 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: chiang mai, phuket |
 |
|
|
أدوات الموضوع | انواع عرض الموضوع |
|
|
16-12-2006, 10:04 PM
|
#1 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
عاشقة اوروبا: العفو اختي...لكن اذا تبين الصراحه..
 والله كنت مجهز الحلقة من الأساس قبل ما اشوف الرد..  والحلقه باقي وحده ان شاء الله غير اللي ابنزلها الحين.... مشكوره على الإهتمام والرد... sfsf :العفو اخوي...وتسلم لي على مرورك.. بوكيت فعلا تشبه بينانغ كثير...لكن انا احس ان فوكيت فيها اشياء اكثر تروح لها خصوصا الرحلات اللي تاخذ يوم كامل...عكس ماليزيا اللي انت تكون ترتب يومك كله بنفسك بخصوص فوكيت وشانغ ماي...لا...انا اشوف انها ما تكفي ابدا...لأن هذي ساحليه وهذي جبليه...هذي تهدا من بدري(شانغ ماي)...وهذي ما تنشط الا في الليل (فوكيت)<<حشى صاروا براكين هذي كلها مناظر طبيعيه وخضره (شانغ ماي)...وهذي كلها شواطيء (فوكيت) لكن اذا كنت ملزوم تستغني عن وحده منهم...استغني عن شانغ ماي....لكن لو تستغني عن فوكيت راح ازعل عليك..!!  تسلم لي على مرورك يا الغالي سارة : الف شكر لك اختي على هالكلام الحلو...والتكملة في الطريق ان شاء الله.. KOOOKA : والله اتشرف ان قرارك هذا تغير من تقريري...وبعدين الليز والسن توب...اذا تبي علمني اعطيك تمويل يكفيك طول ما انت موجود هناك... التقرير الرائع في الطريق يا "رائع".. الباسل:تسلم لي اخوي الله يعافيك على هالكلام.. مشكور على الرد.. هاوي نفود:ما عندك مشكله يا رجال...اقتبس التقرير كله ان بغيت وانا شارب حليب والله قبل شوي...بس يمكن مدته منتهيه وكلامك هذا كبر راسي والله وخلاني ما اقدر ادخل غرفتي...الحين انا اكتب عند الباب حق الغرفه لأن راسي ناشب في الباب...كله منك...<<< والله النصصصصب بعدجايتك الحلقه..  عاشقة اوروبا:الحمد لله على اسلامه...وين هديتي اول؟؟ بعدين التأخير والله ماهو بكيفي...الوقت منضغط فيه...وانتي شوفي بنفسك الويك اند حتى ما يجي ردود فأنا وش زودي...تبوني اجلس الويك اند في البيت اكتب لكم التقرير طال عمركم وانتم اللي مسافر واللي طالع للبر...والله بعد..!!<<عصب مشكوره على الإهتمام رسيل:مشكور اخوي...والتكمله في الطريق ان شاء الله |
|
|
|
16-12-2006, 10:35 PM
|
#2 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
وش !! تنتظرون اكتب رقم حلقه..؟؟
خلاص عاد مهوب حلى ...شايفيني اشتغل عندكم انا اقعد اعد....والله ناس غريبه!! كل واحد على كرسيه يالله...!!<<ما افطر اليوم..عشان كذا المزاج تعبان شوي يا كويسين كلكم....وين وصلنا امس؟؟<<صدق من جد انه مدرس ذا!!  ايه ذكرت...خلصنا من فانتاسي ورجعنا للفندق...طبعا احنا كنا على غدانا...عشان كذا كنا جايعين..<<لا حووووووووووول ولا قوة الا بالله...كل ساع ونص اكل انتم ...دجاج؟؟<<لا ديوك ب 50 الف انا كنت منقهر اننا عندنا في الفندق 5 مطاعم وما قد كلنا الا في سينامون عشانه حق الفطور بعد ولا كان ما جيناه.. قلت لخويي شف....تراه الزعل ان ما تعشينا اليوم في الفندق ...<<طالع ابو صالح اسمك على هالأسلوب مهوب المبرمج..!! المهم اننا زي العاده كانت ماسكه على سي فود (Akel Ba7ri) <<الهليّل قلنا ان سينامون غير اننا نفطر فيه يوميا...متعشين فيه من كم يوم وبرضه كان بوفيه مفتوح مشويات...عشان كذا صفينا على اننا نروح لمطعم فيشر مان Fischer Man طبعا مثل ما هو واضح من اسم المطعم انه اكل بحري...رحنا وكل واحد اختار له سمكه...وانا اخترت هالسمكه>> )===> <<<يخوي صاروخ ذي مهيب سمكه جلسنا على الطاوله وكان يبدو ان فيه مظاهر فرح في المطعم لكن حنا ما ندري وش السالفه...مر الوقت وكانت جنبي وحده ايطاليه ما هضمتهاااااا...أحس ان اسمها سميحه..<<لا تسألون ليه عاد...احساس وبس..!! بعد ما تجاذبنا اطراف الحديث انا وخويي...انقطع واحد من اطراف الحديث ..<<<يااااااااا خفففف دمك يا شييييييييخ.. المهم انه شوي وجاء الطلب حقنا...طبعا نسيت اقول لكم وش طالب انا...خويي تقليدي ما يحب يجرب اشياء جديده يخاف ما تعجبه لكن انا قلت ابجرب هالطلب...سمكه يجيبونها وهي ما هي مستويه 100% ويقوم يصب عليها زيت خفيييف (يعني خفته مثل خفة المويه)...ويقوم يولع فيها بالولاعه...وعينك ما تشوف الا اللهبببب...وهذا الشيء هو اللي يخليها تستوي 100%  طبعا يوم جتني السمكه اعجبني شكلها...لكن لا اخفيكم سرا انها كنها جمس صادم له نخله وانعفط عليه الشاص خذوا الصور توضح كلامي اكثر..  وهذي صورة افقيه ملتقطه من هيلكوبتر اباتشي موديل 1985 وترا راعيها يبي يبيع ب 18000 بات اللي يبي يشتري...<<اما لو كذا...كان الهيلكوبترات اكثر من عدد الزقاير المطفيه في البطحاء..  وهنا اكل خويي التقليدي هالزلابه..  طبعا ممكن تتسائلون...ليش قلت ان المطعم فيه مظاهر فرح..طيب فيه مظاهر فرح حنا وش نسوي لك؟؟ انا ابقول لكم الحين...شوي الا واكتشفنا انه اليوم النهار كان فيه عرس ايطاليين<<جالسين في صقلية مهوب فوكيت على هالإيطاليين..!! كان المكان كله عقود ورد ابيض معلقه في كل مكان... المهم شوي الا والمعاريس راجعين في نفس المكان اللي تزوجوا فيه...والمسيكين جالس يحاول يصور نفسه هو وزوجته...وهنا ضرب معي عرق الفزعه العربي ...والله واقطع عشاي واقوم عشان اصورهم<<<اشوا انك قايم تبي تشوف الإيطاليه يا رجال هو يوم شافني جاي ابساعده في التصوير...يا شيخ مهوب انبسط...الا كني معطيه فله على الشاطيء...بغوا يحبون رجلي من الإمتنان ...والله والتقط لهم صور خطافيه واسوي نفسي ادنق واجيبها من هنا ومن هان علشان ابين لهم اني مهتم... رجعت لعشاي...ولكم ان تتخيلوا الجو الرومانسي التالية تفاصيله : المطعم انواره خاااافته...وعلى البحر مباشره..ولكم ان تتخيلوا صوت امواج البحر  ...وعشاء لذيذ وولا اروع ...وشمعه جنبها ورده على الطاوله...تتوقعون فيه اكثر من كذا؟؟؟ انا اقول ايه امطرت ...وحنا طبعا تحت مظله...والله من كثر ما الجو روقااان...بغيت اعظ ورده واعطيها خويي زي ذا.. يتبع>> |
|
|
|
|
16-12-2006, 10:36 PM
|
#3 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
خلصنا من العشاء ورجعنا للغرفه...وعدت اليومين اللي بعدها بدون شي يذكر..اللهم اننا تغدينا من بكرا في نفس المطعم ذاك اللي اخذنا منه حق 5 اشخاص لأنه حلو...والباقي بين جلسه في الفندق وسباحه ودوران بالدباب على هالشواطيء..
ما عاد بقى من جلستنا في فوكيت الا يوم  اللي هو بكرا..واللي بعده رحلتنا لبانكوك.. قلنا يا ولد ما ينفع نجلس كل هالفتره كذا..خلنا نستغل الوقت..انا من العام في ماليزيا وانا في نفسي رحلة صيد بالقارب..قلنا يالله نروح لخوينا الغبي في المكتب السياحي...ورحنا له...ولا يزال الحليب اللي هو صابه لربّه ما انشرب...!! لحووووووول..والله يا هو قاهرني  ...بس شكله ما يحبه الا بالزنجبيل ههههههههههههههههههه المهم زي العاده جلسنا طول النهار نوضح له وش نبي...اخيرا وبعد ساعه بدون مبالغه طلعنا من عنده واحنا حاجزين على رحلة صيد سمك على بكرا الساعه 8 الصبح الظاهر... خلوا تفاصيل الرحله اذا وصلنا لها اوكي..حاسبنا راعي المكتب وكان سعر الرحله 140 ريال على ما اعتقد للشخص وشاملة الغداء.. جا بكرا..وكررنا الروتين اليومي...الفطور بعدين نلبس ونتأخر لازم ههههههههههههههههههه طلعنا للوبي وندور المندوب والحمدلله لقيناه ما كان معصب مثل قاتل الكلاب اللي في رحلة في في طلعنا مع الباب...ندور الباص ...يمين ...يسار ...ابو الشباب المندوب نشوفه متجه لوانيت ايسوزو...!!! والله صارت سيارتنا ونيت مغطى صندوقه من ورا...!! ويييين يا عمي...شايفنا نياق مجاهيم...ولا تيوس تبي تذبحهم بحكم ان عيد الأضحى قرب؟؟ المهم قلنا امرنا لله...وركبنا...يوم ركبنا كان الطاقم مكون من التالي: اثنين هولنديين...اطلقت على واحد منهم اسم شنايدر من عندي واحد اوروبي بس ما عرف من وين بالضبط...المهم ان سنه اللي قدام (واحد من القواطع) طوله 34 قدم والله يا هو طويييييييييييييييييييييل واحد ماليزي بس انه ماهوب مسلم... وحده تايلنديه قبل ما تجي شكلهم ملصقينها على صيخ كباب ومقلبينها على جمر ابو خمس دقايق....نحيييفه وسمراء ...المهم اني ما ادري هي جايه لحالها ولا خوية واحد من ذا الدلوخ..!! لأنها شوي تقعد لحالها بعدين شوي يقعد يتميلح عليها بقز بني (ابو 34 قدم) ...المهم مهوب موضوعنا...اول ما ركبت...قالي شنايدر...قود افتر نون...(لاحظوا اننا الصبح) ...انا قلت يمكن انه غلطان...!! ورديت عليه قود مورنينق.....قال قود ايفنينق....صار ابو الشباب مهوب عاقل قاعد يذب (يستهبل علينا) عشاننا متأخرين....ثكلته امه المهم...هو قال هالكلمه ولا ما قالها...طول الطريق واحنا نحش فييييييه...قطعنا جلده تقطيع ههههههههههههههه طبعا المرسى حق السفن هو نفسه حق في في ايلاند...وهذي صورته..  ركبنا القارب...وحركنا وكانت حركته بطيئه نسبيا...انقضى الوقت بالسواليف مع خويي ومع شنايدر...والمناظر اصلا كانت حلوه في الطريق.. البرنامج حق الرحلة كان...اننا "المفروض" بعد ما نمشي بشوي يفكون سنارات كبيره ومثبته في القارب نفسه....وتسحب معنا ...الى ما يجي سمكه ماكله فول ذاك اليوم ومتنحه وتحسب الطعم قطعة هالمطاط اكل وتطيح في الفخ الجزء الثاني من الرحله وكان بعد الغداء(خلوا تفاصيل الغداء اعطيكم اياها في وقتها)...كان صيد حر...يعني يوقف القارب وكل واحد يرمي سنارته وهو وشطارته.... طبعا القارب كان فيه كرسي في النص يكون حق الشخص اللي يبي يجلس يصيد...وكان الترتيب بناء على قرعه سواها السواق بداية الرحلة...من زين الحظ انا آخر واحد رقم 7واول واحد كان شنايدر... طبعا انا قلت فوق...."المفروض بعد ما نحرك بشوي" لكن ابو الشباب سواق القارب...كان ماااااسك خط ..وصلنا خليج عمان الا شوي يوم انكشفت الأمور صار ابو الشباب معه ورق شام...وقاعد يلف حشيش وهو يسوق بنا والله خووووووووش .....وسط هالبحر ...وسواقنا محشش ...ومعنا صيخ كباب على شكل حرمه ...وشنايدر....وبقز بني....وش هالطلعه اللي من بدايتها كذا..؟؟ المهم بعد ما قربنا من مسقط ههههههههههههه اخيرا قرروا انهم يفكون السنارات...وبدا الحماس وجلسنا ننتظر يمسك شي في السناره...وكان شنايدر بسم الله عليه خايف يفوته دوره الظاهر...وجالس على الكرسي...  خذوا هالصورة..  يظهر شنايدر وهو مسوي فيها بطل كمال اجسام وفاصخ فنيلته...ما درا ان جسمه اقدر اسوي به مرقوق وعلى اليمين بقز بني...واحمدوا ربكم انه مسكر فمه ولا كان صارت الصوره كلها بيضاء من سنه وهذي صوره ثانيه...  ويتبين خويي على اليسار...وفي النص السواق اللي يجسد اللامبالاة ...واللي يمين خوي شنايدر الهولندي...ما امدانا نمشي شوي...الا والله السناره قامت تطامر...قلنا اوووووووه من بدري كذا...شكلنا اليوم يبي يدور علينا الدور ست مرات ..!! المهم ويبدا شنايدر يسحب ويسحب في هالسناره الين بغا ينقطع قلبه...والله ويصيد ثنتين دفعه وحده...وكان سمك تونه كبيره ما عليها...كبر ذراع الرجال تقريبا.. طلعناهم وحطيناهم في الصندوق...وجا دور الماليزي...  وننتظر يمكن ساعه..!! يتبع>> |
|
|
|
|
16-12-2006, 10:36 PM
|
#4 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
وبعدين بدأ يسحب...ويصيد وحده برضه سمك تونه...هالكلام تقريبا الساعه 10 الصبح...انا مسيكين مأمل انه يبي يجيني الدور..والله ونمسسسك خط الين رجعنا ما صدنا ولا شيء
اخر شيء كان اللي صادها الماليزي... جاء وقت الغداء...وديورنا من خليج عمان ...ووصلنا لجزيرة راتشا...اللي فيها اللي يعرف المنتجع البطللللللللل The Racha وهذي صورة للجزيرة ومعليش ماهي واضحه لكن الشمس كانت مره قويه..  طبعا احنا شايلين هم الأكل وش يبي يصير...ما ندري وش يبون يسوون لنا هالتايلنديين..!! قلنا يالله..شباب في رحله...تتسهل.. وهنا بداية عملية تجهيز السمك...  وهنا التجهز لتقطيع السمكه..  لحظة دخول السكين...<<دقيق الولد  وهنا بعد التقطيع...  يوم وقفنا في هالجزيره...والله يا جماعه جزيره ...شيء لو اجلس اتكلم عنه عشرين سنه ...ما راح اقدر اوصفه واعطيه حقه ..حتى هالصور اللي ابحطها ما راح توصف ولا ربع الإحساس الفعلي ...خذوا الصور...   والله اذا شفت هالصوره اللي تحت وشفت صفاوة المويه...شوي واصيح كل ما تذكرتها....شيء لا يمكن وصفه...والله العظيم ما ابالغ لكن اصفى من موية مسبح بيتنا...!!  طبعا انا يوم شفت هالمنظر نسييييت اني جوعان وعلى طووووووول لبست لبس السباحه ...واخذت النظارة وعدة الغوص (طبعا موجودة في القارب) ...وانقز من اعلى القارب في هالمويه اللي ترد الروووووح....والله مناظر خرااااااافيه ...ومويه منعشه بشكل لا يوصف...وصافيه بشكل لا يوصف....وبرضه على هالصفاوه كلها...تخيلوا....عمييييييقه بشكل لا يوصف....يعني تقدر تشوف القاع وهو تقريبا 15 الى 20 متر شنايدر طاب قبلي وسبح الين وصل الجزيره...انا سبحت وقربت مرررره من الجزيره لكن كانت مليانه صخور وعورتني رجلي مره...ديورت للقارب مره ثانيه...ويوم وصلت كان الغداء على وشك يخلص... نزلت عند المحشش هههههههه والقى الدعوى قلي سمك ورز ابيض... يوم جهز الغداء...صار كل واحد له صحن كبير رز ابيض...وفي النص فيه الصحن اللي فيه السمك المقلي...كان من برا مقرررررمش ولييين وحار من جوا...اللللللله...<<<احس انكم قطرت سعابيلكم الصراحه وبدون مبالغه....احلى والذ سمك اكلته في حياتي ....لاحظوا...كنت شايل هم الغداء وش يبي يصير..!! شوي ويقوم ابو الشباب ويفك الثلاجه ويطلع ببسي وسفن اب وشغل عدل... وحاط فخذ دجاجه كبر خويي لكل واحد عشان الي ما يبي سمك... المهم كل واحد منكم يتخيل انه ياكل سمك ما له الا ساعه مصيود من البحر...وعلى هالمناظر الخرافي...ومع ببسي باااااااارد  ...وفي الهواء الطلق....شي لا يوصف طبا بعد ما خلصنا...قاموا هالكلاب ويكبون باقي الأكل في الزباله ...واقوم انا واخذ صحني....واروح في الجهة الثانيه من القارب ...والله واسوي مأدبه للسمك ما يحلمون بها...اكلوا اكل...كبيت لهم كل اللي باقي في صحني.....حتى يوم خلصوا....قالو اكرمك الله ابو خلود رجعنا بعد الغداء....وننتظر نصيد شيء...!! ننتظر...!! ما حولك احد....يوم ملينا مره وما بقى الا ساعه تقريبا على نهاية الرحله...وقفنا... وكل واحد مسك سنارته وبدا يحاول يصيد بنفسه....طبعا ما احد صاد الا السواق صاد 5 سمكات!! وخويي صاد وحده بس....!! والباقين ما عندك احد.. رجعنا من مكاننا...واخذت لي غفوه انا وخويي في سطح القارب..شوي الا واحنا واصلين لنفس الميناء...ونفس طريقة رحلة في في كانوا لاقطين لنا صور في بداية الرحله ولقيناها للبيع...طبعا اخذناها.. رجعنا للفندق...وصارت لنا قصه مثيره في نفس هاليوم ...وكاد مجموعة من الشباب التايلنديين ان يجتمعون علينا بسبب سوء تفاهم ويصفقوننا تصفيقا ...تبي تقولون ليش ...اقول لكم خلوها الحلقه الجايه ...لأنه بالنسبه لي هالشيء درس مهمممم وملاحظه مهمه ابنبهكم عليها في فوكيت بسببها بغيت اروح خبر كان لولا ستر رب العالمين وسرعة التصرف مني ومن خويي... وعلى فكره...الحلقة الجايه بإذن الله الحلقه الأخيره... وبعدها ابسوي مثل ما قلت لكم في بداية التقرير مقارنه مبسطه بين تايلند وماليزيا (من وجهة نظري)...وابحط ملخص نقاط مهمه.. اتمنى الصور اعجبتكم لحلقة اليوم...والمعذرة على قلتها...لكن الجود من الماجود... تقبلوا تحياتي...ThE PrOGraMmEr |
|
|
|
|
17-12-2006, 10:47 AM
|
#6 (permalink) |
|
مسافرجديد
تاريخ التسجيل: Nov 2006
رقم العضوية :115997
المشاركات: 27
|
بجد بجد الحلقة هذي تجنن >> اكثر حلقة ضحكتني . . . . . . . . . . . . ترى هذي الدموع من كثر الضحك  بس والله خسارة تكون الحلقة الجاية آخر حلقة ,,,,,,,,,,, انا ودي الموضوع ما يخلص أبد و يعطيك ألللللللللللللللللللللللللللللللللف............... ........... و خمسمائة و ستين عافية والله موضوع رائع |
|
|
|
|
17-12-2006, 03:08 PM
|
#7 (permalink) |
|
مسافر متميز
تاريخ التسجيل: Apr 2005
الدولة: الرياض
رقم العضوية :22360
المشاركات: 221
|
اشكرك اخوي والله يسعدك على هالتقرير الممتع
بس ابي اسالك مره ثانيه هل ذهبت الى مرتفعات جنتنق اللي في ماليزيا؟؟ اذا رحت لها تعرف الالعاب الداخليه اللي للكبار اللي تلعبها ولين فزت يعطونك هديه يعني العاب الحظ هل توجد هناك ووين؟؟لان الاهل يحبونها |
|
|
|
|
17-12-2006, 05:48 PM
|
#8 (permalink) | |||
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقتباس:
ايش هذي النفس خلاص مابغي اتابع التقرير هذا جزاي وعقاب لك مافي هديه عليك عين اللهم ياكافي سكود مب عين (( ماشاء الله ))من عينك مب مسافرين هذا الاسبوع بنروح الاستراحة بس اقتباس:
بس عليك تعليقات بصراحة تخليني اموت من الضحك والكل يقول مهبوله هو يوم شافني جاي ابساعده في التصوير...يا شيخ مهوب انبسط...الا كني معطيه فله على الشاطيء...بغوا يحبون رجلي من الإمتنان ...والله والتقط لهم صور خطافيه واسوي نفسي ادنق واجيبها من هنا ومن هان علشان ابين لهم اني مهتم... >[/QUOTE] والله توقعته بيعطيك كف من لقافتك  >[/QUOTE] طلعنا مع الباب...ندور الباص ...يمين ...يسار ...ابو الشباب المندوب نشوفه متجه لوانيت ايسوزو...!!! والله صارت سيارتنا ونيت مغطى صندوقه من ورا...!! ويييين يا عمي...شايفنا نياق مجاهيم...ولا تيوس تبي تذبحهم بحكم ان عيد الأضحى قرب؟؟ شكلكم بيجنن وانتوا بالصندوق بس زعلانه ليه ماصور وانتم بالوانيت؟؟؟؟؟؟؟؟؟عندي سؤال هذا ابو34 قدم كيف كان جالس >[/QUOTE]اقتباس:
|
|||
|
|
|
|
19-12-2006, 09:33 PM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
هاوي نفود:ايه والله ما صدت
الشكوى لله...انت ووجهك RMQ :الله يسلمك اخوي..مشكور على هالكلام الله يعافييييييييييييييك وعاد الدنيا اخذ وعطاء...نبي تقاريركم انتم sfsf :العفو اخوي...والله يسعد الجميع ان شاء الله ايه نعم رحت لجينتنغ اول العام الماضي.. الصراحه الألعاب ما اهتميت بها كثير في سفرتي هذي...وما رحت لملاهي ابد...لكن على ما اعتقد ان بانكوك فيها ملاهي كثير... اما اذا قصدك اللي اذا فزت يعطونك هدية...هذي هي نفسها اللي تكلمت عنها في فانتاسي قبل الدخول للعرض الرئيسي.. عاشقة اوروبا: طيب الإستراحه فيها الخير والبركه...وش فيها يعني الاستراحه هاه؟ السمكه والله استعنت بواحد سويسري يعلمني وشلون اقطعها..<<حدك مثلوثه من مطبخ المراسيم يا رجال بعدين الإيطالي...ليش يعطيني كف...العكس كان مبسوط مني.. والونيت والله انا جتني صدمة عاطفيه وما لي نفس اصور.. بالنسبه للمحشش...هو السواق...اما اللي صاد 5 سمكات هذا اللي مسئول عن السنارات ...يعني تقدرين تقولين مشرف....اما السواق في عاااااااالم ثاني...عساه يعرف طريقه عشان يصيد سمك...بس ما قصر...سلمنا على اخواننا في عمان ياخي افهم:تسلم لي اخوي على هالكلام والحلقه الجايه ان شاء الله بما انها الأخيره ببتأخر شوي وابنزلها ومعها مقارنة ماليزيا وتايلند ان شاء الله... يعني راح تكون كبيره شوي ويبغى لها وقت...ومثل ما تعرف..الويك اند جاي...يعني المعذره...يمكن ما انزلها الا الجمعه..وابحاول اضغط على نفسي وانزلها الخميس.. مشكور على مرورك يا مشرفنا حويمض الليموني:مشكور على الرد.. SHARJAH :من ابو صالح؟؟ بعدين الناموس قرص خويي مهوب انا والبقيه في الطريق ان شاء الله... اعذروني على التأخير يا جماعه |
|
|
|
|
19-12-2006, 11:11 PM
|
#13 (permalink) |
|
مسافر متالق
تاريخ التسجيل: May 2006
الدولة: بلادي
رقم العضوية :77414
المشاركات: 689
|
اقول ليه ماجاوبت على سؤالي ؟؟؟؟؟؟؟؟؟؟؟؟؟
تري بجد بزعل لو سمحت اكتب الحلقة الاخيره اولا وبعدها نزل حلقة الفرق بين تايلد وماليزيا؟؟؟؟؟؟؟؟؟؟علشان نتواصل معاك ولك حريه الاختيار المهم نحنوا بالانتظار اختك المزعجة عاشقة اوروبا  |
|
|
|
|
22-12-2006, 07:20 PM
|
#15 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
عاشقة اوروبا:اي سؤال بس؟؟
والله جاوبت عن لستة اسئله...اذا فيه شيء...ترا يمكن ما انتبهت له... والحلقة فعلا ابفصلها عن المقارنه عشان تكون مستقله.. redjoory :تسلمين اختي ومشكوره على الكلام...وسالفة الشباب التايلنديين الحين ابنزلها مع الحلقة الأخيره.. وين رايح:مشكور على المرور...اضحك الله سنّك دقايق والحلقة نازله ان شاء الله.. |
|
|
|
|
«
♂♂l|][Ξ¯▪ـ‗_غــزوة بوشاهيــن لمملكــة تايلنــد_‗ـ▪¯Ξ][|l♂♂
|
₪ ‰§ΦШφتفاصيل رحلتي العسلية للأراضي التايلندية 2008 φШΦ§‰ ₪
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:29 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||