الموضوع: اثيوبيا بلاد السحر والجمال

اثيوبيا قد لا يعرفها الكثير فهى بلاد الطبيعه الساحره 0000 العاصمه اديس ابابا 0000المدن السياحيه 1 دبر زيت 2 اواسه 3 لنقانو 4 بحردار 5 قوندر 000 هذه المدن كلن حسب جغرافيتها فدبر زيت عباره عن بحيره تحيط بها الغابات والمصطحات الخضراء اما اواسه فهى تطل عاى نهر النيل وبامكانك اخذ قارب والتنزه بين الجبال الخضراء وبحر دار فهى ارض الشلالات000 وعملتها البر000 وعدد سكانها 60 مليون هذه لمحه بسيطه عن اثيوبيا واى استفسار او سوال انا جاهز وشكرا

الله يعطيك العافية وطولة العمر يا اخ هشومي وتراني لي فترة طويلة وانا ادور معلومات عن الحبشة ولا لقيت عنها شي وانا معزم انشاء الله اروح لها قريب يعني بعد اسبوعين تقريبا ولا كني ما اعرف عنها الا القليل وانا بروح ادربي راسي هناك والله يستر ولكن انشاء الله بمعرفتك انشال اكبر هم عندي وهو المعلومات عن هذا البلد
ويا ليت تقول لنا وين احسن مكان اروح له هل اجلس في العاصمة ام هناك اماكن افضل وكيف السكن هناك وهل هو نظيف وكم سعرة ولاكل والله الله في الاكل كيف اكلهم عساه ينسبنا والامن هل هي امنة باليل وبالنهار وكيف تعامل شعبهم هل هم مثل
تعامل الاخوة العرب معنا ولاطيبين والجوال عساة شغال هنا اقصد الجوال السعودي الاني سمعت من الاخوة الي زارها قبل فترة ليست بالقريبة ان الجوال ما يشتغل هناك
في الختام اشكرك جزيل الشكر والمعذرة على كثرة الاسالة ولكن سعة صدرك شجعتني على ان اخذ راحتي بالسؤال

اخوى الذيب وابو يزيد هذه بعض المعلومات عن اثيوبيا السكن يوجد فنادق ويوجد فيلل مثل فندق الكونكورد والشرتون والهليتون وانا افضل انك تسكن فى الفيلل بحيث تستاجر فيلا مكونه من 2 او 3 او 4 غرف حسب نظام الفيلا مع مطبخ ودورة مياه وصاله مقسومه نصفين عربى وافرنجى وحديقه تابعه للفيلا مع الخادمه وهم يطلبون السعر عاى الغرفه الواحده 50 بر اى مايعادل 25 ريال شامله الفيلا كاملهوالاسعار مش ثابته بس ماتعدى 80 بر للغرفه 0000000000 الاكل العربى متوفر فى المطاعم العربيه هذه بعض اسماء المطاعم مطعم محمد المندى ومطعم سنقام ومطعم صنعا ومطعم السفير 0000 تعامل الشعب هو الى يخليك تحب البلد فهم شعب طيب افضل انك تاخذ تاكسى معاك عاى طول وياخذ منك 100 بر فى اليوم 50 ريال والافضل انك تجلس فى العاصمه كاول زياره لك للتعرف عليها عن قرب اما بالنسبه للامان شوف اخوى اذا مااعتديت على احد ماحد بيمس شعره منك فى النهار خذ راحتك فى التنزه على رجولك اما فى الليل فانصحك اذا بغيت تطلع تاخذ التاكسى الى معاك وراح تكتشف شعب غريب وعجيب فى تقاليدهم وعاداتهم وانصحك انك تروح حديقه بيرا زقى فهى قمة الروعه الشعب الاثيوبى يتكلم الانجليزى واذا لزمك الامر عناوين سكن او اى شى لا يردك الا لسانك وشكرا

مشكوووورررر وما قصرت والله انك سويت فيه خير وللمعلومية حنا الي بنروح اثنين انا وصاحبي وياليت اخوي هشومي لوتعطيني بعض العناوين للسكن الي انت مجربها وتنصح فيها او سواق امين ويعرف الديرة زين ولي طلب اذا ما كان فيه احراج لك ولا بلاش منه وهو انك تعطيني رقم جوالك علشان اتصل عليك اذا بغيت مشورة عاجلة واشكرك على اهتمامك بالرد علي وتراك كفيت ووفيت

أخوك أبو يزيد

اشكر الاخ هشومي وفعلا هذي هي المعلومات التي نحتاج لمثلها لان البلد جديد علينا وما فيه اي معلومات عنه
اود ان اسأل عن الفيزا وعن افضل خطوط للوصول الى اديس ابابا

[align=center] هلا فيك اخ هشومي وكيف حالك .

لا ادري لكن خلفيتي عن افريقيا انها بلاد حروب . ما رأيك ؟

تحياتي .[/align]

الله يعطيك ألف عافية أخوي هشومى , مشاركة متفردة وتجربة مميزة , وعلى حد علمي فإن أثيوبيا فيها استقرار أكبر بكثير من جاراتها سواء السودان أو الصومال , حيث إعتمد على هذه المعلومة من مصدرين , بداية : زيارة الأمير الوليد بن طلال لأديس أبابا وبحثه مع الرئيس الأثيوبي سبل الإستثمار في أثيوبيا خصوصا في المجال السياحي , وثانيا تجربة بروفيسور في جامعة الملك فهد حيث ذكر أن أثيوبيا بلد متطور وفنادقها لا تقارن بالموجودة في الدول المحيطة بها.....

تحياتي :)

[align=center]يــا هــلا ويــا مــرحبــا فـيـك اخي الكريم / هــــــــشـــــــــومــــــــــي

فرصه سعيده وتشرفنا بأطلالتك وانظمامك لهذا المنتدى الرائع الهادف .. حبيب قلبــي

* اتمـنـى ان تـعـطـيـنـا عـلـومـك مـن لحـظـة ما طلعـت من المطــار .. لا ااا .. اقـولـك : وش رايك من لحـظـة مـا نـويت تسـافـر وكذلك السبب الذي جعـلـك تخـتـار اثـيـوبيــا .. حـتــى رجـعـت بالســلامــه .. بمـا تراه ينـاسب وقتـك وظروفـك .. لتـعـم الفـائـده ويتحقق الهـدف فقـد يـكـون بين ما تذكره اسئلـة نكون غافلين عنهــا .. ونـتـرك موضوع الـسـؤال والـجــواب .. بعـد ان تخـتـم سالفتـك .. ولا تنـسـى تـذكـر جميـع الـعنـاوين والارقام والمواقع والروابط ان وجد .
مجــرد رأي ....وش رايــك
فبصراحـه انا كذلك ناوي اسافر بعد اسبوعين اجازتي السنويه ولم اقـرر بعـد اتجـاهـي .. فكل ما نوينـا نوضب الهاند باق .. يطلع لنـا امـا مرض دجاج ولا مرض ناموس ولا مرض من الهواء ... .
اسف طولتهـا عليـك ... ولكن ترانا نستـاهـل :D


. تحـيــاتـــي لــك .[/align]

وانا مع رأي الجاسر اذا كان ذلك لا يزعجك

مشكور وما قصرت يا هشومي
ويعطيك ربي الف عافية