 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
26-11-2006, 11:33 PM
|
#61 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
z71_999 :الله يسلمك....تابع الحلقات الجايه ان شاء الله..
 RMQ :تسلم لي اخوي على كلامك الحلو...احرجتني والله...  ...والحلقه بكرا ان شاء الله..لازم نتغلى عليكم شوي  redjoory :اهاااااااه  ...اجل تصدقين ان هاللي تعرفينها كانت جنب زميلي ذا...وكانوا جالسين يشربون موكاتشينو على هالظهر عند النهر...وانا اقول من هالزينه اللي معه ...صرتي تعرفينها...بس الصراحه احس انها احلى قبل عمليات التجميل<<<انبسط على هالسالفه تسلمين اختي على مرورك ومشاركتك الحلوه...وانتظروا ان شاء الله بكرا اخر يوم في شانغ ماي...وبعده جزيرة فوكيت...وآآآآآآه يا فوكيت...الظاهر اني نسيت شوي من قلبي في هالجزيره... عاشقة اوروبا:تشرفني متابعتك اختي....وعساني اكون عند حسن ظنكم... الا تعالوا....ويييييييييين اجابة السؤال اللي انا حاطه في اخر الحلقه ؟؟؟؟؟  يا انكم تلعبون علي وما تقرون الكلام....او انكم كل واحد اغبى من الثاني....والأغلب انه الإختيار الثاني هو الصح لا تزعلوووووون...بس لازم على الأقل تحاولون تعرفون وشي هالنبته...!! والا ترا ابزعل...  |
|
|
|
27-11-2006, 10:22 AM
|
#63 (permalink) | |
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقتباس:
ممكن اجاوب ارجوك والله اعرف الجواب القهوة انا واثقة ان جوابي صحيح بس لوتعرف مين اللي خبرني.........................  ::بس خلى الطابق مستور |
|
|
|
|
|
27-11-2006, 05:36 PM
|
#65 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
koooka :الله يخليك اخوي...وتسلم على الكلام الحلو
....بخصوص الحلقات 4 و5 والله مهوب تمطيط لكن مهوب دايما تناسبني الظروف اكتب الحلقه...واوقات انشغل ....عاد لا تصيرون طماعين ....عطوني فرصه شوي... بعدين انت تقصد...الصفحه 1 و2 و3 ولا لا ؟؟ qatar3333:الله يخليك....والحلقه اليوم ان شاء الله .. عاشقة اوروبا:لا لا خلي اللي نايم بآخر الفصل يجاوب....ايوه يا عنتر...اييييييش....فاصوليا في عينك انت ووجهك....يالله رح للمدير صح على عاشقة اوروبا...بس يا ترا من اللي غششها؟؟<<<يلمح...يعني علمينا منهو RMQ : راحت عليك وسبقتك عاشقة اوروبا...الا تعال...يبدو لي انك راعي الشيروكي الأحمر....يا العربجي...ولا لا |
|
|
|
|
27-11-2006, 05:44 PM
|
#66 (permalink) | |
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقتباس:
مابيصح كذا RMQ بيغش مني وانت ماتقولوا حاجة خلالالالالالالالالالالالالالالالالالالالالالالالال الالالالالالالاص ما بجاوب مره تانيه وراح اخبر البابا والماما (( طالبة مجتهدة و ام قلبين )) |
|
|
|
|
|
27-11-2006, 06:57 PM
|
#68 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
الحلقة االسادسة - اليوم الثالث
حلقة هذا اليوم يلقيها عليكم الطالب الدبشه محمد حسنين عبدربه من جماعة الإذاعه....   <<طبعا ما استحى ولا شيء...ما عنده مشكله هاليوم كنا مخلينها اسلوبه غير عن الأيام اللي راحت....وقلنا خلنا نريح وننام الى الظهر ...واحنا من الأساس ما بقى لنا شيء يستاهل الزياره في شانغ ماي ...عشان كذا....نمنا فعلا الى الظهر...وجحدنا ام الفطور.. عشان كذا قلنا...خلها اليوم شوبينغ<<انتبه يا اللوس انجلوسي بعد عدة مشاورات ... اتفقنا على اننا نروح لمركز Central Airport Plaza فأخذنا تاكسي من الفندق للمول...طبعا مثل ما هو واضح من اسم المركز انه في منطقه المطار....لدرجة اني كنت احس بحرارة الطيارات<<يا كذبك كذباااااااااااه على طاري التاكسي...الفندق كان متعامل في التكاسي مع الشركة العالمية Hertz وكانت على مستوى عالي من الخدمات ...المهم اننا مشينا للمول...وخذوا هالصور للمول من برا وصلنا المجمع...وصراحه كان احلى من ما توقعت...كان كبير وفخم والله... اول شيء رحنا له في المول...كان هو عند البوابة اللي دخلنا معها...وهو عبارة عن محل كبييير مره...يعني ماخذ دور كامل...بالضبط نفس نظام دبنهامز او JCPenny ...المهم انه كان فيه كل ما يطري على بالك من جلديات..تحف..ملابس..اثاث..جزم لكن الفرق انها كانت بستايل تايلندي راقي ...وفي نفس الوقت كانت جودة الأشياء المعروضه ممتازه وكانت الأسعار غاليه والله....لكن بضاعه عليها الكلام...وتصلح للهدايا.. وهذي صورة للمحل ماخذها من موقع...وبالطقاق لقيتها بعد...  بعد ما تبضعنا من هالمحل وخلصنا منه...دخلنا للمول نفسه..<<حلوه تبضعنا هاه.. وخذوا هالصورة من داخل المول  طبعا المول كان اغلبه ماركات ومحلات عالميه...لكنه يفتح النفس وحلو للتمشي .. وللي يحب الكشكات اللي تبيع البضايع الرخيصه واللي من الإنتاج المحلي...فيه برا من الجهة الخلفية للمجمع بسطات كثيييييره وفيها ما يخطر على بال الواحد...لكن طبعا اقترح على اللي يبغى من هالأشياء ياخذها من بانكوك لأن كل اللي موجود في شانغ ماي يبي يلقاه في بانكوك وممكن يكون ارخص ...حتى ان الواحد يريح نفسه من نقل الأغراض...وبرضه يتجنب الوزن الزايد... لكن نصييييحه...اذا احد منكم شاف شيء واعجبه مره....ياخذه على طول....لأني شفت ابجوره في شانغ ماي ...اعجبتني مررررررررره....وجيت اباخذها...وقالي خويي لا...تبي تثقل علينا...قلت طيب<<مخفه ينلعب عليه ..المهم كل ما قلت له شيء قال تبي تثقل علينا خلها في بانكوك...حتى مره جيت ابشرب ببسي قال لا لا...يبي يثقل علينا لأنه يبي يدخل بطنك بعدين تصير انت ثقيل <<مجرد دعابه لا تصدقون يا المخفات الزبده اني في الأخير ما لقيت الأبجوره في بانكوك وعجزت وانا ادورها ....والى الآن في نفسيييييييي ....المهم...طلعنا برا الموضووووو وووع...نرجع للمول..بينما نحن نتسكع ونسحب ارجلنا المشهبّه في المول...فإذا بأحدهم وبكل جرأة منسدح يناظر التلفزيون..!! لعن ابو بليسك استح على وجهك...جالس في بيتكم انت؟؟ لا ويناظر فلم كرتون بعد من زين الطبايع ...بغيت اجيب له ساندوتش جبن سايل وحليب حار واخليه ياكلها وينام عشان يروح للمدرسه خذوا الصورة !!  (معاني الكلمات: مشهبّه:تعني ان البشرة اكتسحها اللون الأبيض بسبب الإهمال وذلك لأنها لم تذق طعم أي من الكريمات المرطبة منذ سنوات عديده )بعد ما ضحكنا ضحك يفقع البطون على الأخ الموضوعه صورته اعلاه...جعنا..<<<ما ادري هو من كثرة الضحك ولا وشو؟؟<<الا والله انتم اللي كنكم جايين من مجاعه ما غير تمشون وتاكلون اعوذ بالله...!! يتبع>> |
|
|
|
|
27-11-2006, 06:58 PM
|
#69 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
المهم بعد محاولة فاشلة لإقناع خويي اننا نتغدى في هالمطعم الياباني
<<<ما تلاحظون انه ممشيني على كيفه  قررنا اننا ناكل في كنتاكي..وكانت هذي هي المره الأولى والأخيرة اللي ناكل فاست فود في تايلند...لأننا نحب الروقان في الأكل <<منتمب عاقلين يا المعاريس الحين !! بس قبل ما نروح لكنتاكي...نسيت اوريكم اكل اليابانيين هالمهابيل  بالله ما كنه اكل ماروكو ذيك اللي في فلم الكرتون ...انا اموت بس وادري وش الهدف من النقطه البرتقاليه اللي في اكلهم ذا !!كنتاكي والله كان روعه ونظيف مره...وكان احلى من اللي عندنا بكثيييير(طبعا في السعوديه )ولا حق الإمارات اذكر كان حلو...ما خلص البوب كورن حقهم الا انا... بعد ما خلصنا من الغداء...اتجهنا نبي ناكل حلى....ولقينا هالحلى اللي شكله يشهيييي من جد   دود وعقارب مشلوطين على الفحم ... انما ايييييييه...في المخ على طوووول... هذا يا طوال العمر...محل صغير "المفروض" ان اللي فيه اكل...لكن الله يكرم النعمه...والله يا عليه رييييحه....تطيح الطياره من السماء مهوب الطير ..!!  المهم....عاد الصدق الصدق....رحنا ناكل آيسكريم...وبناء على توصية من احد الأخوان في المنتدى ما يحضرني اسمه الحين والله...رحنا لمحل مشهور هناك وأصله امريكي في سان فرانسيسكو...اسمه Swensen's <<<وراكم كل واحد قام من مكانه يوم قلت توصيه ؟؟توصية اسكريم بسم الله عليكم مهوب اسهم ...والله الناس لحست مخها الأسهم اعوذ بالله  وهنا الآيسكريم حقي...وش ملحه كنه انا<<ماخذ مقلب في نفسه  وهنا حق خويي بعد الإفتراس...  المول هذا كان فيه حركه حلوه وغريبه شوي... حاطين جوا المجمع في النص...حوض اسماك كبيييير...وفيه اشكال اسماك روعه...وكان فيه واحد طاب معهم بلبس غوص وجالس يأكلهم..خذوا الصوره  صورة مقربه ..  وبكذا خلصنا من المول وطلعنا متجهين للفندق مره ثانيه...وهالمره عاد بالتوكتوك بحكم اننا من زمان عنه ومشتاقين له طبعا اسعارهم عند الأماكن هذي على كيفهم وبدون أية ضوابط...كل واحد على كيفه ...لذلك خلك اقشر ولا تطاوعهم في كل شيء.. بعد ما اخذنا قسط من الراحه في الفندق طلعنا مره ثانيه للنايت بازار...وكنا من المره الأولى يوم نمر من عنده مخططين على محل يرسم رسم غير طبييييييييعي...كنه صوره مهوب رسمه عشان كذا اتجهنا لهالمحل...وخليناه يرسمنا...واتفقنا معه على 1200 بات للشخص الواحد للحجم الوسط...الحجم الصغير كان ب 900 بات على ما اعتقد..وكان اتفاقنا انه يجيبها لنا الفندق بكرا الصباح بحكم انه يبي لها وقت في رسمها وما عندنا استعداد اننا ننتظره.. كانت تساورنا الشكوك انه يبي يجحدنا لكن الحمدلله ما جحدنا وجا من بكرا الصبح...<<بالله وش رايكم في "يساورنا"...والله اني منافس كبير لسيبويه.. بعد ما خلصنا من هالمحل...لفت نظرنا شيء حلو..شوفوا الصور احسن..  والله هالتايلنديين عليهم تقليعات مهومب صاحين طبعا هالقبعات مصنوعه من علب حقيقيّه..بغيت احط فيها شفاط واشرب.. والمعذره على تشويه الصور...بس قلت لازم تشوفونها.. وبكذا كانت نهاية هاليوم...وبكرا ان شاء الله حلقة رحلتنا الى فوكيت...جزيرة الأحلام..<<بكيفي...ودي اسميها جزيرة الأحلام... والمعذره على صغر حلقة اليوم...لكن ما كان فيه تصوير كثير...وبرضه للأسف ...فوكيت كلها ما كان فيها تصوير كثير(طبعا بالمقارنه مع شانغ ماي) ...تقبلوا تحياتي...ThE PrOGraMmEr |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:00 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||