 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain ستجد في هذا المنتدى نخبة المواضيع المميزة في البوابة الإسبانية كما انه يمكنك اضافة الردود على المواضيع. |
 |
|
|
أدوات الموضوع | انواع عرض الموضوع |
12-10-2006, 05:18 AM
|
#31 (permalink) |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
تكملة الجزء الثاني ماربيــــــــــــــا...
والسوق بالكورتنكلش موجود خلف البورت مسافة نص كلو تقريبا وفيه كل ما يحتاجه الشخص
من ملابس عالميه او مكياج او اثاث ومطاعم ومكتب سفريات واجهزه كهربائيه....إلخ يعني أي شي تبيه تلقاه حتى المصبغه موجوده فيه ويتكون من 3 طوابق ويضيع فيه الشخص من كبر حجمه أنا أنصح التسوق فيه من الساعه 3 او 4 لحد 6 او 7 طبعا بظهر البورت بالشارع الرئيسي كل المطاعم الفاست فود موجوده برجركنج وماكدونالدز هم فيه فرايديز يعني كل شي تحتاجه تلقاه حواليك يوم الجمعه إستعدينا بعد الغدا عشان نروح حق تــيــفــولـــي (وهذي مدينة ألعاب يتجمعون فيها الخليجيين ربعنا بيوم الجمعه من الساعه 8 بالليل لحد 12 او وحده بالليل) ما كنا نعرف الطريق ومثل ماقلتلكم من قبل أخذنا معانا اللابتوب لأنه فيه برنامج يدلينا الطريق اول مافتحت اللابتوب سجلت go to TIVOLY from BENABOLA وعلى طول يعطينا خط سير الرحله من فندق البينابولا إلى تيفولي يسار ويمين ومدخل رقم كذا والمسافه بالطريق كل شي كأنك جاي المكان 10 مرات  ماتضيع ( جربوه ماراح تندمون)بعد ماوصلنا تيفولي دخلنا وقطعنا تذاكر شامله سعرها 16 يورو للشخص تلعب الكبير كلها ويحطون على إيدك شريطه (سبوق يعني  ) تدل انه لك الحق بالالعاب ويدقق الموظف على إيدينكم لما تجون تركبون اللعبهوكانت تيفولي حلوه حتى للكبار نوع من تغيير الروتين وفيها كافتريا فوق على اليسار أكلت منها فطيره عليها سولس كاكاو موطبيعيه والله دايم أتذكرها بس نسيت إسمها حسافه.. ويوم الأحد كنت أنتظره بفارغ الصبر عشان كنت أسمع عن قريه الناس كانت تسولف عنها لما لها أثر على نفس الزائر وحطيت في بالي تخيل للقريه هذه وحسيت بشغف لزيارتها.. دخلنا ميخاس الساعه 8 بالليل وكانت مليانه خليجيين واجانب.. مبانيها بسيطه بيضاء يغلب عليها الطابع السياحي.. يوجد فيها حناطير وحمير ومحلات صغيره تبيع الملابس التقليديه والانتيك وكل مايتعلق بالهدايا الاسبانيه التذكاريه ومقاهي تشرح الصدر هواها جبلي عليل وفها مطلات على الوادي تأسر الشخص وأشجار تحوفها الجداول الصغيره وتحس انه أهلها ناس فيهم طيبه غريبه.. انا كنت اتمشى واصور فيها ولقيت صاحبي قاعد على كرسي عريض شوي وبجنبه عجوز أسباني وقفت عند صاحبي نظرلي العجوز نظره يقصد فيها تعال إجلس قلتله لأ شكرا (قراثياث هذا إلي حافظينه ) وجو الشباب صحابنا وقفو معانا وقام العجوز وأشر بإيده للكراسي يقصد تفضلوا.. أنا من شدة الخجل ما عرفت أرد عليه بصراحه خجلنا بطيبته وراح ومشى..فعلا كانت رحله اقدر أسميها لقرية ميخاس لها طابع خاص وتحس بكأبه وانت تغادرها وتلتفت عليها على سفح الجبل تنظرلها نظره وداعيه ودك تقعد فيها أكثر بقولكم سالفه عن شخص معانا.. هذا الشخص قريب مني حيل وأسميه ملح السفره لأن السفره بدونه مالها معنا بس فيه طبع خبيث شوي يعني يحب يروح لكل مكان بنفس الوقت ولازم نكون معاه شلون؟ مادري؟اقولكم شنو سوا.. يوم إستعدينا لرحلة ميخاس وجهزنا نفسنا قال أنا ماراح أروح قلناله ليش؟ قال بس شكله البورت اليوم غير طبيعي وراح أقعد قلناله ماراح تشوف ميخاس لأنه راح نسافر يوم الجمعه الجايه..!! قال مالها لزمه عادي إذا انتو رحتو كأني رايحلها يابن الناس يهديك يرضيك.. ركب راسه وقال خلاص ما راح أروح بعد مارجعنا وشاف التصوير وشلون كنت أمدحله القريه وناسها وبساطتها.. سكت وقال عليكم بالعافيه لما صار يوم الثلاثا بعدها بومين صحاني من النوم الساعه 12 الظهر قلتله خير شفيك قال يالله قوم ودني ميخاس.. قلتله شنو باستغراب ونرفزه...!!!!!؟؟؟؟  قال أنا ماشفتها ولازم أشوفها قبل ما أسافر قلتله ليش مارحت معانا قال ظروف وخلاص تبي توديني ولا لأ..؟ قلتله ميخاس يوم الاحد مو الثلاثاء وقتها..!! هذا العرف بين الناس.. زعل وبوز هذا الشخص أنا خابزه وعاجنه وأعرف طبعه عدل وأنا فهمت قصده ليش يبي يروح ميخاس تدرون ليش..؟ يخاف يرجع الكويت واهو ماراح ميخاس ويتحسف من كلام ربعنا بالكويت لما يقولوله حرام عليك ليش مارحت معاهم.. وينقهر ويحتر عالعموم مابي اطول عليكم بدلت ملابسي وأخذته راسي وراسه والشباب نايمين ورحنا ميخاس وصلناها الساعه 2 الظهر...!!!!! تخيلوا بعز الحر وصورت الرحله هذي بكاكرة فيديو وسميتا (شهوة فلااااان) الله يذكركم بالخير يالاندلسي ويا الشاب ماكنت أعرفهم إلا عن طريق المنتدى معرفه سطحيه حالي حال أي عضو يسأل أو يستفسر عن رحله أو مكان ما ... وفي أخر 3 أيام كنت جالس بالقهوه الخضرا مع صحابي وسهيت بالبلوتوث وعملت سيرتش (إسمحلي يابومحمد) لقيت نك إسمه الشاب بس مو متأكد إنه هو يكن شخص ثاني هذا النك نيم ماله.. طبعا من كثر ما سولفت لصحابي عن هذا الشخص عرفوه لانه اهو إلي خططلنا الرحله وأهو موعارف أقصد عن طريق ردوده للأعضاء وخياراته لهم وأنا أخذت برايه وخططت الرحله.. المهم قلت لصحابي هذا الشاب قالو كلهم وينه؟ قلتلهم بالبلوتوث قالولي إرسله خلنا نتعرف عليه أرسلت بس كان يفصل البلوتوث وعملت سيرتش مره ثانيه مالقيته وكان الوقت الساعه 2 يعني الناس بلشت تمشي قلت أكيد طلع.. بنفس الوقت من باجر وبنفس الطريقه شفت النك ( الشاب المشافرون العرب) على طول قلت لصحابي انا برسله مسج فاضي عشان أعرفه وانتو شوفو أي واحد راح يستقبل المهم إستعدينا وأرسلت المسج واستقبل  وقالو صحابي بصوت واحد : وراك وراك ضحكنا وبالصدفه كان قاعد بالطاوله جنبي قمت من مكاني وقلتله مرحبا ابومحمد انا إلي أرسلتلك قصدي أشوفك انت أي شخص وأتعرف عليك فز من كانه ورحب فيني وبصحابي الله يرفع قدرك يابومحمد وعرفته بنفسي من خلال المنتدى وذكريني الله يذكره بالخير وسولفنا وشرحتله انه اهو إلي مسفرنا ولا هو عارف وكان انسان بمعنى الكلمه خلوق بطبعه هادي اجتماعي لأبعد الحدود بصراحه يابومحمد مثل مايقولون تدخل القلب وحسيتك اخو دنيا ودين انشالله وبنفس المكان من باجر تعرفت على شخص كويتي كان معاه الاندلـــــسي بالصدفه كان من جماعتنا وقريب من قبيلتنا وعائلتنا ومدح ابن العم مايوفيه حقه امير بخلقه وبنسبه وحسافه معرفتهم باخر يومين.. ولحد الأن نتواصل الله يوصلهم بكل خير انشالله ونصحنا عبدالمجيد (الشــــاب) باخر يوم نروح لميوركا وفعلا رحنا مكتب السفريات وحجزنا بس اخر شي غيرنا راينا لانه كان معانا صاحبنا ( ابو شهوه ) قال لازم نرح برشلونه وأخذنا التذاكر كانت على الشخص 300 يورو بالطياره سبين اير مع الفندق nh وهذي كانت معرفتي فيهم وفعلا بنفس اخلاقهم بالمنتدى عاليه ومقامهم عالي.. احب اذكر اني مازرت الاماكن ذات الطابع الاسلامي مثل قرطبه وغرناطه واشبيليه ولحد الان انا متندم والله يصبرني ويحييني للصيف الجاي وازورها انشالله طلعنا من البورت بتاريخ 20-8-2006 الساعه 6 صباحا لانه طيارتنا كانت على الساعه 9 وكان وقت الفجر ومنظر البورت غيم نازل على البورت والشمس تشرق وأنا أشرق معاها بحسره كان نفسي ما اروح بس ملتزم مع اصحابي ركبنا التكسي على مطار ملقا وكنا في لحظة سكوووووووووووون والله بدون مبالغه محد له خلق الثاني وتخنقنا العبره..! وصلنا برشلونه ورحنا فندقنا nh فندق 3 نجوم غرفه وسييييييييييعه وحلوه وفيها وايرلس اشتراك ب 20 يورو 24 ساعه بس الفندق متواضع بس نظيف وطلعنا نتمشى بشارع الرمبله مزدحم واسواق ومباني عاليه وبرشلونه مدينه عريقه باسواقها ومجمعاتها وفي مطعم بيتزا باول الرمبله تغدينا فيه مااذكر اسمه حاليا بس اكله ما كان حلو بالمره طلبت سمك كان بالمنيو واشتهيت اكل البورت بس طلع الله يديم ويزيد النعمه وقضينا يومنا بالرمبله نتمشى ونتطمش على الناس إلي لابسين اشيا غريبه مثل التماثيل ويضحكون بس برشلونه مافيها خليجيين أبد ونادر تشوف عرب مليانه بنغلاديشيين وهنود حسيت نفسي في بومبي بكل مكان تلقاهم سياح وموظفين بالمحلات والمطاعم والمجمعات.. ومن باجر زرنا نادي برشلونه بس حسافه كانت فيه مباراة بتاريخ 21-8-2006 وما قدرنا ندخل لاجراءات امنيه بس صورنا من بره وشرينا من mega store مال النادي ملابس نادي برشلونه وسعر الفانيله 67 يورو بدون ارقام الاعبين إذا تبي تحط رقم لاعب معين اعتقد 18 يورو زياده بعد ما قضينا اليوم الثاني في نادي برشلونه رجعنا الفندق واخنا شنطنا وتوجهنا لمحطة القطار للرحله اخرى لمدينة كان بفرنسا اخنا التذاكر قبل ما نروح نادي برشلونه وكان سعر التذكره 200 يورو بسراير نوم لثلاثة اشخاص بدرجه اولى واول ما وصلنا محطة القطار كان باقي للقطار يطلع نص ساعه وتفاجأنا انه مدة الرحله 10 ساعات من الساعه 9 الى الساعه 7 صباحا بس كانت الرحله متعبه والقطار يخوف اكثر من الطياره صوته عالي وما يقدر الواحد ينام.. والتدخين ممنوع كنا ننطر القطار متى يوقف بمحطه دقيقتين وندخن سيجاره على السريع تذكرت وانا صغير لما كنت اشرب سجاير بحمام المدرسه الله يكرمكممدينة كان بحريه وجوها حلو وسوقها روعه بس غالي اغلى من ماربيا جلسنا فيها 4 أيام وكنا في فندق كروزيت بيش بجمب فندق كارلتون اخذنا سويت 350 يورو لليله وكان فندق 4 نجوم بس فعلا عن 5 نجوم وتخيلو 11mp سرعت النت بالفندق ونظامهم شبكات بالطرق اشتر بطاقة شحن واشبك على النت من اي مكان في كان حسب الشبكه بس في شغله بكان انا ماحبيتها.. واعتذر عن عدم ذكرها بعد كان أجرنا سياره من eurocar وطلعنا من كان إلي روما 650 كيلومتر بس مناظر الطريق كانت تفتح النفس صراحه نستنا التعب جلسنا بروما ليله بفندق هلتون في مطار فيومتشيونو وسعر الغرفه لثلاثة اشخاص 250 يورو بعدها رجعنا الكويت وكانت مدة الرحله 20 يوم من الى الكويت وبجذيه تنتهي رحليت اتمنى اني اكون وفيتها حقها وما بخلت عليكم بشي وانشالله انكم تستفيدون منها وشاكرلك صبركم ووقتكم معاي أحب أنوه عن عنوان رحلتي ( هذي رحلتي وما يصح إلا الصحيح ) المقصد كان في هالعنوان انه فعلا مايصح إلا ماربيا وبس وباقي البلدان والمدن إلي زرتها كانت تحصيل حاصل وأعتذر للأعضاء إلي فيهم يحب بعض المدن إلي زرتها بس هذا راي شخص عشق ديره [poem=font="Simplified Arabic,5,darkred,normal,normal" bkcolor="transparent" bkimage="http://www.travel4arab.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"] قال انا غريب ضيع دروب المدينه = قلت أنا مدينه تنتظر رجعة غريب[/poem] أترككم مع بعض الصور المتواضعه كما وعتكم لعلكـــم تتذكرونها معي..                 أخر يووووووم |
|
|
13-10-2006, 07:03 AM
|
#33 (permalink) |
|
مسافر متميز
تاريخ التسجيل: Mar 2006
رقم العضوية :64629
المشاركات: 256
|
الله يسلمك ويعطيك العافيه اخوي على كل مأبدعت فيه وصحيح مايصح الاالصحيح جدتناسب لرحلتك
وتدري انا بأخر كتابتك عن اليوم الأخير جدحسيت بأنه انا الي مغادره اسبانيا ومره تكدرت اجل انت وش سويت؟؟؟؟؟؟؟؟؟؟؟؟؟؟؟؟؟؟ شاكره لك مره اخرى اخوي على ماقدمت لنا من تقرير رائع  |
|
|
|
13-10-2006, 01:30 PM
|
#34 (permalink) |
|
مسافر متالق
تاريخ التسجيل: Jan 2004
الدولة: أسباني الهوى
رقم العضوية :1513
المشاركات: 987
|
يامن جسده بالكويت وروحه بماربيا
كنت أعرف من قبل لماذا لايصح إلا الصحيح من يوم جمعتنا قهوة ذا باولوا وكانت سما ماربيا تغطينا ( ياحلو ذيك السما يانزال ) . صدقني الشعور الأول لذكرياتك بماربيا سيسكنك طويلا وياحلو هالشعور ولو طالت المده ؛ ودي أسألك أنت صورت من شقتين مختلفتين بالإطلاله بالبينابولا ياليت توضح أيهما سكنت ؟؟ الفطيره اللي قلت عنها أنا مغرم فيها والمشكله إني قريت الموضوع وأنا صايم وأقول بنفسي هذا قاعدلي قعده وهاذي أول سفره له الله يعين الجاي وأنا بقولك يانزال شي غريب عني يانزال أنا ماأكل من الحلو إلا الشوكولاته يعني الفانيليا أو جيرمن كيك او التشيز كيك أو الفواكه كلها مااعترف فيها مشكلتي هواي واحد وإذا حبيت شي أحبه بكل مافيني ومساعد الرشيدي يقول : أحبك رغم تجريح الليالي لقلبي المقهور ** ** ** صحيح إنك قدر محتوم بس أحلى مقاديري كل هذا علشان الشكولاته والله إني أحب الحلا . حزنتني كثير بصورتك الأخيره اللي من البورت تخيلت الشمس تودعكم ؛ ومن مفارقات القدر إنا كلنا مشينا بنفس الليله أنا رحت مدريد وإنت رحت برشلونه يعني الصوره كانت تعبر عن الجميع . شكرا لك على كلماتك الطيبه وإطرائك ياطيب الأصل وشكرا على خلقك الرفيع . وسلملي على أسبانيا ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
|
|
|
13-10-2006, 11:13 PM
|
#35 (permalink) |
|
وسام التميز الاسباني
تاريخ التسجيل: Dec 2005
الدولة: -UAE-
رقم العضوية :53813
المشاركات: 850
|
روعه يعطيك العافيه التقرير حلووووووووووووووو جدا والصور كذلك بس وين باقي صور ...
ترا طماعيييييييييييييييييييين وموقفكم ويا الشاب والاندلسي حلو  حلو لما تتعرف على نـــــاس في السفر بهذا الاخلاق الله يبارك بيهم .... |
|
|
|
14-10-2006, 08:11 PM
|
#37 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
تصدقين بأخر يوم.. جاني احساس اني راح افقد غالي وتخيلت ماربيا شخص عزيز علي بأودعه..! ويوم رحنا بعدها برشلونه وكان ونيس وروما.. كل مدينه ما كنت اقدر اقارنها بماربيا ودايما كانت في بالي وبأخر محطه (روما) بالمطار قلت لربعي دربكم سمح أنا برجع ماربيا تفاجأوا وقالولوا الظاهر انت انسحرت قلتلهم انا إلتزمت معاكم والحين انتوا بترجعون الكويت خلون بكيفي وانتوا الله معاكم.. حلفو علي مانرجع إلا انت معانا ورجعت وتندمت.. على فكره قعدت بالكويت 5 ايام بعدها اتصل شخص عزيز علي بلندن وقالي تعال وسافرتله بتاريخ 31-8-2006 ومن اول يوم وانا احاول اقنعه يروح معاي ماربيا على طيران eazyjet وكان سعر الرحله حيل رخيص 30 باوند بس قالي انت جاي عشاني ولا عشان تقنعني اروح معاك ماربيا...!! بس بصراحه خجلني واستحيت وقلت كل مطرود ملحوووووووووق السنه الجايه إذا الله أحيانا مشكوره على مرورك واحساسك معاي.. |
|
|
|
|
14-10-2006, 08:49 PM
|
#38 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
يامرحبا فبو عبدالله والله هلا باخوي الله يذكر جمعتنا بالخير شوف شلون الصدفه..! شفت الشايب إلي تندم على زمانن راح...! ترا هذا أنا الحين والله يخوك تندمت انتي رحت جنيف وبرشلونه وكان ونيس ولندن وكان ودي اني قضيت سفرتي كلها بماربيا بس وعلى ماعتقد بطلب إجازه ومدد بعد والشعور إلي تقول عنه يحلوه لو طالت مدة أحسه ولف قطع عن وليفه بس هذا موحلو لو طالت مدته أنا سكنت بإطلالة البورت مع 2 من الشباب والاثنين الباقين بإطلالة الشارع بس منظر البورت يابوعبدالله الفجر او المغرب شي تعبني في البعد عن ماربيا (سجـــــــه) الحلا مايحب إلا الحلا [poem=font="Simplified Arabic,5,darkred,normal,normal" bkcolor="transparent" bkimage="http://www.travel4arab.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"] عزاي انك رجاي العذب لوكل الدروب عثور *** وصلت او ماوصلت اعرفك مانته منتظر غيري حبيبي وكل الله ..لاتحسب اني بليد شعور *** لوانت المستحيل الصعب ماأبدي لك معاذيري احبك رغم تجريح الليال ..لقلبي المقهور *** اشوف الجرح يكبر ..وانت تكبر وسط تفكيري احبك لو يموت الحب ..وتصير القلوب قبور *** احبك كلمة ..لوحرموها حل تكفيري احبك من هنا حتى طلوع الفجر لحد النور *** صحيح انك قدر محتوم بس اجمل مقاديري بعذر اللي يحبك لويصير الشاعر المشهور *** لانك تنهمر حلو القصيدة في تعابيري احد ربي يحطك له حبيب...ومايجيه غرور *** وانا مهما بغيت استوعبك ياقل تقديري هلابك من قدمك لغرتك ...لشعرك المنثور *** هلافي كل شيء فيك وانت اغلى مساييري اثر صدق الغلا يجبر حطام الخاطر المكسور *** وانا مهما منحتك من غلاي ..اشعر بتقصيري ولو طالت مشاوير الطريق المظلم المهجور *** انا لامن ذكرتك قلت ..طولي يامشاويري [/poem] اخر بيت قريب مني حيل.. خلها تجي واسلملك على ابوها بعد.. |
|
|
|
|
14-10-2006, 08:58 PM
|
#39 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
باقي الصور سلمج الله الشباب مرتزين فيها كأنهم هنود يوم الجمعه إذا أخذوا إجازه من المعزب اخذوا الكامره معاهم وطاحوله تصوير وانشالله احاول انزل الصور مع دهن تاتا على وجيهم هذا موقف اعتز فيهم حيل وانشالله علاقتنا دايمه وقليل ماتلقين الواحد يعرف اشخاص بهذا الخلق شكرا لك اختي اعتماد على مرورك |
|
|
|
|
16-10-2006, 03:17 AM
|
#43 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
البرنامج الله يسلمك اسمه Auto Roud أو في برنامج ثاني اسمه Route Europe 2005 بس الاول اسهل |
|
|
|
|
31-10-2006, 01:52 AM
|
#44 (permalink) |
|
مسافرجديد
تاريخ التسجيل: Oct 2006
رقم العضوية :113050
المشاركات: 4
|
[quote=نــــــزال;941962]باقي الصور سلمج الله الشباب مرتزين فيها كأنهم هنود يوم الجمعه إذا أخذوا إجازه من المعزب اخذوا الكامره معاهم وطاحوله تصوير
وانشالله احاول انزل الصور مع دهن تاتا على وجيهم والله يانزال مهما مددت ماراح تخلص من ماربيا اعرفك عدل لازم تنقرص منها عشان تنساها  |
|
|
|
04-02-2007, 04:30 AM
|
#45 (permalink) |
|
خبير ايرلندا الجنوبية
تاريخ التسجيل: Feb 2006
الدولة: الكويت-ايرلندا
رقم العضوية :61206
المشاركات: 847
|
سلم ايدك على هذا التقرير الحلو و اللي عيشنا الجو بس الصور قليلة
بصراحة ابدعت في سردك لمعاناة الفندق في جنيف يعني اضحكتني فيه و شر البلية ما يضحك و اكثر ما ضحكني هو سالفة تغيير الاسم بس حركة المكتب السياحي مو حلوة لما طنش الاتصال مع ان عذره مقنع. اكو مواقع لحجز الفنادق بالانترنت و حتى لو ما تبي تحجز الا انك تقدر تشوف صور و اكثر من هذا تشوف تعليقات نزلاء الفندق من ناحية الايجابيات و السلبيات و قراءة هذه التعليقات وايد نفعني في رحلتي الاخيرة , لكن هذه المقالب واردة مع استغرابي لان الفندق مصنف فئة 4 نجوم في أحد المواقع . لكن عوضتوها برحلة ماربيا والله انك شوقتني لها بوصفك |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:37 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||