 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
18-11-2006, 03:58 PM
|
#31 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
عطانا المرشد مويه لأن الجو رطوبة وكتمه شوي داخل الغابه...وقال يالله...اتس فري ووكينق ان ذا فوريست...يعني يالله مشي داخل الغابه...طبعا احنا شعب كسول جدا وما نحب نمشي
 ..لكن روعة المناظر تجبرك انك تروح تستكشفها ...واليكم هالصورة اثناء مشي القروب داخل الغابة وطبعا كالعاده...لازم يرافقنا خوينا هذا اللي مسوي فيها يمون علينا...  والله يا هو نششششششبهوهذي صورة شجرة سبحااان من خلقنا  ... غريبة ...طالعة على جنب بعدين مرتفعةتفضلوا الصورة  بعد ما مشينا فتره طويله...وصلنا قرية مزارعين الرز بالمشي..لأنها ما يدخلها سيارات وهي كلها عبارة عن 8 بيوت تقريبا.. تتذكرون صورة حقل الرز اللي حطيتها في اول الحلقة الماضية يوم كنا عند ركوب الفيلة؟؟ ....الحقل هذاك خاص بأهل هالقريه لكن من الجهة المعاكسة...ولو ترجعون للصورة تلاحظون بيوتهم واضحه...تدرون وشلون...لا ترجعون ولا شيء ... هذي الصورة مره ثانيه  وهذي صورة حقل الرز لكن من جهة القرية نفسها  وهذي صورة اعجبتتتتني مره لولد في هالقرية جالس مع ابوه وهو يدرس وشكله يحل الواجب  وهذي صورة من داخل واحد من بيوتهم وتلاحظون البساطه في البيت...والأرضيه تراب...والله عيشتهم صعبه مساكين   وبينما احنا نتسكع في هالقريه<<حلوه نتسكع لقيت شجرة هالموز وقلت اباخذها معي للي يبي فاكهة في العرب المسافرون...ما نبي نقصر معهم  يتبع>> |
|
|
|
18-11-2006, 03:58 PM
|
#32 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
الشغله الغريبه العجيبه في هالقريه على الرغم من فقرها...الا انهم عندهم هوايه مكلفففه جدا...!!وش تتوقعون..جمع طوابع؟؟
الهواية هي مصارعة الديوك!!طيب يا المبرمج يا حبيبنا يا صديقنا يا كويس...وشلون مصارعة الديووك هواية مكلفه انت ووجهك؟؟؟ انا اقول لكم...الديوك حقت القرية ذي اشكالها رزه وماهي مثل ديوكنا الجربانه ...ويقول المرشد حقنا(<<بكم شريتوه هالمرشد ) انها مهيب للأكل هذي لمصارعة الديوك...والديك اللي يصارع صح ويفوز دايم...تبدا اسعاره من 1000 ريال الى 50 الف ريال !!! والديك اللي يصير بطل اولمبي وحصد عدة جوائز...يعني بإختصار محترف مره يوصل سعره الى 100 الف ريال !!! ..ما صار ديك ذا...صار لاند كروزر <<<طيب انت وش فيك من اليوم تبربر عليهم وبس ....وما حطيت لهم شيء يثبت انك ما تكذب عليهم... <<والله انك صادق<<ماعليش عنده انفصام شخصيه ويكلم نفسه كثير ...على كل حال خلاص تمت الموافقه اني احط لكم الصورة احمدوا ربكم.. هذي صورة واحد من ديوكهم في دور الناشئين <<يعني يمكن يجيله 2000 الى 3000 ريال بعد كل هذا...احنا تعبانين من المشي...ومن الصبح صاحين...والحين صارت الساعه حوالي 3 العصر...وبالكاد وصلتنا رجلينا للسياره مشي مره ثانيه<<متعوب عليها بالكاد ولا لا رجعنا نفس طريقنا ودايركت على الفندق...وحنا الحمد لله كنا اول ناس يوصلنا...<<عيال شيوخ طبعا دخلنا الفندق وريحنا بعد هاليوم المشوق والمليء بالإثارة...وجلسنا نطالع تصوير الفيديو والصور الفوتوغرافيه...استمر اليوم بدون شيء يستحق الذكر...ما فيه الا هواش انا وخويي<<طبعا مزح بسم الله علينا ويوم جا الليل...التفتت على خويي وقلت له... هاه؟ اليوم تبي سي فود ؟؟ قال والله ما عندك مشكله..لأنه هو ينافس ذاك القطو الأسود العربجي اللي في توم وجيري في اكل السمك وانا كنت متشهوي على جمبري مشوي ... الللللله...قلت له يالله يا ولد ما بدهااااااش ....دايركت على النايت بازار وكان فيه منطقه والله للأسف ما اذكر اسمها...لكنها معروفه وكلها مطاعم سي فود..ولو تسألون على طول راح يدلونكم عليها... وصلنا مطعم وكنا نحسبه انه الأفضل لكن للأسف كانت مواعينه ماهي بالنظافة المطلوبه ...لكن أكلهم كان حلو وهذي صورة الأكل قبل وبعد...ويالله انك تستر...طبعا الجمبري تبعي والسمك تبع جيري..احم احم اقصد خويي صورة قبل الهجوم  وهذي صورة الشوربه المشهوره عندهم...توم يام كوم...وكانت بيني وبينكم....ماهي شوربه بالفلفل ...كانت فلفل بالشوربه وتلاحظون انها سي فود...شوي وتحط لي معهم سلحفاة  وهنا يتبين آثار العملية الإرهابية...فلا حول ولا قوة الا بالله وانا لله وانا اليه راجعون والله يكفينا شر القطاوه...   وبعد كذا امطرت مطر قوي مررره ورجعنا للفندق...ورحنا للرسيبشن وحجزنا على رحلة لبكرا...تدرون..خلوها في وقتها في الحلقة الجاية... وتحياتي الخالصة لكم... ThE PrOGraMmEr |
|
|
|
|
19-11-2006, 12:52 PM
|
#35 (permalink) |
|
مسافر متالق
تاريخ التسجيل: May 2005
رقم العضوية :23147
المشاركات: 766
|
لا لا
لا لا ماقدر الصراااحة خلاااص انا ميييت ابي اروح تايلاند وانته قاعد تحط صور رحلتك وكانت نفس تفاصيل رحلتنا مطر وخير وشلاشلات وفيلة يالله ماحلى هالبلاد والله اخوي ThE PrOGraMmEr صدقني تقرير رووووعه وانا متابعك على أحر من الجمر وتبي الصدق أحلى مافي التقرير الصور وتعليقاتك الحلوووه هههههههههههههههههههههه وانا دووم اقووول السعوديين بالذات عليهم تعليقتهم تشق بطوووون العالم شق من الضحك رووووح يالغالي وانا متابع ويااااك  اخوك القـــطــــــري |
|
|
|
|
20-11-2006, 12:13 AM
|
#38 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
ابو فارس:تسلم على مرورك يا الغالي...واشكرك على اطرائك الحلو..
وتقرير فوكيت جايك ان شاء الله بعد تقرير شانغ ماي.. lazio : الله يعافيك اخوووي وشرفني مرورك..والحلقة جايتك ان شاء الله..قطري: ليه ليه ليه وش دعوى اخوي صدقني اني من اكثر الأشياء اللي تشجعني اكمل واستعجل في التقرير هو اهتمامك واهتمام باقي الأخوان...فالله يعطيكم العافيه على تشجيعكم هذا..  والصراحه احرجتني بكلامك ...وعسى اكون عند حسن الظن..  ترقب الحلقه الجايه ان شاء الله ... SHARJAH :والله ابرك الساعات اخوي....الله يسلمك والروعه روعة مرورك عزيزي... ابو ناصر: هههههههههههههههه الله يعينك يا رجال...طيب يخوي راس مالها سندوتش جبن سايل انما ايييييه وتايلند والله انا اشوفها احلى للمعرس من العزوبي...وانكان تبي اماكن كويسه انت بس عطني خبر وانا تحت امرك وما لك الا اللي يدلك على اماكن تصير لك شهر عسل ثاني...بس كثر دراهمك حبتين<<تراني اخذ نسبه عشان كذا متحمس خخخخخخخخ البقية جايه في الطريق بإذن الله اخواني...اعتذررر كل العذر على التأخير...لكني والله ما دخلت البيت الا الساعه 10 الليل تقريبا وانا طالع من الصبح الساعه7  ما هنتوا علي والله وبديت اكتب الحلقه لكن اكتشفت اني ما راح اقدر اكملها اليوم...عشان كذا قلت اكملها بكرا على رواقة اكثر...انتظروووني بكرا ان شاء الله |
|
|
|
|
20-11-2006, 10:14 PM
|
#40 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
يقول لكم كان فيه واحد ماشي بسيارته على طريق سريع بين مدينتين جبليتين في النرويج...المهم وهو يمشي وكان الجو ضبااابي...ونور سيارته كان وحده منهم سارقها ولد جيرانهم يبي يركبها على سيارة ابوه
...عشان كذا ما كان النور واضح مره ...المهم وفجأه وهو على منعطف طويل...طلع له ذيب من بين هالشجر وحاول يوخر عنه وزحفت به السياره واتجهت جهة الهويه حقت الجبل... تدرون وشلون...ما لي خلق اكمل القصه تراني اللللعب عليييكم  ...وهالقصه وليدة اللحظه لكن بغيت استهبل عليكم شوي...خخخخخخخخخ تعيشون وتاكلون غيرها يا الزلايب ههههههههه <<بدا ياخذ وجه وصار يمون خلاص..!! نرجع لموضوع شانغ ماي...ولا تدرون..قبل ما نرجع..معليش على التأخير ..الحين نرجع..وصلنا آخر شيء اني حجزت لرحلة بكرا ومن دون ما اذكر لكم اية تفاصيل عنها....يوم نزلنا للرسبشن ذاك اليوم...كنا مخططين على رحله معينة من دون ما نسأله عن الرحلات المتوفرة عنده...الا وهي زيارة اعلى قمة في تايلند مع مجموعة من المحطات الثانية.. كانت الرحلة اطول مدة واطول مشوار من رحلة الأمس...لأن الطريق اخذ حوالي الساعه وشوي...<<انت وراك خشيت في التفاصيل على طول من دون ما تعلمهم تفاصيل مختصرة للرحله.. الرحلة كانت عن طريق نفس الشركة اللي اخذنا منها رحلة امس...اللي هي Journey Tours ..طبعا انا اقيمها 10 على 10 ...فعلا شركة قمة من جميع النواحي وكانت هالرحلة بالإضافة الى زيارة اعلى قمة ..فيها زيارة برضة لكذا قرية في منطقة (سقف تايلند) بالإضافة الى معبد للملك وزوجته وأهم شيء..اروع شلال شفته في حياتي.. كان سعر الرحلة جدا معقول...ب 110 ريال للشخص.. بدينا يومنا كالمعتاد من الساعه 7 ودايركت للفطور...وعلى بال ما لبسنا وتجهزنا<<الله يعيننا وياكم...كنكم تبون تروحون لعرس المهم يوم تجهزنا ونزلنا للوبي واذا بالمرشدة السياحية تترقب بأعينها المفعوصة بحثا عني ...عرفت عن نفسي وقلت اي ام فروم ساودي اريبيا...قالت اقول اها بس انت وسعوديتك...وش اسوي لك طيب...رح اذلف للباص لا الحقك شبشبتي الحين.. <<لا تصدقون عاد!! يوم رحنا صار الباص اكبر واجد واحلى من اللي امس ..وكانت المجموعة اكبر...حيث كانت تحتوي على التالي:1-اسرائيلي واسرائيلية لعنة الله عليهم...فوق على انهم يهود....عجوز بثثثثره وطلباتها واجد...ولهجتها الإنجليزية مدري وش تبي....وفوق هذا كله مسويه فاهمه....وفوق هذا كله...ذا الشايب اللي معها ما يدري وين الله حاطه فيه يدربي رويسه لو اقول له ترانا في تل ابيب مشت عليه ..واصقه بعد من زين الطبايع 2-ايطاليتين حبيبات ووش حليلهم <<<وش حليلهم هااااااه؟؟؟ اعترف وش بينك وبينهم ؟<<<ملحوظه:ترا هالجمله اللي تو كلها عناد لواحد ما ودي اقول اسمه...هو يعرف نفسه...ولا لا يا اسعد الله...؟؟ 3-وحده بريطانيه كنها عروسه(عروسه لعبه مهوب عروسه زينه يعني )...نشبت لأمنا كل شوي تاخذ الولاعه من خويي ناسية ولاعتها.. 4- اماراتي وزوجته شكلهم توهم متزوجين...ووالله والنعم... ..الله يهنيهم ويوفقهم ""قبل ما ابدأ بالصور عندي ملاحظه...ترا الصور كثيره في هالحلقة واكثر من الكلام....ورب صدفة خير من الف ميعاد <<<يا شين اللي وده يبيّن للناس انه مثقف ولا يدري وشلون ...اقصد الصورة خير من ألف كلمة""اول محطه وصلنا لها كانت اول شلال....وللأسف ما اعرف اسمائها...وما امدانا نوصل..الا والفلاشات تبرق....كننا في مؤتمر وكانت هذي اول صورة للشلال قبل ما نوصل له...  لحظة الوصول لمواقف المنتزه  طبعا الجو كان رطب وبرد والله...عشان كذا اللي يبي يروح لهالمنطقه يحتاط بملابس متينة شوي....طبعا البرد القوي الين الحين ما وصلناه.. هالصورة واحنا ندخل للشلال...وتلاحظون على اليسار المرشده السياحيه المفعوصه...ويمين البريطانيه العروسه  كان الرذاذ يزيد كل ما قربنا من الشلال<<<الله يحلل بخاخة الكوي يتبع>> |
|
|
|
|
20-11-2006, 10:15 PM
|
#41 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
ويوم وصلنا عنده مره...والله من كثرة الرذاذ المتطاير...شعري صار رطب كأني توني طالع من مسبح..!!
وهذي صورة للشلال  المنتزه جاي على شكل ممرات وطلعات ونزلات...عشان كذا تراه متعب شوي خصوصا للي معه بزران...مع اني ما شفت ولا احد معه بزران ...لكن عشان تكونون في الصورةوهنا صور واحد من الممرات  وهنا صورة ثانيه اقرب للشلال..  صورة من زاوية ثانيه ولاحظوا طول الشلال مقارنة بالرجال اللي طالع تحت في اسفل الصورة ....برضه لاحظوا وشلون عدسة الكاميرا رطبه مره...وما يمديني انشفها الا وهي مترطبه مره ثانيه...  محطة هبوط الشلال...وتلاحظون فيه اكثر من مدرج<<اقول يا خف دمك انت وخشتك...تراها بايخه ما تضحك...  وهنا صورة اوضح واقرب ومن زاوية ثانيه  وفي الصورة التاليه....دققوا شوي وابشوف من فيكم شاطر ويلاحظ وش الغريب فيها ...وابعطيه فش فاش وعصير غوار ...وبسكوت ريكو منتهية مدته<<<اصلا ما راح تفرق معكم لأنكم انتم ما تبون البسكوت تبون الصورة اللي تجي جوا عشان تكملون الكتاب صح ولا لا؟؟ كفشتكم المهم نرجع لموضوعنا خذوا هالصورة  هاه ؟؟ ما لاحظتوا شيء غريب...ويدل على بثارة وحب استطلاع في الأوروبيين...الأ وهو اللي في اعلى الصورة يسار...ينزلون من الشلال بحبال....والله المزاج الخايس بعد وهنا صورة مقربه لهم  صورة لي طال عمري وانا داخل منطقة محظورة والمفروض ما ادخلها...لكن الممنوع مرغوب ولا المنطقه عاديه....بيني وبينكم بغيت اجي على خشتي لكن الحمدلله ربي ستر ولا كان الحين تلقون احشائي متوزعه ما بين ضفادع وسمك سلمون وتمساح زلابة ما يعرف يصيد.. هذي الصوره خذوها...بس انتبهوا لا تطيح تنكسر..<<شكل انزيم استخفاف الدم يفرز بشكل اكبر اليوم ولا وش السالفه؟؟  مناظر مختلفة من النهر بعد ما يستقيم طريقه...   بعد ما خلصنا من هالشلال رحنا نتجول <<ما تجي رحنا نتجول....يا ذهبنا نتجول ولا رحنا نتسكع<<يبي يكحلها اعماها المهم ونحن بين ازقة هذا المنتزه التقط لي خويي الداشر هذه الصوره المعبره ... وانا متأكد انه من جنبها ولقطها وهو ما قصد  يتبع>> |
|
|
|
|
20-11-2006, 10:16 PM
|
#42 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
محطة انتظار الباصات
 تخبرون انتم التايلنديين...المعابد ما تعووووق معهم...فخذوا هالصورة لمعبد على الطاااااااااير...حق ابو ركعه وقافي  اللهم لك الحمد على نعمة الإسلام... بعد ما خلصنا من هالشلال...توجهنا لأعلى قمة في تايلند...او كما يسميه اهل البلد المحليين ...سقف تايلند...وكان الجو برررررررد بغينا نموت... هذي صورة لنا عند المدخل وتلاحظون في اللوحه...مكتوب الإرتفاع 2565 متر عن سطح البحر..  وهذي وحده من "خزعبلاتي" اللي راح يكون فيه منها الكثير في هالحلقه بإختصار...صورة مقربّه لمنظر ..  وهذي خزعبلة ثانيه <<حلوه خزعبله  وهنا معبد ثاني برضه...ولاحظوا مجسمات الفيله المنحوته على اليمين واليسار....والله يا الفيل لاحس مخهم مثل ما الرز لاحس مخ السعوديين <<اقول لا عاد تشبّه واللي يرحم والديك...  وعشان تصدقوني انها برد وما تقولون اني كذاب خذوا هالصورة<<طيب ما احد قال انك كذاب...يا حبك للشر  وفيما يلي بعض المقتطفات...  وهنا نصب تذكاري لملك مدري منهو...الزبده انه ملك  شجرة شكلها غريب سبحان الله...  وحده ثانية اغرب..  وهنا تحديدا...اعلى نقطه في تايلند....يحمدون ربهم اني جيتها...هع هع هع  وهذا فيل شكلهم يوكلونه سماد كل يوم هههههههههههههههه  متفرقعات(ابو ديك )....احم...اقصد متفرقات   لاحظوا الضباب في هالصورة وشلون مغطي السماء كلها..  من زاوية ثانية  وهنا صورة لتذكرة الدخول حقت المعبد اللي قلت لكم للملك والملكه وتلاحظون صورة البرجين في التذكره..  المعبد كان تصميمه غريب...لأنه كان كله طلعات ونزلات...واماكن تحت في القبو واماكن جايه على نزله...بإختصار كان فيه تشعبات كثيره.. المهم اني انا مسوي نفسي مصور محترف<<والله انك من جنبها عشان كذا...عطوني على قد عقلي وقولواا....هييييييه يا زين تصويرك يا المبرمج زيناااااااه فإليكم ما جادت به نفسي وعدستي<<لا بعد غير انك مصور محترف صاير شاعر.. تفضلوا..      وهذي باقة من الورود اهديكم اياها..  يتبع>> |
|
|
|
|
20-11-2006, 10:18 PM
|
#43 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
الملك المفعوص هو وزوجته الشغاله...ماخذ مقلب في نفسه ويحسب انه حلو...<<وراه شب فيهم ذا...
المهم ان الملك...كان مخلي البرج الخاص فيه طوله 60 متر مقابل عمره اللي هو 60 سنه....وبرج زوجته طوله 55 متر مقابل عمرها 55 سنه<<<عجييب!! بالله عليك ؟؟ واليكم هالصور المتفرقه للبرجين...وتلاحظون انها بالكاد تبين..   منظر بجانب البرجين..  اعجبتني حركة الأرضيه حقت الأماكن المحيطه بالمعبد وقلت اصورها...ولو احد يفكر فيها يسويها في بيته بتطلع حلوه مررره واتوقع تنفيذها سهل ....عاد اذا صرت راعي مكتب عقار وكرشتي ادفها بعربيه ...اجيب لكم الخبر الأكيد...هي سهل تنفيذها ولا لا هذي صورة الأرضية  وهنا صورة مقربة لأحد جوانب البرج...وتلاحظون الرسومات والنحوت اللي تدل على معتقدات متخلفه متعلقه بدينهم....فاللهم لك الحمد والشكر على نعمة الإسلام..  مناظر مختلفة من المنطقه...واعتذر على كثرة الصور اللي ممكن تثقل الصفحه...لكن قلت ابغاكم تعيشون معي نفس اللحظات الحلوه...."والباردة" اللي عشتها    يتبع>> |
|
|
|
|
20-11-2006, 10:19 PM
|
#44 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
واخر شيء لهالمكان...ابوريكم ان جوالي حلو مثلي وفيه حركتااااات...
شوفوا هالصورة....ولاحظوا اللي بعدها...   طالعين كأنهم منظرين مختلفااات تماما...لكنهم فعليا نفس المنظر بالضبط...ولكن مع اضافة تأثير من الجوال<<<تراك ازعجتنا بجوالك...بس خلاص كان البرد شديد للغايه حتى ان خويي بدأت اسمع عظامه تتطقطق وكأنه صوت طفل يأكل طقطوق دجاجه ام 700 غرام <<<معنى كلمة طقطوق :هو الغضروف اللي يجي في نص صدر الدجاجه ويحبونه البزران دخلنا داخل المعبد لكي نتدفأ<<<<اقول يا ثقل دمك ياخوووي...خلاص لا عاد تتكلم عربي فصيح وتكلم زي الناس...يا شين السرق على البجر... <<تراني قاصدها كذا...لا احد يجيني مسوي فيها كافشني.. المهم ان هالبوذيين المهبّل هم وروسهم اللي كنها حبات كيوي عملاقة..كان عليهم حركات وتمتمات ...من جد الواحد يحمد ربه هذي صورتين لهم وهم يصلون...ولاحظوا كمية الورود الهائله اللي حاطينها قربان !!    بعد ما بغينا نموت من البرد طلعنا من هالمبنى يا جعله ينهد فوق روسهم....واول ما طلعت...فإذا بالإسرائيلية لعن الله امها تجيني تقول اني ما لقيت زوجي دوره لي!!!طيب وانا شايفتني من دار الخدمات الإجتماعيه؟؟ المهم اني كنت ما بعد دريت للأسف انها اسرائيلية ولا والله لا اشوتها اخليها تدربى (أي تسقط ) مع درج هالمعبد الين ما يصير رأسها كالخشبة التي يتدرب عليها لاعبي الكونغ فو!! واروح ادوره ...والله اني حبيب وشوي لقته هي جاي يدربي راسه كنه غنمه ضايعه من القطيع... بعد كذا اتجهنا للباص وركبنا قبل باقي القروب ويالله يالله دفينا بعض الشيء...كلها عشر دقايق والقروب مكتمل..ومشينا الى مطعم في اسفل الجبل...بنفس طريقة المطعم اللي رحنا له امس لكنه على اكبر وانظف وافخم... وهذي صورة واحنا نودع المكان  وهذي صورة للبرج و حنا ماشين للمطعم  وصلنا للمطعم...ومن اول ما جلسنا...قالت الإسرائيلية بلهجتها المضحكه..انا ابغى لي سمكه لحالي...<<<والله النشبه ذا البزر وين نجيب لها سمكه لحالها يوم جا الأكل وحطوا سمكه لها هي وزوجها...قالت لا انا وحده وزوجي وحده....يا لييييييل النشششبه ...انا هنا قفلت معي بغيت اقوم افقع وجهها هاللي يبغا له كوي المهم اننا كلنا اكل الله لا يوريكم..كننا جايين من الصومال ...ولعل هالصورة تثبت كلامي هذا اجر ان شاء الله يا سمكتي العزيزة....ما فيه شيء يضيع عند رب العالمين...ابدعي لك في صلاتي وهذي صورة للمنطقه المحيطه....والمنطقه كانت هاديه مره ورايقه  وكالعاده رفيقنا اللي كل يوم ما خلانا...!!  واثناء تسكعي في المنطقه المجاورة للمطعم...التقطت هالكم صورة...ولعلها تبين بعض رواقة وجمال المنطقه..   وهذي صورة لوحة حقت ونيت...لا تسألونني ليش صورتها  وهذي صورة لمجموعة من فاكهة الجاك فروت Jackfruit ولكن يبدو ان العفن اخذ منها ما اخذ والبكتيريا مسوين اطلق فندق في عالم البكتيريا.. <<يقولون عليهم مساج هالفندق انما اييييييه  وهذي برضه فاكهة ثانيه اسمها رامبوتان Rambutan وتراها تتواجد عندنا في السعودية في السوبرماركت الكبيره مثل التميمي وبنده..  وبعد ما خلصنا من المطعم اتجهنا الى المحطه اللي بعد الغداء الا وهي...الشلال الثاني...لكن للأسف برضه حاولت جاهدا اخذ الأسماء لكن ما قدرت لكن الظاهر اني ثقلت عليكم اليوم خصوصا بالصور<<<اشوا انك تبي الفكه عشان كذا راح نكمل باقي الصور لهاليوم في الحلقة الجاية بإذن الله ... وتقبلوا خالص تحياتي...اخوكم...ThE PrOGraMmEr |
|
|
|
|
21-11-2006, 08:53 AM
|
#45 (permalink) |
|
مسافر متالق
تاريخ التسجيل: May 2005
رقم العضوية :23147
المشاركات: 766
|
الصراحة الصراحة
انته ياقلبك قوي وشجاع ولا منسم يعني انا من محبي المغامرات والمخاطر لكن في ديرتي بس انا يوم جيت الشلال كنت بسوي نفسك في هالصورة  لكن ماقدرت خفت ازلق واصير خبر كان ههههههههههههه الله يحفظك يالشيخ |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 08:56 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||