 |
 |
 |
||
|
|
|
||
 |
|
 |
|
|||||||
| Tags: رحلتي الى زيلامسي |
 |
|
|
أدوات الموضوع | انواع عرض الموضوع |
09-07-2006, 12:52 PM
|
#1 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
رحلتي إلى زلمسي صيف 2005
قـوه جميـعاً شلونكم شخبـاركم امـس رديت من السـفر ومعـاي سلسله ممتعه من الصـور اتمنى تحوز على اعجابكم وبالنسبه للسفـره كانت مدتها 20 يوم تقريباً مـرت بسرعة البـرق وكـان يوم السفـر تاريـخ 5 أغسطس 2005 السـاعه 7.30 المطـار واتمنـى لكم مشـاهده ممتعه نسيـت اقولكم شغله أنه صـور مطـار الكويت بتصـوير موبـايل لأنه مالي خلق اصور بالكاميرا :Shino: وبـس وعقب بتشوفون تصوير حلو وواضح  !!!!مثـل ماتشوفون المطار سيـده والشويخ يمين   الحين بنصعد فوق ونغـادر كمـا موضح باللوحه الفوشيه  وصلـنا المـطار ودخلنا وحطينا الجناط وخلصنا  هذا مشروع مطار الكويت بعد التعديل البسيط ولكن حلو   عقـب سمـعنا يقولون يلا التوجهه للبوابه رحنا دخلنـا البوابه وعقب ركبنا الطيـاره  مـلاحظـة: راح انزل الصـور علـى طريقه مجزئه يعني أجزاء والصور غير دقيقة وذلك تصوير من الموبايل بمطار الكويت |
|
|
|
09-07-2006, 02:16 PM
|
#6 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
والحيـن عقـب مـاركبنـا الطيـاره .....وكـانت الرحله تستغرق بقـرابه الـساعه إلا ربـع ...متجهين نحـو مطـار الدوحـه الدولي  وعقـب نزلنـا قـالو..لنـا السـاعه 1.30 طيـارتنا المتجهه إلـى ميـونخ "ألمانيـا" عـاد وصـلنا قطـر السـاعه 11.30 قلت الحين اشوه على ماننزل المطـار اتصير 12.00 ومايبقى إلا ساعه وعقب نطيـر لأنه لأنه أول مـره بحيـاتي اجـرب طيـران التـرانزيت :s ................................... المهم دخلنا مطـار الدوحه .... وقعدنا وسوينا البوردينج كارد عشـان نقعد داخل البـوابه والمصـيبه لمن دخلنا اشوف العـالم متيمعه عالشـاشه ولا حـاطين تأخير إلـى السـاعه 3.30 :s :@ قـلت شسـالفه تأخير وهـذا انا مستـانس اقول مابقى شي ونركب قلنـا يالله امرنـا لله قعدنا وصـارت 3.20 ...ومااشوف إلا الأجانب يتحلطمون شسالفه ولا كاتبيـن تأخير إلـى السـاعه 5.30 مسـاءاً :@ :@ :@ اهنـي تنرفزت بغيت ارجع الكويت مشــي من القـهر وبمـا انه مـاكو شـغل قعدت اصـور الطيـاير الي تمر والي طـايره [/center  وعقـب مـاصـارت السـاعه ـ5.15 مساءاً مـا اشوف إلا غبرت الأجـانب طالعين من الـبـوابه شصـاير شسالفه ولا وحده تقـول حق الوالده بأن الطيـاره تأخـرت ومـطار ميونخ مايستقبل طيـارات عقب الساعه 12.00 صبـاحاً وانـه بـاجر الطياره السـاعه 6.45 صباحاً والحين شلـون رحنـا عند مسـافرين الترانزيت يعطيهم العافيه مجلس التعاون (l) انـه حطو لنـا طابور خاص للخليجين لحجز فندق عشـان الطيـاره بـاجر الصـبح والحمدالله عطونـا تعويض عـن التعـب الي صـار لنـا وعـاد انـا امنيتي اروح قطـر وانزل فيها برا المطـار وعقب ركبنا السـياره ووصلنـا لفنـدق مـاريوت الدوحه مشالله هالفندق اذكر الي بالطيـاره المضيفه تقـول الي ياين الدوحه انصحكم بالإنزل بفندق المـاريوت  الله خوش فندق دخلنا ولا هذيج الأنجليزيه تعزف على بيـانو :Piano: ويعني قعده حلوه المهم احنـا كل واحد امبين على ويهه التعب فقلت انـا ابي السرير دايخ تعبت ودخلت الغرفه ومن التعب انسدحت على ظهري وكـنت ناوي اصور لكم واهو مرتب لكن ماقدرت من التعب صورته يوم صحصحت  وهـذه صـوره من زاويه عالدريشه الله ماتدرون شنو ورا هالدريشه   وعقـب نزلـنا وركبنـا السيـاره ورحنـا المطـار الكـل [/color]متفائل انـه هالطيـاره بتطير الساعه 6.45  لكن ماخلص كـابوس التأخير وراي وراي :@ تأخرت ليه الساعه 7.30 :s انا قلت عقبها والله إذا بعد أخروها السـاعه 8.30 ارد الكويت احسن لي :bomb: والحمـدالله ركبنـا السـاعه 7.15 الطيـاره وطـارت ومتجهيـن ...إلـى مطـار ميـونخ الدولـي ...................................... .............................. ...................... .............. ........ ..... ... .. . البقية تأتيكمـ بعد قليل  |
|
|
|
|
09-07-2006, 02:29 PM
|
#7 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
.......................... ومثـل مـاقلت لكم بالجزء الثـاني طـرنا من مطـار قطـر الدولي ومتجهين لميـونخ وهـذه جـم لقطـة من الجـو عجبتني منـاظر جبـال تـركيـا الضخمـة   هـذه لقـطه تدرج ألوان السمـاء سبحـان الله  ويـاسبحان الله مـن قـربنـا صـوب ألمـانيا بدت الغيـوم تزيد  والحـين بدت الطـياره بالهبـوط التدريجي نـحو مطـار ميـونخ الدولــي  وهـذه جـم لقـطة من المنـاطق الريفيـه في ميـونخ من الجـو   والحمدالله علـى سلامتنـا تـم الهـبوط في مـطار ميونـخ الـدولي  وهـذه صـوره عالسـريع لـ München (Munich) Allianz Arena   اتمـنى هالجـزء نـال عـلى اعجـابكم (a) مـع خـالص تحـياتي :bye:[/center] FrâPpüCiNoOo |
|
|
|
|
09-07-2006, 02:32 PM
|
#8 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
.................................................. .......................................... وعـقب ماطلعنـا منـ مطـار ميـونخ كـنا بالبـدايه متجهيـن لـ Zell Am See مديـنة جميـله وتـقع مابين حدود النمـسا وألمـانيـا يعني سـاعتين ونص بالسيـاره وعـاد هالسـاعتين مـاتحسون فيـهم مـن الطبيـعه الـي حـواليكم المـهم وصـلنا Zell Am See واشـوف ازدحـام مو طبيعي شصـاير بهالديره ومـانشوف ولا حـاطين بوستر بـ ألمـاني مـادري شـكاتبين ... المهم مـافهمت إلا شـي واحد مكتوب 6 Aug 2005 وتحتها 10.30 مسـاءاً السـالفه لها عـلاقه بتـاريخ وصـولنـا حق Zell Am See وقـلت يـلا وتـونـا واصلين قـلت اليوم بقعد بالبلكونه مـالي خلق انشالله بـاجر اروح اكتشف هالـديـره وقـاعد بالبـلكونه ولا صـارت السـاعه 10 وربـع تـذكرت انـه الساعه 10.30 العـاب نـاريه ونسـيت اقـول حق الأهل خـفت انهم يخترعون من اصـوات الألعـاب النـاريه ورحـت قلتلهم عـشـان مـايخترعون عبـالهم غزو  وادري الصـور مـهزوزه لأنه تصوير ليلي وعـادي    وعـقب مـاخلصـت الألعـاب النـاريه ... من التعـب نمنـا:| وطبـعاً انـا من النوع احـب اقـعد امبجر :baby: بالسـفر لأنه اكـره شـي النـوم بالسـفر :@ وطبـعاً الله يسلمكم الجـو الصـبح  بـارد قـلت اسـوي لـي NescaFe Mocha واقعـد بالبـلكونـه واكل اصابع الويفر المفضله حياكم نقنقو معاي  وعقـب الكـل قـعد وهـذا طريـجنا للبـحيره كـل يوم نمشـي وبصـراحه مع انه البحيره تبعد تقريبا 3 دقـايق مشـي للمكـان الي يقعدون فيه الناس ماتحسون وانتو تمشون لأنه الجو يسـاعد  وعقـب مـاوصلنـا بـدت السمـا تظـلم شـوي وعـاد قعدنـا بقعدات Grand Hotel   عـاد انـا مشـتهي بَـرد والكـل متنـح يـقول بـَرد بهالبـرد :Shino: قـلت ... والله حـدي مشـتهي ورحت شفت شنو انواع لقيت من بينهم NEW cOLa :haa: اممممم كولا وبـارد ومثلج ياسلااااااام  وعقـب قعدنـا شـوي ولا تَنهـل علينـا امطـار الخيـر   ومـن الاحطتيـاطات اللازمه ان تكون مـعاك شمسـيتك من ديرتك لأنه بوقت المطـر الشمسـيه إلي بـ3 يورو تصـير بـ 12 يورو  مثـل مـاصارت فينا بلندن كـان سعر الشمسيه بـ 2 بواند صـارت بـ 8 :Shino: وعقب ماتبللت ملابسنـا صعدنـا الشقه وبدلت وقعدت بالصـاله اشوف البحيـره وقـلت هـذا مو جنـه قوس قزح اي والله هـذا اهو:haa: شخبـاري اخـر مره شفتك بالكويت شهر ينـاير :d وعـاد سويت زوم عشـان يبين شكله واضح (a)  (l) واتمنـى انكم استمتعتـوا ويـاي بأول يـوم حـافل (l) (l) من Zell Am See (l) |
|
|
|
|
09-07-2006, 02:33 PM
|
#9 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
انشالله راح اعـرض لكم رحلتين متميزتين في رحلتي هـذه
الرحـله الأولى عــن " الزحلاقيـة الصيـفيه " والرحـلة الثـانية عـن "فلوج بلاتز " إستئجـار طيـاره خـاصه مدة نـص سـاعه أو الوقت الي تفضـلونه فـي اشـراقة يوم جَديـد مـن جـنة الله فـي أرضـه "Zell Am See" وعـاد تمنيـنا انـه يكون الجو مشمس  والحمدالله صـادف الجو غائم جزئي واترككم مع الصـور فـي رحلة " الزحلاقية " (h) وهـذه لقطة بالطريج لـرحلتنا  واخيـراً وصـلنا مـكان الزحلاقيـه :haa:  انتو تعتقدون جم ارتفـاع الزحلاقيه بصـراحه انا توقعت انها مـالت صغـار:baby: لكن لمن شفـتها بالبدايه ترددت اني اركبـها :s خصـوصاً تصعد تلفريك ليـه فوق مدة 7 دقايق :Shino: وبعد محاولات قررت انـي اركـب شوفـو صـورت الارتفـاع من التلفريك وهالشـي الي بين الجبـل اهي الزحلاقيه  جـان اصـوره   وعقـب ماوصلنـا مكـان نقـطة البـدايـة وشفـت المـنظر من قـمة الجبـل  وقـلت غريبه محد ينزل بسرعه لايكون فاضيه ماكو احد :Shino: قـلت اشوه عشـان اخلص بسرعه :haa: لكن ماتوقعت الزحمه وطـابور  ويـلا يـاه دوري والنـاس وراي ينطرون حدي فـاضي فتحت الكاميـرا وصـورت شلون بنزل بالبدايـه (6)  وهـذه لقطة وانـا انزل وقفت وصـورت طبعـا الي وراي اعرفهم مايدوسون   ملتزمين بأنه السـرعه = النـدامه واتمنـى نـال عـلى اعـجابكم هالجزء وانشـالله بعد شـوي بنـزل رحلة الطيارة فلوج بلاتز |
|
|
|
|
09-07-2006, 02:36 PM
|
#10 (permalink) |
|
مسافر متميز
تاريخ التسجيل: Mar 2005
الدولة: لؤلؤة الخـليج : الكـويـت
رقم العضوية :19010
المشاركات: 382
|
.......................... طبعـاً هالرحـلة لازم يكون قبلها بيوم تكون حاجز طيـاره أو تتصل بالتلفون او تروح لهم واحنا اتصلنا وقلنالهم نبي مدة نص ساعه لأنه الجو يخوف غيوم وجذي وهـذا اهو مـطار فلوج بلاتز   طبـعاً هالطيـاره المصفوطه مـالتنا الي حجزناها بالتـلفون (h) وهـذا شـعـار المطــار صـورته عشـان الي بيـروح له يعرف الشعـار  وركبـنا الطيـاره الخـاصه وهـذه جـم لقطه من أول مـاطرنـا  هـذا نـادي الGolF الي كنت كل يوم بروح له لكن مارحت له   اترككم مع هذه اللقطات الجميله من الجو   وهذه زلمسي من الجو     وبطريق العوده طلبت من كابتن الطائره ياخذنا بجوله صوب جبال كابرون وهذه لقطات للجبال والثلوج عليها سبحان الخالق   وانتهت رحلتي في زلمسي وكانت رحلة رائعة بالفعل واعذورني لم اتمكن من اخذ صور لعدة رحلات  واوعدكم انشالله بصور رحلتي للنمسا والمانيا 2006 |
|
|
|
|
09-07-2006, 03:45 PM
|
#11 (permalink) |
|
مسافر متميز
تاريخ التسجيل: Aug 2005
رقم العضوية :42820
المشاركات: 320
|
مرحبا اخوي وعساك على القوه والصور روعه
 شوقتني فوق ماانا مشتاق واما عن نطرت القطريه فاجر باذن الله هذا اللي خلاني اكنسل القطريه واروح على الاماراتيه مع ان اسهل لي القطريه لانها دايركت من ديرتي قطر الحب بس الاماراتيه احسن وافضل
|
|
|
|
|
10-07-2006, 08:30 PM
|
#15 (permalink) |
|
ابومشاري
تاريخ التسجيل: Jul 2003
الدولة: الرياض
رقم العضوية :817
المشاركات: 9,921
|
اهنيكم ياعزيزي فرابتشينو على هذه الرحلة المتميزة
ونتطلع للمزيد من السرد الشيق وتجربتكم الجميلة عن هذه القرية الجميلة واتمنى ان توفقون في اعادة رفع الصور حتى اقوم بتحريرها لكم في الموضوع او مراسلتي على الخاص تحياتي
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:10 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||