 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain ستجد في هذا المنتدى نخبة المواضيع المميزة في البوابة الإسبانية كما انه يمكنك اضافة الردود على المواضيع. |
 |
|
|
أدوات الموضوع | انواع عرض الموضوع |
06-10-2006, 05:01 AM
|
#16 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
ياهلا بالسلمنكي والله شرفني مرورك يابومحمد الله يسلمك من كل شر وانا مشتاقلكم ويليتني عرفتكم اول ماوصلت ماربيا مو اخر كم يوم  ابشر تامرني امر موضوع بادق التفاصيل انشالله كامل الدسم بعد شتبي  |
|
|
|
06-10-2006, 05:23 AM
|
#19 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
اي نعم راجعت المكتب اول مارجعت وقالي شي بصراحه اقنعني الفندق هذا من كثر ما اهو فاشل والناس تذمه كل سنتين يغير اسمه علشان الناس ماتعرفه ويستقبل زباين والمكتب بس عرف عن الفندق مسافته عن البحيره وانه فندق جديد فقط شكرا على مرورك |
|
|
|
|
07-10-2006, 01:20 AM
|
#21 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
مرحبا اخوي مشاري انت إلي مشكور على المرور الكريم وبالمناسبه عنوان موضوعي هذي رحلتي ومايصح إلا الصحيح يمكن الناس تفهمه غلط ..! انه مافي رحله مثل رحلتي لا بالعكس المقصود منها راح اقوله لما اكمل الجزء الثاني انشالله  ومشكور انك ذكرت موضوعي عشان اقدر اوضح |
|
|
|
|
07-10-2006, 02:34 AM
|
#22 (permalink) |
|
مسافر متالق
تاريخ التسجيل: Jun 2005
الدولة: الرياض \
رقم العضوية :27448
المشاركات: 1,037
|
واصل وحن ننطرك.. ( انطر سحابة عيد وهم ... ) كم سعر الفندق النكبه ... اعرف المنطقه اللى حول
محطة القطار فنادق حلوه ورخيصه ... وقريبه جدا من النوقا هلتون ... تحياتى الك ......... |
|
|
|
07-10-2006, 03:55 AM
|
#23 (permalink) |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
تكلمـــة هذي رحلتي وما يصح إلا الصحيح...
[/COLOR]السلام عليكم ورحمة الله وبركاته
أسف إني طولت عليكم وللظروف أحكام.. الجزء الثاني : ( ماربيــــــا ) الطياره طارت الساعه 6 الصبح تاريخ 8-8-2006 و وصلنا ملقا الساعه 8:45 اول ماوصلنا المطار كنا ميتين من التعب بصراحه واجهتنا مطبات هوائيه وهذا إلي طير النوم من عيونا المهم اخذنا الشنط وطلعنا نشوف مكاتب السيارات الموجودين عند طلعة المطار عشان نأجر سياره ونطرنا لما يفتحو المكاتب الساعه 9 او 9:30 اول مكتب فتح بعد 9:30 وكنا اول ناس وصلنا المكتب قلناله شنو السيارات وشنو العروض إلي عندك طبعا كلمه انجليزي وكلمه عربي لما فهم بصراحه السيارات رخيصه مقارنة مع لندن وباريس ولبنان.. وصرنا نفاضل بين السيارات ونختار هذي السياره احسن قال واحد من الشباب لا هذي احسن هذي وهذي وهذي قعدتنا ساعه ونص تخيلوا وانا متنرفز المهم اخترنا فور كرايسلر عشان تكفينا احنا الخمسه مع إني انا اول واحد اخترتها بس الشباب قالو لانستعجل خلنا نشوف السيارات قعدت بعيد عنهم مبوز قلتلهم يالله اختارو بس بسرعه والبسرعه صارت ساعه ونص.. بعد ماعرفت انهم اختاروا السياره إلي انا أشرت عليها هني انفجرت من القهر ليش قعدتونا ساعه ونص واحنا تعبانين وأخرتها اخترتوا نفس السياره..؟ بصراحه أنا لما أسهر أعصب وأتنرفز والشباب جزاهم الله خير بالهم كان طويل علي وتعذرت منهم بعدين على هالتصرف وقلتهم روحو ماربيا بالسياره وانا وراكم بالتكسي مع الشنط حطينا الشنط بالتكسي وقلتله كم توصلنا إلى البورتوبانوس مع إني كنت عارف التسعيره من الاعضاء بالمنتدى جزاهم الله خير المهم طلعنا بالتكسي متجهين للبينابولا واحب اذكر كم نقطه : 1- السياره سعرها لمدة عشرة ايام 1000 يورو 2- التسعيره بالتكسي كانت 70 يورو بس احنا عطيناه زياده 10 يورو لإننا هلكناه من شيل الشنط 3- فندق البينابولا كنت حاجزه من الكويت بس مو من نفس مكتب الحجز إلي حجزت منه لجنيف حسبي الله عليه وكانت سعر الليله بالبينابولا 74 دينار كويتي غرفه مطله على احلا منظر البورت طبعا يعني 200 يورو بالليله وكان سعرها جدا خيالي بالمقارنه مع حجزها من الفندق نفسه ( 270 يورو ) نفس الغرفه واشكر اخوي الشاب إلي وصاني بالفندق هذا ماقصرت يابومحمد خووووش راي المهم واحنا متجهين للبورت بانوس المناظر بالطريق ماكانت مثل ما يتخيله الشخص يعني اوروبا وجبال خضرا بس ياجماعه في شي يحسه الشخص لما يوصل البلد هذا احساس والله غريب حسيت اني كنت هنا من زمان مع إني اول مره ازور أسبانيا وبالطريق الواحد يتأمل ويسرح يتخيلهم مروا على الجبل هذا أو نزلوا من الوادي هذاك..! هنا كانت معركه وهناك كان قتال..! على الطريق تشوف البحر على اليسار تذكر سفنهم رست فيه..! تحس بفخر وبنفس الوقت ذل...! ودك تصرخ بأعلى صوتك أنا عربي أجدادي كانوا هنا.. بس تخجل..! تفكر وتتفكر لما الدمعه تذرف..! يمكن عشان كنت متلهف ازور أسبانيا من قبل 10 سنوات جاني الشعور هذا... أخيرا زرتها..؟ مابي أطول عليكم اكملكم الموضوع.. وصلنا فندق البينابولا الساعه 10 ونص وكنا حاجزين شقتين شقه مطله على البورت والثانيه مطله على الشارع وحده فيهم كانت جاهزه والثانيه الساعه 12 تجهز ولحسن حظي كانت شقتي هي إلي جاهزه  على البورت بس معاي شخصين وطلبنا سرير اضافي للشخص الثالث وطلع بالعشر ايام 250 يورو ملاحظه ياجماعه : لاتطلبون سرير اضافي شقتنا كانت صاله كبيره وغرفه نوم والله يكرمكم حمامين ومطبخ , بالصاله في كنبه تصلح تصير سرير اضافي وينام الشخص وهو مرتاح عليها فا لا تغلطون مثلنا وتدفعون 25 يورو بالليله للسرير الاضافي حرام والله كنا سهرانين 24 ساعه أو أكثر حطينا الشنط بالغرفه وعلى أساس نريح شوي لما تجهز الشقه الثانيه (الشارع) بس شفنا منظر البورت طار منا التعب وحسينا بنشاط لأن المنظر كان خيالي (بتشوفونه انشالله) بدلنا ملابسنا ونزلنا نتمشى ماندري وين بعلبك أو القهوه الخضرا صرنا كأنا صعايده بالجامعه الأمريكيه بس من الوناسه نمشي ولاندري وين رايحين.. من هنا أو من هنا نروح..؟ياناس البلد حلوه وتشرح الصدر وهواها غير برح (بكسر الباء) على قولة إخوانا المصريين  شفنا مطعم شكله امريكي جنب ARMANI وتغدينا فيه وكان أكله حلو حيل وبعد الأكل إنتفخت بطونا ودخنا يالله إلي يوصلنا شقتنا وصلنا الشقه ونمنا والشباب راحو شقتهم ونامو  الساعه 3 وصحينا الساعه 8 كأني نايم 12 ساعه شبعان نوم كان يوم الثلاثاء وكنت أعرف شنو الجدول المعروف بس ما أعرف وين فيه الاماكن وكنت بصراحه مستحي أسأل وين القهوه الخضرا أو وين بعلبك  بس أماكن مثل تيفولي أو ميخاس كنت عامل حسابهم كان معانا لاب توب وفي برنامح إسمه AUTO ROAD MAP هذا البرنامج يعلمك وين فيه أي مكان بأوروبا وبإسم الشارع أو المدينه أو حتى محطة القطار أو BUS STOP وشامل كل شي فيه ويعطيكم خط السير بالسياره والاتجاهات بالصوت والكتابه . سامحوني عندي دوام وباجر أكملكم انشالله.. (عشان تتلهفون يعني)  |
|
|
|
10-10-2006, 04:05 AM
|
#26 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
شاكرلك مرورك سنترال بارك |
|
|
|
|
10-10-2006, 04:10 AM
|
#27 (permalink) | |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
اقتباس:
يابختك والله بأسبانيا صج تمنيت دراستي الجامعيه فيها , مو في...! خليني ساكت أحسن شكرا على الرد الجميل وبتشوفين لخبطه ونور يتكسر وبلاوي بعد بالتكمله إذا الله قدرني |
|
|
|
|
10-10-2006, 08:17 PM
|
#29 (permalink) |
|
مسافر متميز
تاريخ التسجيل: Jul 2006
رقم العضوية :102230
المشاركات: 221
|
تكملة الجزء الثاني ماربيــــــــــــــا...
السلام عليكم
انشالله إني ما طولت عليكم... نكمل موضوعنا انه كنا في ماربيا مانعرف وين الاماكن.. وباليوم الثاني وبالصدفه في واحد من الشباب معانا سأل واحد أسباني (قصده انه هو إلي راح يدلينا القهوه الخضرا ويطلع فيها يعني) قال للأسباني : please .. where is the green cefee? طبعا الاسباني ماكان يعرف إنجليزي وصاحبنا ركز على السؤال لكل شخص يشوفه please و please بالصدفه في شخص سعودي كان بنفس الطياره جاي من جنيف معانا وصار بينا سلام وكلام المهم بعد ماشفناه بالبورت اليوم الثاني سألنا قلناله وين القهوه الخضرا تعبنا واحنا ندور عليها قال مستغرب...!! انتو تمزحووون..؟ قلناله لأ ليش...؟ قال هذي القهوه إلي كنتو جالسين فيها أمس لما سلمت جيتكم وسلكت عليكم فيها... وصار يضحك واحنا نضحك صج صعايده بالجامعه الأمريكيه الله وكيلكم صارت مرباع لنا هالقهوه هذي وصار تنافس على الكراسي من يقعد اول وإذا شخص قعد الساعه 4 او 5 ما يقوم من الكرسي لما يجي صاحبه ويقعد عشان ماتروح الطاوله وما نطلع من القهوه إلا الساعه 2 بالليل لانه بصراحه من كثر المشي الواحد لازم يريح شوي فا القهوه الخضرا موجوده بسنتر البورت..إلي عجبني بالبورت انه في حركه مو طبيعيه ومنظر مرسى اليخوت على البورت شي خيالي وحلو وبصراحه انا احب السوق وتفاجأت لما كنت أشوف الناس تتسوق بالبورت لحد الساعه 3 بالليل يعني المحلات تبلش تسكر من الساعه 2 إلي 3 بالليل طبعا كل الماركات العالميه موجوده بس البضاعه راح تكون شتويه لأنه بشهر أوقست البوتيكات العالميه تنزل البضاعه الشتويه فا الشخص قاصد يشتري صيفي مثلا للجو الحار في ماربيا وماراح يلاقي إلا بضاعه قليله صيفيه بالمحلات العالميه ولكن.. حلوه ولكن هذي في بعض المحلات بالبورت تاخذ كل الستوكات الصيفيه من المحلات او الماركات العالميه وتبيعها يعني الشخص ماراح يتغلب أما إذا كنت جاي بشهر يوليو راح تلاقي البضاعه الصيفيه على أخرها وفي محلات أكثر وحلو حيل بسنترو مارببلا وخاصتا إلي يبي ملابس أطفال راقيه للعيد مثلا أو مناسبه مهم في محل بسنتر ماربيا اسمه بينكو بالينو عنده شغلات نار وتعور القلب مثلا ماركت المحل نفسه وماركت بلومارين من سن شهر حتى 8 سنوات بس حطو بالكم غاليه ولاتنسون مثلي ما تاخذون taxfree لان ضرايبهم مرتفع أعتقد 17% بعد ماعرفنا وين القهوه الخضرا بنفس اليوم عرفنا وين بعلبك بس بعلبك شغل روقان انا بصراحه ما جلست فيها إلا مره وحده وكان ودي أقعد مره ثانيه ببعلبك بس كل مره زحمه لأنه كنا نجلس بالقهوه الخضرا بعدين الناس تروح بعلبك واحنا خايفين تروح طاولتنا بالقهوه الخضرا مسامير بالكراسي كنا وبعد ماتشطب الناس من القهوه الخضرا الشباب اللطفاء يبون حجز ببعلبك بعد ما كسرت ظهورنا كراسي القهوه الخضرا من كثر القعد فيهاوصار الروتين نصحا الساعه 2 الظهر ناكل باليا الاكل المصيبه بطعمها (باقيه) بأي مطعم بحري بالبورت وأنا جربتهم كلهم بصراحه أكلهم حيل حلو ومن كثر ما كنا ناكل الاكل البحري طلعلنا حراشف وخياشيم وتتكون الباقيه من عيش ( رز ) وربيان وكاليماري ومحار واستاكوزا صغيره في بعض المطاعم وإلي سمعته إنه الباقيه أكله عربيه أيام العرب كانو يعطون أو يقدمون بقايا الطعام للمحتاجين والفقراء وسميت بهذا الاسم لحد الان..بعد مانتغدا نجلس شوي بالقهوه الخضرا حسبيالله عليها ونص الشباب يروحون للشاطئ(بس ما أنصحكم لأنه الماي ( البحر الابيض المتوسط ) دايما بارد حتى بعز الصيف والنص يقعد بالقهوه أو يتسوق بالكورتانجليز.. لازم أروح الحين وأكملكم بعدين انشالله مع الصور إلي وعدتكم فيها |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:13 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||