 |
 |
 |
||
|
|
|
||
 |
|
 |
|
|||||||
| سافر إلى المملكة العربية السعودية K.S.A تخص المناطق الغربية -تقارير - استفسارات .. |
| Tags: اللهجة الحجازية |
 |
|
|
أدوات الموضوع | انواع عرض الموضوع |
28-09-2006, 05:31 AM
|
#1 (permalink) |
|
مسافر متميز
تاريخ التسجيل: Jan 2005
الدولة: جدة
رقم العضوية :17326
المشاركات: 586
|
تعرف على اللهجة الحجازية
حبايبي حبيت أنقل لكم موضوع عن اللهجة الحجازية حابب أعرفها لكم  واتمنى تعجبكم ....تاريخ اللهجه الحجازيه .... هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل وطبعا تختلف لهجة العجايز عن الجيل الحاضر .. لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة ....مصطلحات حجازية .... في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها : ما لي دعوة ... اللي ما يفهم و لا اللي يقرأ غلط .......أخلي مسؤوليتي قوام = بسرعة حُقْ =علبه بلكن = يمكن أقيس = أظن دحين= الآن .. الديقيسي = غرفة في السطح (وفي روايه اخرى) الفراغ اللي تحت الدرج أو المخزن مصرفد = مستعجل دولا أو دُولْ =هؤلاء أو هم أمزع رقبتك=سبه داير مدار أو داير مايدور = حولين الشيء دغري = على طول امصع أدنك=يعني أجرها مخمج = معفن جغمه = تقريبا شفطه أو رشفه من الشراب وي=للتعجب الدحديرة = النزلة ناولني = أعطيني ازهملي= نادي لي زنبيل = الكيس منضره = نظاره يواد=ياولد الصمرقع = الجنان وخرلو = ابتعد عنه اشبك=ماذا بك سكر المحل = قفل بسط المحل = فتح سيبوا=اتركه أندر = اخرج أفرشك فرش=أضربك ضرب حزر فزر = يعني توقع محزقر= ضيق قُصرو = اختصار الشيء دحلسة= تملق وتقرب لأخذ شئ ما ايشكلو = إيش هوا عبال = إلى أن بطران = ما يحمد ربه زهمني = ناداني مقرحف = ناشف زي لما تقول العيش زي وجهك مقرحف اتشعبط = أتسلق متاقه = أخت مجاغه= واحد دمه ثقيل اتاري = لها معنيين الأول كمبيوتروالتاني لما يقولك آآآآآه اتاري الهرجه كداااااا بحلقت=فتحت عيني بقوة قِر=اهجد فارقي=انقلعي_ روحي كدش = الشعر الكثيف المخربط مخدة=وساده أقيد الرقم = اسجله ما بلعتو من زور = ما عجبني اهبدك الين أجدد إيمانك = تهديد عنيف يتتريق : يستهزء اللغوصة : نقل الكلام وتسبيب المشاكل الدحلسة : اذا كنت بتتمصلح مع واحد عشان تبغى منه شي تقول يدحلس كُندرة = جزمة ( الله يكرمكم) مجاغه = يعني إنسان ثقيل دم لكيع  كرُت = فستان ....أمثال حجازية .... إذا جيت رايح كتر من الفضايح. بعد ما أكل واتكا قال ريحته مستكا . حاجه ما تهمك وصي عليها جوز أمك. ست وجاريتين على قلي بيضتين. أعمى ويلضم خرز. دلع الكبار زي الشقدف على الحمار. اللي ماله أم حاله يغم. كنس بيتك ورشُو ما تدري مين يخشو. كل حبه مسوسه لها كيال أعور. على قد زيتوا سرجلوا. الخايبه تتعلق بالحبال الدايبه. عقربه في الغار ولا ضره في الدار. خاتم بفصو وكل شي ترصوا. أهري وانكتي يا جاره وأنا ثابته زي العماره. ....القاب حجازية .... في الحجاز وخصوصا مكه في اسماء يعطوها كنيه او لقب ... وهذي بعضها : عبدالرحمن : الوجيه ...<<<ياناااااااااااسوو عليه عمر : أبوسراج حسن : أبو على حسين : أبو هلال عبدالله : عبادي او ابو عابد عبد الرحيم : أبو رحمه فيصل : أبو عبدالله عبد العزيز : عزيز أو ابوسعود فاطمة : فتو مريم : منّة ابراهيم : أبو خليل علي : أبو حسين أتمنى أنكم أستفدتم وعرفتوا اللهجة   آآآآه الله يرحم أيام زمااااااااان وتحياتي لكم مداوي الجروح - جدة |
|
ممتاز
|
28-09-2006, 05:54 PM
|
#5 (permalink) |
|
مسافر متميز
تاريخ التسجيل: Jun 2004
الدولة: المدينة النبوية
رقم العضوية :7871
المشاركات: 572
|
مشكوووووووووووور حبيبي
 تصدق دحين ما صرنا نسمع هاذي الكلمات ولا حتى الامثال بل للاسف صرنا نستورد امثال من غير بيئتنا الحجازية احنا لازم نسوي معهد لتعليم اللهجة الحجازية لاي واحد يبغى يعيش في الحجاز  حتى نفرض عليه لهجتنا واذا مو عاجبه يشرب من موية البحر او نهبده بارك الله فيك تحياتي
|
|
|
|
28-09-2006, 06:00 PM
|
#6 (permalink) |
|
مسافر متميز
تاريخ التسجيل: Jun 2004
الدولة: المدينة النبوية
رقم العضوية :7871
المشاركات: 572
|
على فكرة اخي ناسس
وانت الصادق طاش ما طاش تناول اهل الحجاز بالاساءة والسخرية المتعمدة وصدقني اهل الحجاز اعترضوا على الاساءة ولكن يبدو ان بعض المتعصبين ومنهم مسؤولين ناسبهم الوضع ولكن تظل الحجاز شامخة شموخ الجبال ويظل الصغار صغارا بين الحفر |
|
|
|
28-09-2006, 06:06 PM
|
#8 (permalink) |
|
مشرف سويسرا و الجزر
تاريخ التسجيل: Jan 2005
الدولة: جـــــــJeddahـــــدة
رقم العضوية :17443
المشاركات: 10,715
|
مداوي الجروح  يسلموا على هذا الموضوع الجميل صحيح إني أنا من سكان جدة لكن ليس من أهلها  ولكن للهجة الحجازية نكهة خاصة مميزة و أكثر ما يعجبني هي أمثالهم الغريبة والمضحكة والتي فيها مغزى وهذه بعض الأمثال الجداوية القديمة مع شرح لمفرداتها *إذا حلقوا لغيرك بل راسك وأستنا *إيش عرف الحمير بأكل الزنجبيل *حاجه ماتهمك وصي عليها جوز أمك *ست وجاريتين على قلي بيضتين *إذا تعاندوا الحمير يابخت الركاب *أعمى ويلضم خرز *حبيبك يمضغلك الزلط وعدوك يعدلك الغلط *حمارتك العرجا تغنيك عن سؤال اللئيم *دلع الكبار زي الشقدف على الحمار *ياريتني بيضه وعرجه أصلوا البياض فرجه *من محبته في عبيدو جعل العمر والرزق بيدو *اللي ماله ام حاله يغم *كنس بيتك ورشو ماتدري مين يخشو *مين في حالك يالي في الظلام تغمز *على قد زيتوا سرجلوا *الخايبه تتعلق بالحبال الدايب *عقربه في الغار ولا ضره في الدار *الصرمه والقبقاب صارو اصحاب *يا داق الموية في المهراس يا مربي وليد الناس *أكلو ملوخيه وصاروا أفنديه *يقطع الخل عالخردل على بياع المخلل *ألف سبه ماتشق توب *اهل البيت صبروا والمعزين فكرو *وقت الكباب صكوا الباب وقت الملوخيه أجمعوا الأهليه *إلا ما يحطك فوق راسه تاج لا تحطه في رجلك شبشب *حزمة كرات ولا صنيعه نخولي *سوي الخير وأرميه في بحر جاري...إذا ما تمر مع المخلوق يتمر مع الباري *مال ماتتعب عليه يروح ما تندم عليه معاني الكلمات: *الدقديق:البطانيه *كرويته:كرسي خشب كبير *اللنقطه:حلاوه قديمه *الدقيسي:مكان تحت الدرج *المرمشه:نهش ما على العظام من بقايا اللحم *زبلحه:التوقح في الكلام *العكننه:إثاره شخص لإخر *الدردبه:الدحرجه *اللغوصه:نقل الكلام *اتلسلس:تباطأ *تتكصوع:تتمايل في مشيتها *جاعوره:البكاء بصوت عال *حسكل:كيس من الجلد يستخدم لحفظ النقود *حرمصه:دخول مكان ضيق نفسك تشوف إيش جوة مع تحياتي: Aboaziz
|
|
|
|
28-09-2006, 06:11 PM
|
#9 (permalink) |
|
عمدة اوزنقول
 
تاريخ التسجيل: May 2004
الدولة: جده ام الرخا والشدة
رقم العضوية :2696
المشاركات: 5,369
|
ماشاء تبارك الله على جده ام الرخا والشدة .
بارك الله فيكم وفقتم كثير في الحصول على مفردات اللهجة الحجازية . من الامثلة الشعبية الي كنت اسمع الوالدة الله يعطيها العافية تقولها : بنى وعلا وراح خلا . ربي ياخايبة للغايبة . |
|
|
|
28-09-2006, 10:48 PM
|
#11 (permalink) |
|
مسافر متالق
تاريخ التسجيل: May 2006
الدولة: الغربية
رقم العضوية :76703
المشاركات: 897
|
يعطيك العافية يا مداوي الجروح
هذي بعض المقالات لحبيبنا أبو فتو الكاتب في جريدة عكاظ ( المقال بالهجة الحجازية ( المكاوية) ) >>>>> جاتكم الاختبارات <<<<< لسه ابغى اخرج من البيت عشان اروح المركاز الا واسمع فتو بتقول لا تنسى تجبلي معاك دفتر ابو 60 وكراسة رسم خرايط وتصور معاك الملزمة حق اختبار العلوم لان الاختبارات بعد اجازة عيد الحج.. الله يخارجني منكم انتي وامك طلباتكم ولا تخلص طيب حاضر تبغي شي تاني استني شوية أسأل امي? لا دخيلك لا تسأليها خليني اروح المهم قفلت الباب وجيت خارج الا وجرس الجوال يدق وانا عند باب العماره الا ودي ام فتو ما قلتلكم طلباتهم ما تخلص... هااااااااه يا ام فتو ايش تبغي? على بالك ما في جوال اقدر اصيدك فيه خلاص ايام التلفون ابو هندل ولت دحين اجيبك من اي مكان تكون فيه... طيب ايش تبغي.. جيب معاك تايد ودوا غسيل ونيله عشان ابغى اخمش التياب قعدت اضحك واقول الله يرحم ايام زمان ايام صابون ابو عجل وصابون ابو كولاب طيب حاضر اللي طلبتيه انتي وفتو حجيبوا لما ارجع من المركاز المهم ركبت السياره وانا ماشي قعدت اقول في نفسي دحين الاختبارات حتكون بعد الاجازة انا ماني عارف الحبايب اللي في وزارة التعليم يحبوا يبهدلوا ويشعتروا الطلاب والطالبات بالشكل ده ليه انا ماني عارف..? ايش فيها لو كانت الاختبارات بعد اسبوع من اختبارات درجات اعمال السنة اللي بيقولوا عليها يعني كده زي ما بيقولوا (حار يا فول) كان على الاقل الطالب والطالبه حيكونوا مستعدين للاختبارات لكن حيقعدوا يدرسوا في المناهج الين تجي الاجازة ولما تجي الاجازة حتكون كل الدروس اللي اخذوها اتبخرت وراحت في البي باي لا والمصيبه الكبيرة انه الاختبارات بعد يومين من الاجازة (هيا خيطوها يا حبايب) ليه كده دايما تخلوهم محتارين ليه كده دايما تصعبوا لهم الدخول في الامتحانات ليه كده دايما ما تجي الاختبارات الا بعد اجازة عيد شوال او عيد الحج فين راحوا الاكاديميين والمستشارين اللي في الوزارة ليش ما يكون عندنا حل لمشكلة الاختبارات اللي دايما ما تصير الا بعد ما الطلاب والطالبات يرجعوا من الاجازات ليش ما يكون في تخطيط مدروس لهادي المشاكل قبل ما تجي الفاس في الرأس عشان ما تضييع الدروس من عقول طلابنا وطالباتنا يعني كل الحكاية تخطيط وتنظيم مدروس عشان يقدر الطلاب والطالبات يجيبوا نتايج طيبه في امتحاناتهم وما نشعترهم في حكاية الاجازه هادي اللي بتبهدل كل عيله في كل بيت. >>>>مقاضي العيد<<<<<< من يوم ما عطلت المدارس اللي ما كان لها لزمه اصلا لانه الحكاية كلها عشرين يوم كان يمديهم الحبايب اللي في التعليم يدبروها من هنا والا من هنا يللا الحمد لله عدت على خير والحمد لله برضو مرة ثانية انه ما كان فيها اختبارات والا كانوا الطلاب والطالبات حيجيبوا العيد لانهم يللا يصحصحوا للمدرسة كمان فيها اختبارات المهم انهم ضيعوا عليهم روحانية الشهر الفضيل وخلوهم عايشين مربوشين في البيوت ومزحومين في الشوارع وسلمولي على التخطيط المهم ما علينا خلينا نرجع لهرجتنا من يوم ما عطلت المدارس وام فتو جايبالي الجنان نبغا ننزل السوق عشان نشتري ملابس ومقاضي العيد قبل ما تصير الاسعار نار لسه حتصير نار هادي صارت نار وانحرقت كمان المهم نزلنا السوق وعينك ما تشوف الا النور اوادم وحريم ورجال واطفال أمة لا اله الا الله كلها نزلت وتركت بيوتها وهجت على الاسواق والشوارع مزحومه من كتر السيارات اللي فيها وكل ما دخلنا معرض من المعارض نسأله بكم طقم الفستان او التنوره يقولك 500-700 وفي بعضها يوصل لـ2000 ريال وتسأل صاحب المعرض ليه كده الاسعار غاليه يقولك هادا من فرنسا وهادا من كولومبيا وهادا من عند عم معتوق بياع الشرشو ... وهوه لا هوه من كولومبيا ولا حتى من فرنسا اللي جنب باريس كلها بتتصنع في البلد بس بعض التجار اللي ما يخافوا الله يجيب الاستكرات وهات ياطبع في الفساتين والتنانير ويحط البلد اللي يبغاها بحلقت فيا ام فتو وقالتلي شكل العالم دي اتجننت في عقلها.. رديت عليها وقولتلها طالما ياستي مافي رقابة مزبوطة عليهم خليهم يسوو اللي يبغوا ونحنا الغلابة ندق راسنا في الجدر لانه هادي المعارض كل مازودت في اللمبات اللي بترصها في معارضها كل مازودت في الاسعار عشان يبهروا عيون الحريم. طيب كيف حنسوي في ملابس العيد حقي وحق فتو. حنروح أي سوق من الاسواق الشعبية واشتري اللي تبغي انتي وفتو على الاقل اسعارهم معقولة وبضاعتهم تربش اتفقنا ياستي.. اتفقنا يا أبو فتو بس في حاجة كنا حننساها ايش هيه دي يا أم فتو.. مقاضي الدبيازة معقولة يا أم فتو انسى حاجة زي دي اول شي حنشتريه مقاضي الدبيازة وفي ليلة العيد انزل اشتري الشريك والجبنة والامبة والزيتون والاشار واللبنية والهريسه واللدو لانه هادي عاداتنا وعادات اهل البلد وفطورنا وفطور اهل البلد وكل عام والحبايب من القراء والقارئات بخير وصحة عساكم أنبسطو با المقالات .................. تحياتي لكم |
|
|
|
29-09-2006, 03:52 AM
|
#15 (permalink) | |
|
مسافر متميز
تاريخ التسجيل: Jan 2005
الدولة: جدة
رقم العضوية :17326
المشاركات: 586
|
اقتباس:
تسلملي حبيبي على ردك الحلو والله
 طبعاً اكييييييييد راح تستمتع لإنها حلووووووووه مرررررررره تحياتي لك مداوي الجرو ح -جدة |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:00 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||