الموضوع: سنغافوره ...

اخواني اريد برنامج لمده 5 ايام في سنغافوره من 10 الي 15 اغسطس

وسؤال اخر :
* كم تكلفه المشاوير البسيطه في البلد
* وهل تكلفه البلد في الاكل غالي مثل ماسمعنا

شكرا لكم

المشاركة الأصلية كتبت بواسطة neamima

اخواني اريد برنامج لمده 5 ايام في سنغافوره من 10 الي 15 اغسطس
وسؤال اخر :
* كم تكلفه المشاوير البسيطه في البلد
* وهل تكلفه البلد في الاكل غالي مثل ماسمعنا
شكرا لكم

الاخت نعيمه اذا صح رفعي ايدج

المهم سنغافورة بلد جميل جدا وحلو وراقي ونظيف جدا جدا جدا تصوري اللي يقط ورقه مخالفه 500 دولار سنغافوري يعني ديري بالج خصوصا اذا وياج يهال :108:

المهم زيارتج قصيرة جدا يعني بتوصلين يوم 10 تقريبا المغرب تكونين تعبانه من طول الطريق او يايه ترانزيت انصحج في فندق اسمه اورتشاد وهو اشهر فندق ويقع على شارع اورتشاد اشهر شارع في سنغافورة مثل شارع سالم المبارك عندنل بالكويت فيه المولات والمطاعم وبعد في بالاندر قراوند السراديب او الانفاق محلات كثيرة وكبيرة وهي راقيه وبظاعتهم عالميه من جذي غاليه بس مو نفسنا بالكويت طبعا ارخص بوايد وماركات محترمه اذا نزلتي اي فندق في سنغافورة في مكتب صغيرون في برامج سياحيه اسعارهم كلهم وحده يعني لاتفكرين تشترين من برة ارخص لا كلهم نفس السعر يسوون لكم رحله مثلا
رحله بحريه الى جزر الفراشات وجزر السلاحف شامله المولاصلات بالباص والرحله البحريه وفي وجبات خفيفه بالسفينه والشاي والقهوة
في رحله حق جزيرة سانتوزا وهي الشهيرة عندهم تروحين بالباص وبعدين تركبين التلفريك وتوصلين الجزيرة منظر رائع وفيها الاكواريوم وعرض النافورة السينمائيه العجيبه وانصحج بالرحله هذي وايد لانها حلوة وتستحق الزياره للكبار والصغار اتمنى اني شرحت لج كل شي واي شي تبينه انا بالشوفه

اخوج ناصر كويتي

السلام عليكم ورحمه الله

اختي نعيمة
بالنسبة لسنغفورة هي دولة جميلة وراقية .. وتكفيها خمس ايام بس
انا انصحج بأربع فنادق شنجريلا - جراند جياة - ماريوت - اورتشارد
وكلهم على شارع اورشارد ستريت الي مثل ما قال عنه الأخ ناصر انه الشارع الحيوي في البلاد

المشكله الي واجهتنا في سنغفورة هي الأكل والمطاعم
لأن اكلهم ما يعيبنا فكنا نعتمد اغلب شي على المطاعم الايطالية وغيرها

بالنسبة للرحلات انصحج طبعاً في جزيرة سنتوزا
وخاصة مشاهدة عرض النوافير الخيالي .. وزيارة مركز الأحياء البحرية
و النايت سفاري بعد حلو ..
والكروز البحري جميل بس العشا مب لين اهناك
زيارة المدينة الصينية

بالنسبة لأسعار الرحلات مب غالية والرحلة اتكون شاملة المواصلات وبعضها العشا
بالنسبة للاسواق .. اغلب محلاتها ماركات
والمحلات العادية ما فيها شي زود .. عندنا في البلاد أحلى وارخص

انا فرايي الشخصي سنغفورة تنفع كمحطة أولى في شهر العسل لأن فنادقها راقية جداً والجو فيها حلو
لكن لو الرحلة عائلية في رايي ماليزيا احسن لأن سنغفورة اماكنها السياحية معدودة

اتمنى اكون افدتج لو بالشي القليل

واي سؤال ثاني اختي نعيمة نحن حاضرين

حيت استفسر عن الاسواق والمحلات الي اسعارها معقوله ورخيصه في شارع اوتشارد

احنا رحلتنا ايضا 5 ايام تقريبا

وش احسن فندق من اللي ذكرتهم اخوي

وشنو تصنيفها من حيث النجوم

ووش الارخص لعائلة مكونة من 7 اشخاص