 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
|
|
02-12-2006, 03:59 PM
|
#3 (permalink) |
|
مسافرجديد
تاريخ التسجيل: May 2006
رقم العضوية :79229
المشاركات: 9
|
الحمد لله على السلامه
ياخي لا تصير حلاقات مثل باب الحارة قلبها وبعدين ما يمكن اشتري التذاكر الداخليه مع الحجز الدولي احسن، وكذالك الفنادق وانا بروح لتايلاند انا وزوجتي وبنتي لمدة 15 امشي على نفس الخط ولا عندك خط ثاني سواء داخلي او خارجي و مشكور مشكور مشكور |
|
|
|
03-12-2006, 11:43 AM
|
#5 (permalink) | ||||||||||||||||
|
كاتب قدير
تاريخ التسجيل: Apr 2004
رقم العضوية :2331
المشاركات: 2,964
|
اقتباس:
تراني أحب أستقعد!! .. ورايح أعد الصور صورة صورة!! .. يا ريت تراجع حساباتك وتراجع العد قبل ما أعد وراك .. ترى إن ما طلعت 290 صورة الله يعينك علي!! .. اقتباس:
بكيفي!! .. أشوف الموضوع بالأول وبعدين أصفق إذا كان يستحق التصفيق .. أما منتدى العرب المسافرون فأنا دايم أصفق له لين ما تعبت يدي من التصفيق!! .. عشان كذا استأجرت واحد يصفق عني!! .. اقتباس:
اقتباس:
اهم شي لا تكون زبدة دنماركية!! .. ترى بنقاطعك على طول .. اقتباس:
الله يجزاك خير .. جيد إن الواحد بعد ما يستفيد من تجارب الآخرين يحاول إن يشاركهم بتجاربه .. أنا ما يقهرني إلا اللي يفتح موضوع في بوابة ويقول : طالع المطار بعد ست ساعات وأبغى معلومات عن تايلند!! .. وين يا أبو الشباب؟! .. وش شايفنا؟! .. مكتب سياحي؟! .. حتى المكاتب السياحية تلطعك تنتظر ساعتين قبل ما يرد عليك أحد!! ..  كني اشوف عطر ( مونت بلانك ) بالصورة!! .. اقتباس:
وش لون تبي الردود زينه .. يعني نص استواء ولا استواء كامل؟! .. بسكر ولا بدون؟! .. حار ولا بارد؟! .. كبسة ولا بخاري؟! .. بشطة ولا بدون؟! اقتباس:
ما ودنا نقول إن الموضوع كله ما له داعي علشان ما نحرجك!! .. تعرف لا زم نشجع المواهب الشابة!! .. اقتباس:
قلنا لك لا تشتري عطر ( مونت بلانك) من قزاز .. فيه محل يبيعه بأرخص بس ماني قايل لك وينه!! .. عشان أنا اجاوب على المعلومات السياحية مو فاتح مكتب خدمات!! .. اقتباس:
إنت ح تقول لي!! .. ما كرهني في بريطانيا إلا ها الشغلة!! .. عندهم نهر التاميز وما عندهم شطاف!! .. وهذولا عندهم نهر ( موكا!!) وبرضه ما عندهم شطاف!! .. اقتباس:
ما فيه مساعد كابتن؟! .. اقتباس:
 إنت اللي في يسار الصورة إذا ماني غلطان .. بتقول وش لون عرفت ؟! .. الحقيقة والواقع إني عرفتك من حذيانك اللي في هذه الصورة : اقتباس:
أنا لله .. ما عندك جبن؟! .. لاعت كبودنا من الزبدة .. وتراها تزود الكلسترول!! ..  أكيد ها الرجال مو إنت .. لأن الحذيان تختلف!! .. مو مثل اللي في الصورة الاولى .. تارك الموضوع وقاعد اتأمل في حذيانك!! .. اقتباس:
لو سمحت!! .. وش فيهم بزران 1400 هجري ؟! .. ثم(ن) يا مبرمج عندك ثلاث حذيان وكنادر وتمشي حافي؟! .. هذا صار موضوع حذيان مو موضوع عن تايلند!! .. اقتباس:
اقتباس:
اقتباس:
اتوقف هنا .. وسوف اعود بعد الفاصل .. ولان الدعايات عندنا تطول فانتظرني إنشاء الله بعد خمس أيام لين ما تخلص الدعايات!! .. ترى تقريرك أخوي المبرمج ما أنتبهت له .. لكن فيه رسالة جتني على الخاص نبهتني لوجود التقرير ( شغل مخابرات!!) .. ولان صدري ضايق لي مدة .. وودي ألاقي أحد اتناقر معاه وآخذ واعطي .. لذلك وجدت هذا التقرير وكأنه نازل من السماء .. راجع لك مبرمج أقصد يا ThE PrOGraMmEr .. تشاو!! .. |
||||||||||||||||
|
|
|
|
03-12-2006, 01:44 PM
|
#6 (permalink) | |
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقتباس:
بصراحة قويه خليتني اموت من الضحك  |
|
|
|
|
|
03-12-2006, 10:07 PM
|
#7 (permalink) |
|
مسافرجديد
تاريخ التسجيل: Jun 2006
رقم العضوية :96856
المشاركات: 2
|
صح يا بطل
والله صح، كني اشوف ديسكفري شانيل
 يالله بمدحك شوي وش معنا انا يعني  احم احم احم (واحد يسوي عمليات إحماء) 1- تابعت تقاريرك السابقة ومن بينها البوسنة و الهرسك و لا حظت أن فيه تطور و فرق كبير للأفضل ** يالله مدحناك بوحدة (ما تقيب أي حاقه يا راجل  )2- التقرير يختلف عن كثير من التقارير بأنه غني جداً بالمعلومات "المفيدة" اللي تفيد اللي يبي يسافر للمنطقة (أكمل ولا ما يحتاج) على العموم أنا بكمل تعرف ليش (صح عليك: لأني أمون، ولا لا) 3-وش وش وش (والله ما نبي مركز قاعد أشوف مهزلة الهلال و النصر : الحكم ملغي هدف للنصر و الملعب شاب حريقة وعلى العموم يعتبر الهلال و النصر قطبي الكرة السعودية و .... ما قلتلك أني ما نبي مركز يا خي واحد يوديني للبيت و لا يعمل اي حاجة) 3- عارف اني حاط رقم 3 مرتين لا تسوي فيها فاهم و قافطني بس توي ركزت: الصور تنوعها جذاب جداً ما تخلي الواحد يمل منها المعنى انها تشمل الطبيعة، المعالم، الأماكن البارزة... مهوب عاقل ابن بطوطة  4- خفة الظل و الأسلوب اللي أقل ما أقدر أقول عنه أنه  تحفة (بالله تأكد من صحة الجملة لأني ما هظمتها) بس أهم شي و على بلاطة أسلوبك إكة يا سيخ (ما عليش سامحني على الصراحة الزايدة)5- ما تحس أني زودتها بس والله أوعدك أني ما عاد أسويها مرة ثانية  التقسيم الرائع للموضوع حيث عدد الحلقات و الفاصل الزمني (مهوب عاقل المجلان) مرررة مناسب. 6- مهوب و عدتني أنك ما تكررها يالله قم و لا تجي إلا بولي أمرك و خطاب من الإمارة معمد من البلدية التصوير بالنسبة لجوال يدل على فن صاحبة و رهافة حسه و حسن الإختيار الزاوية (و هي قاعدة معروفة حيث إذا صار جتا الزاوية المقابلة للشمس مساوي لمتوسط مربع مجموع الضلعين المقابلين للزاوية الحادة ....أنا تورطت) أهم شي إن التصوير يعتبر منتاز جدا جدا. 7- راح يكون لي ردود أخرى بعد ما أشوف الحلقات القادمة أن شاء الله. كان معكم مراسلكم من بيتنا تصبحون على خير... كان |
|
|
|
|
03-12-2006, 11:55 PM
|
#8 (permalink) |
|
مسافرجديد
تاريخ التسجيل: Sep 2005
رقم العضوية :48204
المشاركات: 10
|
بما ان اشتراك الانترنت لاخونا المبرمج انتهى....
وفترة غيابه تبدو لي انها سوف تطول (فتره من الزمن ليست بالقصيره)  وفزعه مني لقد قررت ان اشكر كل من ساهم على انجاح هذا التقرير نيابتاً عن اخونا المبرمج <--- لان المبرمج مو معبره فحب يشكر نفسه  |
|
|
|
|
03-12-2006, 10:03 PM
|
#9 (permalink) | |
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقتباس:
التقرير رائع جدا جدا ويخفف هموم الواحد بس اخونا ThE PrOGraMmEr قدها وقدود وبصراحة يستاهل التصفيق  |
|
|
|
|
|
03-12-2006, 01:28 PM
|
#10 (permalink) |
|
مسافر متميز
تاريخ التسجيل: May 2004
الدولة: دار زايد الله يرحمه
رقم العضوية :3623
المشاركات: 304
|
ماشاء الله عليك يا بروجرامر على التقرير الطيب
بصراااااااااحة بوكيت واااااااااايد حارة ومتروسه باعوض وحشرات وكله فسق في فسق ما تصلح أبداً للعوائل حق الشبااااااااب ترتيب الغالي الفيديو حقتك ما يشتغل فديت خشمك أنا |
|
|
|
|
04-12-2006, 12:59 AM
|
#11 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
koooka : تهي تهي تهي
...والله العظيم وقسم بالله اني ما انتبهت لردك ...اتوقع انك رديت وانا جالس ارسل الرد...لكن ما نبيك تزعل وهذي رضاوه مني لك طقم سنتوب يحبه قلبك... وبخصوص الفندق...والله الحمدلله كان من اروع ما يكون...والحركات البحريه...ما فيه الا مسبح ويخب علينا يا رجال عاشقة اوروبا:الله يحييك في الموضوع...واشتراك الإنترنت ثلاث شهور لا تخافين ما راح يخلص slbukh :الله يحييك ...واتمنى تستفيد ولو بالقليل من المعلومات اللي رحا احطها...واعتذر اذا صار فيه اي تأخير.. redjoory :تسلمين اختي على هالكلام...وان شاء الله ناوي اطور نفسي في هالمجال..شرفني مرورك وردك.. khalid69_7 :الله يسلمك يا عزيزي...والحلقات والله حبيت انها تكون كذا لعدة اسباب ذكرتها في البدايه...اهمها...انه يكون اسهل لكم في معرفة كل المعلومات اللي اكتبها...والثانيه اني انا ما اقدر اسوي التقرير كله دفعه واحده  ...يحتاج وقت كثير والله...وتجميع صور ومعلومات وتنسيق الكلام...وشغله طوييله...لكن تستاهلووون والله ..ونبي عاد منكم تتساهلون شوي في التأخير...بخصوص التذاكر الداخليه..الا احسن لك انك تاخذها مع الدوليه في حالة انك محدد برنامجك من قبل...لكن فيه ناس يحبون يروحون وهم ماهم مرتبطين ببرنامج معين هناك ويسوون برنامجهم ويحجزون وهم هناك..فإذا كنت من النظام هذا...خلها من هناك احسن لك.. اذا كنت تقصد بالخط...سير الرحله...الا اكيد فيه...لكن عن طريق خطوط ثانيه اما اذا قصدك ترتيب المدن اللي رحت لها...اكيد فيه خيارات ثانيه...لكن هذي تقريبا اهم شي...ممكن تضيف لهم جزيرة كوساموي او كرابي اذا كنت تحب الجزر...او تضيف لها شانغ راي اذا كنت تحب البيئه الجبلية مثل شانغ ماي..وبرضه ممكن تزود الأيام في بانكوك اذا كنت تحب المدن الكبيره والتسوق والزحمه...يعني في الأول والأخير...راجعه لك انت واهتماماتك.. شرفني مرورك اخوي...وأي استفسار انا حاضر باللي اقدر عليه koooka : لا لا لا ...كل شيء ولا عصبيتك وزعلك يا كووكا... خذ طيب هذي رضاوه ثانيه اذا ما كفتك الأولى...واذا تبي وحده ثالثه انت آمر بس  ثلاث انواع..انتقي منها ما بدا لك...<<متعوب عليها ما بدا لك |
|
|
|
|
04-12-2006, 01:00 AM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
Abu sultan :
مش معئوووووووووول ...لا والله دا انا بحلم ...لا شكله ده خيال... ابو سلطاااااان...مشرفني في موضوعي...!!  يا هلا..ومنور التقرير..ولو اني من قبل ما اقرا كلامك...وانا عارف انك تحب الإستقعاد ...لكن هذا هو النوع اللي احب من المشاركات...كثيرة الإستقعاد...(عرفت انك من هالنوع...لأني متابع اغلب مواضيعك وردودك انت ونسيم نجد )نبدأ مع تعليقاتك.. الصور...الله الله...وانا متأكد منها...واحتمال بعد تصير اكثر من 290!! التصفيق...انا كنت اقول صفقوا للمنتدى ولا وما جبت طاري احد يصفق لي..<<والله يبي من يصفقك مهوب يصفق لك اجل انت من النوع المستقعدي..؟؟ والله المعرف ... جا خلال عملية تفكير سريعة لكن معقده...ما استغرقت الا ثلاث دقايق تقريبا...وبيني وبينك...كانت نيتي اني ادخل هالمنتدى وامر مرور الكرام...واخذ معلومات واطلع(قليل خاتمة ) ..<<انواع الجحييييد لكن يوم شفت المنتدى...وشفت وشلون الناس...قلت لا ما يصلح نظام نفسي نفسي ذا....لازم نقدم شوي.. نرجع لعطر "مون بلان" ...ما لك لوا...يمكنك تقصد البولغاري ؟؟ لا لا تخاف...زبدة نجدية حتى البقرة اسمها منيرة المكتب السياحي..ههههههههههه من جد انت تقوووله...لا وبشين نفس بعد...ليت انه محترم..  العطر...خطأ عليك...تحتوي الصورة على لاكوست...وهوغو...وبولغاري... الردود يا طويل العمر...احبها تكون مشلوطه على المقلاة ومعها فلفل اخضر...تيك اواي لو سمحت والموضوع عاد انا عارف انه من جنبها...لكن الجود من الماجود...  طيب وش عنوان محلك يخووووي خلنا نجيك.. الشطاف...من جد قرف الله يقبحهم.. مساعد الكابتن كان ماخذ إجازه ذاك اليوم... بس كفشتك لي...الييييييييمه ....بالضبط..انا اللي على اليمين...بس اتوقع انك عرفتني من كثر ما انا زين ...وحطيت موضوع الشبشب عذر عشان ما ينظلوني باقي الأعضاء..ولا انا غلطان ؟؟ الزبده....خلاص المره الجايه نجيب قشطه...تدلل بس ابو سلطان...هل تبي تقنعني...انك في عام 1400 كنت بزر ...ما اتوقع...ممكن ميلادي ...انا معك لكن هجري <<وده ينجلد اليوم كل الرفارف والبودي سليييم.. هههههههههههه يالله لا تسلطنا ولا تسلط عينا...اجل لو اني جاحده وما رديت ابد وش كنت تبي تقول... ومحل ما وقفت...انا انتظرك هناك...ترا معي ونيت وردي(وارد تايوتا وليس تويوتا)...مظلل اسود...لا تتأخر... في انتظارك...يا كاتبنا القدير...ووصل سلامي وشكري للي عطاك خبر عن التقرير.. الإماراتي:تسلم لي اخوي على هالكلام...والله فوكيت يوم كنت فيها العكس ...كان جوها رايق مره وما شفت حشرات كثيره ...في الليل صح اوقات يجي ناموس...وكنت استخدم البخاخ اللي قلت عنه اول التقرير...وكان يجيب نتيجه والله وفوكيت والله مهوب كلها فسق...فيها اماكن حلوه مره للعوايل...خصوصا اذا الواحد ابعد عن الزحمه والباتونغ بيتش تحديدا... عاشقة اوروبا: شفت يابو سلطان وش سويت فيني...حياك اختي...وشرفني ردك.. عاشقة اوروبا:الله يخليك على هالكلام ويجزاك خير...والصراحه احس انكم تجاملون ...عساني اكون عند حسن ظنكم واقدم اللي يفيدكم sec0015 :اشوى انتبهت لردك عشان ما يزعل علينا ابو سلطان... مشرفنا والله ...وخلنا نمشي مع تعليقاتك حبه حبه 1-والله تقرير البوسنه يا رجال جا في نص ساعه ...وكلها كم سطر على كم صوره وسويته.. 2-والله اتمنى ان كلامك هذا يكون صحيح وبدون مجاملة... 3-عسى الله يشفيكم من هالكوووره اللي لاحسه عقولكم...<<<شكل عقب هالسطر فيه ناس واجد يبي يكرهوني.. 3-لا تخاف مانيب قايل شيء شكرا على هالكلام الحلو...والحمدلله انها اعجبتك.. 4-هذا من فضل ربي والله انت الإكه... 5-ابد ابد..خذ راحتك والله هذا اللي اتمناه 6-سم طال عمرك... ترا مهوب دايم على راعي الجوال...الجوال نفسه له دور...ويا عيني عليك يا سوني اريكسون...ولينقهر المنقهرون..<<احد جاب طاري النوكيا ؟؟؟؟!!!؟؟؟ 7-ردودك والله تشرفني...وحياك الله بأي وقت... |
|
|
|
|
04-12-2006, 01:15 AM
|
#13 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
الحلقة الثامنة <<ما حددت اليوم لأني ابحط اكثر من يوم في هالحلقه....بدينا بالإستقعاد !!
بعد نهاية يومنا الأول المليء بالإثاره والسباحه ...صحينا ثاني يوم بدري...وفاضين ما عندنا ولا شيء..لأننا ما خططنا لأي شيء..ومبيتين النية من أمس ان اليوم راحه واسترخاء بحكم اننا معنا وقت طويل...7 ليالي..لكن كان فينا جوع....لدرجة ان خويي حط شوي ملح وكتشب على وسادته وبدا ينهش فيها كما ينهش الضبع فريسته.... طبعا مثل ما تعرفون...الغرفه شاملة الفطور....عشان كذا طبينا صاروووخ على مطعم البوفيه حق الفطور في الفندق ...وكان اسمه Cinammon وبشكل عام كان اكله عادي...مثل اي بوفيه مفتوح...جزء لحوم (واحب انبه مره ثانيه لنقطة لحم الخنزير)...وجزء فواكه من ما يطري على بالك من الفواكه الإستوائيه...وجزء للفطور الأمريكي المعروف...من كوب كيك الى كروسان وهلم جر<<برضه من الكلمات اللي اقولها وما ادري وش معناها...بس احس انها راكبه صح هنا ما اطول عليكم...هذي صورة للوحة مطعم سينامون من برا...  دخلنا وجمعت لي صحني...وطبعا زي العاده...اخذت اكل حق بضع نفر...ثلاثة منهم من الجان..وما آكل الا حق واحد وبالطقاق اكمله بعد... المهم..اخذت صحني وبكل براءة وادب حطيته على الطاوله ورحت اخذ عصير(طبعا عصيري المفضل..اناناس)..يوم رجعت للطاوله...فإذا بجموعة من ذليلي الأنفس قد انقضوا على صحني ونهشوا منه ما نهشوا ثم لاذوا بالفرار....سحقا لهم.. صورت واحد منهم وقدمتها للسلطات المحليه...لكن قالوا ماعلييش...هذا عنده واسطه كبيره في الحكومه وما نطوله.. خذوا الصوره ويتبين عليه البراءة المصطنعه (دموع التماسيح ) وهنا صورتين عامتين<<هي عامتين ولا عامتان<<تراني رااايح فيها في النحو   بعد ما انتهينا من الفطور ولله الحمد...اكتشفنا اننا ما فيه اي شيء نقدر نسويه الا السباحه...واديها سباحه مره ثانيه... خلصنا وطلعنا لمحل قريب من الفندق مره..كنا منتبهين له من أمس انه عنده تأجير دبابات...وهالشيء كان في انفسنا من العام الماضي في لنكاوي ماليزيا...عشان كذا استاجرناه...وضربنا عصفورين بحجر...لبينا رغبتنا الموجوده منذ قديم الزمان... العصفور الثاني ...انه كان قمه قمه قمه في العملية من ناحية المشاوير ...والله ما بقينا مكان ولا جحر في فوكيت ما رحنا له...لدرجة اننا وصلنا في مكان داخل الغابه مره وقطعنا نهر صغير بالدباب<<تراه جايبينه بفيزا حقت همر مهوب دباب.. طيب..تتوقعون هالدباب بكم في اليوم...يا ناس والله يلومونني في هالديره... دباب....يوم كاااااااااامل....ب 25 ريال !!!!! لا وملعوب علينا بعد لقيناه في محل ثاني ب 20 ريال!!! وكان اقتصادي جدا جدا في البنزين....ولاحظوا ان البنزين غالي عندهم...نعبيه ب 10 ريال...يمشينا يومين تقريبا..!! يتبع>> |
|
|
|
|
04-12-2006, 01:16 AM
|
#14 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
خذوا هالصورة للوحة دبابنا المميزة
  معليش...مهيب للبيع والله... ملاحظه:طول فترة جلوسنا في فوكيت...ما ركبنا تاكسي الا مرتين...جايين من المطار...رايحين للمطار طبعا غير التنقلات الخاصه بالرحلات.. المهم اننا اكملنا يومنا في فوكيت على هالدباب تنقلا بين كاتا بيتش وكارون بيتش والمناطق القريبة بدون شيء يذكر ...الا شيء واحد...مهم مررره انا تكلمت في اول الحلقة حقت فوكيت عن باتونغ بيتش واني معارض له...الحين راح اقول لكم ليه.. طبعا انا الى هاللحظه انا وخويي....ما بعد شفنا الباتونغ بيتش وولا طبيناه ابدا ومتشوقين له مره ...بينما كنا نقود دراجتنا البخاريه(مدري ليه احس ان الدراجه البخاريه صوتها مزعج اكثر من الدراجه الناريه)المهم اننا طحنا في مكان مكتظظظظظ وزححححمه وازعاااااج ويحتوي على المكونات التاليه...:1-ناس سكارى كل واحد معه بنت يمشون يمين يسار ويبين في تصرفاتهم الشيء هذا.. 2-ديسكوات يمينك ويسارك.. 3-بنات ليل الله يكرمكم اكثر من شعر راسي...(والمعذره على هالكلمه ..لكن شيء حبيت ابينه لكم) 4-الشارع مليااان سيارات وانواع الكربون.. 5-اغاني مفجووووره على اعلى صوت.. طبعا انا الى االآن ما ادري وش السالفه وما ادري ويني فيه...!! بعد ما مشينا شوي...واناظر يمين..وحده متحجبه!!...اناظر يسار...وحده ثانيه متحجبه!...امشي شوي..وحده بنقاب!! اهااااه...الموضوع في انّ.. المهم...شوي...والقى محلات السوق الليلي...والقى مطعم دبي وباقي المطاعم العربية....طبعا بعد وقت المفروض اني ما استغرقته كله عشان استنتج هالشيء....استنتجت ان هالمكان اللي انا فيه هو باتونغ بيتش ....!!! انا طبعا اخذني الوقت هذا كله عشان استنتج...مهوب قلة نباهة...جا على بالي انه هو...لكن قلت ما اتوقع العرب طايحين في هالمكان ومعجبين به وهو فيه هالدشره...لكن شوي...والله تأكدت من الوضع..!! هذا هو الباتونغ بيتش..!! وحمدت ربي مليوووون مره اني ساكن بعيد عنه...حتى هالنص ساعه اللي قضيتها فيه تحسفت عليها..لكن ما اشوف في الباتونغ اي شيء يجذب ويناسب العرب بشكل عام والعوايل بشكل خاص ..!!!! اذا قصدكم على المطاعم العربيه...انا من وجهة نظري...انا رايح من ديرتي وزهقان من الأكل العربي...اطلع برا آكل برضه اكل عربي...!! طيب جرب اكل ناس غيرك ممكن يعجبك...في اسوأ الأحوال كل اكل عالمي.. غير الأكل العربي....الأسواق الليليه...موجود نفسها واحسن منها في السوق الليلي في شانغ ماي...واللي يقول مهوب رايح لشانغ ماي...عنده منطقة سوكومفيت في بانكوك...فيه اللي يطري واللي ما يطري على باله... لا وفوق هذا كله...كل شيء في الباتونغ غالي...وفنادق قديمة ما تقارن بجودة ونظافة الفنادق اللي على شواطيء ثانيه... والله انا ابغى احد يقولي وش الشيء الحلو واللي يجذبه في الباتونغ بيتش..؟؟ ماهو اني ابغى اسوي مشاكل واختلف معه في الرأي...لا والله ...لكن ممكن يكون فيه شيء فعلا انا ماشفته واستعجلت بحكمي على الباتونغ بيتش.. المهم...انتهينا منه ورجعنا للفندق ومثل ما صار معنا امس...نمنا وبدون تخطيط مسبق ليوم الغد..واخذت هالصورة لشعار الفندق عند المدخل  برضه مشى اليوم اللي بعده الى الظهر بنفس السيناريو...لكن زاد في هاليوم اننا يوم جا الظهر...قلنا نبي نحجز رحله لليوم<<كننا في الرياض مهوب في فوكيت جايين الساعه 1 يدورون رحله طبعا ما لقينا شيء...حتى فانتاسي اللي ما يبدأ الا في الليل...كان هذاك اليوم مقفل..والله الحظ البايخ ..لأنه كان يوافق يوم معين في الأسبوع هو اليوم اللي يقفلون فيه...على ما اعتقد انه كان يوم الثلاثاء..قلنا طيب...اليوم راح وما نبي بكرا يروح بعد..!! قلنا نبي على بكرا رحلة فيفي ايلاند... يتبع>> |
|
|
|
|
04-12-2006, 01:17 AM
|
#15 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
فاصل اعلاني....دقائق علمية...من ام بي سي اف ام
هل تعلم.. اني يوم كنت صغير كدت اسبب ازمه ماليه لأبوي من كثر ما اشرب حليب.. هل تعلم.. ان ابوي اقوى من ابوك..؟<<قديييييييييييييييييم برضه هل تعلم.. ان سيارة ابوي احسن من سيارة ابوك ..!!؟؟ هل تعلم.. انك اذا اعطيت ولدك كف حلاقة ثلاث مرات يوميا...يصير ولدك عبقري... اتتكم هذه المعلومات برعاية ...جي ام سي يوكون  معليش...تراني كنت جوعان ...وحطيت لكم فاصل ورحت كلت لي ساندوتش بيض بالجبن على بال ما العب عليكم بهالمعلومات ..لا يجيني واحد بكرا مصفق ولده وينتظره يسوي له مكيف يشتغل ببقايا الأكل...تراني نبهتكم وانتم احرار.. المهم...نرجع لموضوع في في...حجزنا على رحلة في في ايلاند...وكانت الرحلة مع الغداء ..وكان سعرها 175 ريال تقريبا للشخص...وكان فيه ثلاث انواع من القوارب...مصنفه على عدد الناس اللي ممكن يستحملهم وما فيه اي فرق ثاني...طبعا احنا رحنا في الحجم الوسط...وكان فيه تقريبا 30 شخص...تفاصيل الرحله كانت كالتالي..:-المرور على جزيرة صغيرة...والمفروض السباحه على الشاطيء حقها<<برضه راح تعرفون وش قصدي بال"مفروض" -المرور على جزيرة اسمها دون في في على ما اعتقد....وكانت عبارة عن صخور كبار...ومناسبة للتصوير -المرور على جزيرة في في نفسها والسباحه والغطس -المرور على المونكي بيتش -الغداء في جزيرة قريبة  -المرور على جزيرة صغييييييرة كبر هاللابتوب اللي انا قاعد اكتب منه وبرضه السباحه فيها والغوص حاسبنا الغبي اللي في المكتب السياحي وطلعنا...على طاري المكتب...نسيت اقول لكم...بخصوص المكاتب...لا تشيلون همها ابد ...تلقونها اكثر من النمل هناك...في كل مكان...وعندهم كل الرحلات...لكن انصح ان الواحد قبل ما يحجز شيء من عندهم..يشيك على اكثر من واحد..لأنه يصير فيه اختلافات كبيره في الأسعار بين مكتب ومكتب ثاني.. المهم اننا رحنا للفندق...وكنت حاط في بالي مساج من الفندق نفسه في المركز حقهم...يعني مهوب شغل ابو 40 ريال اللي في الشوارع ذا كلمتهم وحجزت على الساعه سبع ونصف...وطبعا...كشيء غريزي فينا...لازم نتأخر...على العلم اننا ما كان عندنا شيء..لكن التأخير شيء يمشي في دمنا خلاص.. رحت الساعه ثمان...وقالت لي الفنساء...دونت ساي يو ار ذا بروجرامر ...قلت الا انا هو بشحمه ولحمه...قالت والله واللعنه ...وينك تأخرت..؟؟ قلت والله معلييش كنت مشغوو...<<<سطررراااع ...قطعت كلمتي هذي بكف ارداني طريح الفراش لباقي رحلتي في تايلند خلّص التقرير...مع السلامه لا تكونون صدقتوا...دخلت الساعه ثمان تقريبا...وقلت لها معليش تأخرت ...طبع بالإبتسامة المعروفه...قالت ما عندك اييي مشكله الصراحه كان المركز روووعه ويخلي اللي ما له مزاج استرخاء...يسترخي غصب ورا خشمهجلست تورينا انواع المساج اللي عندهم...هذا بالطين ...وهذا بالروائح...وهذا مدري وشوقلنا نبي بالروائح...والله كان شي خيااال وكانت قيمته غاليه لكن يستاهل...كان ب 170 ريال..مدة 55 دقيقة.. وهذي صورة للمركز واحنا تونا داخلين  على طاري المساج..احب انبه ان فيه بعض محلات المساج...من برا "المفروض" انها مساج...لكن دخلت واحد منهم ابشوف وش وضعه...صار مركز دعاره ...انتبهوا من هالنقطة.. طيب...انا عارف ان الصور شويه...والكلام كثييير في هالحلقه ...لكن تدرون وشلون...بما ان فيه حلقه في شانغ ماي كان كلامها شوي وصورها كثير...خلونا نجرب العكس الحين ونشوف ...<<والله التصريفه البااااايخه...ما عنده صور ونشب بعمره ..!! ابشروا بالصور اللي تعجبكم في الحلقة الجايه ان شاء الله.. تقبلوا تحياتي... ThE PrOGraMmEr |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:36 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||