 |
 |
 |
||
|
|
|
||
 |
|
 |
|
|||||||
| بوابة السفر الى النمسا Austria في هذا المنتدى يتم تزويد المستخدم بالتقارير المصورة الخاصة بالنمسا بالإضافة الى مكتبة صور خاصة . |
| Tags: رحلة الى النمسا |
 |
|
|
أدوات الموضوع | انواع عرض الموضوع |
|
|
29-09-2006, 07:48 PM
|
#4 (permalink) |
|
مسافر خبير
تاريخ التسجيل: Jun 2004
الدولة: النمسا سويسرا ألمانيا
رقم العضوية :6304
المشاركات: 1,178
|
 الحلقة الأخيرةطبعا التزلج كان في اليوم السابع اللي هو يوم السبت 2/9 ..  يوم الأحد كان اخر ايامنا بزيلامسي 3/9 و كانت المحلات مسكرة ((كنت ناوي اشتري مارس الابيض)) بس للاسف كل شي مسكر .. مريت ع السوبر ماركت اللي بالمحطة بس للاسف ما كان يبيع بالكرتون .. حبات فقط !  طبعا مرينا على محطة القطار و اخذنا تذاكر الى ميونخ .. بيوم الاثنين 4/9  مسار الرحلة سيكون زيلامسي - سالزبيرغ و من ثم تغيير القطار .. ثم سالزبيرغ - ميونخ ومن ثم تغيير القطار .. ميونخ بهانوف - مطار ميونخ ! و كلها درجة اولى والسعر اذا ما خاب ظني 125 يورو ! قبلها بكم يوم كنت اقول للمنقفط .. ياخي موب معقول الواحد يجي لديرة اول مره وما صار لنا شي .. ما توهقنا بحجز ولا كاش ولا باصات .. مافي اكشن ما يصلح ! , يعني لو الديرة جيناها قبل نقول شي معقول و نبخص الوضع .. بس لاول مرة نجي النمسا .. قال شكلك بتعطبنا انت و عينك من بكرا نمت متاخر بعد صلاة الفجر على الساعه 4 صحيت 7 .. سوينا تشيك اوت امس بالليل يعني كل شي جاهز .. على ما لملمنا اغراضنا جت 7.30 كان التاكسي ينتظرنا تحت .. اخذنا الى محطة القطار 7:35 دقيقة كنا هناك .. القطار الساعة 8:17 الى سالزبيرغ .. وصل و حجزنا درجة اولى .. الدرجة الاولى غالبا اخر مقطورات القطار .. نسحب في ذا الشناط رايحين لاخر مقطورة .. 30 ثانية من توقف القطار .. الا هو سكر الابواب و مشى عدل بدل .. يمين يسار .. مشى هذا الاكشن اللي كان ناقص الرحلة  دايركت رجعنا على المملوحة حقت التيكتس .. قلنا لها فاتنا القطار .. قصت لنا على مدينة ثانية ليكون خط السير .. زيلامسي - وورقل 8:43 يوصل على 10 و بعدين تغير لقطار ثاني الساعه 11:13 ياخذك الى ميونخ كلها درجة ثانية .. و احمدوا ربكم تقول اللي عطيناكم بدال قطاركم  وصلنا على الساعة 10 .. نزلنا .. في كل محطة قطار هناك سناك بار صغير .. و اكشاك .. نزلنا قلنا معانا ساعة نفطر .. نبغى كروسان جبن؟ مااااااااااااافي خلص طيب ساندويتش جبن؟ فيه بس مع "هام"  ومن وسع وجهها تقول اذا ما تبغونه اشيله منه .. ياخذ وجهك بعد ما تحطينه ع الجبن بتعطيني اياه؟ جبن بالخنزير ما نبي شي هاتي شاهي بس ! و نطلع البرينقلز و الحركات من الهاند باق .. و طلع لك فايدة يا برينقلز طبعا راح اتطرق لنقطة يمكن ما تهم كثير منكم بس انا تعني لي الكثير .. وهي يمكن منتشره باغلب اوربا .. خصوصا فرنسا .. في اي مكان عام شغل اللاب توب .. بتلقى شبكات وايرليس .. بتدخل يقولك تشترك .. و الساعه بـ 6 - 8 يورو ! و فيه باكج يوم كامل .. انواع و اشكال بس انا ما جربت الا الساعه فقط .. بـ وورقل اخذت الساعه بـ 6 يورو طبعا ما راح يفتح لك الا موقع الشركة حقت الاتصالات .. تشتري كريدت بالفيزا و يعطونك يوزر و باسوورد .. جت الساعه 11 طلعنا ننتظر القطار .. جاء القطار .. طلعنا عليه و الوجهة محطة قطارات ميونخ الجنوبية .. ركبنا 11:13 .. القطارات عادة فاضية .. وتجلس درجة اولى محد يسألك (( و لهواة الدجل و السرقة .. اذا جاء اللي يشيك على التذاكر .. شف لك اقرب دورة مياه .. اما النظاميين .. تقدر تحجز درجة ثانية و تدف حق التذاكر بعشرة يورو و تجلس درجة اولى )) امممممممم القطار متوقع يوصل 12:15 .. جلست اقلب اللاب توب شوي .. جت سيدة ألمانية في العقد الثالث من عمرها قالت ممكن اجلس جنبكم؟ .. قلت لها تفضلي .. طبعا يمرون موظفي الجوازات و الهجرة .. يشيكون فقط على اللي اشكالهم مو اوربية .. شيكوا على جوازاتنا و مشوا و احنا بأماكننا .. انا لمن جت 11:45 حطيت راسي و نمت .. فجأة الا واللي ينغزني قالي قوم ياللله .. اشوف القطار وقف .. المنقفط الله يهديه ما انتبه ان المحطة جاية شال اللاب توب و حطه بالشنطة و اخذ شنطته و طب و خويكم للحين مو مستوعب الموقف .. طبعا لو مشى فيك القطار ما تدري وين بيوقف و وراك رحلة طيران يعني تفوت عليك صفقني تلاقي بديل قبل اسبوع على الاقل انا شفت الشاحن منطول على المقعد ما اخذه الحبيب .. لملمت جراحي و اغراضي بالهاند باق .. و حاولت انزل شنطتي من الرف اللي فوق المقعد .. و مااااش مو راضية تنزل .. عدل بدل .. خفت تطيح على اللي تحت الرف المهم بحركة سريعة شلتها و طاحت عليهم الا شوي .. و بنزل .. الا و يتسكر باب القطار و المنقفط على الرصيف ينتظرني قلت على وين .. فاتني قطار والله ما يتسكر علي الثاني .. و يا انا يا قطارهم و احط الشنطة قبل يتسكر الباب .. و يسكر عليها و يعلق الباب و يرجع يفتح مرة ثانية ... و انا اللي اشوت شنطتي ع الرصيف ولا كأني ابو يعقوب و اطمر وراها بالهاند باق .. طبعا الحين ابلش وين القطار اللي رايح المطار ! كان فيه وحدة تقطر ملللللللللللح تناظرني و معها امها .. المهم قلت لها لبيييييييه وش تبين بس ما معنا وقت قالت تبغون مساعدة؟ قلت اي والله نبي على اي تراك قطار المطار؟ و اوريها الورقه لانه ما كان مبين ولا في شي واضح على اللوحات و كللو ألماني قالت للاسف ما ادري .. قلت طيب يوم انك ما تدرين؟ وش لعنة مندوبك تأخريني؟ لولا انك مريوشة العين والا كان علوم موب عجوز زيلامسي اللي تسد النفس و يطمر الذيب المنقفط و يشيك من المكتب تحت و نلحق على القطار قبلها بدقيقة فقط  انواع الاكشن و الرعب بين القطارات المهم طلعنا مطار ميونخ .. المطار ممكن معروف لاغلبكم انا سمعت عنه كثير بس هذي اول مره تسنح الفرصة اني ازوره .. المطار لوحده بلد .. و اعتقد انه ثاني افضل مطار بالعالم من ناحية الترانزيت .. معدل الترانزيت فيه ساعة - ساعتين الاسواق بكل مكان .. الانفورميشن فيه عربي .. حصلت لي مصري رهيب قلت يرحم امك جوعان ابي ماك .. قال مافيه الا برجر كنج قلت هات يمشي حاله عندهم خدمة "الو , انا اتحدث العربية" .. ترفع اي سماعة استعلامات و تلاقي احد يرد عليك بالعربي و اي استفسار عن المطار او ميونخ ... عندهم محلات وضوء و مصليات للرجال و النساء .. مطار مرتب جدا و عجبني بالمرة ! طبعا نفس الشي الوايرليس .. اخذت ساعه بـ 8 يورو .. طلعنا على دبي الساعه 3:45 دقيقة بتوقيت ميونخ .. 5:45 بتوقيت دبي .. وصلنا على 11:30 مساءا طبعا مافيه شي بدبي يستحق الذكر هنا .. وكان المفروض اني ما اتطرق لترانزيت دبي الاخير .. لكن فيه شي بدبي بيفقع مرارتي .. الفنادق اسعارها اغلى من اوربا ! انا اعتدت اخر سنتين على السكن بتاور نمبر ون .. العام كان بـ 300 درهم .. السنة هذي 450 درهم .. لمن رجعت اول ما وصلت اتصلت فيهم قالي 800 ومافيه ! ليش طيب , اتوقع انحسار الاقبال على دبي بعد غلاء السكن بالشكل الكبير هذا ! طبعا لاني افضل فنادق شارع الشيخ زايد اتصلت بتشيلسي تاور ونفس الشي مافي امكانية ! امممممممم الحين جاء الخيار اللي ما احبه .. انتركونتينينتال دبي .. على الخور !  عضويتي معاهم Golden .. يعني دايركت يعطونك ابقريد من غرفة لسويت .. اذا فيه امكانية (( طبعا للاعضاء الجديد على بطاقتهم هذي .. اذا دقيت تحجز لا تقول انا عضو و ابغى غرفة و سووا لي ابقريد .. طبيعي يقولون لك مافي امكانية .. دق و قل ابغى سويت .. و اذا رحت عطهم البطاقة و قل الله لا يهينكم بسعر الغرفة )) المهم حجزت من المكاتب اللي برا المطار .. اتصلت فيهم و دفعت الفلوس و اكدت على الابقريد .. وصلت فندقهم الخايس والله ولا نجمتين مو خمس نجوم .. و الاقي غرفة .. كنت تعبان و مو نايم ومالي خلق طقاق معاهم .. بلعتها و جلست يومين في دبي .. و بعدها العودة للرياض .. طبعا بدري عليهم امشيها .. ايميل على مكتب لندن .. لانهم و بعد شهر من اقامتي ما اضافوا النقاط لرصيدي .. و مكتب لندن ارسل لي اعتذار بخصوص النقاط و اضافها لي .. و ما زال الموضوع جاري للتعويض عن عدم الترقية من غرفة لسويت .. (( كعادتي طال عمري ما ارضى الا بليالي مجانية )) يمكن اخصص موضوع مستقل .. اذا حسيت نفسي فاضي .. عن عضويات الفنادق هذي .. عضوية ستار وود حقت الميرديان و الشيراتون و الويستن .. افضل من الانتر بكثير .. و مجاااانية ما تدفع ولا ريال .. بينما عضوية الانتر بـ 150 دولار والتجديد بـ 100 دولار ! تم بحمد الله |
|
|
|
30-09-2006, 06:07 PM
|
#6 (permalink) | |||||
|
مسافر خبير
تاريخ التسجيل: Jun 2004
الدولة: النمسا سويسرا ألمانيا
رقم العضوية :6304
المشاركات: 1,178
|
اقتباس:
الحلقة الاخيرة نزلت خلاص .. و الصورة ماااش  الرجال صار يهددني و انا دخلني الماء تعرفني غلبان و المنقفط باسه قوي الله يكفينا شره و شر من فيه شر اقتباس:
اقتباس:
اقتباس:
اقتباس:
|
|||||
|
|
|
|
30-09-2006, 08:40 PM
|
#7 (permalink) |
|
مسافر متالق
تاريخ التسجيل: Jun 2004
الدولة: الكويت
رقم العضوية :7555
المشاركات: 890
|
هلا باخوي الغالي
الحمد لله على السلامه ومبارك عليك الشهر ولو انه متاخر لكن باسبقهم واقول عيدك مبارك وكل عام وانت بخير وسلملي على المنقفط وان شاء الله نشوفكم برحله ثانيه ونذوقكم كبستنا العجيبه بلا برنقز بلا خرابيط رز الصبح والظهر وبالليل وآخر الليل ماخذينه ويانا من الكويت 40 كيلو هههههه |
|
|
|
|
26-10-2006, 12:08 AM
|
#9 (permalink) | ||
|
مسافر خبير
تاريخ التسجيل: Jun 2004
الدولة: النمسا سويسرا ألمانيا
رقم العضوية :6304
المشاركات: 1,178
|
اقتباس:
عذرا على التأخير ومن العايدين بعد الزحمة اقتباس:
يا رجال هذي هي ملح الرحلة ولا بد من هالمواقف  |
||
|
|
|
|
01-11-2006, 01:39 PM
|
#12 (permalink) | ||
|
مسافر خبير
تاريخ التسجيل: Jun 2004
الدولة: النمسا سويسرا ألمانيا
رقم العضوية :6304
المشاركات: 1,178
|
اقتباس:
اقتباس:
العفو وما سوينا الا الواجب |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 02:20 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||