الموضوع: Shopping Spree || التسوق في لندن من البضاعة اللي مو موجودة في الخليج

بما إنو بدأ الصيف والناس بدأت تسافر و اللندنيات يبغو أشياء مميزة
قررت أكتب موضوع وأحط فيه المحلات أو البضاعة اللي مو موجودة في الخليج أو المحلات الرخيصة واللي تسوي عروض حلوة وطبعًا ما حيكتمل الموضوع إلا لو كل وحدة من العضوات ساعدتنا بالمحلات اللي هيا تعرفها


أتأسف أنا ما عندي خبرة كبيرة بأسواق الخليج أنا حأتكلم بالنسبة لمدينة جدة وأتوقع الخليج كلو زي بعض فسامحوني لو في أغلاط

يا لندنيات ساعدوني في الموضوع أي محل تعرفوه أو سمعتو عنو بضاعتو ما توصل عندنا لو سمحتو شاركونا حتى لو كان محل رخيييييييص مررررة و صغييييييير
المهم يكون في أشياء حلوة وغريبة

بسم الله نبدأ

-1-

أول محل أنا جدًا أحبو و مستحييييييل أعدي من جنبو وما أدخل ولما أدخل أتحول لوحش وأجمع اللي يميني واللي يساري

المحل هوا برايمارك محل رخييييص جدًااا (نسائي- رجالي- أطفال- اكسسوارات-أحذية - شنط- ملابس داخلية- أغراض للبيت) عندو أشياء حلوة وجودتها ممتازة بالنسبة لأسعارها. عندي منو مشتروات ما شاء الله استخدمتها أكتر من سنة ولسا جودتها جميلة لااااااااااازم لااااااااازم لكل اللي يعدي من جنبو يدخل والله ما حيندم بس المحل داااااايما يكون مزدحم وللعلم المحل موجود فقط في بريطانيا وألمانيا وهولندا وإسبانيا والبرتغال يعني غيييييير موجود في الخليج! إلبسي وإنتي متأكدة إنو ماحد عندو زي لبسك إلا اللندنيات


الموقع:

يقع برايمارك في بداية شارع أكسفورد جنب Pizza Hut وقبال فندق Thistle Marble Arch
499-517Oxford Street, London W1C 2QQ, United Kingdom

-2-

محل لبيع العطور النسائي والرجالي ودااااااايمًا عندو خصومات وعروض حلووووة مررة وأحيانًا يكون عندو عطور ب 10 باوند بس

الموقع:
يقع في شارع أكسفورد قبال سيلفريدجز (لو فروع كتير)
425Oxford Street, Mayfair, London W1C 2PH, United Kingdom

-3-

محل ملابس نسائية ورجالية وأطفال وأغراض للمنزل وأسعارو رخيصة. المحل موجود بس في بريطانيا يعني حصريًا

الموقع:
لو فروع كتيرة بس هادا أقرب فرع لأكسفورد ستريت وهوا على امتداد ادجوار رود بس في النهاية
317Cricklewood Broadway, Edgware Road, Cricklewood, London NW2 6PH, United Kingdom

-4-

أسدا هوا سوبرماركت والكترونيات وأغراض للبيت وملابس نسائية ورجالية وأطفال. أسعار السوبرماركت حلوة وأحيانًا أرخص من تيسكو والملابس الصراحة ملابس الأطفال مررررررة حلوة وأسعار الملابس رخيصة وموجودة بس في بريطانيا.

الموقع:
مواقعها بعيدة عن شارع أكسفورد ما عرفت إيش أحط بس أنا حأحط الموقع وانتو شيكو منو
Asda Store Locator

-5-

هادا المحل اكتشفتو مؤخرًا بس لسا ما رحتو الصراحة وهوا تقريبًا زي الأوت لت يعني في ملابس وفساتين و شنط وجزم واكسسوارات هوا نسائي ورجالي بس مو متأكدة إنو في أطفال. المهم هادا المحل يبيع ماركات عالمية بأسعار مغررررررية مرة يعني عليها 60%

الموقع:
له أكتر من فرع أقرب فرعين في high street kensington والفرع التاني يعتبر في بيكاديللي
26-40Kensington High Street, Kensington, London W8 4PF, United Kingdom

120Charing Cross Road, London WC2H 0JR, United Kingdom

-6-

مصنع بيربيري أسعار البضاعة فيه أرخص بكتير من البوتيكات الصراحة يعججبني وأزورو كل سنة.

الموقع:
29-31Chatham Place, Hackney, Greater London E9 6LP, United Kingdom

-7-

محل يبيع كل شي يتعلق بالرياضة ودايمًا عندو تخفيضات و عروض مغرية.

الموقع:
لو فروع كتييير أقرب واحد لأكسفورد ستريت
116-128Oxford Street W1D 1LT, London, United Kingdom\

تعبت !! أكمل بعد ما أشوف الردود لو شجعتني ولا لأ.
وزي ما قلت الموضوع ما حيكتمل إلا بمشاركتنا خبراتكم

تصبحو على خير

فكرة حلو وموضوع رائع

انصح ببريمارك للهدايا والملابس جوده ممتاز وسعر رخيص


وكمان بيربري

صراااااحه انتي ابدااااااااااااااااااااااااااااااااع

سلمت يمينك لبى قلبك الله لايحرمنا من الناس الطيبه مثلك واللي تحب الخير للناس مشكوره ياقمــــرهم ...

ياحبيلك بس

عاد والله كنت امنى موضوع مثل كذا لاني اول مره ازور لندن بس لاهنتي سؤال وين موقع مصنع بيربري ؟؟

bus 30 from thistle marble arch bus stop directly to burberry hackney bus stop near to tesco supermarket
its take around 30 - 45 mins by bus

موضوع شيق
سجليني من المتابعين...

أحلى من الألماس شكرًا على مرورك وردك
وشكرًا على النصايح

المشاركة الأصلية كتبت بواسطة ام فهد6

صراااااحه انتي ابدااااااااااااااااااااااااااااااااع

سلمت يمينك لبى قلبك الله لايحرمنا من الناس الطيبه مثلك واللي تحب الخير للناس مشكوره ياقمــــرهم ...

ياحبيلك بس

عاد والله كنت امنى موضوع مثل كذا لاني اول مره ازور لندن بس لاهنتي سؤال وين موقع مصنع بيربري ؟؟

شكرًا أم فهد الله لا يحرمني من كلامك الحلو

إن شاء الله زيارتك للندن تكون من أجمل الزيارات وتفتكريها طول العمر


أما عن مصنع بيربيري فهو يقع في منطقة اسمها هاكني
ممكن تروحيلو بأكتر من طريقة

1-الباص: من شارع أكسفورد وبالتحديد قدام فندق ثستل ماربل أرش خدي باص رقم 30 حيوقف عند سوبرماركت تيسكو كبييير في هاكني اسم المحطة على ما أظن
Hackney, Morning Lane Trelawney Estate (Stop D)أول ما يوقف الباص امشي علطوووول حيكون تيسكو يسارك وحديقة صغيرة ومبنى طويل يمينك امشي علطووووووول لما توصلي شارع Catham Place (تاني لفة يمين من بعد تيسكو) لفي يمين وحتلاقي المصنع. الباص حياخد وقت طويل يعني لا تخافي وتحسبي انك ضعتي

2- الأندجراوند: بما إنك جديدة على لندن حاكتبلك الأسهل
من محطة marble arch في central line (الخط الأحمر) لما محطة stratford بعدين غيري وخدي الـ overground (الخط البرتقالي) لما محطة hackney central
لما تنزلي من المحطة لفي يمين عشان تطلعي على الشارع العام وبعدين لفي يمين وادخلي من تحت الكوبري شارع Mare Street امشي علطوووول لما تلاقي كنتاكي و subway بعدها ادخلي يسار شارع Morning Lane حتشوفي سوبرماركت تيسكو كبيييير امشي علطووووووول لما توصلي شارع Catham Place (تاني لفة يمين من بعد تيسكو) لفي يمين وحتلاقي المصنع

3- تاكسي: أدي العنوان هادا وحيوصلك عند باب المصنع
29-53Chatham Place, Hackney, London E9 6LP, United Kingdom

المشاركة الأصلية كتبت بواسطة q8ya metnaqla

bus 30 from thistle marble arch bus stop directly to burberry hackney bus stop near to tesco supermarket
its take around 30 - 45 mins by bus

شكرًا مشرفتنا على المساعدة

المشاركة الأصلية كتبت بواسطة الايماان

موضوع شيق
سجليني من المتابعين...

الايماان شكرًا حبيبتي على المتابعة

ياهلا وغلا فيج اختي الفاضله ماشاءالله علي هذا الموضوع للامانه مبدعه جدا

تقدرون تطلعون من شارع اجور رود بتجاه سوق السبت باص ١٦ الي اخر محطه


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1021x231 .