الموضوع: استفسار عن امستردام و klm و الفيزا الهولنديه

السلام عليكم

اخواني انا رايح لندن ب تاريخ 17 مارس 2012
وحصلت عن طريق klm تذاكر من الدمام ترانزيت ب امستردام الى لندن
1- فحبيت اولا اسأل مروري بمطار امستردام احتاج فيزة مرور او لا ؟
ثاني شي انا راح اخلص شغلي من لندن بتاريخ 22 مارس 2012
ولا ودي اجلس ببريطانيا لني كنت فيها بشهر 7 /2011
2- السوال الثاني وش رايكم اقضي اسبوع بهولندا تستاهل ؟ او اشوف بريطانيا بالشتاء ؟
3- وش اجراء الحصول على فيزه هولندا ؟
4 - هل فيه وقت للحصول على الفيزا ؟


علمنا اني حصلت تذاكر مناسبه السعر على التركيه ترانزيت اسطنبول و الاردنيه ترانزيت عمًان و المصريه ترانزيت القاهره ؟

و عليكم السلام

1- لا تحتاج فيزا للترانزيت طالما أنك لا تتجاوز كاونتر الجمارك

2- امستردام تستاهل طبيعة و جو و قنوات مائية داخل المدينة و اشياء ماتخطر على البال

3- هولندا من دول الشنقن و طلباتهم كلها موحدة شوف هذا الرابط حيفيدك

http://travel.maktoob.com/vb/travel375779/

4- فيه وقت اذا بديت الاجراءات من السبت يقولون خفضوا المدة لخمس ايام

هالحين رايح لندن و من هناك لامستردام وش جاب التركية و المصرية و الاردنية ؟؟؟
روح من هناك بالقطار السريع 45 باوند خلال 4 ساعات و انت بقلب امستردام

رحلة سعيدة

الف شكر على الرد السريع

السالفه ومافيها اني ما فكرت بأمستردام ابد بس لما حصلت تذاكر على .klm
التذاكر
الذهاب الدمام - امستردام - لندن
والعوده لندن - امستردام - الدمام
فلما شيكت سعر التذاكر وخلت العوده لامستردام و اجلس 5 ايام فيها واكمل للدمام
طلعت نفس السعر

انا لما قلت التركيه والمصريه والاردنيه
هذي اقارن فيها طيران klm معهم لو كنسلت فكرت اني اروح امستردام وصار الهدف بس الدمام - لندن

مرحبا

اذا كنت سوف تتدخل هولندا الافضل وبدون منازع استخراج الفيزا من السفاره الهولندي

روح لندن وبعدين بالقطار الاوربي الى امستردام حلو 5 ايام او 4 ايام وبروكسل قبلها 4 ايام

بريطانيا اجمل من هولندا بهذا التوقيت رايي

تحياتي

مراحب يا بعدي
انا عندي طيران اقدر اعمل توقف بأمستردام عشان كذا متحمس لها
وشكلي ان فيزة الشنقن ابي ادور بالقطار ( بروكسل - وماحولها ) واخلي امستردام اخر محطه ومنه ارجع
نشوف الفيزه السبت بأذن الله

في موقع السفاره
حصلت هذا
Requirements Schengen Visa arabic | Netherlands Embassy in Riyadh, Saudi Arabia

من ضمن المذكور :

فیزا الترانزیت من المطار

٢٠ . تأشیرة صالحة لبلد المقصد التالي أو النھائي.
٢١ . دلیل على نیة لتنفیذ الرحلة التالیة : نسخة من تذكرة الطیران أو الحجز

.

هل يعني لزم احصل على فيزا مرور لرحله ترانزيت المطار ؟؟

اليوم تواصلت مع الك ال ام

وبلغوني انه ما يحتاج تأشيره


وتأشيرة المرور ااذا تبي تدخل البلد وتسافر عن طريق مطار او وسيله اخرى


السوال الاخير بأذن الله
وش وضع النقاب في بلجيكا و هولندا ممنوع ولا لا ؟؟

بلى امنعوه حسب علمي

تحياتي

وتحياتي لك ايضا

كلامك صحيح
والحمد لله ما مشيت للرياض عشان افيز
مع ان موعدي بكرى واوراقي كامله وحجزت فنادق ووووو
اخيرا رد علي واحد اليوم الصباح
وسألته عن وقت الفيزا قالي تاخذ 8 ايام تقريبا يمديك
وبعدين تذكرت واتصل عليهم وردت علي بنت
سألتها عن النقاب قالت ما بعرف اذا طبقو القانون ولا لا بس انتزر شوي
وجت وقالت للأسف ممنوع النقاب بالاماكن العامه في هولندا...

وكذا صارت رحلتي ل بريطانيا فقط