 |
 |
 |
||
|
|
|
||
 |
|
 |
|
 |
||||||
| أبرز مواضيع المنتدى |
    |
|
 |
|
|
أدوات الموضوع | انواع عرض الموضوع |
|
|
|
||
|
|
|
||
|
|
|
|
|
||||||
| أبرز مواضيع المنتدى |
|
|
|
|
|
أدوات الموضوع | انواع عرض الموضوع |
28-05-2006, 12:22 AM
|
#1 (permalink) |
|
مسافر خبير
تاريخ التسجيل: Apr 2005
رقم العضوية :22001
المشاركات: 1,508
|
بوكيت تنجي(القريه الفرنسيه)صيف 2005
السلام عليكم ورحمة الله وبركاته
شحالكم؟ بصراحه انا مااعرف اكتب تقارير بس عشان خاطر عيووووون العرب المسافرين بحاول وان شاء الله يعيبكم نييي للمهم والاهم في تقريري بخبركم عن القريه الفرنسيه بوكيت تنجي واللي زرناها الصيف اللي خطف شهر 8 __2005 وكانت رحله حلوه بصراحه وعرفت هالمنطقه عن طريق منتدانا الغالي واعضائه الكرام:24: تدرون :114: اخليكم مع الصور ومع الصور بعطيكم علوم المكان:106:  هذا مدخل القريه وفيها الفندق اللي سكنا فيه واسم الفندق قلامورتروبيكال هوتيل وفي فندق غيره في القريه بس هذا احلى لانه في القريه نفسها وفي القمه لان المنطقه في مكان مرتفع ..اكثر عن الفندق الثاني ..  وهذا مدخل الرسبشن ...بس مادشيته سرت احوووط في القريه :106:  وهذي لقطه سريعه للقريه قبل لااندش الشقه  هذا مدخل شقتنا من تحت قبل لانطلع باللفت(الاصنصيير) :109:  والحين تعالو بحوطكم في الشقه اللي سكنا فيها والشقه تتكون من صاله وفي الصاله طاولة طعام ومطبخ وغرفة النوم الرئيسيه وفيها بلكونه صغنونه + الله يعزكم حمام هذا الطابق الاول والطابق الثاني غرفتين نوم كل غرفه الله يعزكم بحمامها والله عيبني اكثر شي في الشقه انها نظيييفه :) وعيبها ان ريحة الخشب قويه فيبالكم تشلون وياكم روم سبراي او اير ويك عشان تخفف ريحة الخشب وتشل ريحته       يالله نطلع الطابق الثاني  وهذي ماي روم :109: والغرفه الثانيه تقريبا نفس الستايل بس اكبر شوي وحمامها اوسع بعد وماصورتها:108: والغرف فيهن تلفزيونات  والله يعزكم هيدا الباثروم  وانتهينا من الشقه .. و حالة الجو: ::24: جوها كان وايد حلوووو الصبح مشمسه مع نسمة هوا بارد والمسا براااد حلووو ويحلات العشا في جوها رومانتك صراحه...واشوفها تناسب المعاريس اكثر عن العوايل ...وماينقعد فيها اكثر عن يومين ولاتسيرولها الا في ايام اجازاتهم لان فيها فعاليات اكثر سرك ويكون فيها ناس وربشه اما باقي الايام تستوي موحشه ومهجوره ولاتشوفون فيها الا العمال وبعض الاوروبيين بالنسبه للاكل.. فيها بيكري فيه فطاير دوناتس وكوروسون وكيك وعصاير وكوفي ..فرينش بيكري وهذا عدال شقتنا ننزل من الشقه للبكري على طول حتى اغلب الاوقات ننزل نتريق فيه لان ريوق الفندق :108: يسدالنفس في مطعم يوم تدشون ريحة السمج يااااااااااربي استغفرك مادري كيف يترييقون سمج الصبح وصالونه وعيش كأنه بوفيه غدا مب ريوق والا الصحون نمل يرقص فيهن ويلعب :109: اول مره سايرين نتريق وعقب هالمفاجأت طلعنا وتوجهنا للبيكري لان اكله انظف وفي الهواء الطلق واما العشا نتعشى عند مطعم البيتزا اللي مجابل الرسيبشن عندهم البيتزا انواع ومكروونه انواع زوينه ويعتبر احسن وانظف عن المطعم اللي فيه يقدمون الريوق ومانروحله ولانيي صوبه في الليل لانه مقابله بار :105: :108: وهذي صوره بتشوفون فيها الفرنش بيكري  الحين بوديكم لمكان حلووو (البرج)    صوره من فوق    والحين بنطلع برا القريه عند المدخل          وصور لبوكيت وقت مايانا فيها مطر وكان ااحلى جوو وامطار غزيره ماشاء الله   وبعد ماخف المطر نزلنا نحوط لان الجو برااد ومايتفوت      وصورتلكم السمك وهن مستانسات بالجو :109: سبحان الخالق   وبعد هالحواطه تعالو اعزمكم على شوكليت كيك  والحين براويكم القريه بعد غروب الشمس ..:109:  وفي هالصوره طالع المسرح اللي تستوي فيه الاستعراضات الغنائيه وعروض للاطفال   وانتظروني في الجزء الثاني ...القريه اليابانيه ...:101: اختكم الامارات |
|
|
|
28-05-2006, 12:46 AM
|
#3 (permalink) |
|
مسافر خبير
تاريخ التسجيل: May 2006
رقم العضوية :79427
المشاركات: 1,227
|
أختي مشكوووووووووووورة على هالصور الحلوة وصراحة ما كنت أتوقع أن هالمكان حلو بس اللحين أقتنعت و لازم اخصص له وقت للزيارة على الأقل تسلم يدج وعجبتني صورة السمج اللي مستانسين على الجو واااااااااااااايد
|
|
|
|
|
28-05-2006, 12:43 PM
|
#5 (permalink) |
|
مسافر فعال
تاريخ التسجيل: Apr 2006
رقم العضوية :74289
المشاركات: 101
|
هلا الامارات مشاء الله وش هالروحه الحلوه شكله القريه ممتعه مره وانا بصراحه عاجبتني
لكن حطيت لها يوم كامل نروح لها من الساعه11 الصباح الى الساعه8 بالليل ،، لانى ماابي انام فيها بس طلع اليوم اللى رتبته لها يومافق يوم الخميس :( يعني مو يوم اجازه وش رايك احطه يوم الجمعه ؟؟ وكم تبعد القريه عن كاميرون هايلاند ؟؟ وكم تبعد عن جنتنج؟؟ وهل يوجد فيها سيارات اجره ولا لازم اواعد التكسي اللى جابني عشان يرجع لى؟؟ عارف كثرة عليك بالاسله تحمليني شوي |
|
|
|
|
31-05-2006, 01:44 PM
|
#7 (permalink) | |
|
مسافر خبير
تاريخ التسجيل: Apr 2005
رقم العضوية :22001
المشاركات: 1,508
|
اقتباس:
وان شاء الله تزورينها وتعيبج :101: |
|
|
|
|
|
31-05-2006, 01:58 PM
|
#10 (permalink) | |
|
مسافر خبير
تاريخ التسجيل: Apr 2005
رقم العضوية :22001
المشاركات: 1,508
|
اقتباس:
اذا انته من الناس اللي يحبون الاماكن اللي فيها ناس وربشه انصحك تروحلها في ايام اجازاتهم وبتكون فيها فعاليات ووناسه وناس ..اما اذا تحب الهدوء فعادي سيرلها في ايام ماتكون اجازات وبتلاقي هدوووء فظيع فيها ... واعتقد انها تبعد عن الكاميرون تقريبا 7 ساعات مع المرور عالاستراحات ...و اقرب لو تطلعولها من كوالا او من جنتنج ومن كوالا لمبور تبعد 40 دقيقه ومن جنتنج40 دقيقه وافضل انك تتفق مع السايق اللي وصلك يرجع ياخذك لاننا يوم رحنالها كنا متفقين مع السايق اللي وصلنا يرجع ياخذنا .. واي استفسار انا حاضره :) |
|
|
|
|
|
| أدوات الموضوع | |
| انواع عرض الموضوع | |
|
|
|
الساعة الآن 08:52 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
|
العرض العادي
