورنتو ) بالتفاصيل الدقيقه .. مزوده بصور فيديو وفوتوغرافيه .. اول شي كان التخطيط على السفر قبل سنه ونص كنت ناوي اسافر لبريطانيا وما الله كتب .. والحمد لله كانت خيره لأني كنسلت سفرتي وصارت التفجيرات هناك .. المهم بعدين فكرت اني اخلي السفره السنه الثانيه اللي هي الصيف اللي فات هذا .. واحترت بين كندا واستراليا وامريكا .. وبعد مشاكل الفيز حقت امريكا اللي سمعتها .. والتعصب الديني في استراليا .. ويوم قرأت كثير عن كندا .. شفت ان ولا دوله من اللي ذكرت تصفّ جنب كندا (( وكان شيء حقيقي لما رحت هناك وشفت بعيوني )) .. ماأطول علييكم  بديت في فتح الموضوع مع امي واني بسافر ادرس شهر (( انا ناوي ثلاث شهور بس لو قلت ثلاث شهور يمكن يجيها شيء لاسمح الله )) المهم قلت ابدأ على خفيف .. وقلت شهر وبرجع وكذا وكانت رافضه الفكره تماماً وهي من النوع اللي يؤمن ان اللي يسافر برا السعوديه يمسكونه ويودونه قوانتانامو (( اتوقع النوعيات هذي من الامهات كثيره )) ههههه الله يحفظهم يارب ويخليهم لنا .. المهم وبعد محالات شتّـى وخدمات جانبيه (( مشاوير + تميلح + نفعه )) اقتنعت ولله الحمد .. وطاح تقريباً 80% من الهم اللي كنت شايله .. باقي الحين وشلون اقنع الشايب ..  المهم وكّـلت المهمّـه لأمي .. ويوم من الايام بعد ماشفت الشايب في وضع جيّـد لفتح الموضوع أعطيت امي اشاره عشان تفتح الموضوع على انها تسألني وين بروح الصيف هذا .. وانا اقول يمكن اروح ادرس .. ونشوف ردّة الفعل اذا كانت مشجّـعه ولا محبطه .. ونفذنا الطريقه .. طبعاً الشايب سوّا نفسه ماسمع ولا كأن فيه ناس تكلم .. وانا طرطعت ماأدري هل هو موافق ولا لا .. تعرفون الحقران يقطّـع المصران وفي ذاك اليوم كان أول مره ادري ان هالمثل موجود على ارض الواقع !!!!!!!!!!! ..  يوم ثاني سوينا نفس الطريقه .. ورد علي قال: السنه اللي راحت ماسافرات وكانت خيره وصارت المشاكل هناك .. والسنه هذي الله اعلم وش بيصير .. عشان كذا اقضب ارضك .. واغمز لأمي بحيث انها تدخّـل وتحاول تبين انها ماعندها مانع وان الوضع عادي .. المهم وبعد نقاشات حادّه . اقتنع .. والحمد لله انتهى الموضوع بعد تقريباً شهر من المحاولات .. وبعدين بديت في الجد .. وديت اوراقي لمكتب الفيفا (( مجمّـها من بدري )) وظبطت كل شي وارسلت الاوراق بدري وجاني شبه احباط يوم قالوا لي الفيفا ان اغلب الفيز يرفضونها .. وخليت اوراق احتياط عشان لو لاسمح الله رفضوا احول على استراليا دايركت << يلعن ابو الصمله  .. (( وكنت مراسل المعهد من قبل لا افتح الموضوع مع احد .. وجايب موافقه وخالص بس انتظر ارسل لهم الفلوس ويرسلون لي ورقة القبول عشان الفيزا )) .. وبدأ مشوار التلفونات على اخوياي وطلعنا نشتري ومانشتري ونقضّـي ونبتاع << مدري شلون طلعت .. كلفتني تقريباً المقاضي حوالي ثلاث الاف وخمسمية ريال شامل الشنط وكل شي ..  وبعد اسبوعين من التقديم على الفيزا وازعاج كل ثلاث ايام باتصال على الفيفا استفسر عن الفيزا .. او امر عليهم لدرجة انهم حفظوا وجهي وصرت اذا جيتهم يأشرون لي من برا ماوصلنا شي!! هههههههههههه .. المهم بعد اسبوعين اتصل علي الهندي اللي في الفيفا الساعه 11 الصباح تقريباً وصار الحوار التالي .. الهندي: الو ؟؟ انا: ايوه .. الهندي: كريم سبله ؟؟؟؟ انا: ايوه .. مين انتا ؟؟ الهندي : انا فيفا انا: ايوه هلا .. هاه بشـّـر << ضاعت علومي  الهندي: انتا في قدّم فيزا كندا ؟؟ انا: ايوه .. ايش قول سفاره؟ الهندي: هذا فيزا في رجيكتد (( رفضوها )) انا (( بكل احباط وكآبه )): ايشششششششششششش؟؟؟؟؟؟؟؟؟؟؟؟؟؟؟ ليش يامحمد ايش مشكله؟؟  الهندي: لا انا في مسخره .. فيزا اكسبتد (( قبلوها )) .. انا: الله يرجك ياشيخ طاح قلبي .. وتشق وجهي ذيك الابتسامه  الهندي باستغراب: هاه!! يجي الحين شيل جواز؟ انا: انا يجي بعد خمسه دقيقه مافي سكّـر الهندي: انا سكر ساعه واهد (( واحد )) طق .. طق .. طوط طوط .. وادز واروح استلم الجواز وماصدقت انهم قبلوا طلبي الا يوم شفت الفيزا في الجواز .. ومن يومها صرت اكثر جديّـه وبديت اشتري اغراضي من ملابس وكاميرا ديجيتل ومكينة حلاقه وشامبو وكل شي .. وبديت ارتب شناطي واغراضي .. وهذي صوره لشناطي قبل الترتيب .. وقت ماكنت اعبيها ..  وطلعت بعدها لمحل سفريات .. واستفسر عن التذاكر ومواعيد الحجوزات .. وكان الكورس حقي يبدأ في 12 جون .. واحصل حجز يوم الجمعه في الليل الساعه 1 ونص من البحرين الى لندن .. وتوصل لندن الساعه 6 ونص .. ونجلس في المطار خمس ساعات .. وتقلع من لندن الى تورنتو الساعه 12 الا خمس الظهر وتوصل تورنتو الساعه 3 ونص بتوقيت تورنتو .. والعوده من تورنتو الى لندن .. ومن لندن الى البحرين .. وتوكلت على الله وحجزت التذكره على الخطوط البريطانيه .. وكان الوزن المسموح فيه 32 كيلو لكل شنطه .. وكلفتني التذكره تقريباً 5100 ريال .. ذهاب وعوده .. ومثل ماقلت لكم كانت الرحله يوم الجمعه الساعه 1 ونص بالليل من البحرين الى لندن ومن هناك الى تورنتو مشينا انا واخوي وأعز أخوياي من مدينتي اللي تبعد عن البحرين تقريباً ساعه .. عشان اخوي بينزلني في المطار في البحرين .. مشينا يوم الخميس العصر .. لأنا يوم ثاني بنتغدى عند ناس ونطلع البحرين عشان مانبي نمشي يوم الجمعه النهار في الحر .. وبنفس الوقت نمشي على راحتنا ويكون عندنا وقت .. وصلنا الخبر ورحت الحلاق وظبطت الشعر والدقن .. وتعشينا انا واثنين من اخوياي واخوي في الطازج اللي في السويكت .. وفي يوم الجمعه الساعه 3 العصر .. طلعنا البحرين انا واخوي دخلنا جسر البحرين الساعه 4 العصر .. وهذي صورة لجوازات الجسر ..  وهذي صورة للجسر ايضاً .. بعد ماخلصنا من الجوازات وكلش  واخذنا فندق عشان اخذ سونا وبخار واتسبح فيه .. وكان هذاك اليوم اول يوم في كأس العالم وكانت مباراه بين المانيا وكوستاريكا الظاهر .. وبعد المغرب طلعت انا واخوي نشتري شاحن بطاريه كاميرا من السوق .. وحنا راجعين كانت بطوننا تشكي من الجوع .. وذكر اخوي كفتيريا عندها اكل مهب صاحي ... ورحنا للكفتيريا وطلبت منها سندويتش روبيان اثنين وببسي .. واخوي سندويتش فول وبيض بالجبن وسفن أب .. وهذي صورة الكفتيريا (( انصح اللي يروح البحرين يمرها تراها قويه ورخيصه )) انا ماأدل وينهي الحين بس هذي صوره للكفتيريا من برا ..  وبعدها رجعنا الفندق واكلنا فيه واخذت لي دش سريع ولبست ملابسي وطلعنا المطار .. وصلت المطار الساعه 11 وزياده شوي .. وهذي صورة خارجيه لمطار البحرين .. للأسف الصوره مو واضحه لأنها بكاميرة الجوال ..  دخلنا المطار وطلعنا الدور الثاني .. ووقفت عند الكاونتر اخذ البوردنق .. ولما وصلت قلت للي يقص البوردنق لو سمحت تقدر توفر لي مقعد جنب النافذه؟ قال ابشر .. والله ماقصر وكان تعاملهم حلو بمطار البحرين الله يعطيهم العافيه .. ودخلت للصاله قدام البوابه رقم 11 زي ماهي قدامكم بالصوره ..  ومثل ماقلت لكم المفروض نطير الساعه 1 ونص بالليل .. ولكن تأخرت الطياره الى الساعه 4 ونص .. كنت انا جالس في نص الطياره عند مخرج الطواريء .. وهذي صورة لمكان جلوسي ..  أتمنى اني ماكون طوّلت علييييكم .. وترقبّـوا في الحلقة القادمة وش اللي حصل لما تأخرت الطياره وايش الخلل اللي صار .. وايش النقاش الحاد اللي صار مع المضيفه .. وصوره للمضيفه ومطار هيثرو وايش اللي صار لي بالمطار ............. |
|
|
|
21-11-2006, 07:35 PM
|
#3 (permalink) |
|
مسافر خبير
تاريخ التسجيل: Oct 2005
الدولة: بريطانيا (لندن)
رقم العضوية :50737
المشاركات: 1,121
|
السلام عليكم ورحمة الله وبركاتة
واخيييييييييييييررررررررررررااااااااااااا نزل الموضوع ما بغيت تنزلة<<<هههههه والله بداية مشوقة  بالنسبة للهندي حق الفيفا مشالله علية يعرف يتميلح <<<<<<<<< انا في انتضار الحلقه القادمة على احر من الجمر ياااا كريم ودمتم بحفظ الله اخوك عبدالاله
|
|
|
|
|
21-11-2006, 08:17 PM
|
#4 (permalink) |
|
مسافرجديد
تاريخ التسجيل: Jun 2006
رقم العضوية :85952
المشاركات: 56
|
هلاهلا والله بكريم سبله
انا زيك اللحين انتظر من الفيفا تلفون عند الهندي اسمه شاذي مدري وش اسمه بالضبط الزبده والله لطعوني ومشوروبي الفيفا والا اللحين ماطلعت وحاول تنزل الجزء الثاني بسرعه تراك شوقتنا |
|
|
|
|
21-11-2006, 11:22 PM
|
#7 (permalink) |
|
مسافر خبير
تاريخ التسجيل: Jan 2006
رقم العضوية :54210
المشاركات: 1,274
|
مشكور اخوي وكمل بسرعة نبي نتفرج
والله من زمان ودي انزل تقرير عن رحلتي بس اخوك راح مامعه شي الا قاموس اكسفورد ابو خمسين الف صفحة ولا كاميرا ولا شي ( رايح للعلم) الهندي: هذا فيزا في رجيكتد (( رفضوها )) انا (( بكل احباط وكآبه )): ايشششششششششششش؟؟؟؟؟؟؟؟؟؟؟؟؟؟؟ ليش يامحمد ايش مشكله؟؟ ههههههه يطقطق ابو هنود بس والله طير عقلك لكن حلوة تابع |
|
|
|
|
22-11-2006, 07:04 AM
|
#14 (permalink) |
|
مسافر خبير
تاريخ التسجيل: Jan 2005
الدولة: جزيرة العرب
رقم العضوية :17693
المشاركات: 1,242
|
هلا بك اخوي كفي لاتيه ..
سوري مانتبهت لردك .. شكله مانزل الا متأخر .. ماعليك لاتحاتي ترى الفيفا ممتازين .. دام ان اوراقك كامله .. عليك بالصبر وان شاء الله تخلص .. وعن قريب ان شاء الله الجزء الثاني ...  اعتذر مره ثانيه لأني مانتبهت لردك .. 
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:35 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||