الموضوع: وين ألقى أسواق الجملة في الامارات’’’’أرجو من الخبراء الرد مع التحية

السلام عليكم
اسمع كثير عن ناس جايبين بضاعة من الامارات ويبيعونها مفرق عندنا بالكويت اقل من سعر السوق وما شاء الله ربحانين فيها
بس نحاسة ما يعلمون وين مصادرهم؟؟؟؟؟؟؟؟
فجزاكم الله خير اللي يعرف وين القى اسواق الجملة اللي يبيعون العبي و الدراعات ( الجلابيات) والملافع والبخور والعطور والشنط و الجواتي تكرمون والساعات الماركة الرجاء لا تتأخرون علي بالرد
وين مكانهم بالضبط ؟ اي امارة من الامارات العربية ؟ وشنو العنوان؟وارقامهم ان وجدت
واذا في مشاغل رخيصة تضبط الموديل من الكتالوج الرجاء تزويدي بعناوينهم وارقامهم
وجزاكم الله خير مقدما
الصراحة انا حيل مشتاقة لزيارة الامارات من كثر ما سمعت عنها, يا ليت ما تتأخرون علي بالرد؟؟؟؟؟؟؟؟

السلام عليكم ورحمة الله وبركاته

هنالك العديد من أسواق الجملة في دبي تحديدا فكل سوق متخصص لبضاعه معينه :

بالنسبه للجلابيات هناك سوق يسمى سوق عكاظ فيه الكثير من الجلابيات متفاوتة الأسعار تبدأ من 20 درهم إلى 7000 أو 5000 درهم تقريبا وفيها أشكال مختلفة . وفيه بالجملة والمفرق .

اما أسواق الجملة المتخصصه للألعاب الأطفال والهدايا والتحف والأواني وبعض الملابس فهذي السوق يوجد خلف سوق الذهب مباشرة وهو متفرع ومتخصص ببيع الجملة.

اما المصانع فهنالك مصانع جبل علي في دبي ومصانع عجمان في إمارة عجمان ...

اما بالنسبة للشيل والعبي ما عندي أي فكرة عن مكان يبيع بالجملة ...

شكرا

في دبي سوق قرقاش للالكترونيات

بسم الله الرحمن الرحيم

في دبي سوق الراس موجود كل لي يخطر على بالج من شيل وعبي ومواعيني وجواتي ومكياج بالجمله

خذي تكسي وقولي له ودني سوق الراس حذال بسوق الذهب بس الراس ومري سوق مرشد بعد

سوق الكمبيوتر اقصد الأكسسوارات هل في اي احد محدد

يقولون السوق الصيني اسمه الدراجون