 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
|
|
29-11-2006, 08:17 AM
|
#4 (permalink) |
|
مسافر متميز
تاريخ التسجيل: Sep 2005
الدولة: الشــKsAـرقية
رقم العضوية :49552
المشاركات: 220
|
يااااااااوك يالمبرمج لالحينك تحفر وتدفن بذالتقرير هههههههه سافرت وجيت وانت مدهر ،، انواع المصالة هنا  <<<<<<<<<< يمون على المبرمج لاتزعل حبيبي هات خشتك اممممممموااااح  ياشيخ يازينك ويازين سوالفك  اتمنى مايخلص تقريرك صراحةعلى كل حال اكمل ونحن معك ولاتواخذنا على الخشة اللي مالها داعي  اخوك كاتم |
|
|
|
30-11-2006, 04:13 AM
|
#6 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
redjoory :الله يعافيك اختي...ومشكوره على المرور..
 star_man : الله يعافيك عزيزي...ومشكور على ردك.. soilrich :الصراحه احرجتوووني بكلامكم...مشكور اخوي وما قصرت على اطرائك...ويشرفني اعجابك بالموضوع..  koooka :ههههههههههههههه...شكرا...والحلقه السابعه في الطريق...بس نبيك تعطينا فرصه شوي..تابع...وتلقى اللي يسرك ان شاء الله ..  RMQ :كلكم شاطرين....<<والله الأسلوب بعد وبخصوص الصورتين اللي تقلوين عنهم...والله لو تشمين الرييييييييحه...يا سااااتر  koooka :لا لا عاد....اصبر علي شوي وانا اخوك...لا تصير عجل...ترا كذا تحسسني اني شخص مهم بعدين يكبر راسي...وما اقدر ادخل غرفتي عشان اكتب التقرير... حلقة فوكيت الآن ابنزلها بإذن الله...والله كنت ناوي انام...لكن كم عندنا من "عرب مسافرون" ؟؟  المزمجر: هههههههههههههههههه ايه والله الى هالحين...المشكله السمنت والبحص مرتفع سعره  تسلم لي يا الغالي...ومشكور على هالكلام الحلو..وخذ راحتك من ناحية الخشات ما عندك مشكله...اهم شيء لا تصدم احد هيبة ملك:الله يخليك...عاد اذا شافك احد تضحك..نبغاك تسوي لنا دعايه..بساذا انفصلت ولا جاك لفت نظر...لا تقول المبرمج هو السبب  ...لكن اذا جتك علاوه...ما يمنع انك تعطيني منها تراني حبيب اوافق على طول عم بمززززززح سدييييييييك...<<عولمة دقايق والحلقة نازله ان شاء الله ... |
|
|
|
|
30-11-2006, 09:00 AM
|
#7 (permalink) |
|
الـمـديـر الـــعــام
تاريخ التسجيل: Mar 2003
الدولة: هنا...
رقم العضوية :1
المشاركات: 8,323
|
السلام عليكم ورحمة الله وبركاتة
اخي العزيز ....ThE PrOGraMmEr بكل صراحة ان التمعن في تقريرك يضيف الكثير والكثير من الروائع في التقارير المنفرده نعم لمسنا النكهة التايلاندية في التقرير الاكثر من رائع فتقبل منى كل ود,,, |
|
|
|
|
30-11-2006, 05:53 PM
|
#9 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
عبدالعزيز:لا لا لا ...موووو معقول...الإدارة عندنا هنا.....يا فتحيييي..صب القهوة لعمك عبدالعزيز
<<ما قد سمعنا بقهوجي اسمه فتحي...بس انتم مشوها لي عاد ههههههههههاخوي عبدالعزيز...والله ان كلامك اعتبره فخر لي ...وما كتبت هالتقرير الا محاولة لرد بعض جمايل هالمنتدى الرائع...فأهنيك على ادارتك لهالصـــرح...والى الأمام...واتمنى تتابع باقي التقرير luntiac :الله يسلمك ويبقيك اخووووي وموضوع فوكيت... واللي خلقني اني مخلص حلقة اليوم من الفجر وجالس على الكمبيوتر وشوي وانام وحاط كللل شيء...حتى الابتسامات...يوم ضغطت ارسال الرد...انتهى الاشتراك وولا ارسله  ..صار الاشتراك منتهي.. مسحور الشرق:تسلم لي على كلامك...وهالتايلندي الصغينون من جد ما يستحي... مثل ما قلت يا اخوان قبل شوي...والله الحلقه جااااهزه من اليوم الفجر ...ما نمت و قاعد اكملها لكن للأسف انتهى الاشتراك الله يلعن بليسه ...عليه توقييييت باااااايخ ...لو انه صابر له خمس دقايق !!! على كل حال...كل تأخيره فيها خيره....واليكم بالحلقه... |
|
|
|
|
30-11-2006, 05:57 PM
|
#10 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
الحلقة السابعه - اليوم الرابع
من مسميات بنك بانثر الشائعة بين الناس....ترم ترم ...ابو زقاره ...النمر الوردي ...وما الى ذلك من المسميات التي لا اصل لها <<قدمت لكم هذه المعلومه برعاية زيوت موبيل... تقنية ألمانية ... صناعة سعودية.. كان هذا اليوم هو آخر يوم لنا في شانغ ماي...وتلافيا للمشاكل المعتاده اللي دايما تصير للواحد اذا كان عنده رحله بدري....مثل ما صار لنا العام في ماليزيا قمنا من بدري مره...وكنا مرتبين الشناط من امس ومريحين ...نزلنا على الفطور...وخلصنا...و سوينا تشيك آوت وودعنا شيراتون شانغ ماي...واليكم هالصور الوداعيه لشيراتون شانغ ماي  ^^ شكرا لك ايها الغرفه الكويسه...لقد احتضنتي شابين لا فائدة لهما في الحياة ولمدة اربع ايام!! لن انسى لك هذا الجميل.. صور اللوبي..   طبعا التاكسي كان من نفس الشركة حقت مشوارنا امس...Hertz ...ولكن شكلنا ما اعجبناهم وجابوا لنا كورلا هالمره.. كلها ربع ساعه واحنا واصلين للمطار..وكانت الساعه 10 وربع...والرحله 11 وربع...يعني باقي لنا ساعه...قضيناها بتجاذب أطراف الحديث الساذجه والتي لا يمكن استخلاص ولا حتى منفعه واحده منها !! ما امدانا نتسيذج شوي ... الا والرحله معلنين عنها...و كانت هذي اطول رحلة داخليه لنا....وكانت مدتها ساعه و 45 دقيقة..خذوا هالصورة من داخل التاكسي واحنا متجهين للمطار..ويتضح انها حرمه...الغريب انه مهوب كثير الحريم اللي يسوقون تكاسي...عكس ماليزيا..كانت هذي اول واخر حرمه وحده نركب معها..  لحظة الإقلاع...والغريب انه كان يوم مشمس...ممكن تكون شانغ ماي حزينه على فراقنا <<اقول ضف وجهك بس  الطيار توه معشق الثاني  بعد ما استقرينا في الجو...وشغل الطيار مثبت السرعه <<توه مطلع الطياره من الورشه..كان خربان المثبت حقها  كانت الخدمات ما فيها فرق كبير عن الرحلة الي قبلها (من بانكوك لشانغ ماي) ...بس على الأقل كان الأكل معقول شوي "و قابل" للأكل..بعد ما انشغلنا بالسواليف ومطالعة المجلات <<يناظر مجلة مكتوبة بالتايلندي ...لا ويهز راسه وهو يقرا مسوي فاهم !! شوي الا واراضي فوكيت تطل علينا ...الصور خير من الف ميعاد    كانت المناظر صراحه روعه ...والبحر صااافي والشواطيء بيييييضاء ...مناظر ولا احلى ...وصلنا المطار...وكان ترتيبه حلو مره....مع انه ما كان كبير...بس انه فخم وحلو....ومليان منشورات فيها خرايط وادلة سياحية...للفنادق...المطاعم...الرحلات...واي شيء يخطر على بالك في هالجزيره يتبع>> |
|
|
|
|
30-11-2006, 05:58 PM
|
#11 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
والصراحة اعجبتني حركة هاللوحة مره وقلت لازم اصورها....تفضلوا
 خذت منشورات وخرايط من المطار...اكثر من عدد المرات اللي شربت فيها مويه في حياتي <<والله من زين التشبييييييييه بعد !! المهم اني في النهاية ما قريت الا كم صفحه من وحده من هالمنشورات ...والباقي على حطتها في الشنطه الى ساعتكم ههههههههههههههلا يخفى عليكم ان المطار في فوكيت عكس شانغ ماي....بعييد عن المناطق اللي فيها الفنادق....وهنا تجي ثاني نقطه بخصوص الموضوع اللي تكلمت عنه في بداية التقرير (النقطة الأولى كانت الخطوط القطرية)...الا وهو...ان الواحد ياخذ فكره عن الشيء بمجرد السماع عنه ومن دون ما يحكم عليه بنفسه ...طولت عليكم السالفه والى الآن ما فهمتوا شيء ....صح ؟؟؟ بإختصار...ما شفت ولا احد في المنتدى راح لفوكيت الا ويسكن في الباتونغ بيتش!! طيب لييييه؟؟ انا دورت فنادق قبل ما اروح..لكن ماش ما اقتنعت باللي على الباتونغ بيتش ابدا ...يا تكون قديمه ...يا تكون غاليه ...يا الشاطيء حقها مهوب حلو ...او انه ما يكون الفندق يطل عليه مباشره(بينه وبين الشاطيء شارع عام)..(الشاطيء عندي اهم من السرير اللي راح انام عليه )عشان كذا احترت بقوه وانا ادور...اخر شيء استقريت عليه هو فندق اسمه كاتاثاني KATATHANI في ااااخر شاطيء في فوكيت من جهة الجنوب...يعني بينه وبين الباتونغ بيتش ثلاث شواطيء....لكن الفندق في الصور كان روعه...وهذا هو الشيء اللي جذبني...وانا اهتم بالسكن قبل المنطقه..فتوكلت على الله وقلت ماهي مشكله...اضحي بمنطقة الباتونغ بيتش مقابل اني الاقي فندق حلو وفخم...والواحد يحس انه فعلا رايح استجمام...قبل ما اكمل ...خذوا هالخريطة لفوكيت...تبين لكم مكان الباتونغ بيتش...ومكان الكاتا نوي بيتش اللي سكنت فيه  تلاحظون ترتيب الشواطيء في الخريطة جاي من الشمال للجنوب بالشكل التالي: 1-باتونغ بيتش 2-كارون بيتش 3-كاتا بيتش 4-كاتا نوي بيتش كان بين الكاتانوي والباتونغ بالسياره حوالي 20 دقيقه..كنت اقول ما عندي مشكله في هالموضوع...تدرون شلون...خلوا باقي التفاصيل بخصوص رأيي في الباتونغ بيتش في حلقه قادمه وخلونا في الفندق الحين ...وش رايكم...اوكي؟ خلونا نتكلم الحين عن الفندق اللي سكنت فيه...طبعا انا كنت ماخذه عن طريق نفس المكتب...الرويبخ..وكانت غرفه ديلوكس سريرين منفصلات مع الفطور وكان "المفروض" انها مطله على البحر...<<راح تفهمون قصدي بكلمة المفروض بعد شوي... كان سعرها حوالي 280 ريال سعودي...!!! <<<سعر تاااافه جدا مقارنة بهذا الفندق الراااائع...لاحظوا انها ديلوكس ومع الفطور..!! خلوا الفندق اذا وصلنا له...احنا تونا في المطار الحين...نسيتوا ؟؟!! <<تراك اقلقتنا...شوي في الشاطيء..شوي في المطار..شوي في الفندق...حدد وضعك !!<<<لا لا خلاص..في المطار اخذنا شناطنا وخلصنا امورنا بسرعه كبيره...واخذنا لنا تاكسي وعلى كاتا نوي بيتش...وكان على ما اعتقد ب 900 بات ..لأن المشوار كان طويل..حوالي ساعه او 55 دقيقة وخذوا هالصورة تبين ضيافة وطيبة اهل هالجزيره..  سبحان الله هالجزيرة من اول ما كنا في الطياره فوقها واحنا مرتاحين لها وحابينها....وكانت بداية تسهيل الأمور ولله الحمد...خويي كانت في يده قرصه ناموس اكبر من وجهه...راحت اول ما وصلنا فوكيت... على طاري الناموس...نسيت اقول لكم...في رحلات الغابات وركوب الفيله في شانغ ماي...خلوا معكم بخاخ خاص بالناموس...تلاقونه في اي صيدليه هناك...عشان تتلافون مثل هالمشكله اللي صارت لخويي...لأنها من جد كانت كبيره القرصه بشكل يضيق الصدر وخفنا والله انها شيء خطير وجالسين على اعصابنا.. نرجع لموضوعنا...ممكن يكون احد اسباب راحتنا هو كثرة المسلمين اتوقع.. بس بشكل عام كان ترحيبهم وابتسامتهم ما تفارق وجيههم.. شوي واحنا واصلين للفندق...وصار كبير مره....ومنقسم الى قسمين..كل واحد له لوبي خاص فيه...وقفنا في اللوبي الأول اللي على البحر (يفصل بينه وبين اللوبي الثاني شارع عرضه ثلاثه متر تقريبا)...وجا العامل يفتح لنا الباب...قال وت از يور نيم بليييز...قلت له ماي نيم از بيتر <<مجرد دعابهقال اووووووووه...يور روم از ان ذا اوذر سايد اوف ذا هوتيل...(يعني غرفتك في الجهة الثانية من الفندق)...طبعا انا وخويي في الحاله هذي...قفففففلت معنا ...لأننا عرفنا مباشره من كلامه ان غرفتنا ماهي على الشاطيء على طول ..مع العلم اني مرسل لإدارة الفندق ايميل اطول مني وانا واقف...انبههم على شغلة اني ابغى غرفه مطله على البحر...ولكن ما احد رد..قلت يمكن انهم بينفذون طلبي من دون ما يردون علي<<<لا عاد تحلل الامور على مزاجك تكفا... المهم دخلنا اللوبي...والصراحه كان تقسيم الفندق ياخذ العقل ومشغلين موسيقى هاديه وكان قمة في العصريه والفخامه ...وكان هذا احد الأسباب اللي امتصت "بعض" غضبنا عليهم... قدموا لنا المشروب الترحيبي وعقود الورد....وكان مشروبهم..على قولة المصاريه...شرباط جلسنا...وطلعت الفاوتشر...وقلت لها...الغرفه ماهي مطله على البحر...قالت لا..!! قلت لييييييييييييييييييييييش يا جعلك الماااااااااااااحي...!! من جد قفلت معي انا وخويي وبغينا نقوم نصفقها هههههههههههههههههههههه قلت..انا مرسل لكم ايميل من ثلاث اسابيع ومحرصكم على الشيء هذا علشان اتجنب مثل هالموقف....وفي الأخير يصير لي بحذافيره....!! اعتذرت وقالت ان الغرفه المطله لها سعر ثاني وطريقه ثانيه...انت الحين رح شف الغرفه...وبعدين نتفاهم...قلت اوكي واروح مع العامل...وبيني وبينكم يوم مشيت في هالممرات المشجره على هالمطاعم على هالبارات على 16 مسبح على حديقه من هنا وجكوزي من هنا(طبعا هذا كله في طريقي للغرفه بس!!) ...نسييييت العصبيه اللي جتني تو ...ويوم دخلنا الغرفه...والله الصراحه روعه...وسيعه وفخمه...وفيها شاور قزاز منفصل عن الحمام ...وبلكونه حلوه ومطله على المسبح على طول ...قلنا طيب نبي نشوف وين البحر عننا...قال يالله...والله ونمشي معه...صار مجرد دقيقه مشي...مع قطع الشارع اللي قلت لكم...رجعنا للوبي...وكان باقي من الغضب اللي تو 5% ...لكن ما نبي نطلع قدامها زلايب ....ونبي نسوي انفسنا معصبين (ولا احنا اصلا اعجبتنا الغرفه مرررره وراحت عصبيتنا )قلت طيب ما ابي ...انا ابي غرفه مطله على البحر...احس انها قالت والله النششششبه ذا ....قالت اوكي...اذا تبي غرفه مطله..نقدر نسوي اب قريد وتدفع 1400 بات على اليوم ونعطيك غرفه مطله على البحر ....بعد مشاورات مع خويي...اتفقنا اننا ناخذ غرفتنا هذي....صح ان البحر ما كان على اللي احنا نبيه بالضبط...لكن ما كان بعيد مره... توكلنا على الله واخذنا الغرفه...والظاهر اني كثرت عليكم الكلام ومن دون صور.... يتبع>> |
|
|
|
|
30-11-2006, 05:59 PM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
قبل ما احطها....اعتذر على ظلام الصور...لكن بدون مبالغة صورت نفس الصور اكثر من 10 مرات وكلها تطلع مظلمه...ذبحتني الكاميرا....لكن هذا افضل شيء طلع معي..
  وهذي صور لشيء زي النافورة او الشلال الصغير...بين المغسلة والسرير...(ملاحظين الدلع ..!!)    لاحظوا في الصورة الأخيره المغسلة واضحه من ورا النافورة... وهنا صورة لباقة ورد تبين الضيافه وشلون...  وهنا دورة المياه الله يعزكم...  وهنا منظر المسبح والحديقة من الغرفة مباشرة..  الفندق كان يحتوي على 5 مسابح مختلفة...مركز صحي ورياضي...مركز للأطفال..مركز مساج واستجمام (سبا Spa)..خمس مطاعم...اربع بارات(طبعا ماهي كلها مشروبات كحوليه لا تخافون ...فيها مشروبات ولا احلى )..مركز تدريب وتجربة الغوص..الغرفة نفسها...كانت الحمدلله ماهو مثل الشيراتون...فيها سيف بوكس...وطبعا نفس نظام الشاهي والقهوه.. بعد ما ريحنا في الغرفه شوي...داهمنا الشاطيء انا وخويي مداهمة كأننا ما قد شفنا موية اعوذ بالله ...وجلسنا نسبح ساعات الى ما تعبنا خلاااااص ...والصراحه الأمواج كانت رفيييعه وباارده ومنننعشه...وهذا بالضبط كان اكثر شيء يهمني... رجعنا بعد السباحة تعبانييين مره....وما كان فينا اننا نطلع عشان نتعشى....طلبنا من الروم سيرفس...وكان اكلهم جيد الممرات في الفندق في الليل كان عليها شكل...كلام ثاااااااااني....الصراحه قمة في الرومانسية..<<اقعد يا رومانسية انت تفضلوا هالصورة..  والمعذره ماهي واضحه لأنها في الليل.. وهنا حطيت لكم مقطع فيديو انا مصوره وانا امشي في الليل في هالممرات...اتمنى يشتغل ويعجبكم.. من هنا بعد ما تعشينا واخذنا لنا هاللفه البسيطه في الفندق...احلى نووووووووووومه..  وبكذا كانت نهاية اول يوم لنا في فوكيت... انتظروا الحلقة الجايه ان شاء الله.. تقبلوا خالص تحياتي....اخوكم..ThE PrOGraMmEr |
|
|
|
|
01-12-2006, 10:51 PM
|
#14 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
وينكم يا شباب
!!ولا حتى رد واحد على كل حال....هذي صورة من شانغ ماي نسيت احطها في التقرير (ترا من زيادة حرصي على هالصورة حطيتها في مجلد ثاني ونسيت احطها في الموضوع )اعتبروها حلاوة الين تجي الحلقة القادمه...  |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:36 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||