 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
02-09-2006, 08:11 PM
|
#91 (permalink) |
|
مسافر متميز
تاريخ التسجيل: Jun 2006
الدولة: سحر الشرق
رقم العضوية :89330
المشاركات: 363
|
ماشاء الله كلنا خلفك ومنتظرين بفارغ الصبر تكملة الرحلة...وكلنا نطالب المشرفين بتثبيت الموضوع ويكون من أوائل المواضيع..ماشاء الله أسلوب وصور وأداء واخراج ولا أفلام الهوليوووووود....
لاتكوني بس متقاولة مع وزارة السياحة بماليزيا اذا صج.الصراحة دعاية ولا علي في الخيال... واذا منتي متقاولة معهاهم فانصحك تعرضين عليهم الموضوع صدقين بيدفعلوك المبلغ الي تبينه مقابل دعايتك الجميلة..تري يوميا ننتظر تكملة الموضوع وباالأمس الي الصبح كنت منتظر التكملة... ماشاء الله موضوع رائع وأتمني بأن لايكون أخر مواضيع ريانة دهن العود في المنتدي..ونتمني طرح المزيد والمزيد من الابداعات...صحيح عندنا مواهب كثيرة ولاكن من يكتشفها ويصقلها؟؟؟؟؟؟ أختي أخيرا همسة في الاذن "الوصول للقمة ليس بصعب ولكن الصعب المحافظة عليها".... وفي النهاية أتمني التوفيق لك وبأن تكوني صاحبة قلم يوما ما تنثري الابداع في كل مكان ومساهمة في بناء النهضة العربية الأصيلة... |
|
|
|
02-09-2006, 08:19 PM
|
#92 (permalink) |
|
مسافر متميز
تاريخ التسجيل: Jun 2006
الدولة: سحر الشرق
رقم العضوية :89330
المشاركات: 363
|
اذا كان المبلغ الي تريدينه مقابل بيع الموضوع الي وزارة السياحة في ماليزيا
 .....فأنا أنصح بأن يكون رحلة مجانيه الي ماليزيا والسبب اننا نعيش أجواء الجزء الثاني من تقرير البؤساء في ماليزيا للكتابة والمخرجة ريانة دهن العود.. .أكيد بننبسط ثاني  ....
|
|
|
|
|
03-09-2006, 09:16 AM
|
#94 (permalink) |
|
مسافر خبير
تاريخ التسجيل: May 2006
الدولة: البحرين نور العين
رقم العضوية :79427
المشاركات: 1,226
|
 الوداع لانكاوي آآآآه على وداعك يا لانكاوي صراحة ما كنت حابة أني أطلع من الغرفة لأني ما شبعت من لانكاوي  وهذي صورة الغرفة قبل ما أطلع رغم الذكريات المخيفة   وتصدقون بعد ما طلعنا أغراضنا وعملنا الشيك أوت أكتشفت أن فاوتشرات أو كوبونات الشراب الترحيبي كان عندي بالشنطة وناسيته  وعليه على أهلي ما أشربوا العصير الترحيبي المجاني من الفندق كل مني ومن التفهي الزايد المهم طلعنا من الفندق وكان محمد ينتظرنا كالعادة بس الحمد الله هالمرة ما تأخرنا عليه طبعا لأن في طيارة راح تطير عنا إذا تأخرنا ورحنا المطار مطار لانكاوي قريب جدا من الفندق أخذ منا الطريق بس خمس دقايق ووصلنا المطار وهذي الصورة أخذتها قبل ما أدخل المطار  وهذ مدخل المطار  وعلى أيدكم اليمين تلقون حبيب الحريم  السوق الحرة  ومقابلتكم الكاونترات  ويسار المطار أماكن للجلوس واللي لفت أنتباهي هالفكرة الحلوة  وبس بـ 2 رينجت  طبعا أخواتي والوالدة راحوا على السوق الحرة وأنا وعليه علي رحت مع الوالد عند الكاونترات عشان ندخل العفش وأنتظرنا في الصف لحد ما جا دورنا وأنا قلبي في أيدي لأني كنت خايفة أن يطلع علينا وزن زايد ويزعل الوالد علينا والموظفة تدخل أغراضنا وأنا مستانسة أن ما عندنا زيادة في الوزن  يوم خلصت الا تقول للوالد السيد فلان .............. قال لها نعم قالت له : عندك وزن زايد لأن لكل شخص مسافر له بس 15 كيلو فقط وأنتوا وزنكم زايد وأحنا نحسب الكيلو الواحد بـ 8 رينجت وأنت عندك على ما أظن 30 كيلو يعني يطلع حسابك 240 رينجت كامل هل بتدفع ؟؟؟ طبعا الوالد على طول قال لها أكيد  الا يلتفت علي الوالد الا يقول أأأأأأأأووووووووووووه من اللحين وزن  الحمد الله الوزن عندهم رخيص وما يقص الظهر جان ما خليتكم تشترون شيء وتمشون بالسوق من غير فلوس  قمت قلت له لألألألأ حرام عليك أصلا هذا الطيران الوزن للشخص بس 15 يعني مو ذنبنا  الا يقول والله ياليت كل خطوط الطيران مثلهم الكيلو بـ 8 رينجت بس الحمد الله  المهم بعدها دخلنا البوابة  وهناك شفت وحدة من الحريم اللي كانوا معنا بالفيري اللي من بينانغ لحد لانكاوي رحت لها وسلمت عليها وسألتها وينكم ذاك اليوم ما شفت أحد فيكم معنا في الفيري الا تقول بل لا تجيبين لي طاري حلفت أني ما عاد أركبها مرة ثانية قلت لها ليه بالعكس كانت زينة و لا حسينا بأي شيئ وكلها 45 دقيقة ووصلنا لانكاوي الا تقول لالالالالالا ساعة وشوي قلت لها ليش أها انتي رحتوا من قدح ألا تقول أي قلت لها أحنا رحنا من محطة ثانية أسمها بيرلس الا تقول أأأأأوف من الفيري أول شيئ ما كان في شيئ وبعد شوي الفيري تركب فوق وتنزل تحت والناس ترجيع وقرف على الآخر والناس تصارخ وتتشهد ويضربون الباب على الكابتن بس ما يفتح ومطنشهم على الآخر لحد ما وصل يوم قالت لي هالكلام صراحة أنكسر خاطري وقلت الحمد الله هالمرة ما صرنا بؤساء ورحنا بكل أمان وراحة وعلى هالسالفة ضاع الوقت وجا وقت ركوب الطيارة وهذا مكان للمدخنين داخل القاعة  وبفضل التكاتيك الأطفال كالعادة اللي معهم أطفال يدخلون الطيارة أول شيئ    دخلنا الطيارة  الا نسأل المضيف وين نجلس الا يقول أي مكان تبغون وهو يضحك قلنا أفا عليك بنجلس في ثاني صف وأحتلينا الصف الثاني والثالث تعرفون الأول عند مخرج الطوارئ وما ينفع لنا   صورت هالصورة وأنا أتمنى من كل قلبي أني أرجع أشوف هالمكان مرة ثانية   وبعد شوي أقلعت الطيارة وأنا أصور لانكاوي من فوق   وبعد شوي شفت هالمنظر الا أقول ياااااااااااه  فندقنا بلانجي بيتش ريزورت  وتصدقون بالأول ما عرفته بس يوم شفت البحيرات خبركم غرفتنا مطلة على البحيرة عرفته وبعد شوي أرتفعت الطيارة زود وصارت المناظر تعور القلب من حلاتها  سبحان الله شيء أخضر وسط البحر أخليكم مع الصور     سبحان الله مناظر خلتني أعشق ماليزيا  وبعد شوي جات المظيفة تشوف طلبات الناس لأن الأكل بفلوس قمت شفت القائمة وهذي صورة القائمة  وطلبت عصير برتقال وهذا صورته والسعر جنبة عشان ما أنسى لأني نسايه من النوع الزين  وبعد ما خلصت العصير صار وقت الهبوط والحمد الله هبطت الطيارة بكل سلالالالام وهدوء الحمد الله يتبع ,,,,, |
|
|
|
|
03-09-2006, 09:56 AM
|
#96 (permalink) |
|
مسافر خبير
تاريخ التسجيل: May 2006
الدولة: البحرين نور العين
رقم العضوية :79427
المشاركات: 1,226
|
[
ونزلنا من الطيارة مثل ما ركبنا بسلالم وكان المطار غير عن مطار كولالمبور للطيران الداخلي وما قدرت أصوره لكثرة العرب في المكان تعرفون مو عدله وأخذنا شنطنا والحمد الله هالمرة الشنط وصلوا أول شيئ أخذنا الشنط وطلعنا برة وأخذنا تاكسي فان لجنتنغ بـ 250 رينجت وأحنا بالطريق وقفنا في محطة قام الوالد مشكور  يجيب لنا من السوبر ماركت خرابيط ايس كريم وشيبس وهالشغلات يوم فتحنا الكيس الا نشوف هذا معهم  قلنا أيش السالفة يبه ليه أخذت هذا معك قال شنو قلنا له نودلز الا يقول وأنا أيش دراني كنت مستعجل ولا حطيت بالي على بالي أنه نوع من أنواع الشيبس اللي كل مرة تأخذونه اللي أسمه برينجلز   وبعدها واصلنا الطريق لجنتنغ وأخليكم اللحين مع الصور     وكنا كل نمشي أزيد ونرتفع أزيد يبرد الجو  قمنا قلنا للسايق سكر المكيف خل نستمتع بالجو    ووصلنا لجنتنغ بعد ساعة ونص تقريبا وهذي الصورة للأسف أخذتها على آخر الوقت وما لحقت الا على كلمة هايلند وراحت كلمة جنتنغ في التوووش  وبعد خمس دقايق بدينا نشوف الملاهي ومنطقة الفنادق  وصرت أدور فندقنا ويوم شفت هالفندق قلت في نفسي هذا أكيد فندق جنتنغ بو خمس نجوم شكلة حلو   الا يقول لنا السايق أنتوا في هالفندق  أنصدمت قلت له الفيرست ورلد قال لي أي قلت والله زين شكلة من بره والله يستر منه من داخل لا يكون من بره الله الله ومن جوه يعلم الله  وهذا المدخل  ويوم دخلنا أنصدمنا من النظام عندهم اللوبي كأنه مطار وفيه بطاقات تسحب ولما يجي رقمك تروح على الأستقبال  قاعة الأنتظار   وكان فيه إذا ما خاب ظني تقريبا 36 كاونتر للأستقبال والمكان كبيرررررررر وجلسنا ننتظر تقريبا من 10 الى 15 دقيقة وأخيرا صار دورنا ورحنا والحمد الله الحجز موجود بس للأسف ما كان في غرف ورلد كلوب جنب بعض بس غرف سوبريور والغرف الورلد كلوب مو جنب بعض أو أنهم في البرج القديم قلنا خل نشوف الغرف السوبريور وعلى فكرة مبنى رقم 1 قديم والمبنى 2 هو الجديد والحمد الله يوم شفت أقتنعت بعيني وبنفسي أن مو شرط يعطوننا أحنا العرب الغرف المستهلكة بالعكس الموظفة كانت في قمة الذوق نصحتنا في المبنى الثاني وفعلالالالالا بس وأنا أكلمها طاحت الكيمرة من أيدي وللأسف ما أشتغلت بعدها وصرت مثل المجنونة شلون بكمل التقرير ما في غير الجوال وخلصت المشوار بالجوال وهذا الطريق للغرفة هذا المصاعد لمبنى رقم 1 القديم  الطريق الى المبنى رقم 2  مصاعد المبنى رقم 2 وعلى فكرة لكل مبنى في 12 مصعد  وهذي الصورة من داخل المصعد  في الممرات في حنفية للماء البارد والحار  كل الفنادق فيهم ماكينة ثلج أو منظف للأحذية أعزكم الله وهالفندق حنفية ماي الممرات داخل الفندق   وهذا مفتاح الغرفة  وقبل ما نفتح الغرفة الا نشم ريحة الكلوريكس  كانوا منظفين الغرفة بالكلوريكس الريحة واصلة لي بره وهذي صور الغرفة وأخليكم مع الصور     وهذي صور للغرفة بالليل      تقيمي عن الغرفة حجمها مقبول يعني في مكان للصلاة لا تخافون واللي عجبني فيها أن الأثاث جديد وكل شيئ نظيف |
|
|
|
|
03-09-2006, 10:06 AM
|
#97 (permalink) |
|
مسافر خبير
تاريخ التسجيل: May 2006
الدولة: البحرين نور العين
رقم العضوية :79427
المشاركات: 1,226
|
وهذا الحمام أعزكم الله      مكتوب على المرايا وبجميع اللغات حتى بالعربي أنه يمكنك أستخدام الماء للشرب بس ولا ذقناه طبعا  تقيمي عن الحمام أعزكم الله كان نظيف وهذا أهم شيئ صراحة كانت تكفي ريحة الكلوريكس اللي تدل على النظافة وكان فيه شطاف ويبين أنه جديد بس طبعا زعلت كثير عشان الكيمرا  ونزلت على طول عشان أشوف إذا في مكان يصلحها لي نزلت لوحدي وتفاجأت يوم نزلت بالمكان ما كنت أتوقع أن في مجمع تسوق في جنتنغ أخذت الكيمرا لمحل للكيمرات هناك وفحصها وقال لي ما في فايدة  ما يعرف يصلحها للأسف وصرت شوي وببكي ورجعت للغرفة وهذي الكيمرة اللي ما تهنيت فيها الا أسبوع  ورحت للوالد وقلت له أن الكيمرا ما راح تتصلح قال لي لا تضيقين نفسك و إذا تبغين شوفي في المحل نفسه وأشتري وحدة جديدة أحسن ولا يهمك  شكرته طبعا وأخذت بطاقته الفيزا وبسرعة  على المحل نفسة اللي شاف لي الكيمرا بس وأنا بالمحل مع أخواتي الا وحدة من خواتي تقولي ليه تأخذين كيمرا جديدة روحي أخذي ميموري كارد للجوال أحسن وصوري بالجوال قلت والله فكرة وأوفر وعشان ما أخسر الوالد بعد وأخلي الفلوس للسوق أحسن  وهذا محل التيلفونات اللي أخذت منهم ميموري كارد  وبدأ مشوار السوق  والتكتوك والتكتوكة يبغون يروحون الملاهي  والصراحة السوق حلو وكانوا عاملين تخفيضات مو طبيعية وبعدها ركبنا المصعد اللي يأخذنا على الفندق وهذا الزين أن موقع الفندق ممتاز تحتك السوق والملاهي على طول  وفي طريق الرجعة أخذت لكم هالصور من الفندق  وهذا مجسم للمشروع بالكامل   رجعنا الغرفة وأرتحنا شوي وبعدها نزلنا كلنا للملاهي   يتبع ,,,,,, |
|
|
|
|
03-09-2006, 10:10 AM
|
#98 (permalink) |
|
مسافر خبير
تاريخ التسجيل: May 2006
الدولة: البحرين نور العين
رقم العضوية :79427
المشاركات: 1,226
|
نزلنا نبغي نقطع تذاكر بس للأسف يومها كان الجو مو مناسب ومسكرين الألعاب الخارجية وقطعنا تذاكر للملاهي الداخلية بس مو الكل بس التكاتيك لأن أحنا كان ودنا نكتشف المنطقة أكثر ونشوف السوق أحسن أخليكم مع الصور                    وبعد السوق والملاهي رحنا تعشينا بمطهم من المطاعم اللي هناك كان خاطرنا شوي نغير ونشوف أكلهم وكان بعض الأكلات مقبولة وبعضها حلوة الحمد الله |
|
|
|
|
03-09-2006, 10:23 AM
|
#99 (permalink) |
|
مسافر خبير
تاريخ التسجيل: May 2006
الدولة: البحرين نور العين
رقم العضوية :79427
المشاركات: 1,226
|
ورجعنا الغرفة على الساعة 10 ونص وكان كل شيئ فاتح وما في شيئ مسكر
ويوم رجعنا الغرفة على طول فتحنا الستارة واحنا نقول أن شاء الله بكرة الجو أحسن عشان نلعب بالملاهي الخارجية وما نصير بؤساء من قلب  ونمنا بعدها على طول من التعب  طبعا مثل ما تعرفون أن غرف الفندق بدون مكيف قمت يوم جلست لصلاة الفجر كنت حابة أشوف الجو بره شلون فتحت الستارة وفتحت الدريشة وتركتها مفتوحة ونمت ويوم صحينا متأخرين الصبح اقول لأخواتي يالله قوموا قوموا الا يقولون ما نقدر نقوم برد كأن مكيف يشتغل وين المكيف ما نشوف مكيف بالغرفة قمت رديت عليهم وانا ميته من الضحك الدريشة مفتوحة قاموا على طول يضربوني  تجهزنا بس أحنا طبعا جالسين متأخرين يعني ما في فطور ولا شيئ ورحنا الملاهي الخارجية والحمد الله هالمرة مفتوحة الملاهي الخارجية وقطعنا تذاكر للملاهي الداخلية والخارجية وبدأ المشوار وأخليكم مع الصور وأعذروني على القصور بس كنت مشغولة مع التصوير بالفيديو     وهنا التكتوكة تسابق الشين شان شونغ    والحمد الله أن في مكان للأطفال عشان يلعبون لأن أغلبية الألعاب اللي بره للكبار وكانت التكتوكة كل شوي تصيح أبغي ألعب ليه ما يدخلوني هاللعبة  وصار العصر وبدأ الغيم يغطي المكان والبرد يزيد  قمنا رجعنا الغرفة وأسترحنا شوي ورجعنا نزلنا تعشينا في بيتزاهت   والأسعار في بيتزاهت صراحة رخيصة طلبنا طلبات كثير وبالأخير صارت الفاتورة 110 بس غير أن طعم البيزا عندهم غير وأحلى ورجعنا نتمشى في الملاهي الداخلية وشفنا عالم الثلج وقررنا ندخل وطبعا التصوير ممنوع بس صراحة ما أفتكرت فيهم  قبل ما تدخل المكان يعطونك جاكيتات وقفازات عن البرد المكان كان حلو وكله ثلج تجلس في المكان تقريبا نص ساعة وفي خلال هالوقت ينثرون ثلج من فوق وفيه مكان للتزحلق بس أنا أكتفيت بالمشاهدة والضحك على طيحات الناس هذا يمشي ويطيح وهذا يلحق ذاك ويزلق وأنا ميته من الضحك طول الوقت    بس أمي ما أستحملت البرد وطلعت بره قبل ما يخلص الوقت والصراحة أن شاء الله إذا رحت جنتنغ مرة ثانية بعد راح أدخل عالم الثلج مرة ثانية وبعدها على طول رجعنا نلعب في الألعاب الداخلية وحتى ألعاب الأطفال لعبنا فيها حتى الوالد والوالدة معنا سهرنا هناك لحد الساعة 1 الصبح لحد ما سكروا كل الألعاب ورجعنا الغرف وعلى طول نووووووووم  ونهار يوم ثاني جلست الساعة 9 ونص عشان ألحق على الفطور عشان أصوره لكم وهذا الطريق للبوفيه    المكان مو كبير مره الا ألف مرة  ومو زحمة مره الا مليون ألف مرة  والصراحة ما يشجع للأكل من زود الزحمه بس فيه نقطه عجبتني كثير أنهم يراعون للناس اللي ما يأكلون اللحوم النباتيين وعاملين لهم قسم خاص  وبعدها رحت على طول للأستقبال وسألتهم أذا في أمكانية أني أشوف الغرف غرف الورلد كلوب عشان أصورهم للمنتدى قالوا لي أكيد بس الغرفة من نظيفة قلت لهم مو مشكلة بس أبغي أصور وفرجوني على الورلد كلوب اللي بالمبنى القديم وطبعا في فرق بينها وبين المبنى الجديد وهذي صورة للغرفة الورلد كلوب القديمة    وهذا الحمام أعزكم الله   والمبنى القديم رقم 1 كان حالته حاله والصراحة ما شفت فيه الا الصينيين وهذي صورة الغرفة الورلد كلوب اللي بالمبنى الجديد واللي كان حجزنا عليها وطبعا الغرفة مو منظفينها مثل ما قلت لكم وأعذروني بس كنت حابة أني أصور لكم وشيئ أحسن من لا شيئ   الغرفة كبيرة وواسعة طبعا    وهذا الحمام أعزكم الله   طبعا أنا صورت لكم أنواع الغرف عشان تعرفون أن في أنواع كثيره للغرف في هذا الفندق في غرف ستاندرد وغرف ديلوكس وغرف السوبريور ديلوكس وغرف سوبريور ورلد كلوب وبعد ما صورت الغرف رجعت الغرفة والحمد الله أخواتي هم اللي رتبوا أغراضي بالشنطة هالمرة جزاهم الله خير أن شاء الله ونزلنا عشان نعمل شيك أوت من الفندق بس قالوا لنا أن أحنا مدفوع لنا من قبل وما يحتاج أي شيئ بس نحط البطاقة بهالبوكس ونمشي  تقييمي عن المكان صراحة حسيت أن ظلم أننا أخذنا بس ليلتين في هالمكان جو بارد وطبيعة وسوق ومطاعم ومقاهي واللي يميز المكان أن كل شيئ يسكر في وقت متأخر من الليل ورغم أننا جلسنا ليلتين غي جنتنغ بس بعد ما حسينا أنا والأهل كلهم أننا شبعنا من جنتنغ خصوصا أخر ليلة لما لعبنا بالألعاب كلنا وعاتبني الوالد ليه ما خليتي الأيام في جنتنغ أزيد بس خدمة الفندق كانت سيئة للغاية يعني لاتتصلون تبغون شيئ ما يجون الا بعد نص ساعة وهذا اكيد من زود الزحمة عندهم وما يجيبون لكم المكواة لالالالالالالالا تروحون في الطابق 18 في غرفة صغيرة فيها مكواة وهذي آخر صورة لمواقف الفندق قبل ما نأخذ السيارة اللي بتأخذنا لآخر محطة لنا هي كولالمبور فندق الريجنت  وأن شاء الله أشوفكم مع البؤساء في كولالمبور |
|
|
|
|
03-09-2006, 11:37 AM
|
#100 (permalink) |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
تقرير ولا اروع صرااحه
ومعوضيين ان شاء الله على الكاميرا كيف طريقه طيران اسيا اير لاين وهل انتوا حجزتوا من النت والا من مكتب؟؟ تابعي اختي وبانتظار باقي التقرير ((متاااااااااااااااااااااااااابعين)) |
|
|
|
|
03-09-2006, 05:38 PM
|
#103 (permalink) |
|
خبير سفر ماليزيا
 
تاريخ التسجيل: Jul 2005
الدولة: الرياض
رقم العضوية :29479
المشاركات: 2,079
|
تقرير جميل وممتع ... مليء بالعبر والطرائف والمواقف المحرجة والعصيبة ...
صدقوني ... هذه المواقف تجعل من المسافر أكثر خبرة ودراية بالسفر ... فمع كل موقف ... حل وتجربة ... وهنا تكمن الفائدة ... واصلي أختنا الكريمة تقرير (( السعداء في ماليزيا )) .... أبعد الله عنا وعنكم البؤس .... ووالدينا وجميع المسلمين ... |
|
|
|
|
03-09-2006, 06:02 PM
|
#105 (permalink) |
|
مسافر متميز
تاريخ التسجيل: Jun 2006
الدولة: سحر الشرق
رقم العضوية :89330
المشاركات: 363
|
[SIZE="3"]ماشاء الله تقرير جميل عن جينتنغ والفندق كان رائع جدا بحكم سعره..أنا نزلت في جنتنغ هايلند خمسة نجوم وكان سعره بسعر الليلتين في الفرست ورلد وبصراحة ندمت اني مانزلت فيه وأخذت ليلة زيادة في جنتنغ..وطمنتيني جدا من ناحية طيران الاير اسيا لانه رحلتي الاسبوع القادم الي لانكاوي والله يطمنك دوما...وبصراحة جنتنغ حلوة جدا وجوها جميل والمفروض لنا الخليجين بأن نقضي فيها وقت أطول وذلك للجو..وجنتنغ بصراحة جميلة للعوائل مع الأطفال وخاصة للعرسان الجو فيها رومانسي وأكثر من رائع....والصور ماشاء مأخوذة بطريقة جميلة جدا وخاصة للنكاوي من الطيارة..أقترح بأن نعمل متحف لصورك الجميلة وتمسينه بأسمك...
بصراحة الأسلوب والصور معمولة بطريقة رائعة ومنافسة للتقارير الأخري..يعني هذه اشارة بوجود منافس جديد وقوي جدا...أتمني لك التوفيق وبأن تواصلي الابداع وتحترفيه اذا امكن..حرام بصراحة اذا مانميت قدرتك ومهارتك في الكتابة والأداء وتدخلتي عالم الكتابة والأبداع[COLOR="Red"]..."موهبة قادمة":[/COLOR]113:  بصراحة كانت عندي فكرة لعمل تقرير لرحلتي الي لنكاوي ولكن بعد تقريرك قلت لا مايحتاج وايش من تقرير ممكن أعمله ولاحتي بينافسك 10%..يعني مالها لازم أخذ الكاميرا معاي ولا أقول بأخذها وأصور بها أصدقائي للذكرة فقط.. [/SIZE]أتمني لك التوفيق وربنا يباركلك وتكوني صاحبة قلم جميل في المستقبل...
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:19 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||