 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
16-11-2006, 09:08 PM
|
#16 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
الحلقة الثانية - اليوم الأول
قبل ما ابدأ الحلقة..نسيت اقول لكم شي يوم اننا في مطار بانكوك بعد ما نزلنا للمطار حولنا 200 دولار وكان سعر الصرف 100 دولار = 3748 بات  نرجع لموضوعنا....بعد ما وصلنا لمطار شانغ ماي بالسلامه ولله الحمد...توجهنا على طول الى كاونتر تأجير سيارات الأجرة Taxi Meter بناء على نصيحه من احد الأخوان في المنتدى والله ما يحضرني اسمه....لكن الله يجزاه خير  ...الشركة حلوه واسعارها حلوه وسياراتهم جديدهيوم طلعنا...وش لقينا..!!..الللله وش هذاك الجو...غيوووووووم ومطر توه بادي يصبببب  وخذوا هالصوره لعلها توصف بعض الشيء من روعة الجو ذاك الوقت...  المهم اخذنا التاكسي وكانت السياره من نوع تويوتا كامري...والله جديده واحلى بكثير من اللي عندنا خصوصا من جوا...المهم كان المشوار من المطار للفندق ب 160 بات !! تدفعها عند الكاونتر في المطار وتعطي الإيصال لسواق التاكسي نفسه...سعره حلو جدا خصوصا انها سياره جديده وهذي صورة من داخل السيارة وتلاحظون قطرات المطر على قزاز السياره<<قزاز ولا محمود سعيد   على طاري الفندق ... نسيت اقول لكم عن فندقنا وتفاصيله  الفندق طبعا حجزته عن طريق نفس المكتب في الرياض...الرويبخ...وهو شيراتون شانغ ماي ويبعد عن السوق الليلي (النايت بازار) دقايق بالتوكتوك..والتكوتوك اللي ياخذ منك اكثر من 50 بات عشان يوصلك من الشيراتون الى النايت بازار تراه لاعب عليك  الغرفه كانت ديلوكس سريرين منفصلات مع الفطور...ومطلة على النهر...وكانت وسييييييييعه بشكل غير طبيعي ..يعني حجمها مقارب لحجم جناح ماهو غرفه عاديه !! ومثل اغلب الفنادق في تايلند...فيها غلاية مويه وامريكان كوفي وشاهي وعدة متكاملة ومجانيه طبعا ويحطونها لك يوميا الهاوس كيبينغ اذا رتبوا الغرفه  سعرها كان 270 ريال تقريبا.. وتفضلوا هالصور من داخل الغرفة  وهذي دورة المياه الله يعزكم...  المنظر من نافذة الغرفة...ويبين لكم النهر اللي داخل وسط المدينة...واسمه (Mocha River) ههههههههههههههههههههه  وتلاحظون طبعا الأمطار من هالصورة...تصدقون انه ما جا علينا ولا يوم في شانغ ماي وما امطرت علينا !! طبعا تسمية النهر هذي مني انا وخويي ولا النهر ما اعرف اسمه ...وترجع التسمية الى ان النهر لونه يشبه لون الموكا الحارة اللي دايما ناخذها من اي كوفي شوب حتى كان يجيني اوقات استهبل على خويي...اقول له مشتهي قهوه؟؟؟ يقول ايه...اقول له خلاص طيب...خذ هالكوب ورح اغرف لك من النهر وحطه على النار شوي...بعدين حط عليه رشّة كاكاو بودرة....الللللله انما ايه...موكا ولا في الأحلام وش خليت لستاربكس وهذي صور من الفندق بس على الجهة المعاكسة للنهر ويظهر في الصورة السوبر ماركت المعروف عندهم Star لكنه منتشر في شانغ ماي بس...  مشكلة الغرفه...مثل باقي الغرف في اي فندق في شرق اسيا او اوروبا...الا من رحم الله...ان دورة المياه الله يعزكم ما فيها شطاف...والله ناس همج ما ادري وشلون عايشه ووشلون يتنظفون..  برضه فيه مشكلة ثانيه في الفندق..الا وهي ...ان الغرفه ما فيه سيف بوكس  ...لكن...فيه تحت عند الرسبشن غرفه ما يدخلها احد الا ومعه موظف من الفندق وفيها صناديق...الواحد منها له مفتاحين وما ينفتح الا بالمفتاحين مع بعض...طبعا واحد يصير معهم والثاني معك...وبطبيعة الحال راح يكونون مختلفات المفتاحين لمجرد زيادة الأمان طبعا بما اننا تونا واصلين...كنا تعبانين جدا من الرحلة ومن شيل وحط وشيل وحط الشنط والتنقل بين المطارات عشان كذا قلنا اليوم خليها راحه...وكنا بطبيعة الحال ساعتها...كالضباع التائهة في صحاري افريقيا ...ميتين من الجوع...فقلنا يا ولد ما فينا نطلع وندور لنا مطعم ...اطلب من الروم سيرفس وعسانا نصبر...طلبنا الأكل وهذي صورة قبل وبعد عملية الإفتراس المبكية   ولا دايم الا وجه الله  خلصنا الأكل وصلينا اللي علينا من الصلاة ... وكلمنا الرسيبشن نسألهم عن الرحلات والجولات في شانغ ماي وبعدين نزلنا لهم بعد ما نزلنا وشفنا بروشورات الرحلات اللي عندهم صفينا على هالرحلة التالية خطواتها: 1-زيارة قرية مربين الفيله...وبعدين ركوب الفيله داخل الغابه لمدة ساعه تقريبا 2-بامبو رافتينق...اللي هو التجديف بقوارب الخيزران....برضه كانت مدته تقريبا 45 دقيقه 3-وجبة الغداء في مطعم محلي قريب من قرية مربين الفيله 4-زيارة شلالات MAEPING الظاهر كذا اسمها..والجلوس عندها والاسترخاء حوالي النص ساعه 5-المشي الى قريه قريبه ودخول بيوتهم ومعرفة اسلوب حياتهم وتجارتهم 6-المشي داخل الغابه وسط مناظر لا يمكن للسان وصفها ...روووعه 7-زيارة قرية مزارعين الرز وتشوف بيوتهم وحياتهم ومزارعهم 8-العوده مشي الى السياره داخل الغابه وتكلفة هالرحلة شامله كل شي مع الغداء كانت ب 1000 بات للشخص يعني 100 ريال...مبلغ حلو جدا قالوا لنا الإستقبال في الفندق ان الرحله من الساعه 8:45 الصبح الى 4:30 العصر والدفع للشركه نفسها بكرا بعد ما حجزنا الرحلة قلنا ورا ما نطلع للسوق الليلي؟؟..ونقول للكونسيرج ديسك(اللي هو مسؤول عن التنقلات والحجوزات)قلنا له نبغى توكتوك للنايت بازار...وطبعا انا كان حلمي اركب التوكتوك من كثر ما سمعت عنه المهم كلها ثواني معدوده والتوكتوك واقف عند الباب ونقوله بكم توديناالنايت بازار ؟...قال سيكتي بات(مدري ليش مهيب سيكستي هههههههههههه) وقلنا خلاص ما عندك مشكله ونركب.....الصراحه التوك توك...اروع مركبه ركبتها...شي بطوولي من جد يوم ركبنا قال لنا الكابتن حق التوك توك...وش رايكم اخذكم في لفه هاااديه على شانغ ماي كلها...وعلى السوق الليلي بعد...لمدة ساعه...ب 200 بات...بعد مفاوضه ما دامت اكثر من اربع ثواني مع خويي..قلنا اوكي وتبدأ رحلة التوك توك الرائعه....واخذ بنا لفه ولا في الأحلام...الجو رااااايق وكانت ترشرش رش خفييييف...يعني حق تلطيف جو...وخذلك يا لفلفه في شانغ ماي...وصلنا كوبري الفحص الدوري يا شيخ من كثر الاماكن<<كوبري الفحص للي ما هو من اهل الرياض هو مكان بعيد عن الرياض شوي وهذي صورة من داخل مقصورة التوكتوك والمعذرة مهيب واضحة لكن انتم تعرفون الهدوء الكبير اللي في التوكتوك...مثل ما تكون راكب بي ام دبليو  وهذي صورة لمعبد لقيناه وحنا نمشي في شوارع شانغ ماي...طبعا لاحظت ان المعابد هناك اكثر من السكان ...كثيييره مره وهذي صورة لسعادتي انا وخويي مع التوكتوك وهو من اخر موديل 2007 وجاي طلبيه من المانيا  يتبع>> |
|
|
|
16-11-2006, 09:12 PM
|
#17 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
بعد ما خلصنا من الرحله ورجعنا للفندق
طلعنا للغرفة ... وحان وقت الإستلقاء ههههههههههه وطبعا كعادتي الكريمة في اي سفرة خصوصا مع خويي ذا...يجلس هو واقول انا ابستريح شوي بس(واسحب عليه وانام ههههههه)...فأنا انسدحت شوي والنور كان مولع الشوي هذا استمر الى صبح اليوم اللي بعده قمنا مصحصحييييين ... وولا احلى...وطبعا خويي قعد يحش فيني عشاني جحدته امس...المهم خذت لي حبة شاور يرد الروووووح ونلبس ودايركت على البوفيه المفتوح ... كان حلو الصراحه ... وما فيه الا احنا عرب وعايله صغيره والباقين تقريبا كلهم اوروبيين... لاحظت الفندق هذا بشكل خاص ... وبرضه الديره بشكل عام (اللي هي شانغ ماي) ما فيها عرب كثير مقارنة بفوكيت وبانكوك المهم ... ان اكلهم كان حلو ... خلصنا وطلعنا للغرفه عشان نتجهز للرحلة اللي حجزنا عليها امس ... واحب انوه لشغله هنا بخصوص المطاعم بشكل عام ... انتبهوا من لحم الخنزير تراه منتشر بشكل كبييييير عندهم وهذا احد اكبر مساوئ تايلند ... وعشان تتجنبونه دايم يصير مكتوب عليه (pork) وفيه مطاعم يسمونه (ham)..في حالة انه ما كتب عليه ...انتم بمجرد ما تقولون للي يشتغل في المطعم انكم مسلمين راح يفهم السالفه على طول...وتراهم متعاونين من الناحية هذي ومتفهمين بشكل كبيير.. وهذي صورة للفندق من برا اخذناها بعد الفطور  من زاوية ثانية  وهذي الصور للنهر...نفسها اللي حطيتها لكم في الحلقة السابقه كتصبيرة  بعد كذا نزلنا من الغرفه ومثل ما قالوا لنا...الساعة 8:45 بالضبط وهم واقفين عند باب الفندق ويدوروني انا وخويي...جتني مندوبتهم....ار يو مستر فلان... قلت لها ايه قالت يالله اذلف على الباص ركبنا الباص وقابلنا القروب الموجود وكان عبارة عن التالي : واحد سويسري غبي ما يتكلم انجليزي وزوجته فرنسية اثنين فرنسيين بالمايونيز...احم احم اقصد فرنسيين شباب وبرضه لغتهم الإنجليزية من جنبها المهم...الطريق كان حوالي نص ساعه ما حسينا بها من روعة المناظر اللي شفناها في الطريق...خضرررره غير طبيعيه لدرجة ان خويي قام يقول امبااااع<<لا يشوف التقرير ولا يبي يصفقني ...طبعا كل هالوقت ما تكلمنا ابد مع الأجانب ذولي...وما فيه الا حش فيهم...وناسه تحش فيه قدامه وما يدري هههههههههه بس اتوقع برضه انهم حشوا فينا الى ما قالوا آمينما علينا...الزبده ....كانت اول محطه لنا هي القرية الصغيرة اللي فيها مربين الفيلة وهم شعب بسيط وحبيبين جدا وفقراء مره في نفس الوقت... طبعا المرشد السياحي اللي كان معنا في الطريق كان يتكلم عنهم ويشرح لنا مكانة الفيل عند الشعب التايلندي وانهم يعتبرونه سبب تحررهم وان بلادهم ما استعمرت قبل كذا ابدا...وعلى طاري الموضوع هذا...فيه نقطه ما قد احد جاب طاريها...معنى كلمة تايلند تاي معناها حرية ...ولاند مثل ما هو معروف معناها ارض...يعني اسمها ارض الحرية... نرجع لموضوع مربين الفيله...يقول انهم هذولي تشتتوا ايام الحرب بين بورما وتايلند وجلسوا على الحدود وصاروا بدون جنسيات...مثل اللي حاصل عندنا في الخليج بين السعوديه والكويت وكثير من الحدود فقامت الحكومة التايلندية بعد ظهور السيارات والدبابات والوسائل الثانية للنقل وتبنتهم بحيث انهم يرعون الفيلة كوسيلة لكسب قوت يومهم...وفي نفس الوقت الحكومة مستفيدة بأنها تضمن ان هالتراث ورمز هالبلاد المعروف من الاف السنين (اللي هو الفيل) يبقى مثل ما هو بعد ما طلعت وسائل النقل الحديثة هذي صورة بيت مربين الفيلة...وتلاحظون كيف انه متواضع جدا...ويسكنه حوالي 8 اشخاص !!  وهذي صورة سواق الفيل حقنا...بس للأسف كانت رخصته منتهيه  وهذي صورة لحقل الأرز التابع لأهل القرية هذي بحيث انهم يأكلون منه ويبيعون منه كمصدر دخل اضافي  صورة للفيله ولحظة عناق رومانسية  هههههههههههه  من ضمن المعلومات الحلوه والمفيده اللي اخذناها من المرشد السياحي ان الفيل يأكل في اليوم اكثر من 200 كيلو غرام !! ويشرب اكثر من 150 لتر !!! يا سااااااااتر...لو تلاحظون..انه راح يحتاج اغلب اليوم عشان ياكل هالكميات الهائلة...عشان كذا...طول ما احنا راكبين على الفيلة ونمشي تشوف خرطومه ما يقعد مكانه يا يمين يا شمال...وياكل الأخضر واليابس والبني والبرتقالي...لو تجي انت قدامه حط عليك شوي شطه واكلك <<<يا خف دمك تكفا هههههههههه هذي صورة للمجموعة وهي راسيه في مراسيها ويظهر السويسري الغبي هو وزوجته والفرنسيين الثانين...ابو احمر يشبه لجوني ديب هههههههه  وهذي صورة من داخل الغابة ويظهر الدلوخ الفرنسيين الأثنين  وهذي محطة بنزين وقفنا نعبي فيلنا بنزين ههههههههههههههههههه  طبعا الكشكات هذي يبيعون فيها موز وقصب سكر وانواع ثانيه من الفاكهه...لكن انتبه مهوب لك انت هههههههه هذي للفيل...وهي طبعا ما راح تسمن الفيل ولا تغنيه من جوع... لكن مثل ما قال المرشد السياحي..هذي بمثابة حلاو او شوكولاتة للفيل كمكافئة له على اللي جالس يسويه لصاحبه وبالطريقة هذي انت سويت ثلاث اشياء...استمتعت وانت تأكل الفيل...دعمت هالمساكين اهل هالقريه بشرائك منهم لأنهم هم انفسهم اللي يبيعون...الفيل انبسط منك وراح يحب خشمك على هالحلويات ...يتبع>> |
|
|
|
|
16-11-2006, 09:13 PM
|
#18 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
طبعا الكشكات هذي ما سووها اهل القرية هذي الا بعد ما لاحظوا اقبال السياح على قريتهم
طبعا كعادتنا احنا العرب طيبين...ما اشترا منهم الا انا وخويي ولا الأوروبيين ناس ماديين بشكل كبير وما اخذوا منها ...والصراحه كانت غاليه وكانوا استغلاليين للسياح بما انهم في مكان بعيد عن المدينه...كان سعر مجموعة كبيرة من الموز وقصب سكر تأكل قبيلة.......كم تتوقعون؟؟؟ ريالين...!!!!!! والله ريالين ما تسوى قيمة الكيس اللي حاطين في الموزوهذي صورة لحظة النزول للنهر...وبيني وبينكم خفت لكن الحمدلله عدت على خير يا قلبي ونسيناهــ....احم احم اقصد عدت على خير  وهذي واحنا نمشي وسط النهر  الصراحه الفيل فيه قوة جباااااااااااره..لان مجرد ان فوقه ناس هذا بحد ذاته صعب...وفوق هذا جالس يمشي في مويه واصله الى بطنه المهم شوي ووقفنا ونزلنا المرساة حقت الفيل عشان ما تسحبنا الأمواج <<<اقول لا عاد تستخف دمك لا اصقعك بالبانر حق المنتدى على راسك ^^ ترا مجرد دعابه ههههههه وهذي صورة لولد وحده من الفيلات<<لا يا شيخ حسبته ولد وحده من راعين القريه والله يا هو كثييير الحركه ورايح من هنا وجاي من هنا ويدخل ويطلع وينزل  وهنا صورة يدي الكريمة وانا اعطي سواقنا حلاو للفيل <<يا شين اللي اخذ مقلب في نفسه...ازعجتنا انت ويدك  طبعا في حالة احد منكم راح لهالرحلة او غيرها...اقصد ركب فيل...يحاول يتجنب انه يلعب مع الخرطوم حقه<<<الخرطوم ولا القاهرة <<بس يا ولد بلاش خفة دم زايده بإختصار...عليه ريييييييحه غير طبيعيه كنها ريحة فم واحد له شهرين ما فرش اسنانه وماكل ثوم وطاق له زقاره ههههههههه <<<الله يقرفك هذي لحظة التشيك اوت من النهر ههههههه...وضحكنا على الفيل الصغير ضححححك لأنه زلق وطاح على وجهه وهو يحاول يطلع  يوم قربنا من نهاية الرحلة لقينا واحد على جنب الطريق...عكر المزاج...وقام يتكلم علينا وارتفعت الأصوات..حتى ان سواق الفيل حقنا تدخل في الموضوع...شوفوا هالشخص اللي ما يستحي لأني صورته 7 7 7 7  معلييييش...تعيشون وتاكلون غيييرها...بس بالله شكله مهوب يجسد الغباااااء بعد ما وقفنا في القراج حق الفيلة...ألتقطت لي عدستي طال عمري هاللقطه ...ولاحظوا شكل الشجرة سبحان الله !! صورة لكوخ صغير يستريحون فيه اهل القرية المساكين بعد عناء العمل..  بعد ما خلصنا من هالرحلة الأكثر من رائعة...توجهنا بالباص لمكان النهر اللي راح نركب فيه التجديف...وما اخذ المشوار ولا دقايق وهذي صورة للحظة الوصول قبل ما نركب القارب..  لحظة الركوب  هذا يوم حط السواق القير في D او معليش حطه بالنمرة 1 لأن القارب كان قير عادي  وهذي صورة السويسري وهو يسوق بنا...والله بغينا نصدم  احد اللقطات من وسط النهر..  اعجبني شكل جذور هالشجره وقلت اصورها....سبحان الله !!  لقطات متفرقة من الرحلة    وهذي صورة لبيوت كانوا يستخدمونها لكن الأن صارت مثل الإستراحات ...لا اكثر ولا اقل  طبعا النهر يوصل لنقطه يشتد فيها مره...ويجي فيه منحدر قوي مره...ولازم نوقف ونركب من مكان ثاني وهذي صورة لحظة المشي بين المحطتين...وتلاحظوني ما علي شبشب كني من بزران عام 1400 هجري  كملنا الطريق...واستلم المبرمج زمام امور القياده في القارب...ويا لها من قيادة....غطيت على مايكل شوماخر...والله يا صدمت صخور الين بغى يجلدني سواق القارب صورتي وانا ماسك العصا حق التجديف...وتظهر البلاهه وقلة الخبره في التجديف<<طبيعي...طول عمرك في الرياض عند هالبرّان ... وشلون تبي تعرف تجدف؟؟؟!!!  وهنا لحظة وصول القارب الى نقطة النهاية  والصراحة كان ودي اكمل باقي تفاصيل اليوم...لكني متأخر على اخوياي...ودق علي واحد منهم تو (نفسه اللي معي في الرحله) وبغى يصفقني لأنهم يبون يطلعون وانا مأخرهم عشان كذا...المعععععذرة على القصور...وانتظروا الحلقة الجاية بكرا اذا الله عطاني عمر ان شاء الله ودمتم,,, مع محبتي لكم... ThE PrOGraMmEr |
|
|
|
|
17-11-2006, 02:05 AM
|
#20 (permalink) |
|
مسافر متميز
تاريخ التسجيل: Sep 2005
الدولة: الشــKsAـرقية
رقم العضوية :49552
المشاركات: 220
|
لااااااااااااااااااااا بالله ألا تستاهل هالختم
V V V V V V V V  كمل وزي ماقلت لك ترانا ما(نداني) الاختصارات هههههه بس شكلكم فكيتوا مع السويسريه انت والطعس اللي معك اشوفكم تتفلتون عليها بالصور هههههه اما عن التقرير فهو زي العسل ياعسل ولا تطول علينا ...ترانا ننتظر على احر من الغضى ابوعبدالملك |
|
|
|
|
17-11-2006, 05:24 AM
|
#22 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
والحلقة جاي بكرا ان شاء الله
كانكون: حياك ربي اخوي...والروعه روعة مرورك وردك على تقريري....تابعنا وتلقى اللي يسرك ان شاء الله معليش نزلت الحلقات من دون ما اراجع لأن مثل ما قلت اخوياي نشبوا لي...فأنتبهت بعد المراجعه اني علقت على صورة وما حطيتها وكان هذا هو التعليق وتحته ابحط الصورة "بعد ما وقفنا في القراج حق الفيلة...ألتقطت لي عدستي طال عمري هاللقطه ...ولاحظوا شكل الشجرة سبحان الله !!" وهذي الصورة  انتظروا الحلقة الجايه سلااااااااام |
|
|
|
|
18-11-2006, 09:11 AM
|
#26 (permalink) |
|
مسافر فعال
تاريخ التسجيل: Nov 2005
الدولة: السعودية - الشرقية
رقم العضوية :51384
المشاركات: 112
|
أولاً
الحمد لله على السلامةثانياً سرد رائع جدا وأنا صراحة الشك بأنك صحفي بارع ثالثاً من قال لك احنا مستعجلين بس لا تستعجل وتقعد تخربط في سرد التقرير لأن اسلوبك أكثر من رائع كما خفت دمك واضحة في التقرير ربي يحفظك ويسلمك |
|
|
|
|
18-11-2006, 03:33 PM
|
#29 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
sec0015 : اعتذرررر اخوووي اسف اسف
...توني انتبه لردك والله...حياك اخوي..ومشرف التقرير ...والمزيد جايك في الطريق ان شاء الله...اخوك sec0023  نسيناكم:يعطيك العافيه اخوي على هالكلام الحلو...والحلقه جايه ان شاء الله soilrich :والله الصراحه احرجتني بكلامك اخوي ...والبقية في الطريق بإذن الله.. المفهي:الروعه روعة مرورك وانا اخوك...وتونا على التشطيب وانا اخوك...ما بعد قام التقرير ...لا يزال عظم abbasmuy :الله يسلمك ويبقيك اخوي ....وبعدين لا صحفي ولا شيء...هي تجي معي كذا...ولا انا ما عندك احد في الكتابه ...لكن نحاول نقلد بعض الكتاب الكبار هنا في المنتدى ...تسلم لي على كلامك يا الغالي...تابع وتلقى اللي يسرك ان شاء الله المزمجر :لا معليييش..النوم ممنووووع ...تبي تنام رح لبيتكم ياخوي<<والله الأخلاق التقرير تقريرك...وان بغيت تجيب عشاء وشيشة ما عندك مشكلة والحلقة....الحين بس ابنسقها واحط روابط الصور وانزلها لأنها جاهزه من امس شقردي:تسلم لي اخوي على كلامك الحلو ....والمطار الجديد والله سمعت عنه كثير ويوم جيت ابرجع للسعوديه قال لي السواق ان المطار الجديد من هنا...بس ما شفته للأسف ...لكن الجايات اكثر ان شاء الله |
|
|
|
|
18-11-2006, 03:57 PM
|
#30 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
الحلقة الثالثة - اليوم الأول
بعد ما وصلنا ولله الحمد من رحلة البامبو رافتينق الممتعه...حان وقت الأكل هاهاها <<<الرحله هذي اكلت فيها اكل حق عشر سنوات قدام المطعم كان في قرية صغيره وقريبه من المكان اللي احنا فيه...وكان مطعم صغير ومتواضع...لكن اكله حلو ونظيف وكان الأكل منوع...يعني الحمدلله ما كان من اكلهم الغريب...كان رز وخضار ودجاج...بإختصار يناسب جميع الأذواق لأن جميع زباينهم مهوب من تايلند والمطعم عبارة عن بيت تقريبا وتديره عائله..وكل زباينهم مثلنا..ناس جايين عن طريق شركة سياحية وسوو نفس جولتنا ويوم جا وقت الأكل جو للمطعم المطعم بشكل خاص وتايلند بشكل عام يعيبها شي واحد ... لكنه يسبب مضايقات بشكل كبير ...الا وهو "الكلاب" الله يعزكم ....وين ما تمشي فيه كلاب....وفي المطعم هذا تحديدا ازعجوا حياتنا ما عرفنا ناكل زين بس اني في الأخير عصبت وقمت اشوت الكلب اللي جالس عند رجلي وما عاد رجع ليبس في الحاله هذي احسن شي تسويه انك تبلغ اصحاب المطعم ويجون يضفون كلابهم لأن خويي سواها وفعلا...راعية المطعم صقعت كلبها مع بطنه صققققعه يا ساااتر بس !! بغى ينكسر ظهره ومن بعدها ما رجع لنا.. هذي صورة للمطعم من برا...وتلاحظون كيف انه متواضع وصغير  وهذي صورة لكلب (الله يعزكم) قزم شكله يضحك داخل المطعم  بعد ما خلصنا ماكلين.... جابوا لنا اناناس من احلى والذ ما ذقت في حياتي حتى تلك اللحظه <<<ممكن تتسائلون وتقولون...يعني اكيد فيه اناناس اكلته بعد هذا وكان احلى!! ....انتظروا الى ما نوصل فوكيت وتعرفون طلعنا بعد الأكل انا وخويي نتمشى شوي على رجلينا في القريه....ولقيت لكم هالحلزون...وكان يمشي في الشارع   بينما احنا نمشي ... ونسمع صوت عزف غيتااار ولا احلى...يوم رحنا لقينا المرشد السياحي الخبل...جالس ومعه شلة من التايلنديين الزاحفين...جالس يعزف ويغني واليكم هذه الصورة ويظهر فيه اكوس مرشد سياحي.... Lee ... حيووووووووووووووه  بعد ما خلصنا من المطعم...اجتمع القروب وتحركنا لشلالات MAEPING مثل ما ذكرت لكم في الحلقة السابقة من يوم ما قربنا للشلالات وحنا نسمع صوت ضررررب المويه...وما احلاه من صوت يريح النفس ويطلع اللي فيها من الهموم...<<منتب عاقل اللي يشوفك يقول عيالك يبون ياخذون املاكك وزوجتك مسيطرة عليك وتفضلوا هالصورة قبل ما نوصل تماما للشلال  وهذي بعد ما جينا في وجه الشلال....وكان يجي منه رذاذ نفس حق بخاخة الكوي <<قروي كان يجي منه رذاذ يرد الروح وهذي الصورة  منظر اعجبني من جانب الشلال  بعد ما استرخينا انا وخويي عند الشلال...وكان الجو رومانسي لدرجة اني بغيت اقلب على خويي <<<بس يا ولد عيييب مشينا الى قرية صغيييره ومتواضعه...لكن للأسف ما يحضرني اسمها.... فيه معلومه حلوه نسيت اقولها...شانغ ماي بشكل خاص وشمال تايلند بشكل عام نسبة المسلمين فيها قلييييييييله وطوال وقت جلوسي في شانغ ماي ما صادفت الا مسلم واحد كان يشتغل في الهاوس كيبينغ حق الشيراتون.. على عكس جنوب تايلند بشكل عام وفوكيت بشكل خاص...المسلمين اكثر هناك بكثير..وصادفت كثيرين في اماكن مختلفه.. نرجع لموضوعنا...رحنا للقرية هذي...وكانوا مساكين وبيوتهم مره متواضعه..لكنهم ما تفارق البسمه اوجههم وطيبين مره...والشيء هذا يتجسد في الصورة ذي  وهالصورة صراحه انا اعتبرها من احلى الصور اللي صورتها ...تصلح انك اذا سألك احد...ليش تايلند اسمها ارض الإبتسامه؟؟...توريه الصورة هذي... عالعموم...القرية هذي سكانها هم نفس وضع مربين الفيله...بورميين الأصل ولكن تشتتوا مع الحروب...ودخلها الرئيسي هو من بيع المزروعات والفواكه ...وبشكل اكبر...نسج قمصان وشالات وتنانير بطراز تايلندي ...الصراحه كانت جودتها عاليه ومن قطن طبيعي 100% لكن ما اعجبتني تشكيلات الألوان عشان كذا ما اخذت ...وكان كل بيت لازم الأم فيه تشتغل الشغله هذي..ودخلنا في بيوتهم وجلسنا معهم وشفنا الشيء هذا قدامنا فيه شغله بخصوص بضايعهم هذي...نبهنا عليها المرشد السياحي...الا وهي انهم ما يبالغون في اسعارهم...وهذا فعلا حق تعبهم...يعني بإختصار لا تكون طماع وتجلس تحاول تخليهم يرخصون لك في الأسعار...وفعلا كانت اسعارهم معقوله جدا...وواضح انهم ناس محتاجهالصراحه صورت كم صوره داخل بيوتهم تبينهم وتبين منسوجاتهم لكن ذبحتني الكاميرا ...ولا وحده من الصور طلعت واضحه كلها مظلمممممممممه وما يبين شيء...عسى الله ينور قبورنا وقبور المسلمين...اللهم آمين بعد ما خلصنا من القرية هذي...حركنا بالباص الى مكان قريب وداخل وسط الغابه ووقفنا... وهذي صورة الطريق اللي دخلنا معه..  يتبع>> |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 08:57 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||