 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
14-02-2004, 01:31 PM
|
#1 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
o0o رحلتى لاندونيسيا بالصور0o0o
السلام عليكم ورحمة الله وبركاته
بعد طول انتظار وترقب من الاعضاء لموضوع الرحله وكثرة تسحيب من ابومضاوى لظروف اختيار الصور وتعديلها اليوم نبدا بقصة السفر الى عمة الدنيا  كانت رحلتى من مطار الدمام الى الرياض واااخذلى لطعه مضبوطه فى مطار الرياض يمكن 5 ساعات بس كله يهون لعيون العمه طبعا ابو مضاوى ماغير دولارات من الدمام وبغيت اااخذ مقلب مضبوط لانى اول ماوصلت مطار الرياض رحت البنك الاهلى وقلت ابى دولارات واعطيه مبلغ محترم ويعطينى الدولارات بدون مايلفت انتباهى شى الا يوم قربت للجوازات وقلت خلنى احط الدراهم بالظرف الا واشوف ختم صغير عليها قلت يابو مضاوى شسالفة الختم لايكون ختم الجوده  وتدور الشكوك فى نفسى وارجعله فى الدور الارضى قلتله ياخوى شسالفة الختم اللى على القرنقش  قال انت وين مسافر قلت جاكرتا (( عمة الدنيا)) قال ياخوى ليه ماعلمتنى كويس انك رجعت لان الدولارات اللى عندنا كلها مختمه وهى ماتنقبل فى بعض الدول مثل اندونيسيا خذ دراهمك وغيرها من الراجحى بتلاقى عنده دولارات ماهى مختمه الا ابو مضاوى يسترد انفاسه وكانت الفيزا بتشتغل مضبوط بجاكرتا  خذنا الدولارات الجديده وعلى الجوازات دايركت الرحله كانت زحمه بس الشباب قليلين ركبنا الطيارة وابو مضاوى مثقف معه كتاب قصة حياة نيلسون مانديلا  شوية قراءه وخذنالنا وجبة العشا واصفقها بنووومه مضبوطه يتخللها الوجبات الثانيه وبعض الافلام على شاشة الكرسى المقابل وخلال تمتعى بالاحلام السعيده الا واسمع صوت الكابتن يقول اربطوا الاحزمه ترى وصلنا الا ابومضاوى يفتح الشباك الا المناظر اللى تفتح النفس  فرق بين طعوسنا رغم غلاها على قلوبنا لكن والله فيه فرق  والا شرايكم كل شى اخضر سبحان الله حتى الاسفلت حقهم متشقق وطالع منه عشب   وتدور ذكريات ابو مضاوى ويدور فى راسه شريط الرحله الاولى بكل مافيها  وينزل الطيار على راحته شوى شوى التسع ساعات كلها كوم وهالنزله كوم حسيت انها 18 ساعه ياخى عجل علينا نبى نشوف الماسات بالمطار مستعجلين الا ويهل علينا مطار طيب الذكر (( سوكارنوا باشا)) ويسفهل ابو مضاوى  المطار كانى اشوفه اول مرررره لبقت طيارتنا بالموقف وكان بجنبنا الهايلوكس حق طيران الخليج عاد ماادرى منكم كان راكبه  وفتحت الابواب وينطلق ابو مضاوى ويقابل الماسات الرحله الاولى ماقالوا هديه قلنا لا مستحيل هالمررره لازم يقولون لاكن حاط براسى مافى امل اعطيهم علشان لايتعودونها بعدين لازم تكون لى ميزه اسبيشل لانى انا اللى سميت ديرتهم (( عمة الدنيا)) والا شرايكم ياشباب والله وياخذ الماس الجواز ويقول عطنى تذكرة العوده واعطيه قعد يقلب قلت بس اكيد بيقول وين الفيزا حسب الكلام اللى وصلنا وكل الشباب كانوا يحترون ابو مضاوى وش بيصيرله وينتظرون الخبر فى المنتدى منى ويدق قلبى لا اصير نكتة الشباب فى المنتدى وانا راجع على نفس الرحله للرياض الا والرجال يختم بدون فيزا وبدون هديه لان الفيزا تطبيقها من فبراير يعنى بعد وصولى ب12 يوم وينطلق ابومضاوى مسفهلا ويناظر فى وجوه شعب الاندوووومى وودى اسلم عليهم واحد واحد واقولهم ابو مضاوى وصل والله مادروا عنى  دارى تحسبونى شايب ودب حسب كلام اعضاء المنتدى اللى قابلتهم هناك لكن نحن هنا لدحض جميع الاشاعات المغرضه والى لقاء قريب مع تفاصيل رحلتى فى ربوع عمة الدنيا بايووووووووووووووووووو |
|
|
|
14-02-2004, 01:57 PM
|
#6 (permalink) |
|
ابوعبدالرحمن
تاريخ التسجيل: Mar 2003
الدولة: السعوديه
رقم العضوية :25
المشاركات: 2,499
|
السلام عليكم ورحمة الله وبركاته حمدا لله على السلامه اخوي /// ابومضاوي تقرير جميل صور رائعه والاروع هو وجودك بالصور اشتقنا لهذه المناضر الرائعه لعمة الدنيا ننتظر باقي الرحله وتحياتي |
|
|
|
|
14-02-2004, 01:58 PM
|
#7 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
سبنتار بتواجدنا دحضنا الاشاعات  القنيط بدينا من الحين بالتعليقات شباب خلكم من الصورة الاخيرة وعلقوا على باقى الموضوع والا نبطل ننزل صور باقى الرحله اخوى ومشرفنا البحر نورت بوابة اندونيسيا وشاكرلك مرورك الكريم وابداعات موضوعك بالاردن حمستنى كل الشكر والتقدير لك عموما باقى كثيرررررررررر وان شالله تشوفون كل اللى يسركم تحياتى |
|
|
|
|
14-02-2004, 07:07 PM
|
#11 (permalink) |
|
مسافر خبير
تاريخ التسجيل: Aug 2003
الدولة: ( الخبر)
رقم العضوية :979
المشاركات: 1,989
|
هلا ابومضاوي والف الحمدلله على سلامة الاسفار هذا اهم شي انا نتظر مشوار رحلتك زي ما عودتنا من الصور والمواقف وانت عارف انا قلبي بيحترق على هذا الموضوع لاكن كلها كم اسبوع ورايح لعمة الدنيا واعوظ الزهق ونبي نشوف جديد رحلتك علشان نظبط الشي الزين منها ونتظر منك تكملت هذا المشوار |
|
|
|
|
14-02-2004, 07:23 PM
|
#12 (permalink) | |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
اقتباس:
الظاهر ان خوينا متسلف ان الصورة ============================ الحمد الله على سلامتك يا ابو مضاوي وياحليل العمة وذكرياتهاوننتظر باقي الحدوثة
|
|
|
|
|
|
14-02-2004, 07:36 PM
|
#13 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
اخوى المغترب الملابس شاريها مستعمله بس صدقنى استخدام نظيف على يد شايب !!!!! اخوى البدر شاكرلك متابعتك الدائمه والظاهر انى بسويلك عرض حصرى للسالفه على بريدك الخاص بس هااا لاتتسرب؟؟ اخوى سعودى مفلس الله يعطيك العافيه على مرورك وتعليقك وهالرجال راح جاكرتا قبل 30 سنه وعطانى الصوره قلنا يالله خل الشباب ينبسطون بالمنتدى تحياتى اخوكم ابو مضاوى |
|
|
|
|
14-02-2004, 08:23 PM
|
#14 (permalink) |
|
مسافر خبير
تاريخ التسجيل: May 2003
رقم العضوية :242
المشاركات: 1,291
|
هلا أبو مضاوي تصدق عاد لفت انتبهاي الكتاب الي معك "رحلتي الطويلة من أجل الحرية " لنلسون مانديلا تدري ليه ؟؟؟!!!!! لأني آخذ معي في الرحلة نفس الكتاب فسبحان الله أثر القلوب عند بعض .
لكنه مو صغير وهو من 585 صفحة . ننتظر الباقي . |
|
|
|
|
14-02-2004, 09:38 PM
|
#15 (permalink) |
|
مسافر متميز
تاريخ التسجيل: Jun 2003
رقم العضوية :360
المشاركات: 536
|
هلا وغلا
وش الصور الروعة هذي / الله يعطيك العافيه إجل الشباب يحسبونك دب وشايب / ما يدرون أنك وسيم وصغير ( رد على رفع الأصبع ) هذي إشارة من أبو مضاوي للموجودين في المطار يقصد فيها أنه رقم واحد في المنتدى وأول الواصلين من الأعضاء صح أبو مضاوي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:30 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||